07-08 Kentville K2 的家長請在這裡繼續

alisoncheung

Mandyu,

Sunny 係咪呢個星期六開生日會, 唔好意思Trevor 6:00pm 要响黃埔學琴, 所以唔可以出席, 真抱歉.  在此祝Sunny 生日快樂.

ernestcmh,

Trevor仔完全有唱個呢隻歌過我聽tim, 等我今晚問吓佢.  不過佢就成日唱humty dumty.  仲要我一路彈, 佢一路唱.

尋日佢哋咪寫個"打"字, 佢仲話我知佢識寫"殘酷一叮" 個"叮"字, 仲話係Miss Wong教嫁.

alisoncheung

Hi 咁多位,

今日聽隔籬班家長話, 老師話15度以下可以穿運動衫, 呢d大家都知, 一d都唔出奇, 不過佢仲話如果唔係運動課嗰日, 如果因天氣涷而穿運動衫, 咁要穿黑皮鞋 而唔係穿運動鞋喎.  Oh, my god!  So Ugly! , 你哋知唔知呢?  如果真係要著, 你哋會唔會真係著運動衫加黑鞋呢?

alisoncheung

Poonhui,

你估我哋洗唔洗考慮吓買對黑色波鞋呢?  不過淨黑色的波鞋都係唔靚.  其實你唔駛再返去confirm喇, 因為我睇住隔籬班個家長問, 之後話我知嫁.  

著得咁醜樣, 真係希望唔好15度以下囉. 唔係出到街點見人呢?

alisoncheung

Hi MyMavis,

今朝同Trevor仔去咗考LCM stage 2個試, 老師對佢讚不絕口, 所以都應該合格的.

最好笑佢出嚟話俾我知個examiner 係個老人家, 因為個頭白曬.  佢梗係唔知d鬼佬有d係白頭髮嫁啦.  老師話佢好多嘢同examiner講, 你哋識佢咁耐, 佢有邊次冇嘢講, 除非病咗.  我一d都唔出奇, 不過最緊要唔好講多錯多同埋亂咁講就得囉.

聽講Mavis 冇讀LCM喇, 你有乜新攪作呀?

[ 本文章最後由 alisoncheung 於 07-11-30 16:19 編輯 ]

alisoncheung

Hi MyMavis,

個哀仔冇話我知tim!

我都報咗esf嗰Winter Camp.  我會keep 住响小王子, 到明年四月考埋stage 3 LCM試先考慮轉.  我想去番YMCA學SCIENCE.  唔知到時報唔報到呢?

alisoncheung

Poonhui, FungMm,

你哋個囝真叻, 我Trevor仔, 中文, 英文都100分, 數學99, 常識98.  Both都係錯一題.  雖然唔係full marks, 只係錯一題我都覺得好好喇, 下次會最努力d, 其實應該小心d先得真, 因為係錯的是last parts (listen & do).  佢一定係未聽清楚就答啦, 抵打 .  至於常識, 佢錯嗰條係火警時應該搭乜, 佢仲掛住搭電梯.  哈哈 , 真係不改佢懶行的性格(平時行兩步就話要抱).  不過我又真係冇教過佢, 我都有d責任, 我都抵打 .

[ 本文章最後由 alisoncheung 於 07-12-2 17:59 編輯 ]

alisoncheung

Hi Bryan,

好耐冇上嚟, 因為忙囉.

係呀, 除咗你寫嗰隻歌之外, 仲有隻運動歌都係國語的.

"伸伸手, 彎彎腰, ....."

原文章由 BMW0305 於 08-1-17 18:29 發表


Bryan 昨晚唱左首新國語歌

我的家庭真快樂
有哥哥和妹妹....
問佢昨天係咪上普通話, 無答我, 激死

alisoncheung

哈哈Adrian_mom,

你的經驗正正好似我上一次, 我比你更慘, 响中午剛剛出門口返學先聽到poonhui話有中文功課, 攪到要响火車站做, 火車到我就"mout"响地下, 攞住本簿墊住張紙俾佢寫, 由馬鞍山寫到大圍先寫完, 我不知幾狼狽,  不過唔理得咁多, 只要冇欠交就得.  我覺得今次考試大家都好辛苦, 今日考埋中文, 幾大要休息一下.  想起由而家開始, 中英文都每日一字, 真係有d擔心.

原文章由 Adrian_mom 於 08-1-23 11:13 發表
Hi all,

我個仔話已經考了數學同English, 所以今日應該係考中文.

昨晚真係比阿仔(及工人)激死,, 平時阿仔放學, 工人都會負責檢查書包, 同埋攞D功課放在書桌, 等阿仔食完飯後做, 但Monday開始考試, 沒有功課, 昨晚 ...

alisoncheung

Hi 咁多位,

好耐冇上嚟, 好辛苦先揾番你哋.

睇番你哋講考試d topic, 我都有一件事想同大家分享.

話說有次Trevor仔默英文唔記得寫個姓, 俾先生扣咗3分, 咁考試前一晚咪同老公兩個苦口婆心咁提佢係叫Trevor Tong, 千萬唔好寫漏個姓囉.  點知第二日考完番嚟話俾我知佢錯咗一題, 咁梗係問佢錯d乜, 明明响屋企温時冇錯嫁.  點知佢話我知佢答咗 “I am a Trevor Tong.”  佢睇住先生打交义.  真救命, 早知前一晚唔好提佢咁多次, 等佢入曬腦tim.

alisoncheung

Hi 咁多位,

昨日我响學校門口收到張傳單, 有個免費小一入學講座, 我報咗名去聽吓.  你哋有興趣都可以試吓.

Tel : 28052525
Date : 2/5
Time : 6:30pm
Location : Mongkok

另外, 昨日個紅字的"糹"都幾難叫個k2小朋友寫得靚, 有冇同感呢?

my Mavis,

呢輪好多時都見你工人揍Mavis返學, 咁你個細b呢, 邊個揍呀.  昨日見到Trevor左右同對面同學都帶咗mask, 我都即刻叫佢帶番,佢初時唔肯, 我叫佢當uniform囉.  咪一吓中招就閉.  大家都要提提d小朋友, 如果多人帶自己都咪唔帶囉.

[ 本文章最後由 alisoncheung 於 08-4-25 12:45 編輯 ]

alisoncheung

mktdc,

我唔想係到同人買廣告.  我可以pm 俾你.  這只不過是一間坊間的learning centre 免費講座, 呢個leaning centre 有開d什麼小一面試班, 不過要成2千幾元, 我當然唔會join啦.  一來浪費, 用呢筆錢同小朋友去旅行重爽.  不過諗住咁多人聽, 有另外家長陪, 應該唔怕, 但都要有心理準備俾人sell一輪, 同埋攞一大埋傳單走囉.

alisoncheung

Hi Poonhui,

Henry is totally correct.  No 小息, no電腦, no theme corner.  Only study, study and study.  我覺得佢地幾慘, 日間响學校冇得玩, 放學回家做功課又慢, 呢排我有時等佢一路做功課一邊餵飯, 咁可以俾佢有小小時間玩, 因為就快考琴, 又唔敢俾佢唔日日練.  10:30分開始迫佢上床, 結果晚晚都要11:30 - 12:00 先肯入腄, 我重慘過佢.  好攰.  聽有d家長話因為冇曬活動有d小朋友唔肯返學結果要考師做心理輔道.  所以在家都係要平衡一吓.

alisoncheung

Hi Moooon,

Trevor13號上午9:55考, 咁早,真係有d擔心.

我本來都有想過要Trevor學公民英文, 不過一想起要日日做就放棄, 唔通KV d功課重做唔夠咩.  放棄罷了.  自從呢個月頭考完LCM後, 我連小王子個英文班都冇上啦.  星期六自己教, 輕鬆好多, 又多d時間同佢一齊.都唔錯嫁.

我個囝都冇100分, 全部都9 字頭.  錯的全是大意, 中文做漏一題都唔知, 常識明明上面個字是"和" 配詞"和暖", 佢居然寫"秋暖", numbers 明明寫緊雙數, 無情情寫個"13"落去.  又唔係唔識, 你話係唔係好嬲呀.  咁唔小心, 點算.

alisoncheung

delete
delete

[ 本文章最後由 alisoncheung 於 08-5-2 15:44 編輯 ]

alisoncheung

咁多位K2媽媽, 按照我個人推測應該六月頭會考試, 因為6月19日個week只係返3日學, 冇理由嗰時考, 如果16號嗰個week 考又怕老師改唔切, 計計吓只有6月第一個week比較有可能, 大家努力喇, 今次成績要落成績表, 第日用來考小學嫁, 祝各位囝囝囡囡都A++++++++.

alisoncheung

昨日响學校都有默哀, 不過只係1分鐘, 我估學校方面都知道要呢班馬騮們3分鐘默哀實在太難了.  雖然只係得一分鐘我都覺得好好, 起碼俾佢哋參與吓.  

其實我昨日上學時期已經提囝囝如果今日學校默哀,記住要靜d唔好玩呀, 佢話係唔係要靜靜咁玩, 真係浪費我d氣一邊行一邊解俾佢知.  好彩最後只得一分鐘, 佢都做得到真係默哀.  佢仲話老師有哭.

我呢個幾星期都不斷叫囝囝一齊睇地震d新聞, 仲不斷提醒佢, 你是很幸福的.  佢重話要捐曬自己d玩具俾嗰d小朋友,不過要我買d新的俾佢. 唉, 呢d咪香港幸福兒童的寫照囉.

我希望所有災民的苦難快快過去. 小朋友個個重新的健康成長.

alisoncheung

乜有心意咭同捐款咩, 我唔知, 囝囝冇講, 幾時的事, 可都要佢捐呀, 我哋一家捐咗錢俾紅十字會, 佢的感受唔夠深, 如果學校有得捐, 我一定要佢自己捐, 希望佢感受會深d.

alisoncheung

除了花草樹木之外, 囝囝仲話要畫間學校俾佢哋.  我順便教埋佢寫中文名.  唔知點解學校到而家都唔教寫中文名呢??????

alisoncheung

7 月3 日開party.  7月4日放假.  我已經book定旅行團放假了.  回來剛好暑期課程開始.  不過其實囝囝都會miss第一堂小一面試班.  不過真係好難就吓.

原文章由 a12345678 於 08-6-3 23:21 發表
Any mama can tell when will start the summer holiday?