培正幼稚園家長-----請進

彥彥媽咪

KK & Smilies:

你們好！我的仔仔今年都會入讀培正，佢係讀下午班，你地呢？很高興能在此預先認識到各家長，希望大家第日可以保持聯絡，亙相交流吓呀！

      

彥彥媽咪

babyhin:

我想仔仔入培正的原因同很多家長相信都很類似：(1)一條龍式的教育，不需為小學煩惱，雖然現時中學是津貼中學，但我相信它很快會與小學結成真正的一條龍，屆時無論學校和家長都不需受制於為政府的混亂教育政策；(2)從很多家長口中得知，培正的校風很不錯，這也是我選培正的原因；(3)也是從前人得知，培正較出名的是數理方面的學科，而我兩個都是仔，這方面對我兒子可能會有利

我像KK和Smilies一樣，不是校友，和培正也沒有任何關係，但我相信他們的interview(五人一組入interview room，家長只可在外等）在收生來說只是起輔助作用，應該還有其他收生準則的，因為小朋友由入interview room 到出來前後頂多5分鐘，我絕對不相信老師們能從那幾分鐘就可以知道小朋友的能力（何況還是五人一組，即平均花在一個小朋友身上的時間豈不只有1分鐘？），從而決定收誰，只不過我們不知真正的收生準則罷了，有些家長說大仔有優勢，有些又說小朋友不能在interview時哭才可，有些又說要有”後台”．．諸如此類，但這些都只要大家在”估估吓”，校方卻沒有說過真正的答案是什麼呢！

所以，我的結論和上面的家長一樣∼∼平常心，一試無妨，在我來說是：”成固欣然敗亦喜”！

祝你能心想事成！大家的仔仔女女能成校友呀！     

彥彥媽咪

KK:

我都好高興可以認識你呀~~    上下午各有四班，我都希望可以遇到你呢！

我依家都係等緊學校嘅信，我記得佢地話會響五月上旬出信俾家長通知返學的細節，不過我都係未收到．．有ｄ心急添∼∼ 不過好似你話齋，可能因為SARS所以ｄ工作量多咗，所以ｄ文件遲，咗啦．．

我仔仔仲有返緊幼兒班，我打算會比佢返到培正開學先停，反正學校都可以教下佢ｄ常規呀咁．．好過佢係屋企”吽”，因為我個仔好百厭架．．

另外，我有少少想試吓同仔仔申請轉上午班，睇吓有冇機會，雖然我都不太抗拒下午班（其實都唔差，起碼佢唔駛晨咁早起身），但因為上午班的話，佢就可以回家先訓晏覺，咁會方便Ｄ．．唔知有冇機會呢？不過anyway我會試吓寫吓信問，唔得咪算囉！

一於保持聯絡啦．．！！     

彥彥媽咪

寶貝:

多謝你話我知呀！！ 我之前唔知所以交留位費時冇做到，頭先我打去學校問，佢地話可以依家寫封信去，然後等消息，我會試吓照做．．睇吓得唔得啦！不過唔得都冇所謂嘅．．．

KK:

我打去問轉班ｄ嘢時順便問埋學校我地幾時會收到返學細節ｄ信，佢地話最遲下星期一就會寄出喇．．   

又：smiles,kk,寶貝：

你地會唔會坐校車呀？我就一定會坐，到時睇下有冇機會撞到ah！ 係呢．．你地住響邊區架？我依家就住鑽石山，不過年尾應該會搬去荔枝角，有冇人響附近呀？     

彥彥媽咪

penpen:

以下係我仔仔(2000年出世，2003年9月入學）的收生Schedule:

2002年10月底至11月初－－郵寄到培正取form
2002年11月底－－－－－－親身交報名表
2003年12月初－－－－－－interview
2003年1月底－－－－－－－收信通知結果及辦理註冊手續

我相信每年的收生時間應差不多，以上可供你作參考，你可於九月左右打電話去培正查詢當時的確實收生日期．

培正幼稚園，小學和中學都是男女校的．

        

彥彥媽咪

Penpen:

哎．．．唔好意思．．．因我頭先響另一ｄtopic度見到你的留言，提到你囡囡是2001年9月出世的？？

若是的話，那有一點就要講了．．培正是只收在九月一日入學前已足三歲的小朋友，故若你要幫囡囡報讀培正，就可以報2005年入學的那一屆，而到時你的小朋友就是大ｂ（即入學時係己差不多4歲了），你想不想囡囡多等一年呢？ 這點你就要考慮一下了．．．   

彥彥媽咪

Hello,各準K1家長：

我想大家都已收到學校通知要訂課本及文具等東西了，是嗎？

我想問吓個list上面寫的課本除了透過學校訂，仲可以去邊度買到嘅呢？？世界書局，文風個ｄ有冇呀？   

因我諗住反正仲有時間，就想去出面望吓格吓價先咁囉．．   

彥彥媽咪

KK:

咦~~我係上星期五已經收到咯喎．．唔知佢地係咪分批寄出先會咁呢？？    不過唔緊要，仲有時間，你遲ｄ再收唔到就要問吓喇．．

上面寫住無論最後搵唔搵學校買都要響六月二號至六號個星期交番回條番去，唔係又當我地唔讀呀．．（成日嚇我地話唔做mud就當唔讀．．    ）

到時我亦會順便同阿仔買埋校服．．   

彥彥媽咪

Chingma:

我唔會帶小朋友去了，一來我仔仔要返學，唔想只係為做校服就唔返學，二來佢好奇心好大，成日四圍走，費事到時去到捉都捉唔住，我都心中有數佢大約著幾大嘅．．．   

不過我從張通告內睇到培正ｄ校服係買校徽”聯”落恤衫前的胸袋上，咁咪即係可以只係買校徽，然後去國貨公司ｄ普通白恤衫咪得囉？   

我都會去睇吓佢地ｄ恤衫賣幾錢比較吓嘅．．   

彥彥媽咪

Mayfung:

sorry呀~~唔得了，培正呢方面好嚴，佢地講明只收9月1號前足三歲的小朋友，我地寄信去攞form時要附上埋小朋友嘅出世紙副本，若小朋友的歲數唔夠，佢地係唔會寄報名表俾你架．．所以你仔仔要報2005個屆嘅幼稚園 咁你要考慮吓俾唔俾你仔仔做大仔了．．

不過民生同祟真就足兩歲八個月就OK，咁你仔仔就合資格了．     

彥彥媽咪

Hello:

今日剛收到培正電話通知我仔仔成功轉到上午班喇！！！好開心！！

話時話．．好快就八月了，唔知開學禮係點嘅呢？我地應會兩公婆一齊去呀．．你地呢？

上次交書簿form時我亦己一併買埋校服了，校服同運動衣每樣都買咗兩套，我依家亦開始間中就提吓孝彥話佢知佢遲ｄ就會返新學校，佢聽到唔單止冇話唔捨得依家nurseryｄ同學，仲成日同我話要返新學校，要著新校服添噃．．咁都好．．我唔駛擔心佢會因為唔捨得ｄ舊同學而唔肯返新學校．．．

希望到時見到大家可以認識一下以後可以多ｄ交流啦．．！！

      

彥彥媽咪

寶貝：

我買兩套運動衫係因為彥彥間中仲有賴尿嘅機會，所以咪諗住萬一真係咁，都有多套衫換咋．．哎．．醜死鬼喇．．       

彥彥媽咪

Hello, 各家長：

又有一段時間沒有什麼update了．． 今天剛收到校車部來電叫我去交車費（因我仔仔需要校車服務），我看見我屋村都有兩個大姐姐(她們應該是K2)都有坐校車，我於是見到行走我家到學校的是08號線，你們會有人和我一樣也是坐這線嗎．．

不過，一點意見，我見那架08車都有頗多小孩，但卻不是大車，而且車也有點舊（可能有比較吧，因我仔仔現在坐的幼兒園媬姆車是大些也新一點），不知會不會有多另外一架呢？？   

快到開學天了，我開始有些緊張呢．．．

彥彥媽咪

KK, Caseman, Helloruby,寶貝:

快到開學日了，我都好期望開學禮，依家孝彥成日同我講話要返新學校（因佢依家仲返緊ｂｂ班），我都希望佢會讀得開心啦．．．     

係呢．．你地個小朋友叫乜名呀∼∼等我留意吓到時係開學禮度同你地”相認”丫．．   

彥彥媽咪

Helloruby:

Oh...到時就不能認到你lu.... 不過唔緊要啦....或者第日會唔會有d集體活動會大家一起架？

另外，我想問吓，你細女當日唔收係咪落咗去Waiting list呀？若係又點至知會唔會收，又或排waiting list第幾架？駛唔駛間中打去學校check以示”誠意”架？ 因為我都好想第日我細仔可以跟哥哥一樣都入到培正，但我又好擔心若佢好似你細囡當初咁唔收我就唔知點算咯．．．      所以想問定先．．等我有個心理準備．．．

彥彥媽咪

Helloruby:

唔該哂．．   

彥彥媽咪

各培正家長：

嘩．．今日嘅開學禮好熱鬧好多人呀！！上下午班嘅同學都響一齊，個個著哂校服，好得意．．我好鍾意囡囡ｄ校服，前面扣個蝴蝶結，好可愛，相比下仔嘅校服就plain好多．．

聽完副校長同老師們講完話，的確令我對學校嘅了解多好多，我起初都冇諗到佢地幼兒班咁細就已有外籍老師教英文，依家我開始覺得即使培正係中中，對英文都亦好注重，咁我都好放心了，依家唯一希望孝彥會讀得開心啦．．   

係呢∼∼你地小朋友係邊班架？我家孝彥依家係上午幼愛班呀！ 有冇人同我地一班呢？？其實孝彥以前間幼兒園都有個同學仔考咗嚟培正，不過佢係下幼愛班

聽日開始返學lu．．適應期內我都會日日帶佢返學架．．睇下見唔見到大家？

彥彥媽咪

子堯媽媽  ：

Oh..真可惜，唔可以同你仔仔一班添．．係呀，孝彥之前個同學仔叫”黃澤森”，我地一入去班房就見到佢個名貼咗響我個仔個名隔離喇．．真係”橋”

今日我地離開嘅時候都有同一個囡囡同一小巴，佢媽咪都話佢囡囡係下幼愛架．．．

彥彥媽咪

Sze_mark：

若你想同仔仔報培正，就要響2005年嘅9月開始留意，佢地多數係10月左右派form，12月interview，來年9月（即2006年）正式返學．

一般來說，所有學校都係舊生，或有兄姊在同校就讀會有優先，同宗教當然亦會好ｄ，但始終不及有”前人”就讀過有用，不過凡事都有例外，而每年亦有好多家長係冇任何關係都可以入到嘅（好似我孝彥今年咪係囉，我地冇任何背景架），之不過，到時佢細佬（同你個仔同年，我細仔係3月出世）應會有ｄ優勢，希望佢兩兄弟都可以一齊讀到啦．．到時睇吓有冇機會同你仔仔做同學？？   

彥彥媽咪

各家長：

今日係孝彥第一日正式返學，我同佢一齊上校車時心情真係既緊張又興奮（雖然以前孝彥有返開學前班，照計之前已經經歷過呢種心情，但唔知點解今日都仍然有緊張 ）

好開心一去到校車站就發現有另外兩個小朋友都係幼兒班，其中有位囡囡仲係同我仔仔一班添呀，又同一屋村同一班，真好．． 以後大家可以亙相照應，又可亙通消息

我亦響同車上認識到另外一ｄ其他區的家長，頭先仲趁等仔仔放學個段時間一齊去食早餐傾偈添呀．．話時話，我又己經約咗ｄ同村媽咪聽日食早餐喇．．哈．．又識多幾個朋友，真好．．各位真係要多多指教呀！！