卷幼，平日老人家湊，點利用平日時間？

ada100525

想問問大家，我的小朋友剛升K1，讀卷幼，我係working mom, 平日由老人家湊，從小到大都有伴讀，但最近小朋友開始唔鐘意睇書，抗拒睇書。

有一次，同佢講玩完手上的玩具，之後就係睇書時間，佢竟然喊左出黎，話唔想睇書。我覺得係因為平日老人家湊，少左時間睇書，開始無左睇書的興趣。

想知道點利用平日時間令小朋友都睇書呢？唔知你地既小朋友日頭會自己睇書嗎？你地放工後會點利用平日晚上的時間呢？只睡前伴讀？

我小朋友唔係咁鐘意用點讀筆，唔知除左用點讀筆外，仲有無其他方法呢？

萬分感謝！

ada100525

emma1994 發表於 20-9-29 21:22
我小朋友同識幾個既小朋友都唔中意點讀筆，話枝筆會講嘢同有音樂好恐怖

伴讀方面，我FTM。不過我先生每日 ...

可能係我最近選給她的圖書唔岩佢口味。

ada100525

藴藴 發表於 20-10-5 13:19
本帖最後由 藴藴 於 20-10-5 13:20 編輯

當小朋友開始大，就會開始玩自己喜歡既，抗拒睇書，始終睇書真係 ...

係呀，而家小朋友只係想玩，少左時間睇書，只怕佢睇得越少就越唔鍾意睇。我每晚都有伴讀，只係1-2本 peppa pig.
而家我買了巧虎，康軒，ort (唔係咁鍾意睇)，peppa pig，piggie and Gerald，first little reader ，Fly Guy ( 睇左一兩本就唔想睇)，Froggy (興趣不大)，I can read biscuit. 係咪種類唔夠豐富？有無其他好提議？

ada100525

回覆 notcool 的帖子

多謝你的分享。我即刻去search下，覺得圖畫好靚好吸引，但我個女只係三歲，會唔會好深？會唔會太抽象？你小朋友幾歲睇？你伴讀？

另外想問問，而家疫情關係，你地仍會去圖書館借書番屋企睇嗎？

ada100525

回覆 藴藴 的帖子

而家小朋友3歲，佢鐘意動物的。而家我可以做的就只有買多啲唔同類型的書去吸引佢，令佢唔好咁抗拒。只得每晚訓教前盡量同佢睇多啲，增加睇書時間。
咁平日朝早係咪都無其他方法？另外我囡鐘意唱歌聽音樂，係咪可以試下廖彩杏套書黎吸引佢先呢？

ada100525

回覆 zaba 的帖子

請問你囡係咪平日朝早都會自己攞書睇嗎？可以分享一下你囡而家睇緊既書，給我參考嗎？

ada100525

回覆 zaba 的帖子

多謝你的分享。
原來你的小朋友係番全日班，咁你都係夜晚訓教前先會睇書講故事？平日放工後會同小朋友睇幾耐書？

其實自己每晚都係得訓教前先可以同小朋友睇10-15分鐘書，因為只得呢段時間平時去睇下書，日頭大部分時間都無睇書的習慣，就會變成每次都係我要求佢去睇，而唔會自己走去睇書。

唯有我再簡多啲唔同類型既書去吸引佢，星期六，日再增加多啲時間黎陪佢睇。

ada100525

回覆 sheepeep 的帖子

Audiobook 都係一個好方法，因為我地係好少用audio book 去聽， 唔知有無一啲入門的audiobook分享去吸引小朋友試下聽呢？ 我見Disney read along 好似唔錯，但對三歲小朋友會唔會太深呢？

ada100525

回覆 wyan16 的帖子

我自己唔鍾意用cd, 好麻煩我自己偏向簡啲scan QR code 就有Audio的書，但可惜唔多。而家有啲係用手指點讀就發聲的，都係選擇唔多。