有無愉城方方家長？

lsw0316

薳然媽媽,

我好耐無上嚟啦, 我近來學緊聲樂, 每星期上兩堂, 忙著要練歌, 所以少咗時間, 而且, 我又要去做 gym, 當我留在家時, 又想用多 d 時間同家晞傾計, 一齊睇 DWE dvd.

家晞好早已經戒咗片啦, 而且, 一戒就好快連學習褲都唔駛著, 因為佢從來都唔會撒尿喺學習褲上, 一定要去廁所.  其實以我之前幫囝囝戒片的經驗, 一定要佢賴尿一/兩次, 當然是在家中才嘗試, 等佢感覺到有生理需要要去廁所, 會叫大人同佢去廁所, 初初可能有點反覆, 我們要主動多 d 提下佢要唔要去廁所, 然後試多幾次, 佢慢慢就會主動自己講, 那就算是戒片成功嫁啦, 不過, 有 d 小朋友要長 d 時間才可以戒埋夜片, 不過, 慢慢來吧, 先以戒日間片片為目標, 然後, 慢慢戒埋夜片.   妳在家用咩方法嫁?  可以交換下心得.

星期四我有一堂 aerobic class 要上, 未必趕得切.  如果趕到, 到時喺學校門口見啦.  至於, 錯過今次生日會, 唔緊要啦, 個個月尾都有嘅, 總之, 儘量唔好錯過自己嗰個月嘅生日會咪得囖 !  況且, 薳然跟爸媽一起出外玩的親子時間都很難得的, enjoy!      

原文章由 薳然媽媽 於 07-9-24 23:18 硐表
家晞媽咪,

近來如何呀 ?  自從上次薳然同家晞相識左之後, 薳然日日都有提家晞, 佢話家晞坐係佢隔離, 又話有同家晞玩, 唔知係真唔係呢 ?  頭先我問佢姨姨有無幫家晞換片片, 佢話無喎, 家晞係咪戒左片片啦 ?  係就好 ...

lsw0316

薳然媽媽,

可能我以前太忙, 有好多嘢想做但無時間做, 所以趁小休幾個月儘快及儘情做晒佢, 所以都真係幾忙!  

聽妳咁講, 其實薳然已經戒咗片架啦, 只係可能因為返學 or 媽媽再有 bb, 所以行為上有 d 倒退啫, 遲 d 應該 ok ga la.  

我唔記得係咪星期一, 仰或上星期五, 我問家晞, 佢都係話一翹無返學, 因為呢排都無去接家晞放學, 所以都唔知囡囡講得啱唔啱 law .

原文章由 薳然媽媽 於 07-9-26 23:36 硐表
家晞媽咪,

哈哈, 您無做工, 但都好忙喎.  

家晞好叻叻, 咁早就戒到片片.  我地都係用您o個d方法架, 但薳然戒得都好反覆, 早五,六個月前都戒到, 到呢兩三個月又唔講要去小便, 我知佢自己知要小便架, 因為若果佢坐 ...

lsw0316

子俊媽咪,

今日我問家晞, 佢話有子俊, 所以佢哋應該識 ga, 因為家晞要好肯定先會答我 ga.  家晞同子俊一樣都係唔識唱 我有一個好媽媽, 唔知係咪好少唱呢首歌仔呢? 所以, 唔係好識唱 wor.  除此之外, 薳然媽媽講嗰 d 歌仔都會唱.  

我覺得揀 bb 班最緊要近, 因為得嗰兩歲幾人仔, 真係唔好搭車去咁遠, 因為越長時間在車上危險性便越高, 而且, 佢吔細個要瞓多 d 先快高長大 ga.  

話時話, 您哋 K1 會唔會考其他幼稚園?  我會幫家晞 apply 一, 兩間, 但會睇定 d 才決定轉唔轉, 以我之前替兩個囝囝的選校態度, 如果, 方方教得好, 都唔會轉校, 以免家晞要重新適應新學校和教學方式, 為她帶來不必要的 anxiety.  萬一適應得唔好, 讀得唔開心仲得不償失呀, 所以, 心情都幾矛盾, 不過, 遲 d 先算, 考到先至煩  lu.   以家晞嘅怕羞性格 , 到時先生問問題佢可能會唔答, 咁就唔駛荒考到 lu !!!   

原文章由 子俊寶寶 於 07-9-26 16:52 硐表
多數都係我接佢放學架.

我今日問子俊有無同學仔叫薳然, 家晞, 一翹, Elaine, Evelyn, 曉螢, 佢話全部都識, 咁我咪講我同佢婆婆個名, 問下佢識唔識, 佢竟然話識, 我問佢係唔係佢同學仔, 佢話係, 笑死我.. . 梁老 ...

lsw0316

子俊媽咪,

開學初期, 家晞都即刻有反應 -- 傷風同咳, 但唔算多, 因為, 家晞開學前喺 Littleton 返咗三個月 playgroup, 有咗 d 抵抗力, 嗰時都病得幾頻密o架, 不過, 好彩都係普通傷風咳, 唔駛食消炎藥, 醫生都話無 mud 大問題, 小朋友返學係要有大段適應期, 等佢哋身體接觸到唔同病菌自然產生抗體就會病少 d o架 啦.  不過, 今日家晞都請咗病假, 醫生話佢因為轉天氣, 氣管敏感, 收窄咗, 所以咳咳同有少少鼻水, 醫生都話係敏感反應, 見佢食咗藥好易眼瞓, 又唔想佢傳染俾小朋友, 所以請假 law.   聽日應該無事 o架啦.  

您講嗰幾間幼稚園 -- 綠揚, 慧中, 迦南, 聖文嘉, 我都知道環境, 因為我大仔讀迦南, 細仔讀慧中, 您講得啱, 綠揚真係好舊啦, 我細仔 八年前考 K1, 我都已經覺得佢舊, 所以, 雖然綠楊收咗佢, 我都無去讀, 因為,慧中環境光猛 d, 有窗, 空氣好 d, 況且, 綠揚宜家已經無早年咁好 lu, 所以您無揀綠揚都好明智.  我會幫家晞報 Victoria 同英基, 當俾佢試吓, 見吓世面, 因為我相信到時佢都係會唔出聲嘅啦, 佢真係好怕陌生人及陌生地方, 要好長時間先 warm up.  通常 去 DWE 搞playgroup, 到要走嗰時佢先無咁驚, 所以面試都係俾佢試吓咋, 好彩得咗先算.  王於, 其他傳統幼稚園, 就唔試啦, 您講嗰幾間都好多人爭o架.   

原文章由 子俊寶寶 於 07-9-30 00:09 硐表
家晞媽咪,

子俊呢幾日都有提家晞呀....但係就好小提薳然.

各位媽咪,

你地小朋友返學之後有無睇醫生呀??? 子俊之前都好少睇, 由8月開學到現在睇了6-7次, 咳, 發燒, 嘔, 肚痛...每次都唔同. 但醫生每次都話感染流感 ...

lsw0316

薳然媽媽,

去澳門渡假好玩嗎?  家晞今日無返學, 因為, 有少少鼻水同咳, 而且, 食咗 d 氣管藥後會好眼瞓, 所以請假, 不過, 佢好精神, 又食得, 聽日會返學 lu.  

我都覺得家晞喺大人身邊時會比較依賴, 好彩當佢自己返到學校時, 剩得佢自己, 佢都 ok, 幾定, 又唔會喊或吵鬧, 咁都放心 d, 不過, 面試時, 佢怕醜嘅性格就會好蝕底 law.  好似考方方嗰時, 梁姑娘問佢問題佢好似一句都無答, 好彩, 最後都收咗佢, 如果唔係, 荃灣已經無 mud 好嘅幼兒園, 最近, 要去到海濱慧中先有得讀.   

我都想早 d 俾家晞學普通話, 妳用甚麼教材o架; 另外, 薳然好似都學緊芭蕾舞, 喺邊度學呀, 貴唔貴?  上次去咗方方嘫九龍塘學校嗰次試堂, 但嗰次經驗麻麻, 因為嗰日太多人, 老師要好大聲講嘢, 加上, 個老師本身聲線語調也不是很溫柔嗰種, 所以, 當佢一去到家晞面前同家晞講咗一句嘢及想拖佢隻手做動作, 家晞就 , 跟住家晞就一定要痴住我坐, 唔敢再出去同其他小朋友一齊玩 la, 由此可見, 佢怕醜得幾緊要呢!

原文章由 薳然媽媽 於 07-9-29 00:40 硐表
家晞媽咪,

家晞都話一翹無返學，咁應該啱啦瓜，因為兩個小妹妹都話佢無返學．尋日我接阿囡放學，見到一翹坐四人車去搭校車，之後接左薳然放學後問佢一翹有無返，佢話有呀.　　家晞真係好乖架，佢ｏ係學校應該無喊架，而因為薳然成日都 ...

lsw0316

薳然媽媽,

原來妳哋去咗人山人海嘅威尼斯人渡假村呀!  妳真係做得啱, 千祈唔好四圍行, 俾人撞親就幣啦.  

妳 d 維他命C係唔係藥丸, 薳然識吞咁叻呀, 我都買番嚟試吓先.  至於雪梨水就不如自己煲啦, 加 d 雪耳及南北杏, 唔駛落糖都得, 宜家轉天氣, 平時都可以煲嚟飲都好o架.

家晞都係睇屋企樓下個醫生, 我覺得佢都夾到呢個醫生, 而且, 病嘅時候週車勞頓會好辛苦, 而且, 出名d 嘅兒科醫生通常都有排等, 咁就加倍辛苦啦.  一般兒科 d 藥都唔會好 strong, 所以通常要覆診一次, 反而, 我怕一d 開重藥嘅醫生, 因為 d 藥會好散 o架.  

係呀, 我想家晞學芭蕾舞, 唔該 pm 啲資料俾我.  

我想像到薳然聽到家晞無返學 deadair 個樣, 因為, 我有時同家晞講學校及同學 d 嘢, 佢有時都係若有所思, 眼光光咁, 其實佢哋可能係用個腦 picture 番 d 畫面或人物樣貌先意會到我哋講嘅嘢囉, 所以, 後來又會同人講家晞無返學, 諗起佢哋個樣都覺得好好笑 , 呢 d 就係湊仔的樂趣啦, 唔知妳同唔同意呢?   

原文章由 薳然媽媽 於 07-10-2 19:02 硐表
家晞媽咪 & 子俊媽咪,

今次去澳門都幾悶架, 因為我都成8個月多, 所以唔敢周圍走, 怕細b會係澳門出世, 只係係酒店 (威尼斯人)度行黎行去咋.  薳然同家晞一樣, 有鼻水同咳, 今日都請左病假呀, 雖然今日好左小小, 但 ...

lsw0316

薳然媽媽,

講漏咗樣嘢, 下次如果妳放假得閒湊放學嘅話, 麻煩妳帶 d 普通話嘅碟俾我睇下, 如果啱, 我都想買呀, 麻煩晒妳

原文章由 lsw0316 於 07-10-2 19:44 硐表
薳然媽媽,

原來妳哋去咗人山人海嘅威尼斯人渡假村呀!  妳真係做得啱, 千祈唔好四圍行, 俾人撞親就幣啦.  

妳 d 維他命C係唔係藥丸, 薳然識吞咁叻呀, 我都買番嚟試吓先.  至於雪梨水就不如自己煲啦, 加 d 雪耳及南 ...

lsw0316

薳然媽媽,

等我都去買 "兒童維多 c" 至得, 其實之前都有聽同事話傷風初起, 食維他命 c 搞掂, 佢係加拿大返嚟嘅, 佢話喺嗰面啲醫生都唔會開藥俾你, 要你自已打低啲菌喎.  

煲雪梨水要記得落蜜棗或無花果, 等佢有 d 甜味, 咁就唔駛落糖都得, 同埋要慢火煲一個半鐘, 不過到最後十五分鐘用中火, 否則, 有時, 火太慢, d 雪梨同蜜棗唔夠出味, 就會覺得淡同有少少酸.  我自己煲就會睇顏色嚟判斷夠唔夠火候, 但係, 我家工人都唔識, 惟有咁教佢, 都 ok o架.  雪梨可以唔批皮, 切厚片, 但一定要起芯,  否則會好酸, 希望薳然鍾意飲啦.  

本來我已經收到妳的 pm, 但按錯掣, delete 咗, 麻煩妳再 send 一次給我

原文章由 薳然媽媽 於 07-10-2 23:23 硐表
家晞媽咪，

d 維他命C唔係藥丸,　係”兒童維多ｃ”好似糖糖咁架，係萬ｏ或屈人寺都有得買”，薳然唔識吞藥丸，不過就好鐘意食，成日問我攞，我最多一日比兩粒佢，但我老公又話無病無痛食咁多ｄ唔好播，所以我有時偷偷地比阿囡食架．我都想自 ...

lsw0316

Cacarmummy,

小朋友第一日自己返學實喊o架, 唔駛擔心, 過兩三日就唔會喊o架啦, 不過, 我湊返學時見有 d 小朋友返咗一個星期之後都仲有喊, 所以, 個個小朋友都唔同o架, 如果妳囝囝係唔怕生保嘅話, 應該會好快適應到.  家晞咁怕生保都係喊一兩日, 第三日開始唔喊, 不過佢換校服時會扭計囉, 自從九月哥哥開咗學, 一齊換衫返學就完全無問題 lu.  

流感針未開學已經打咗, 連肺炎鍊球菌都打埋, 所以, 如果未打就快 d 打啦, 返咗學會多 d 機會接觸其他病菌, 小朋友身體未有抗體實有反應, 會發燒, 傷風, 咳等等, 係醫生話o架, 不過, 打咗釘都唔會話完全無病, 不過, 我覺得就算病都會快 d 好, 同埋唔會話次次都要食消炎藥, 這是我留意家晞未打流感針前同打針後嘅情況就係咁, 所以, 無論學校有無得打, 自己搵私家打都得.  囝囡病咗, 大人擔心, 細路仔又辛苦, 都係快 d 打安心 d.   

係呢, 妳囝囝下午班有幾多人一班呀?

原文章由 cacamummy 於 07-10-3 01:31 硐表
HELLO 薳然媽媽 & 家晞媽咪，

好耐無上黎勒! 見你地都出左好多post. 我個b今日先第一日返學. 不過, 佢係返下晝. 所以, 我地既小朋友應該見唔到. :cry:

今日返學既時候, 有好多小朋友狂喊. 連我個b佢平時係唔怕生保. ...

lsw0316

子俊媽咪,

應該是陳家晞, 我諗妳見到嗰個應該係我囡囡, 因為, 聽妳講話佢無睬妳呢一點好吻合佢怕生保嘅表現, 咁妳有無留意我工人, 係印傭, 仲好高吓, 起碼有 5'7", 係唔係?

家晞都無返學兩日, 星期四先開始返, 怕佢未好哂, 傳染俾其他小朋友就唔好啦.  

我兩個囝之前讀嗰兩間, 各有好有唔好, 所以幫亞囡搵學校就試吓第二間, 而且, 隔咗咁多年, 有好多新學校都有幾好嘅口碑, 所以唔會讀之前嗰兩間 lu.  

DWE 嘅 playgroup 一般啦, 都係揀啲歌仔喺現場由三個美語哥哥及姐姐帶領, 唱大約 45分鐘, 餘下 15分鐘是拍照時間, 逐嗰 family 同哥哥&姐姐一齊映.  以佢嘅收費又唔算好貴, 我估計有大部份費用應該係會費包咗, 所以都要用吓呢 d 會員福利.  只不過, 家晞因為怕生保, 唔係太投入, 所以我唔係次次去, 上次剛去完我問佢下次嚟唔嚟, 佢果然話唔嚟, 不過, 過兩日我晒咗張相出嚟, 佢見到又好興奮, 我再問佢去唔去, 佢又話去, 真係一時一樣 , 不過, 嚟緊X'MAS 嗰次都係唔去住, 一來上年去過, 二來等佢再大 d 無咁怕生保會好玩 d.   如果子俊未去過應該要試下睇佢鍾唔鍾意, 如果子俊鍾意就藉得去 o架.  上網報名啦!

原文章由 子俊寶寶 於 07-10-4 17:08 硐表
家晞媽咪,

家晞係咪姓劉? 我今日接子俊放學時, 梁老師一手拖子俊,一手拖另一個小朋友出來, 我聽到梁老師話劉家晞拜拜. 我見有個工人接佢, 我問小朋友你係唔係家晞呀? 工人姐姐話係呀, 但係家晞就唔係好睬我(可能怕 ...

lsw0316

薳然媽媽,

收到妳 pm了, 謝謝.  我記得上次妳寫嗰個時間同家晞返 kindermusik playgroup撞咗, 等我聽日問吓有無等二個時間先.  

家晞都係無返兩日, 星期四先返學, 一來家晞食咗藥會好攰, 到10:30 一定要再瞓一陣, 二來始終未好哂, 唔想傳染俾其他小朋友, 始終佢吔咁細個, 玩埋一齊時唔識避忌, 平時咳同打乞嚏都未必次次記得掩口/鼻啦.  好番哂先返學就放心啲.

原文章由 薳然媽媽 於 07-10-4 10:37 硐表
家晞媽咪,

我已經再pm左您啦.
thanks您既提點, 因為薳然尋日仲有d咳咳, 好多痰, 尋日無比佢返學呀, 比左d化痰粉佢飲, 今日好好多嘞, 今日會返學, 我會等佢清哂d病, 就會煲您教既雪梨水.

...

lsw0316

子俊媽咪,

我都想家晞好似子俊咁主動熱情啲, 唔好咁怕醜, 去 playgroup 上堂都可以快啲投入, 話時話, 又好少男仔會咁主動o架 wor, 因為我兩個囝囝細個時喺屋企樓下撞見同學仔 (女仔), 都係啲女仔主動同我囝囝打招呼, 啲女同學仲會主動走埋嚟拖手o架, 所以, 嗰時我仲以為女仔喺說話及社交方面會匈啲 tim, 點知家晞都喺呢方面都係怕羞啲.

原文章由 子俊寶寶 於 07-10-7 20:12 硐表
應該是家晞, 工人姐姐係好高, 瘦瘦地.

我諗子俊同家晞既性格係完全相反, 子俊一d都唔怕羞, 係街見人就say hi, 搭車又會叫座係佢附近既人, 哥哥姐姐叔叔伯伯婆婆都叫一餐, 又會撩人講野撩人玩. 真係無時停 .

係 ...

lsw0316

薳然媽媽,

自從家晞喺方方 interview 之後, 一句都無答到梁姑娘嘅問題之後, 我都已經立即幫佢報咗 playgroup, 希望佢唔會咁怕生保, 但係 playgroup 係同大人一齊上嘅, 所以, 無薳然自己上咁獨立, 不過, 都進步咗 o架啦, 佢以前去 DWE 啲 playgroup, 差唔多到散場時先 warm up, 而家大約十五分鐘 warm up, 不過都一定要一步都痴實我, 要我同佢一齊跳, 一齊行, 一齊走先得.   

我噚日唱 123 321 俾家晞聽, 問佢有無唱呢隻歌, 佢話有, 不過, 佢一句都無唱, 唔知係唔係唔識唱

原文章由 薳然媽媽 於 07-10-8 15:46 硐表
家晞媽咪,

原來家晞都返好多課外活動喎, 見得多人, 應該會無咁怕羞架播.
薳然3個月大就開始認人, 跟住一路見到人都怕怕會大喊, 又唔比其他人抱,  但自從2歲開始自己每天返playgroup後, 就改變左啦, 同佢去買野, 仲 ...

lsw0316

薳然媽媽,

睇到子俊媽咪話原來班裡面係無編位, 可以俾小朋友自己揀坐邊度, 唔怪得我久不久問家晞係咪同薳然坐, 佢有時話係, 有時話唔係, 我都覺得有啲奇, 我只係以為佢哋有時會分組玩, 先至會有時一齊坐, 有時又唔係.  不過, 好耐之前有一次梁老師話家晞用隻手擋住佢隔離個位好似想留俾人坐, 但係, 當梁先生問家晞"點解唔俾人坐呀?" 佢即刻縮手, 所以最終都唔知佢想留俾邊個坐呢?

講起連線, 我見到家晞喺本英文書度連咗線, 不過就係震震吓, 彎彎曲曲咁, 笑 c 我 , 但又唔敢笑佢, 要忍住

原文章由 薳然媽媽 於 07-10-10 23:33 硐表
子俊媽咪,

志樂係男仔呀, 上次我接薳然放學, 薳然指住志樂話我聽佢叫張志樂, 我跟住走埋去度問佢工人, confirm係呀.

唔知點解, 次次我問親薳然邊個坐佢隔離, 佢都話家晞, 可能佢鐘意同家晞一齊: .



...

lsw0316

Yansy,

其實都未決定, 因為都仲觀察緊方方嘅教學方式同程度啱唔啱自己個囡同埋係唔係我所期望嘅.  如果話同類型嘅幼稚園, 就未必一定轉, 因為方方係一間唔錯嘅幼稚園, 尤其, 以方方嘅程度上小學一定無問題, 而且, 近屋企, 我一向主張返學近啲, 無咁嘥時間同無咁危險.  因為都唔係有好大推動力要轉校,  所以, 我只係報咗兩間 - Victoria 同 ESF, 兩間之中, 只係Victoria 要面試, 睇吓考唔考到 , 而 ESF, 就唔駛擔心/操心, 所有申請由內部審批, 由學校決定俾唔俾位, 好似抽獎咁.  而家唔諗咁多住, 等考到先算.  

妳囝囝呢, 睇見妳話可能喺第二間 repeat k1,妳報咗邊幾間呀?  妳囝囝真係最細嗰月, 喺幼稚園嗰頭兩年, 尤其係學寫字嘅階段, 喺能力上就真係會有好明顯嘅分別, 但其他方面, 其實都唔駛太擔心, 所以, 我覺未必一定要 repeat, 只要寫字嗰方面, 唔好太心急, 等小朋友嘅 fine motor 發展得好先開始寫, 咁佢哋隻手仔先夠力同協調到嘛, 我相信, 學校啲老師都會咁同妳講.  慢慢嚟, 佢哋仲咁細, 有排讀, 最緊要而家返學開心, 幼稚園時期一定要幫佢哋追求愉快學習, 因為, 過咗呢幾年到升小學就會身不由己, 係咁俾人催谷, 所以, 我先至想俾家晞喺 IB 嗰邊上, 不過, 又會好貴, 仲猶疑緊

原文章由 yansy 於 07-10-11 18:12 硐表
其實各位讀pre-nursrey 小朋友0既媽咪, 有無唸住0係邊度讀k1呢???

lsw0316

薳然媽媽,

係呀, 係呀!  家晞都講得啱呀, 我問佢係唔係同薳然坐, 佢話唔係, 係同 Elaine 同子文坐, 又有提志樂同一翹, 唔知佢係咪講緊成張枱嘅小朋友呢

我噚日同家晞溫中文, 當佢揭到 "刀" 字, 佢突然轉咗神情同語氣, 好老積咁話 "唔好攞刀呀吓", 仲做埋動作, 攞住本書向外同我哋講, 即係好似喺學校先生講書咁款.  家晞平時喺屋企好鍾意扮先生, 薳然有無咁o架?

原文章由 薳然媽媽 於 07-10-11 23:23 硐表
sorry, 要更正, 頭先問薳然野, 佢話係綺琳, 唔係綺玲呀.　　另外，靄兒係姓吳．

佢今日終於話自己唔係同家晞坐嘞.  佢話一翹sit next to Evelyn (佢自己）．　咁我問佢邊個坐家晞隔離，佢眼仔碌碌想用心諗，但諗極都諗唔起，跟住 ...

lsw0316

子俊媽咪,

38.8 度 好高燒喎!  唔怪得佢返學扭計啦!  咁高燒, 有無喉嚨發炎呀?  其實等子俊好番哂, 有無諗住同佢打流感針?  不妨問吓子俊睇開個醫生嘅意見吖.  家晞個醫生就 recommend 小朋友要打, 我都覺得打咗之後, 唔係話絕對不會病, 但病狀真係輕微好多.   而且, 今日睇報紙話流感對 2 歲以下嘅小朋友嚟講都幾危險, 雖然, 我哋嘅囝囡已經超過 2 歲, 但係如果病得咁密, 做父母真係會好擔心o架, 不如下次問吓醫生意見啦!  希望子俊快啲好番, 快啲返學!

原文章由 子俊寶寶 於 07-10-12 21:49 硐表
今朝一早子俊已經話唔返學, 跟住氹佢一輪終於出左門口. 今朝係工人姐姐帶佢返學, 突然工人打電話比我話佢係學校門口唔肯返學, 喊住要返屋企, 我就話你只要將子俊交到比老師就無問題, 果然老師一抱子俊, 子俊就即時無 ...

lsw0316

子俊媽咪,

睇見妳講同子俊鬧到咁唔開心, 其實會破壞大家嘅感情o架, 可能因為大部份小朋友都好固執, 同有少少反叛, 好多時我哋話 A 佢哋就堅持做 B, 好似家晞咁, 又有時會做完 B 先做 A, 總之, 好似一定要先做佢哋認為啱嘅嘢, 但又知我哋會嬲, 所以會返轉頭做 A.  我覺得, 既然妳已經用盡方法, 氹同鬧都試過哂, 佢都唔肯聽, 不如問下梁先生可以點做吖, 又或者請佢幫忙同子俊或者同成班小朋友講吓, 問吓佢哋喺屋企有無刷牙, 小朋友會好聽老師話o架, 一來佢哋想老師讚, 又想同其他小朋友一樣, 有樣學樣.  家晞好彩有哥哥帶頭, 有樣學樣, 所以喺刷牙呢方面都無太大問題.  不過,家晞都好硬頸o架, 有時我話佢唔啱, 佢會唔啋我同即刻走入房瞓喺床上面, 不過, 過一陣佢又會無嘢, 我唔會氹佢, 但會同佢解釋講道理話佢頭先做得唔啱, 所以媽咪鬧, 叫佢下次唔好, 不過, 下次咪又係咁 , 所以教小朋友真係要好有耐性同耐力o架, 加油呀!

原文章由 子俊寶寶 於 07-10-14 11:27 硐表
今日又因為擦牙問題, 攪到好唔開心 , 由今朝8:00又氹又閙到而家, 到頭先真係按唔住d火 , 同佢講你唔擦牙, 媽咪唔鍚你, 所有玩具都唔比玩又無野食 . 佢都唔肯就範, 跟住又發脾氣又喊 ...

lsw0316

薳然媽媽,

原來佢哋呢個年紀嘅表現都係差不多, 而家教小朋友真係比以前父母教我哋嗰陣難好多, 又唔鬧得但係又唔可以縱容, 真係好難攞平衡o架 :(, 有時都會俾佢哋激到好忟o架 .

11月5號一齊湊放學同食 lunch 應該無問題呀, 我 pm 定個電話俾妳, 如果有咩變動可以電聯.  

我問過親子芭蕾舞班除咗 10:00 am, 就只有早一班 9:00 am, 但係我無信心趕到呀, 以前家晞返 playgroup 都係返 9:00 am, 雖然佢已經起咗身, 但係未醒得哂, 吽吽哋, 要 warm up 好耐先得o架, 所以要再諗吓, 或者等下期 kindermusik playgroup 啲時間就唔就到啦.  

原文章由 薳然媽媽 於 07-10-15 09:52 硐表
家晞媽咪,

薳然早陣子同家晞一樣呀, 唔happy時, 就粒聲唔出, 走去我個房攤響我張床度, 咁我地跟住佢睇佢做咩時, 佢會話唔出去呀, 發皮氣呀, 有時又話: I'm not happy 呀, I want to cry, 真係又好嬲又好笑, 不過最 ...

lsw0316

薳然媽媽，

我都收到妳 pm 啦, 多謝 !

家晞都無講錯, 子俊無返學, 好多時都聽到家晞自己同我講話一翹無返, 呢排又無撞見佢媽咪, 我仲以為佢無讀添呀!  不過, 久不久又聽見家晞提一翹個名, 所以估佢病咗, 如果見到佢媽咪真係要問候下佢先得.

家晞係喺 Littleton 上 kindermusik, 係幾貴o架, 不過, 就近都無呢類 playgroup, 同埋佢每堂上一個半鐘, 出面嗰啲係 45 分鐘到 一個鐘, 每堂平啲, 但時間短, 所以都唔係貴好多.  最初未返學前返佢哋個 prep program, 一星期返三日, 每日兩個鐘, 學費同方方一樣, 仲要一次俾兩個月, 好喇脷o架, 不過, 上咗之後, 真係覺得家晞 pick up 得好好, 妳都聽過家晞幾怕生保啦, 不過, 佢好鍾意, 又學到嘢, 而且, 佢一班都唔會太多人, (我估因為貴 -- 如果無上過佢啲堂, 真係未必有信心一次俾咁多錢o架!) 因為人少, 老師又跟得好, 家晞咪跟得上囉. 我嗰時仲返緊工, 忙到 c, 揾到咁近有啱佢年紀嘅 playgroup, 就即刻俾佢去玩, 等佢返學無咁驚.  話時話, 我嗰時喺愉景新城其他有興趣班嘅都無啱兩歲嘅 playgroup, 最細都要三歲先有, 薳然之前喺邊度上 playgroup 呀?  

原文章由 薳然媽媽 於 07-10-16 11:59 硐表
家晞媽咪,

唔知點解尋晚到今朝都回覆唔到添.
我收到您pm電話啦, 多謝哂.
係呀, 依家d小朋友好厲害架, 唔知係咪d奶粉 & 其他剌激多左, 佢地真係難教過以前好多.
薳然呢期睇到m&m廣告, 成日好想要m&m, 早多日我地買左 ...