有無愉城方方家長？

lsw0316

子俊媽咪,

我都成日聽見家晞提志樂同子文, 未見過佢哋, 因為呢排好懶, 掛住 , 又無湊返學又無湊放學.  睇嚟家晞同啲同學仔熟絡咗, 如果我去湊放學, 可能佢都會講吓小朋友啲名俾我識, 好似今朝我湊家晞返學, 佢喺商場離遠見到個同學, 講咗個名以為係同班同學 (但我宜家唔記得個名, 係新o架, 我哋喺呢道未講過.), 行近啲先知認錯

我之前買機票都係俾 agent 搞, 可能貴幾百, 但 agent 搞掂哂, 無麻煩.  我工人今年2月續咗約, 不過, 佢唔返印尼, 上兩個月, 佢自己搞咗次上大陸 visa, 出一次境, 唔駛過夜, 咁就唔駛返去 lu.  

原文章由 子俊寶寶 於 07-10-16 23:15 硐表
薳然 & 家睎媽咪,

今日接子俊放學時, 佢見到個同學仔, 跟住介紹比我識, 原來係志樂. 佢高過子俊大半個頭, 生得好高呀. 我同志樂個工人姐姐講左幾句, 原來佢仲細個子俊1個月 . 唉.....子俊又真係細粒d既.

我工 ...

lsw0316

薳然媽媽,

講開校服, 收到件灰色厚褸, 有啲愕然, 覺得咁厚嘅, 好誇張呀, 對於大人, 宜家香港啲天氣, 真係唔駛著到咁厚, 好似舊年咁, 都好似無乜凍過, 不過, 諗深一層, 細路仔又唔同, 一下子凍一兩日, 都要有件厚褸著.  我覺得啲褸料差都唔及套運動衫差, 啲袖手口同領又唔同色.  可能係我職業病, 我之前係做製衣 merchandiser, 就係用呢類我哋行內叫針織布做衫褲, 不過, 我兩個囝, 讀咗咁多唔同嘅學校, 由幼稚園, 小學到中學, 間間用啲料都差不多"差", 唔會太好, 分別只有賣價貴啲(=賺多啲) 定平啲 (=賺少啲)咋.  

原文章由 薳然媽媽 於 07-10-16 23:41 硐表
子俊媽咪，

若果訂工人機票，試吓搵僱用公司ｄ Agent，平好多架．
另外您都可以試吓　www.zuji.com, ｄ機票好似都平ｄ．

子俊好返就好啦: , 薳然都話子俊今日有返學呀，不過卓琪就無返學．


家晞媽咪　＆　子俊媽咪，
尋日收到ｄ恤衫，紅 ...

lsw0316

薳然媽媽,

其實我開 cheque買校服時都有疑問點解有兩件校褸, 我諗住一件薄啲, 一件厚啲, 不過, 無諗過咁厚啫, 又有諗過唔駛買哂兩件, 不過, 後來又求求其其買哂佢就算, 費事煩, 呢個係我以前做緊嘢, 成日好忙, 覺得唔想嘥時間詳細了解呢啲鎖碎嘢, 喺呢方面, 真係有啲闊佬懶理嘅心態, 我都知要改o架啦 , 尤其是而家唔駛返工, 更加無藉口懶!  我諗住到時如果出年 k1真係轉校先送俾人囉, 環保啲, 都叫做無咁嘥嘛 .

原來妳諗住生咗第二個 BB 就唔做嘢呀, 如果係咁就請一個工人都得, 不過, 請賓賓有賓賓嘅問題, 我試過請一次賓賓, 最後都係要炒咗佢, 請番印印.  印印可能蠢啲, 但始終純品啲, 如果妳話佢都會聽話啲, 無賓賓咁離譜同固執.  通常續咗第二張約嘅工人係會懶啲, 不過家晞係呢個工人由 BB 湊大嘅, 家晞好黐佢, 佢又好鍚家晞, 照顧得佢幾好, 家晞病時我都她放心俾佢照顧.  最近見到啲新聞, 話告唔入嗰啲傷害咗佢哋 BB 嘅工人, 睇咗佢哋 BB 啲相, 見到佢哋咁細個就受到咁大嘅傷害, 都好同情佢哋, 同時自己又覺得好驚, 尤其是以前返咗工, 剩係得 BB 同工人喺屋企, 如果佢哋對 BB 唔好, 或疏忽照顧令BB受傷, 真係幾大件事,  所以, 我惟有同自己講, 佢好好地照顧到家晞就算 OK, 其他家務, 煮飯工夫佢做基本, 我都好 appreciate o架啦.  第時妳有兩個囡囡要湊, 自己睇住會佢哋係好啲同放心啲 , 我好支持妳嘅決定呀

原文章由 薳然媽媽 於 07-10-17 09:01 硐表
家晞媽咪,

我無買到件灰色厚褸呀, 因為諗住讀一年, 實際只係會著得幾個月, 可能又只係著幾次添, 又因daddy&工人會送返學, 工人會湊放學, 若果真係好涷既話, 會比羽絨阿囡著, 之後返學或放學到門日至換紅校褸.

我收 ...

lsw0316

薳然媽媽,

講漏咗兩句, 家晞有時會紥兩條短辮仔, 不過, 家晞頭髮短, 只係紥到兩條細細牛角辮, 有時佢怕痛會唔俾姐姐幫佢紥辮仔o架.  

原文章由 lsw0316 於 07-10-18 14:28 硐表
薳然媽媽,

其實我開 cheque買校服時都有疑問點解有兩件校褸, 我諗住一件薄啲, 一件厚啲, 不過, 無諗過咁厚啫, 又有諗過唔駛買哂兩件, 不過, 後來又求求其其買哂佢就算, 費事煩, 呢個係我以前做緊嘢, 成日好忙, 覺得 ...

lsw0316

薳然媽媽,

因為我見家晞夏天都幾大汗, 仲會生熱痱o忝, 所以夏天嗰時唔敢同佢留長頭髮, 宜家嚟緊冬天都可以試吓嘅, 不過, 我自己唔識幫家晞紥辮o架, 因為我細個時媽媽都唔俾我留長頭髮, 話好熱同難打理, 所以, 紥辮, 紥髻我係完全唔掂, 全靠工人幫家晞紥辮仔咋, 家晞第一個髮夾, 紥辮仔嘅髮飾都係工人買o架, 其實我都覺得家晞紥咗辮仔得意啲o架, 所以如果佢唔係咁大汗, 我都僧幫佢留長頭髮o架.

原文章由 薳然媽媽 於 07-10-18 15:40 硐表
家晞媽咪,

係呀, 我o個晚就係紥左兩氣牛角辮仔 , 跟住薳然話我同陳家晞一樣.

會唔會幫家晞留長頭髮呀 ?  薳然以前短頭髮都唔係成日肯比我地幫佢紥辮架, 但係長左呢, 佢就肯.

唔知子俊尋日係咪無返學呢? 我問薳 ...

lsw0316

薳然媽媽,

最尾嗰句應該係 "如果佢唔係咁大汗, 我都想幫佢留長頭髮" 個keyboard 無電 short short 哋, 頭先打咗一大篇嘢無咗  , 等我"义"完電再打過.

原文章由 lsw0316 於 07-10-18 17:04 硐表
薳然媽媽,

因為我見家晞夏天都幾大汗, 仲會生熱痱o忝, 所以夏天嗰時唔敢同佢留長頭髮, 宜家嚟緊冬天都可以試吓嘅, 不過, 我自己唔識幫家晞紥辮o架, 因為我細個時媽媽都唔俾我留長頭髮, 話好熱同難打理, 所以, 紥辮, ...

lsw0316

子俊媽咪,

唔怪得薳然同家晞都話子俊無返學, 初初我都半信半疑, 但係又唔見妳上嚟幾日, 所以我估子俊真係病咗, 小朋友係好容易病未斷尾, 突然又會嚴重咗, 都唔知係之前啲菌唔消, 定係又惹到第二種菌.  最緊要定時食藥同休息多啲加強抵抗力, 子俊就可以自己打低啲菌.  

我個工人都應該有 26 歲o架啦, 我請佢嗰時都知佢無湊初生 bb 嘅經驗, 所以都預由唔識教到識, 我有信心教識佢湊係因為我之前有過相同經驗, 以前湊我二囝初生個工人都係無經驗, 不過, 佢鍾意小朋友, 所以, 二囝出世兩星期佢主動話俾佢自己湊過夜, 唔駛我起身餵夜奶, 又搞得掂喎 , 咁就交咗手俾佢餵夜奶, 甩咗身啦 , 佢又湊得好同埋好錫我二囝, 之後, 佢同一個香港人結咗婚, 喺香港定居, 頭幾年佢都耐唔耐返嚟探我個囝, 帶佢去冒險樂園玩, 有次仲買咗架單車俾我個囝, 架單車都要成 三, 四佰蚊o架,  我話俾番錢佢, 佢又唔要, 我真係唔好意思要o架, 話哂佢揾錢唔多嘛.   其實請工人都係睇彩數, 無樣睇, 無根據嘅.  諗落自己返工, 交哂個屋企俾佢睇住都驚o架, 尤其是我之前要返工, 真係要靠佢自己搞掂, 不過好彩嗰時我媽媽搬嚟我處住咗幾個月幫手睇住個工人我先可以放心啲.  如果我宜家先至生 bb 就唔得啦, 因為我媽媽同爸爸身體都差咗, 我媽媽仲要照顧埋我爸爸o忝.  諗番轉頭都有啲天時, 地利, 人和, 先至掂

原文章由 子俊寶寶 於 07-10-19 09:22 硐表
HI 薳然媽咪 & 家晞媽咪,

第9次睇醫生喇 .....子俊又病左, 星期二放學仲好精伶, 訓到半夜開始咳醒, 第二朝咳得仲犀利又流鼻水, 醫生又話係感冒菌引致喉嚨&鼻仔發炎, 星期3,4都無返學. 今日終於好d喇, 先有時間上 ...

lsw0316

薳然媽媽,

唔知點解我睇漏咗呢個 message 喎 , 見到子俊媽咪答妳我睇翻轉頭先至見到.   我諗件灰色褸都唔會好好人買咗, 得我一個懶人費時煩先會買咋 , 件褸都重o架, 而且, 我諗梁先生專登攞大一至兩個碼, 諗住可以著到畢業, 成 $300 蚊件褸, 一年可能著得幾次, 睇得出佢哋都有心幫家長諗嘅, 橫掂唔知著幾耐, 所以 size 係超大咗啲, 都唔諗住換 lu.   

咁妳個印印又係離譜啲嘅, 唔知詐傻定扮懵, 都好大機會係博炒, 因為佢會覺得第時要同個賓賓一齊做嘢會好蝕底, 因為賓賓識英文, 佢知先生同太太實會覺得賓賓好啲, 唔止唔會少咗嘢做, 到時自己俾人騎住, 實無咁他條.  宜家妳又未係時候炒佢, 真係幾激氣o架喎 .  妳個賓賓幾時到呀?  到時又要睇埋個賓賓掂唔掂先可以落手, 所以都仲有段時間要捱呀! 惟有睇開啲, 唔好激親自己呀!

我都同意妳講法, 有半日工做會好啲, 尤其妳自己都話驚自己太緊張睇住兩個 bb, 返吓半日工, 對妳自己情緒同兩個 bb 都會好啲.  至於, 我自己唔做嘢一段時間係因為我做份工太忙, 我又太緊張啲工作令我唔可以分身/分心睇住自己囝囡嘅功課同安排課外活動.  以前家晞兩個哥哥好似家晞咁嘅年紀都未試過返 playgroup, 而我自己以前亦無時間去聽講坐同 workshop 學吓幼兒教育有啲乜要注意, 而家有時間做呢啲嘢, 都覺得以前忽略咗兩個囝囝, 尤其是二囝, 嗰時做嘢好忙, 仲讀緊 degree, 所有weekend 同長假都係做功課同溫書考試, 有啲後悔俾得太少時間二囝, 所以, 佢宜家啲英文有啲跟唔上, 家晞反而仲會瑯瑯上口.  不過, 後悔都無辨法返轉頭, 惟有宜家俾多啲時間二囝等佢可以追返.   對於家晞,  宜家叫做有啲概念, 識得逐步安排家晞學唔同嘅嘢, 遲吓穩定啲我就會做番嘢.  好同意妳講唔想吓吓要開口問老公攞錢駛, 我都唔慣o架,  因為我之前從未試過唔做嘢, 慣咗經濟獨立, 駛錢唔需要同人交待.

放假通告剩係收到放重陽節假咋喎, 無孫中山壽辰喎, 幾時放呀

原文章由 薳然媽媽 於 07-10-18 15:30 硐表
家晞媽咪,

原來件厚褸好厚架, 重唔重身架 ? 若果重身, 小朋友就會著得好辛苦架.  不過, 其實買左好都既, 涷起上黎可以著住, 唔駛換來換去.

之前舊老闆想搵我幫手半日, 所以一直有打算生咗第二個 BB 就唔做依家呢 ...

lsw0316

薳然媽媽, 子俊媽咪,

今日到家晞打敗仗啦!  家晞上兩個星期病完, 醫生話仲有少少咳同痰可以唔駛覆診, 等佢咳清就 ok, 過咗一個星期係好咗, 少咗咳, 久不久有兩聲, 我已經成日煲湯等佢潤吓, 不過始終未斷尾, 跟住星期六晚有微微燒 37.5 度, 同埋把聲沙沙哋, 所以, 星期日朝去咗睇醫生, 好彩無喉嚨發炎, 醫生解釋係佢上次咳完康復初期, 喉嚨裡面嘅表皮仲未完全好番,  而且, 家晞氣管比較敏感, 呢幾日天氣乾燥, 所以, 受咗刺激又起咗好多痰, 如果咁啱有細菌感染就會發炎添o架!  希望唔好啦, 不過, 食咗藥之後, 今晚又有少少燒, 把聲都係沙沙哋兼夾唔想食嘢, 連麵包都唔食, 真係好少有o架, 因為家晞好鍾意食嘢, 又好似我咁鍾意食麵包.  睇怕聽日要再睇醫生唔返得學住, 今日梁先生都有打俾我, 叫我俾佢著對長啲嘅襪, 同埋加條短單車褲, 保暖啲.   

薳然媽媽, 如果妳都覺薳然喺唔同地方, 咳嗽反應唔同, 可以留意吓關唔關空氣濕度, 或者, 有無其他地毯, 毛公仔, 隔塵網等等刺激到薳然嘅氣管.  醫生話家晞因為氣管敏感, 最好可以喺屋企控制好濕度穩定啲, 好似呢幾日空氣乾, 就要用放濕機.  我之前覺得呢啲機無乜用, 宜家要買啦.    不過, 下次妳都可以問清楚醫生, 薳然屬唔屬於氣管敏感, 家晞個醫生一早已經話佢喉嚨同鼻都比較敏感o架啦, 我兩個囝囝都有咁情況, 所以, 我聽見醫生咁講都唔意外, 因為, 三個都係我生, 好公平!

原文章由 薳然媽媽 於 07-10-22 16:43 硐表
子俊媽咪，

我幫您ｃｈｅｃｋ吓機票價錢啦，不過請您比一比個大概日期，個價會ｃｈｅｃｋ得實ｄ，係咪去Surabaya呀　？

原來大多數工人都會續完約就變左，我同事個工人續完約之後，居然出街唔鎖門，道門大開，ｃ唔ｃ．好彩無人入屋偷野咋．我之前都有諗過好唔好同 ...

lsw0316

薳然媽媽,

我諗我哋頭先一齊打緊 message, 我 send 出之後就見到妳呢個 message 啦.  薳然玩角色扮演好投入, 好得意呀!   由此可見, 佢哋真係好回味學校生活嘅點滴, 係好好嘅反應嚟o架!  佢哋咁鍾意返學, 不枉媽媽一片苦心幫佢哋揾間最適合佢哋嘅學校, 我哋大家都成功咗啦, 值得恭喜   

原文章由 薳然媽媽 於 07-10-22 23:33 硐表
家晞媽咪，

薳然今日話家晞無返學呀，我問點解，佢話家晞唔舒服，我問左佢兩次，佢都咁樣答，可能我好認真又緊張，我再問佢第三次，佢就唔答我，薳然好敏感，可能佢覺得我好緊張家晞，之後佢有ｄ發我皮氣．家晞無咩事麻？

上星期四，薳然攞左幾本 ...

lsw0316

子俊媽咪,

係咪子俊又玩妳呀?  聽妳講過子俊好鍾意蝦妳唔知道學校啲嘢, 專登講相反嘅嘢喎

家晞今日都無返, 因為噚晚把聲都係沙沙哋, 同有很多痰, 不過, 今朝佢把聲清咗好多, 而且都無再發燒.  但係, 我都無俾家晞返學, 唔想佢將啲菌傳俾其他小朋友.  今朝覆診, 醫生話家晞喉嚨有少少紅, 醫生話家晞已經大個, 應該可以自己打低啲菌, 唔駛食抗生素/消炎藥, 醫生問我想唔想俾佢食, 我都贊成唔食消炎藥, 不過, 醫生話可能會慢啲先好番.  而家晞因為喉嚨紅紅哋, 覺得唔舒服, 所以都係唔想食嘢, 瘦咗呀

講開我都覺得啱啱嗰幾日都有食手指, 家晞都好似子俊咁自細都無食手指嘅習慣, 我見家晞食手指只係叫佢唔好, 因為手指好污糟同埋會肚仔痛, 見佢佢隔一陣就無再食, 之後都唔見佢有咁做, 希望佢唔記得啦.  下次如果佢再食手指, 等我都問吓佢點解咁先得!

家晞聽日會返學o架啦, 妳再試吓問吓子俊吖!

原文章由 子俊寶寶 於 07-10-23 21:22 硐表
我今日問子俊, 佢話家睎有返學喎 . 不過Ms. Karen就無返, 由另一個老師負責同佢地講故仔(我唔記個名).

如果由我接子俊放學, 我每次一定叫佢介紹同學仔比我識, 每日識一個都幾好喎, 尋日識左一個女同學, 好似叫Be ...

lsw0316

薳然媽媽,

我以前都有燉俾兩個囝囝食, 家晞就未試過, 只係有時會食猴棗散, 我諗住等家晞食完西藥會試吓燉俾佢飲.   

家晞聽日返學o架啦, 我問家晞有無 miss 啲同學仔, 佢話有, 不過唔講 miss 邊個, 有啲心不在焉, 因為掛住睇 DWE dvd.  

改 11/1 食 lunch 我都 ok, 到時再約時間吖.  

原文章由 薳然媽媽 於 07-10-23 23:05 硐表
子俊媽咪 & 家晞媽咪,

可能我尋日聽家晞媽咪講話等家晞休息多一日, 所以今日問薳然家晞係咪無返學, 佢話係.  但係因為今朝早薳然醒左有dd咳, 之後扭計唔多肯換校服返學, daddy氹佢話梁老師&家晞響學校等緊佢, 佢先 ...

lsw0316

Hi Carman,

我叫 Vanessa 呀, 大家叫名親切啲呀!

我啱啱去完街返嚟, 工人瞓咗啦, 等聽日攞出來睇睇先.  我都發現啲金鈕有啲氧化, 不過, 我又求求其其咁諗住著完一季都係咁o架啦, 無點理佢.  等我聽日問吓人睇吓可唔可以省 "呤"佢.

家晞都成日有提子文, 話同子文一齊坐.  我都試過問家晞, 但係佢揀唔到邊個係 best friend, 我諗佢鍾意一齊玩, 聽梁老師講, 家晞好鍾意同小朋友一齊玩, 有時仲笑得好大聲添呀

原文章由 子俊寶寶 於 07-10-24 23:36 硐表
家睎媽咪 & 薳然媽咪,

我叫Carman呀, 你地叫咩名呀??? 我地唔駛成日叫邊個邊個媽咪ma.

係呀, 之前套冬天運動褲有爆線, 咪同梁老師講, 佢話要成套換(衫連褲). 今日收到套新的, 但係發現d料靚好多, 之前係好差既 ...

lsw0316

薳然媽媽,

子俊媽咪 - Carman 覆咗話 11/1 無問題, 鴻星飲茶我都無問題!

原文章由 薳然媽媽 於 07-10-24 09:03 硐表
家晞媽咪 & 子俊媽咪,

係呀, 講開咬手指, 薳然開頭開學都有咬手指, 應該係開學時面對新環境, 佢地有所焦慮所致, 薳然咬左一個月左右先至無咬.  薳然由細都有食手指架, 之前有好多frustration唔知好唔好比佢食, 但係 ...

lsw0316

薳然媽媽,

薳然咁早就識玩 role play, 佢嘅進度同發展真係好好, 好活潑呀!

今晚同啲舊同事食飯, 妳都知 merchandiser 好忙o架啦, 11 點幾食完叫算o架啦.  不過呢啲晚飯局一個月最多得一次, 其他時間, 我都唔會超過 8:00 就喺屋企, 除咗要返聲樂, 就會成 10:30 先返到屋企.   

其實家晞好少喺屋企主動提同學啲名, 除非我問佢, 同埋我講同學啲名, 佢就會答吓我, 講一兩句咁咋.  

原文章由 薳然媽媽 於 07-10-25 00:28 硐表
子俊媽咪＆家晞媽咪,

我叫Tracy呀, 好呀, 1/11/07我地就可以同大家小朋友一齊見面啦!

子俊講o個個同學應該叫ming ming呀, 係男仔黎架.  今日薳然同我講ming ming個全名, 但係我依家又唔記得, 佢講得好唔清楚, 咁我o ...

lsw0316

Carmen,

唔怪得幾日都唔見妳上嚟啦!  食錯咗咩呀?  真係最緊要介口同休息多啲呀, 等妳遲 d 她番哂再約妳啦!  不過, 都有好幾日唔見 Tracy 上嚟啦喎, 唔通生咗?  

今日派咗旅行通告, 親子旅行提早至 11月13日, 妳會唔會同子俊去呀?  不過, Tracy 到時可能都差唔多生得啦啩?

原文章由 子俊寶寶 於 07-10-28 19:17 硐表
hi Vanessa & Tracy,

Sorry, 我1/11唔可以出席喇, 因為我脹胃炎入左醫院幾日, 今日先剛剛出院, 但係身體仲好差又要介口. 希望下次再有機會同你地見面喇.

另外關於機票, 我check到hong tai仲平d, 不過真係好多謝你 ...

lsw0316

Hi Tracy,

真係要聽醫生話, 唔好四圍走呀, 遲啲先食飯無問題.  如果妳未生得, 咁我哋 11/1 湊放學時見啦!

我都估妳去唔到o架啦, 就算妳未生得住, 個肚咁大, 要帶住薳然去一日旅行真係會好攰o架.  下次等妹妹出咗出世先一齊去仲開心啦!

原文章由 薳然媽媽 於 07-10-30 09:50 硐表
hello Vanessa,

我仲未生得呀, 不過醫生尋晚話若果我一作動, 就好快生出黎架啦, 所以唔敢周圍走, 佢仲話我好未放產假仲返工, 因為我上一胎38周生薳然, 佢尋晚猛話我可能呢個星期作動, 因我依家37周幾, 佢話第二胎會 ...

lsw0316

Hi Carmen,

乜家晞咁曳唔啋妳呀!  可能因為佢唔認得妳啫, 我聽日會去接放學, 睇吓撞唔撞見妳, 等家晞知道妳係媽咪朋友, 認吓妳個樣.  我見家晞平時喺屋企樓下撞見啲街坊婆婆, 連我唔識嘅佢都識, 會同啲婆婆揮手打招呼o架, 如果佢認得妳就唔會咁 cool o架啦!  

我洗咗運動衫褲, 但原來工人未洗校褸, 所以都唔見有甩色喎, 我同意 Tracy 講話絨褸最大嫌疑, 一般紅色嘅牢固度係差少少, 而且係毛絨特別容易甩色o架,  我嘅職業病又嚟啦!

旅行我交咗錢啦, 諗住唔好俾藉口自己懶, 其實小朋友去到郊外一齊玩應該會好開心o架, 平時家晞除咗每星期去一, 兩個 playgroup, 都係室內, 其實都好少機會去郊外同空曠嘅地方玩, 所以即刻報咗名, 如果唔係我自己諗多兩諗就會縮沙, 因為, 一來好早出發, 二來, 得我一個帶住家晞由早到晏晝3:00-4:00, 仲要燒烤, 應該都會好攰囉!

原文章由 子俊寶寶 於 07-10-31 20:55 硐表
hi Tracy & Vanessa,

子俊星期一&二都無返學, 因為咳同流鼻水. 今日好番返左學喇, 今日我接子俊放學, 見到工人姐姐接家睎, 我叫家睎, 但家睎都係無睬我呀, 不過可能係放學時門口太多人, 家睎聽唔到我叫佢.
另外係車 ...

lsw0316

Hi Tracy,

咁妳係咪做埋呢份功課就開始放假啦!  算罷啦, 老細係咁o架啦, 佢覺得出咗糧俾妳, 叫妳做嘢係應份嘅!  過埋今日就話之佢, 十星期後先算.  

聽日見啦, 我有信心聽日會見到妳嚟接放學嘅!

原文章由 薳然媽媽 於 07-10-31 23:33 硐表
Hi Vanessa,

係啦，我會聽話架．
不過臨放假前比大老闆整古，又叫我做呢樣又ｏ個樣，今日都仲要
開會take minutes, 依家攞左d野返屋企做 .
聽日我會湊薳然返學(如果今晚無作動 ), 聽日見啦.
係呀, 要等妹妹出左世, 先可以 ...

lsw0316

Hi Cacamummy,

妳好嗎!  妳囝囝讀下午國際班適應成點呀?  妳覺得學校嘅英語環境可唔可以令小朋友有好多機會講英文呀?  咁平時妳同囝囝喺屋企用英文溝通多啲定廣東話?

我就報咗名去呀, 因為係平日, 得我自己一個同家晞去.  妳會唔會同囝囝去呀?

原文章由 cacamummy 於 07-11-1 00:38 硐表
hello, 咁多位mummy,

好耐無上黎啦. 因為都好忙. 你地會唔會去學校旅行呀?