Pui Ching 2004 - K1 Chat Room

彥彥媽咪

Hihi, Kammy:

你話仔仔依家響大坑東? 你係話大坑東幼兒園?? 我多口八卦吓係因為我大仔之前都係響大坑東幼兒園讀左一年 D 班先轉去培正讀 K1 架喎~~~ 我記得我地個年共有兩個小朋友(including my son)響大坑東轉咗去培正~~

彥彥媽咪

JCYL:

分班係要開學日先知架....

Kammy:

嘻嘻...咁就真係橋喇！！

我仔仔都好開心呀∼∼∼我好開心當日有機會俾我仔仔考得到入嚟∼∼呢度ｄ老師好好架．．．我仔仔係屬於頑皮反斗型佢地都冇”嫌棄”佢，仲好好心機教佢架．．．睇見佢一日比一日識得多嘢我真係非常非常興奮哇∼∼

佢依家成日返嚟就唱歌仔俾我聽同講俾我聽同邊個同學仔玩架．．．   

平心而論，我會好suggest你嚟呢邊．．．我仔仔依家有個舊同學仔響大坑東讀C班，雖然我仔仔轉走咗，但我地兩家仲好有聯絡，呢位媽咪都話想幫仔仔出年轉出去讀K2而唔留響大坑東讀N3呀．．佢話大坑東唔係唔好，但始終幼兒園同幼稚園係唔同focus，前者係全人發展，後者係學術培育，但係依家大部份小學都係以學術為主，咁以幼兒園淺ｄ嘅syllabus 嚟講（因為佢地大部份時間係教導小朋友自理能力，創意等，呢ｄ唔係唔好，咁即係代表其他嘢，e.g.認字等會相應學得較慢），咁第日升小學能否銜接得到就係一個問題喇．．．

我其實都鍾意活動教學，但除非我已立定主意俾佢以後行呢條路．．．否則我只會 limit 咗我自己的choices，所以我嘅意見係就算最終你唔揀培正都應去揀另一ｄ”幼稚園”俾佢讀K1~~咁當然．．睇你最終嘅objectives係乜喇，我就會因為想佢將來條路易行ｄ而要佢逐ｄ逐ｄ開始”辛苦”少少．．．而唔係之前好開心，升小學就追餐死囉∼∼  

彥彥媽咪

Kammy:

我又好奇吓先...你住邊架?? 因為我見你寫牛池灣嘛~~~我一向住采頤架...所以對附近好熟架....我奶奶又住彩雲 N 年嘅...所以我一見有人住我地左近我都會八八...嘻嘻~~~       

仲有, 我仔仔依家有個同班同學就住響曉暉花園架...不過佢就唔好彩....坐校車係編咗落黃大仙線, 所以佢係頭站, 7:50am左右就要上車, 穿梭哂黃大仙, 樂富, 九龍城先返到學校....訓到暈咗~~

我地采頤就係跟將軍澳線, 所以係尾站...8:25am 先上車, 一上就返學校, 回程又係頭站~~勁正~~~~   

不過....我最近搬咗~~~而依家新屋係冇站.....要等下學年先有, 依家唯有希望下年唔好係中咗做"頭站"....唔係就又係要日日行大運咯~~~~     

Kammy 寫道:
唔該曬妳嘅意見呀彥彥媽咪!

我諗我今日會去買校服同交D錢先.

彥彥媽咪

Kammy:

若唔係 TKO line 就一定係 WTS line la....而若你係黃大仙線就應係頭幾個站喇.....因為條線係由曉暉花園出發, 經彩雲, 彩虹(即你個頭), 再去黃大仙, 樂富, 九龍城先去培正架......咁即都會早上車架...不過就冇最頭站咁早~~about 8:05am la..I think~~  

彥彥媽咪

Candice:

(1)  藍色或白色嘅冷外套 (or 背心)

(2)  有時都會涼涼地架, 我自己習慣就係唔係都將件冷外套放定響我仔個書包, 佢覺得凍就會自己攞出嚟著囉~~

彥彥媽咪

W27:

所有校服, 書簿等等都係去佢地個書局就買到架喇..

除左男仔冬天個條灰色長褲(佢地話只要係灰色就得嘛)同女仔個件校褸外(叫我地自己響出面買件西裝褸型校褸再"聯"個校章上去就得, 但男仔就因為係飛機褸, 所以較難響出面買, 書局就有得賣), 所有校服書局都有齊架喇..

男仔夏天: 白裇衫+白短褲(可以係橡筋頭)
女仔夏天: 白色一件頭校服裙

所有校服都己有校章, 但家長亦可選擇只係買個校章然後出去買件白裇衫然後自己"聯"上去就算..不過我就懶, 而且書局d校服價錢唔算貴, 所以我就咁買埋就算~~~

    

彥彥媽咪

CCW:

我大仔依家響培正讀緊K1, 細仔係2003年3月出世 (同你個女一屆喇.... ), 如無意外我都會俾佢跟大哥一齊入埋去....我嘅plan 係俾佢地由K1讀至 F.5 or F.7之後去外國讀 U....

就你嘅問題...我試吓睇吓可否解答到你...:

1.我家住馬鞍山, 如果我想囡囡有大 d 機會被取錄, 係咪要搬去培正o既校網呢﹖
唔駛, 培正幼稚園同小學係私校, 住邊都冇乜所謂, 中學依家就係直屬, 但小學校長講過話會遲d 同中學結龍, 轉成直資, 所以就唔會受校網限制

2.如果真係要搭校車, 培正o既校車會經過什麼屋苑﹖有那幾個接載站﹖
係有校車經馬鞍山嘅, 至於d 站設響邊就年年唔一定一樣, 校車部係會根據人數而定, e.g. 有得3, 4個小朋友響同一地點要校車咪會加個站比你囉...若相反佢地就會有機會要求你去"最近"嘅上車嘞~~~咁當然d大型屋苑都實有站嘅...因為培正都有好多學生嘛~~~校車部每年會出紙仔問明年d家長需要再重組路線嘅~~


3.我本人基本上是不想囡囡搭校車的, 因為怕小朋友自己搭校車有危險, 雖然有保母照顧, 但萬一有什麼事, 一個保母無法照顧那麼多學童~~而且我不想囡囡的休息及學習時間都花在車程上。如果要搬近培正, 我能支付的屋租是每月8000以下, 你們是否有建議的屋苑可提供呢﹖
我覺得呢個問題對你嚟講係言之尚早, 你可以先等囡囡考到先再決定都未遲, 好多嘢都變緊, 你係咪一定打算俾佢直升都係一個問題, 有朋友問我, 你咁快就決定俾兩個仔讀到中學會否太快?? 因為我地唔好忘記, 要俾小朋友讀私校, 費用真係唔平, (不過培正都已經係算平架喇), 以小學計, 一年$20000, 中學我計佢double, 即係$40000, 六年小學+五年中學(起碼) , 呢度已經講緊 $360,000, 未計通漲, 書簿費, 琴棋書畫, 所以好多媽咪都會struggle讀唔讀私校, 話哂阿公有9年 free education, 條數都幾"甘"架.....你仲話要租屋, 你諗吓....所以一讀私校就要有哂心理準備至得($$$)~~~, 你問我若一定有得俾我個仔考到喇沙(津貼, Band 1, 又唔駛錢), 你話我會唔會想讀私校丫~~~)

我之所以咁講係因為若我細仔都升埋培正我條數仲"容"呀~~~所以我都唔敢100%話俾佢地直升呀~~依家只係plan 咋~~~好話唔好聽, 我能夠keep 到我依家嘅 financial status 就話o者~~~唔得唔通叫佢讀到一半轉校呀~~ 我其實想講，若你未100% sure 一定會響培正讀好耐，我就覺得唔搬都冇乜所謂囉∼∼

嘻嘻...好似"差"遠咗~~講返搬屋, 我已經問過架喇(因為我都有諗過搬落何文田, 仲去睇過吓樓添, 唔係因為校網問題, 係第日若佢地升小學會有好多課外活動, 若唔響附近住成日管接管送都幾煩, 校車費又係一個問題嘛) ~~~但何文田係屬於"高尚"區, 校網亦好 (Net 34) 所以屋租都會貴d...以你$8000嚟計, 可以租about 500-600 ft 左右, depends 係新樓定舊樓 (唐樓就多choices D, 但我唔鍾意唐樓), 太平道個邊就都有d 單幢嘅新樓, 都幾好, 不過就唔多實用, 但就勝在夠清靜, 環境亦好....(e.g.太平花園, 太平居呢d都OK...)

4.  我囡囡係 2003年1月30日出生, 應該報讀 2006年9月K1 對嗎﹖即是我 2005年 10月要報名
係...我細仔都係


Hope the above info may help la~~~     

彥彥媽咪

Kammy:

喺一條槽架~~

唔駛客氣喎...知得就盡量幫喇...其實我仲有好多嘢可以講添..不過我打中文好慢...頭先個篇都打咗成粒鐘架喇...     

彥彥媽咪

Jafer MaMa:

你問呢d問題一ｄ都唔煩．．．．其實我諗好多家長都好似你咁（我都係）好在意子女都教育問題．．．呢個係唔單止係錢嘅問題．．．仲係”效益”問題．．．間學校係好嘅我地做父母嘅辛苦ｄ又如何？最緊要係小朋友既學到嘢又開心，係冇？？

從你嘅問題可以睇得出你對俾唔俾仔仔入培正仲有少少hesitation，只不過因為全世界人都話培正係一條龍好丫嘛．．．所以唔去又好似好嘥，係冇？以我留意你一向的發言，既然仔仔一向讀K1又唔差（仲好好添∼∼）咁要repeat又真係有ｄ”唔抵”∼∼，所以難怪你會想知多ｄ．．．that's natural~~   

你又想要"sincere" answer 喎∼∼    ，我就更唔想亂答，so 亦就係因為咁我更唔想詞不達意（因為我一係就唔答，答親就想答清楚），所以請你俾ｄ時間我．．我打中文要打好耐架（英文又冇咁親切嘛∼∼）．．．等一陣．．好快就有Response~~   

彥彥媽咪

AbbyTang:

No...培正小學係私校，要俾錢．．（以今年為例係$20000一年），響私校界別都算係平，可能德雅貴ｄ所以你個friend會咁講∼∼∼

另佢地都有獎學金之類個ｄ比ｄ優異生．．攞得到咪唔駛錢囉∼∼   

定係你朋友係公務員？因為舊制ｄ公務員係有子女教育津貼，高低級都有，所以我見好多公務員都好鍾意俾仔女讀私立小學架．．而培正學費唔貴，所以可以claim足．．係咪咁？   

彥彥媽咪

Jafermama:

Here comes my response:

我想先講一點，以下嘅都係我大仔響培正一年嘅體會，可能未必可以代表到每一個家長的意見，但我諗都可以俾到一ｄ意見ｄ準培正家長，而且有當中有ｄ資料係我從一ｄ高年班家長所知再講綜合比你地聽嘅∼∼∼希望可以幫到你：

Are you satisfied with the learning process of your son and the teaching method of Pui Ching?
So far 我都好滿意仔仔ｄ進度，雖然佢地教嘅嘢唔可以同出面另一ｄ較深嘅幼稚園比，仔仔響K1都係以畫線為主，功課亦唔多，一日只有一板，但我好OK，因為我發覺佢起碼鍾意返學，同成日返嚟唱歌仔俾我聽

但我見過K2ｄ功課，到K2似乎係突然走快好多，有一日我見仔仔ｄ同車車友(K2)show ｄ習作俾我地睇，我見到佢地已經要寫”小朋友”，”?有火”(我唔記得個個字喇．．）之類ｄphrase，我地ｄ家長都覺得幾難，因為唔係寫單字喎，係一個phrase, 佢地點associate呢？當中有ｄ家長佢地係有大仔�大女讀緊小學都話依家佢地K2ｄ功課係比以前嘅K2深咗，由此可見，培正ｄsyllabus都唔係好似外人所睇比出面淺好多，一樣係有要求架．．依家就因為阿仔冇乜功課，又唔係成日有親子習作（簡中先一個兩個咁），所以就好得閒吓．．Jafermama，以你講仔仔係聰明的話，可能佢第一年會悶悶地都唔定．．不過我又咁睇．．等佢get more prepared先上深ｄ都冇問題丫．．．


Do you feel that the learning process for PC's kindergarten is comparative easier than other famous kindergarten?
其實要回應你嘅問題，我諗唔應該只從你concern the school's learning method開始，而係應該從係嘅objective著手，我記得唔知響邊度我睇過一個家長話：仔仔repeat K1 in PC，除咗係冇咗一年之外，我睇唔到有乜問題．．

我好認同呢位家長嘅講法，老實講，全世界ｄ幼稚園嘅方法都係大同小異，唔好理佢係project approach定係瑞吉歐，都係想arouse kids' interest in learning o者, 除非間學校係學店，否則我絕對相信間間學校都會好care about the kids∼∼即使係屋村學校亦如是∼∼

反而你最後俾仔仔讀邊間最重要係睇你送佢入嚟嘅目的，以我為例，我就係因為知仔仔唔係唔叻（個個阿媽都覺得自己個個最叻架喇 ），但亦唔係叻到光芒四射個種，中上啦（記性好，學嘢快，但專注力唔夠，易分心），咁呢ｄ人擺佢響太高程度嘅學校佢都會幾辛苦，仲會打殘佢嘅自信，而我自己又冇抽獎命，亦唔想因為揾學校嘅過程中俾壓力仔仔，所以就算係辛苦ｄ，我都寧願俾佢讀可以直升嘅私校，而呢個世界真係冇free lunch，因為學校係”自成一角”，自然會有their own set of syllabus which may mean NOT the same as other 一般幼稚園，亦即響人地眼中係淺ｄ呢樣．．咁我就諗：都冇問題丫．．只係學先學後嘅問題之嘛∼∼始終都學到咪得囉．．

我認為讀書就好比跑馬拉松，一日未跑完你都未知我係咪輸硬，我一日仲有條命係度，只要我肯跑，我都會跑得到，好過之前好勁，一跑到中間就冇氣，仲見人跑得快過佢就費事跑個ｄ，一開始有爆炸力個ｄ唔等於可以由頭帶到尾噃．．我唔主要concern小朋友最後跑到幾多，反而concern佢點做，佢嘅自發性同主動性係佢第日求生嘅最必要工具 - this is ATTITUDE, ATTITUDE is hard to change, and needs time to develop, yet KNOWLEDGE/SKILLS could definitely be trained up easily in future through frequent practice，而學校係亦能做到呢點(attitude training)，我唔想仔仔成日生存係”勝王敗寇”嘅環境，去ｄ深嘅學校就會係好注重成績，但依家我地眼見出面有幾多人嘅成功係真係因為佢考10A?? 仲有好多其他因素影響架嘛∼∼

睇見你仲係有hesitation，我都鄧你肉緊，我唔係想sell PC比你，而係從係字裡行間睇到你都幾留意人地點睇你同你仔仔（請勿見怪我咁直接，但係我打得咁多嘢比你，就知我係好sincere咁俾feedback你），所以希望阿仔可以更叻．．老實講，若你真係咁諗，我可以話你聽，我真係唔覺培正出咗好多猛人，就算你話謝志偉，王晶，陳敬創(DJ) 呢ｄ我都覺得好普通．．．就算係崔崎都係響PC讀咗幾年之嘛．．唔可以話一定全係學校勁之故噃∼∼佢自己嘅天份同毅力都好重要嘛！唔係話佢地唔叻，我係想講培正嘅叻一向唔在於只係成績，佢地ｄcert result, 從佢地早排派嘅校刊講，2003年HKCEE results, 最叻個個都係 7A 2B only...當然同Queen's College, DBS, DGS等仲有距離，但你覺得夠未丫？？在我我就已經好滿意喇．．．我睇中嘅正正就係佢地樣樣都平均（正如有家長講，佢地英文唔弱，而中文就更好，我一向都唔只在意小朋友英文，均衡嘅語言發展先係最重要，同埋肯去講個份信心仲緊要！），而佢地又有好多課外活動比ｄ小朋友（不過要到小學先會多ｄ），可以train到小朋友多ｄ見識，有助加強佢地嘅自信，對我嚟講，咁已經足夠∼∼∼而且我信小朋友將來係龍係虫，家長嘅角色先係最重要．．．老師只係催化劑∼∼

有個鄰居（佢初小係讀PC架，之後考咗去九華）早排同我提過有個舊slogan："真光豬, 嶺南牛, 培正馬騮頭"∼∼你知唔知點解？佢話馬騮頭-->馬騮仔係點架？．．醒目嘛！．．but naughty    ~~ so far有樣嘢我好開心係見到PCｄ家長個個都好理性，好斯文，亦好緊張自己子女，起碼唔似有ｄ屋村學校（我以前仔仔就係有讀nursery，呢間就真係好街坊，話就話返學返9am，但我眼見由9am-10:xxam都有人嚟返學(2:xxpm返學都有呀~) ，仲試過見有家長9:xxam仲同小朋友”歎”緊早餐．．唉．．．連做家長個個都唔care, who will care for you?? 咁我個仔又點會學識有紀律？？雖知間屋若鄰居唔好唔守規矩，我住響隔離都唔荒舒服得去邊喇．． ）依家起碼我見PC個個家長都好好，好關心子女，咁自然校風都好ｄ喇．．        

因此，我覺得你最好問吓你自己將來想仔仔係點．．？？係一個好有競爭力嘅人丫，定係唔駛最叻，但求有德行先？兩者都冇問題，若ｄ小朋友有好強鬥心的話，入拔萃呢類可能仲會激起佢嘅小宇宙添，之但係我就會選後者，以培正而言，我真係冇聽過一ｄ關於佢地學生嘅負面新聞∼∼

之不過若你真係睇到你仔仔有過人之處，而可以承受較大挑戰的話，咁又何必在意人地話”培正好難考架，考到直升不知幾好呀∼∼∼”之類嘅說話呢？家陣最了解你仔仔的莫過於係你，若仔仔真係得，我信佢將來都唔憂冇好學校收喇．．係冇？若你只係見佢係一條龍而揀，我諗你唔會開心，因為你只係因為佢嘅system而揀佢，而唔係因為你認同佢地教學方針，若是如此，何需被system去約束你自己？


Do you know the teachers' qualification and are they nice?
呢樣我真係冇太留意(qualifications)，不過有一點，就係有ｄ老師冇錯係平均年紀較大（我係以我仔仔以前間幼兒園嚟比較，個度ｄ老師真係成個靚妹咁架），我冇年齡岐視，教得到學生就係好老師，但無可否認，經驗真係要累積番嚟嘅．．．以我所見，因為仔仔係好反斗（唔好聽即係曳，我呢個做阿媽都唔幫佢，有時真係太過份），佢班主任都能包容佢，之前我真係好驚學校會好formal, so will 嫌佢煩，咁有一日我就親自去學校同佢班主任傾，了解情況，我好記得班主任同我講咗一句：”你放心喇．．我地係唔會放棄呢度每一個學生嘅！”我聽到之後真係好感動，亦好感謝佢地可以咁包容到我個仔，事實亦因為咁，呢兩個星期佢嘅行為真係改咗好多∼∼比以前乖咗喇．．換著以前我仔間幼兒園個ｄ，佢地嘅attention一早就去咗其他乖巧嘅學生度lu~~


Did the teachers willing to talk to you about your son?
老師絕對願意同家長講小朋友ｄ嘢，我聽我仔一個同學仔媽咪講，佢個仔就正好同我個仔相反，上堂成日粒聲唔出，呢樣又係死，而就呢樣嘢班主任都好主動成日打電話同呢位媽咪update佢仔仔ｄ近況∼∼

之但係培正始終係百年老校，在同家長溝通上難免較官僚（尤其係ｄ職員，唔係教師，講嘢一ｄ都唔helpful（e.g. 校車部) ，有時仲有ｄ負氣架，不過我都唔係成日接觸佢地，而且唔係佢地教小朋友，所以我可以容忍）∼∼呢樣係真，所以你唔好expect老師會日日打電話update你仔仔近況，佢地多數係唔好嘢先會打嚟架（除非你自己打去問），所以我一年都係收得個三，四個電話(收親都唔荒好∼∼   ），同響派學習報告時先可以同老師有接觸，所以我依家學識要多ｄ主動，我地做阿媽嘅唔緊真係冇人會幫我地緊架．．．

Now Jafermama, 講住咁多先∼∼∼sorry我係好長氣架∼∼..我打咗兩粒鐘架喇．．嘻嘻．．．希望真係可以solve到你嘅疑慮喇∼      

歡迎有嘢再問，大家研究研究∼∼∼   

彥彥媽咪

再答CCW:

所以我想出年囡囡兩歲幾時比佢報讀幼兒班,
習慣下群體生活先, 唔知道培正有無特別鐘意收邊D 學
校轉黎o既小朋友呢?
都冇一定，因為總結我地嘅”分析”，有ｄ家長個ｂｂ冇讀過幼兒班都收架喎，咁不過當然讀咗個人開氣ｄ印象份都會高ｄ喇．．因此我都會俾細仔讀nursery 嘅∼∼

仲有呢, 我八卦下想知道當年你除左幫仔仔報培正外, 仲
有選左邊d學校面試呢?
當年我報咗四間：培正，民生，禮賢，宣道，全部都係有直屬或連繫小學嘅∼∼當中禮賢同培正收，其他兩間唔得，只不過依家look番轉頭，我都係最鍾意培正同禮賢，個陣我同自己講，若培正唔得就去讀禮賢架喇．．


    

彥彥媽咪

Jafermama:

I am happy to hear that my experience is useful to you in solving your problem...No matter you finally choose PC or not, I am sure you already did a lot to get the best for your lovely boy - he will appreciate that!!!!     

2 reports will be issued each year, 1st and 2nd semester la....

彥彥媽咪

Oh....also Ngau Chi Wan ?? Where?? I used to live in Rhythm Garden before ga...very close to NCW...

I wish your girl would enjoy her life in PC..

彥彥媽咪

Susanna:

Either one colour is OK ga...(I had both   )

彥彥媽咪

二當家：

嘩∼∼！！ 你真係犀利，咁都俾你係呢度發現到我添∼∼    又俾你見到我長氣嘅一面喇．．．

我嘅意見幫到你我都好開心呀∼∼事實上小朋友嘅教育係一條漫長嘅路，之前若唔能夠同佢揾到一條對佢合適嘅路將來要”收拾殘局”就好麻煩，亦唔一定有效．．．

N1
正如我響電話同你講，唔一定每個小朋友都要讀N1，但N1嘅好處係可以令小朋友較早熟習與人相處同學識自理，若你大當係較黐身又文靜的話，俾佢返吓都冇壞∼∼

你提到個幾間除咗張祝珊我有去interview之外，其他幾間我都唔熟，所以俾唔到好多意見你，我只能夠講係最好地方要夠寬敞，有多ｄ嘅open areas，又近屋企唔駛太舟車勞頓就OK ga la∼∼

K1
哈哈∼∼∼我家大彥都係一隻大馬騮，仲係一隻幾蠱惑嘅馬騮仔添∼∼ 所以真係要ｄ好有經驗嘅老師先搞得佢掂．．而PC  D 老師呢方面又真係好好...所以我都好建議你第日同大當試吓~~

回應你嘅問題:
(1) 係呀....PC interview係 group interview, 每次係5-6個小朋友一齊入房, 大人冇得入去架, 若小朋友唔夠"獨立"係會蝕底d 嘅~~所以依家你先俾大當佢去習慣吓"自立"都有d用架..

(2)  名牌幼稚園: 在我眼中, 名牌幼稚園只係一間有助幫我仔仔入名牌小學的捷徑, 因為按照以前的派位制度, 有d小學校長係會較prefer某d出名幼稚園嘅學生, 但依家校長呢10分冇咗, 我就覺得讀佢同唔讀佢冇乜大分別, 反正都係抽籤嘅話, 咁就算我個仔讀d屋村幼稚園都一樣有機會派到好學校~

我咁講當然唔係要抺煞佢地嘅教學優點, 只不過因為佢地為咗要令到佢地d 畢業生將來可以響同輩中有較高嘅競爭優勢, 少不免會催谷學生學得快d多d...咁呢樣就要睇個小朋友同家長接唔接受到喇...事實上有d學生的而且確可以響咁嘅情況下成績非凡, 但正如我講過:"勝王敗寇"嘅環境唔係個個人都頂得順, 所以真係好睇家長對小朋友嘅了解同期望再作決定~~~

不過當你要揀呢d學校時亦要問自己可以負擔幾多...我所指"負擔"係 both 財政上同時間上: 因為 (1)讀呢d幼稚園一向較出面貴 (e.g. Kentville $2xxx, St Cat : $3xxx) 對於一般家庭而言真係幾貴(唔好忘記你有兩個添噃...冇理由一個俾佢讀 St Cat ; 另一個讀屋村幼稚園啩~~) (2) 佢地d syllabus一般都比普通幼稚園深, 小朋友又咁細, 一定唔好旨意佢地太好耐性日日同你坐響度讀書寫字(咁當然有例外嘅, 有d小朋友真係好生性, 細細個就好有自發性, 不過呢d同我地想揾個好伙記一樣, 真係好偶然先有囉...) , 咁做父母嘅就要身教, 慢慢去感染佢 ---> 即係"陪太子讀書"喇, 而佢遇到有嘢唔識你就要去教佢...咁你就要問吓你自己有冇咁多時間先...老實講....讀書嘅嘢..真係一分耕耘一分收獲, 冇得靠彩數~~若我地做唔到, 小朋友又跟唔上咁佢就好有挫敗感架喇..(其實 the same case will apply to famous primary school too)

So, my conclusion is : if you wish your boy to go to famous primary school, and you are willing to pay both $$$ and time, then it will be good to study in these kindergartens~~     

至於有d人話去呢d 幼稚園會英文好d....唔...呢樣我就兩睇...無可否認, 一個Full of English 嘅 learning atmosphere係可以有助提升小朋友嘅英語能力, ,咁..呢樣就要睇家長揀幼稚園嘅criteria 喇...有d家長較著重學術成績, 有d 較著眼小朋友讀得開唔開心, 有d 就要樣樣都有...etc...所以真係好難講話呢d幼稚園係咪"好"囉...

至於我, 我就會以德育教育為主, 學術為次, 所以我揀咗C, 咁當然HK有好多幼稚園都可以做到嘅....呢樣就真係等於你問我蘋果好定橙好..我真係好難答...我自己就鍾意橙架喇...只不過你話橙唔夠好, 蘋果好d都冇話唔岩嘅...各人喜好不同之嘛~~~~          

彥彥媽咪

二當家:

where are you? Did you read my response here??

彥彥媽咪

二當家:

係呀...我依家唔響香港...響印尼做緊training, 要Sat先返...不過我都可以上到網同你地chat ga...

我都估到你一定係忙...我驚一陣我個message跌得好後你睇唔到嘛...咪提吓你囉..我打咗好耐架嘛...唔好嘥~~~

話哂仲可以有d時間諗吓K1嘛..揾多d資料再決定啦..你要唔要睇個d乜乜天書丫..我都有架...(不過係2003 version, but it's still OK, not much updates every year)...我可以借你哇~~

呀....揾日等我過嚟你度揾你lunch la...你係咪返Kowloon Bay HQ?? 因為我老公以前都係你公司做過架...所以我同佢d舊同事都好熟...上星期先同一個有個2.5 years old daughter 嘅媽咪 have lunch....遲d我又會揾佢..到時又嚟揾你丫~~~       

彥彥媽咪

二當家:

係呀...我依家唔響香港...響印尼做緊training, 要Sat先返...不過我都可以上到網同你地chat ga...

我都估到你一定係忙...我驚一陣我個message跌得好後你睇唔到嘛...咪提吓你囉..我打咗好耐架嘛...唔好嘥~~~

話哂仲可以有d時間諗吓K1嘛..揾多d資料再決定啦..你要唔要睇個d乜乜天書丫..我都有架...(不過係2003 version, but it's still OK, not much updates every year)...我可以借你哇~~

呀....揾日等我過嚟你度揾你lunch la...你係咪返Kowloon Bay HQ?? 因為我老公以前都係你公司做過架...所以我同佢d舊同事都好熟...上星期先同一個有個2.5 years old daughter 嘅媽咪 have lunch....遲d我又會揾佢..到時又嚟揾你丫~~~       

彥彥媽咪

Jafermama:

I am so happy to hear that our sons will be 校友 in the future la..!! Welcome aboard!!      

等我路過又嚟講吓上年我地開學禮係點丫...我諗應該年年都差唔多：

1) 我地上年又係八月廿七日開學，個日一大早就有ｄ家長帶小朋友去到”熱身”，若你地想”相認”就最好約早ｄ見，因為開學禮之後會分哂班各自入課室，咁就比較難見∼∼

2) 一去到學校就會見到佢地將ｄ學生名單分好班張貼出嚟，有埋名同出生日期架．．到時你就會發現真係大仔大女多ｄ架．．我仔仔係4月，都算半個大仔，但佢個班仲有好幾個係上年9月，10月咁架．．．

3) 之後等到夠鐘就自動自覺入禮堂坐定定，then 開學禮開始：校長會帶哂所有幼稚園的老師坐哂響台，之後佢致辭，再之後就係梁主任致辭同brief 家長一ｄ關於學校嘅嘢咁（我地家長多數係接觸either小朋友班主任or 就係梁主任架喇．．我覺得佢有ｄ似訓導主任之類個類角色．．不過佢好好人架．．． 一ｄ都唔似我地成日諗好惡個ｄ形象 ）

4) 之後就會介紹每班嘅班主任

5) then 梁主任就會跟班逐個叫名，學生同父母就行出去嚟排好隊，人齊就由班主任帶大隊上課室再繼續

6) 入到課室，小朋友就四維走，當班主任安頓好ｄ小朋友後（即係大人細路都坐低）就開始briefing again，主要係講學校同我地嘅溝通方法，講解documents（學籍表，手冊）點處理，要返去帶幾多張相之類．．個日唔會俾個書包同document我地住架，會第二日開始返學就放埋響小朋友書包等佢地帶返嚟俾你，又講埋邊個坐邊條線校車之類．．你地好耳力就趁個陣記住之後就去approach"同車之人"啦∼∼

7) whole process about 1.5 - 2 hours only..之後就拜拜lu....唔好諗學校會有”家長認識時間”之類個ｄicebreaking activities, 亦唔會有student list circulate，我都係最近先識得哂我個仔個ｄ同學仔個名咋∼∼要識人係要靠自己，當班主任一講完就散架喇．．．之後都好難揾到人．．．

呢個就係我上年嘅經歷嘞∼∼   

順帶做個小小建議：你地想識人可以等之後兩日齊齊坐校車個陣去識．．．

上年我就係趁之後個兩日一齊搭校車（28-29/8家長可以一齊坐校車體驗吓條路線）同同車嘅家長chit chat，而又因為之後只係上一個鐘，咁我地就順便一齊breakfast再chat, chat 到夠鐘咪去接小朋友囉．．．呢個方法最好．．嘻嘻．．因為之後小朋友自己搭車咁ｄ家長真係好少好少機會會再碰頭架喇．．反而響車站等校巴時仲有機會撞到第二ｄ家長(e.g. K2 students if am class)．．if 小朋友唔係工人帶上車的話．．．   

最衰K2唔係27/8返呢．．唔係我又嚟認識吓大家丫嘛∼∼我都好喜歡認識新朋友架．．

講完喇．．