富安威寶的家長, 入黎交流吓啦

chan04

我想問吓你地既小朋友係讀國際班定主流班呢? 我想問吓主流班好嗎? 聽講國際班如果讀半日沒有中文堂上的, 好像這方面不是太好, 另我想問此學校的老師是否有愛心呢? 這學校有沒有homepage呢? 我想看些詳細資料.

chan04

我囡囡也就快在此學校插班, 我想問吓有沒有現在讀緊n1既家長可以傾吓呢? 上次家長會, 知道班住任好似叫ms chow, 請問她及此校其他的老師細心嗎?有禮貌嗎? 會唔會主動同d家長聯絡呢?  現在n1班的返學情況是怎樣呢? 小朋友適應嗎? 唔該大家分享吓啦!

chan04

我個女讀n1, 返左幾日學, 今日弟一日自己坐校車返學, 勁喊, 唔知幾時先會好d, 25號個旅行要返工, 可能去唔到, 但又好想同阿女去玩吓, 你地知唔知多唔多呢d親子活動架? 見你地既post, 都覺得呢間學校好似好開心咁.老師叫我幫阿女改英文名, 好頭痛! 你地係唔係一早幫d仔女改晒名架啦.

chan04

HI, Ktmama
因為我個女返學冇喊過同埋日日都唔想放學, 所以ms chow話比佢試吓坐校車, 今日上車o個陣勁cry, 後ms chow同我講番話佢返到學校就冇喊, 好似平時咁, 都幾開心, 但一放學就要拉埋ms chow一齊坐校車, 咁ms chow一走佢又cry, 所以有個嬏嬏安撫佢, 後來落車見到姐姐先再cry, 但好快就冇事, 唔知試多幾日會唔會好d.
我個女返半日班, 剛剛2yrs, 姐姐湊佢架, 你仔仔係唔係都係返n1先架, 你覺得你個仔仔返學後有乜野變化呀? 而家佢幾多歲呀?

chan04

今日阿女上車都有喊但好快就冇事, 跟住放學老師話佢自己行入車, 一路都冇喊, 但夜晩問佢返學同坐車d野佢就勁cry, 跟住見佢心情好我又再問, 佢就馬上cry啦, 所以都唔知點算好, 你地覺得要唔要自己送佢返學多一段時間先再坐校車呢?你地有冇試過咁既情況呀? 佢朝早連校服都唔肯著, 一見到校服都想喊. 唔知將來會唔會好討厭返學.

chan04

ms chow話阿女返學好開心的, 所以我諗最大問題係坐校巴, 頭先阿女訓覺前自己提坐校巴, 仲話叔叔楂車, 一晩之內個差別都幾大, 好難估計, 我冇諗過佢突然會自己提的, 唔通佢諗通左, 希望聽日會好d啦, 阿女其實由細到而家都好少喊, 呢幾日都叫喊得最多了, 我都係住馬鞍山區, 車程唔係好遠,

chan04

HI! 我個女校車係紅牌架! 星期五我自己送個女返學, 本來都冇乜野, 但一返到去見到架校巴係學校門口即喊, 後來同佢入左學校就冇事lu, 仲自己玩玩具, 後來我走左, 佢自己坐校巴都冇事, 所以我諗呢排都要同佢返學先.

chan04

ktmama

HI!我個女一向都好鐘意食野, 所以我諗學校既早餐都好鐘意食, 今日再問佢返學d野好似又冇咁抗拒, 希望星期一會好d啦.

chan04

係呀, 生日party, 我諗都幾好玩. 你地有冇參加一人一花那個活動呀, 我想問$3點交比學校呀?

chan04

見到你地諗緊選校問題, 真係覺得都幾大壓力, 我發覺係馬鞍山區都冇乜選擇, 都係好似得幾間, 私校都冇乜.
今日開生日會, 我個女玩得好開心, 你地小朋友呢? 因為我個女仲未識講, 只係講birthday咋, 唔知今日係學校生日會做d乜呢?

chan04

HI
星期六抽唔到時間去旅行呀, 我都好想去, 到時睇返你地d相補數, 囡囡坐而家放學坐校車都ok, 冇再cry lu, 但朝早都係送佢返學, 等佢玩一陣玩具先走, 走左之後老師都話佢冇cry, 我諗再遲少少再比佢試吓自己坐校車.
我諗要等下星期先有生日相睇, 好心急呀!其實如果唔係送佢返學都冇得睇, 要等老師晒返比我地先睇到.
早幾日我都有同miss chow講過點解學校唔整返個網頁, 而家有d學校都可以上網睇相, 又可以睇吓學校活動, 方便好多, 大家又可以同學校交流多d, 唔知學校會唔會理我既見意呢?

chan04

hello!
整網頁呢個見意我都係口頭同miss chow講左咋, 你地覺得要點樣同學校講會好d呢? 我都希望星期六好天, 咁你地去旅行會好好多啦.

chan04

家長日大家會有乜野覺得學校要改善架?
我自己覺得學校最好有自己既homepage, 可以有email通訊, 學校消息, 照片,
係照片方面除了節日及生日會照片外, 我都想有d學校既生活照, 同埋可以係homepage上面看相, 撰相等, 因為囡囡本身是坐校車的, 所以只有老師晒給我的相才可以看.
另外我想問問k1 的情況, 如課程, 每日schedule, 是否會多些活動呢? 課外活動幾時可以參加架? 英文會教些什麼呢? 中文深唔深架? 希望大家分享吓.

chan04

我今日去學校看了差不多2小時阿女上堂, 幾中1小時係課室, 另外時間佢地就係花園, 初初阿女開學只有10幾人1班, 而家我數好似都有30幾人一班, 雖然都請了新老師幫手, 但係情況都好混亂老師好似冇乜時間照顧佢地咁, 因為我見到除唔聽話的同學會即時話外, 其他同學老師都冇乜同佢地講野咁制, (o個陣係分組活動緊), 實際情況好難描述, 有d野唔方便係度講, 我咁講其實我係想知k1既情況會唔會都係咁, 多唔多人插班, 老師係1對幾多呀? 會唔會冇咁亂呢? 因為阿女之前返學我覺得佢好開心的, 返來同佢講學校佢都有反應, 而家聽到學校都走人, 唔想提咁, 我都唔知點解佢會咁, 定係佢而家2.5yrs呢個年紀係咁, 但之前我睇大家既討論又覺得呢間學校好開心咁, 仲有我想問k1那邊的老師有冇愛心同耐性架?會唔會成日轉老師呢? 因為我發現阿女o個班其中一個老師我覺得佢唔係太好, 所以我會係家長日再同學校反映, 大家唔該分享多d對呢間學校既評語啦, 因我希望阿女可以返學返得開心呀, 期待緊k1...thanks!

chan04

bigbighei 寫道:
chan04,

你個小朋友係咪讀國際班呀? 我仔仔就係讀PGI, 我都有同感佢地果班真係越嚟越多人,可能真係會睇少咗架, 好似我仔仔上次果單咁, 到宜家都仲係個迷嚟架,但係都冇辨法啦!
但係我覺得佢地既老師都已經好努力去睇d小朋友架啦, 我每次打電話比老師佢地都真係會跟進番比我知, 但係我睇唔到既就好難講啦, 但我日日問仔仔佢返學開唔開心, 佢都答我開心架! 咁我諗都應該唔會好差既!
我諗家長日我都會同老師反應吓e個問題先!

我個女讀主流班架, 今日打左電話去學校傾了, 佢地話k1係20幾人一班, 插班情況唔會好似n1咁, 另外而家上堂既情況同埋問題, 學校話佢地會再留意同處理, 咁我都放心番d, 我睇阿女上堂既時候, 都見到d國際班小朋友, 情況比主流班好好多, d老師同佢地邊唱歌邊行出走廊, 小朋友都好開心, 其實早排主流班老師人手唔夠,o個期有好多小朋友病, 老師忙到年小朋友有鼻水都抺唔切, d家長見到咁既情況自己幫手抺咋. 雖然而家都改善左, 但阿女就變得唔鐘意返學, 我想我要同佢再傾多d, 希望阿女會開心返.

chan04

ktmama 寫道:
HI, CHAN04
咁你女女嗰班總共有幾多個老師呀?  你試吓慢慢氹吓女女睇吓佢肯唔肯講出黎啦, 再慢慢同佢去分析啦.  不過有時 d 小朋友好得意 gar, 佢哋有時真喺會唔肯講喺學校做過嘜或者學過 d 嘜 gar.  如果你真喺好擔心的話, 你不妨詳細同班主任傾吓, 睇吓佢喺學校既情況喺點.  

我仔仔依家讀緊 K1.  我見仔仔返學都好開心, 佢哋到依家都無轉過老師, 仔仔個班住任都好好 GAR.  我覺得佢對小朋友觀察都好入微.  

佢一班有4個老師, 只得1個係同阿女熟..其他我之前都未見過, 我諗新請的, 聽你講k1情況我都放心d, 我好怕d老師成日轉架, 不過我諗一班冇咁多人會易控制好多, 所以到k1我諗阿女會好d. 我想問k1多唔多出去活動架, 去參觀之類...

chan04

chan04

原文章由 vitasoy 於 07-6-29 13:46 發表
我個仔依家都係讀緊國際班N1，其實我都好唔滿意佢地不斷收人，搞到一班好多人，好迫，好多時老師都跟唔足，試過星期一阿仔帶左本書同手冊返學，原封不動咁帶返屋企，我以為當日無用啦，點知原來又唔係(因為我見 ...

校長同我講升k1後, k1會規定左人數, 唔會好似n1咁, 我先比阿女繼續讀. 我有一次去學校見到佢地咁多人都差d嚇親, 第一時間去問校長la.