P1B parents

bbdou

各位好,

今朝阿仔自己坐媬姆車返學，我地跟住飛的去學校門口，好多人呀，頭先打左電話俾佢，佢話今日返學好開心呀，希望小一生快d適應學校生活，日日都開開心心咁去返學！

我個仔都係P1B！

bbdou

我個仔又係話兩位老師都好好喎，好鍾意兩位老師咁話！

我都好擔心個仔食飯，佢係12月出世的細仔，食飯又係龜速，都唔知佢搞唔搞得掂。我又驚佢係學校唔飲水同唔去廁所，今朝早千叮萬囑要飲水同去廁所，唔知廁所係邊就要問，等放學打俾佢問下至得！

原帖由 kongsou 於 08-9-2 12:10 發表
P1B
charlie2002    女女
terrylvpool     女女
melissa          囝囝
萬樂珠            女女
bbdou            囝囝
kongsou        囝囝

hihi!多d入黎交流下啦!
今日佢哋第一日正識返學,有冇好擔 ...

bbdou

bk真係唔佢搞乜鬼，屋企部腦老公log in左教育王國但係就搞極都log out唔到，搞到我係屋企搭唔到咀。
講返琴日返學，阿仔都食唔晒d飯，淨返少少，佢話有食快d喎，食完飯去左睇 "惡人谷"，仲話好好笑，好好睇。仲話老師有同佢地玩遊戲，好開心咁話喎！但佢琴晚又話好似教英文的老師係Ms. Cheung，咁有冇人知究竟係Ms. Chan定係Ms. Cheung呢？

bbdou

終於將老公log out左，可以上來講野啦！
我上個星期去左幾日新加坡，食左好多野，好好味，又肥左添！
阿仔午飯係由工人攞去學校，阿仔今日又食唔晒D飯，佢話因為食得慢喎 ；佢又話今日冇睇惡人谷，老師話聽日至睇；又係禮堂睇左大哥哥表演跆拳道，又話D哥哥好勁，佢又想學喎；又講話老師話學校係養昆蟲的，有蜻蜓，同埋佢話見到蜘蛛網；又話有同學推佢個書包；又話佢開唔到個水壺，搵左D同學幫佢開，點知兩個同學都開唔到，要第三個至開到；今日又去左禮堂玩遊戲；仲有今朝早落左媬姆車行入學校時淋D左雨，盧校長用紙巾幫佢抹頭，佢有講唔該。咁多野講o既！

你地揀好LWL未呀，我地幫佢揀左足球、World Arts Tour 同埋 Kids Science Group，希望足球有得玩啦！

原帖由 bignose 於 08-9-3 15:33 發表
bbdou
唔怪得幾日唔見你
bk真係short short地
教育王國仲有新舊兩個版面
pm又唔多work
真係搞到我地一頭煙
btw, 你得閒可以去p1D果邊chat下

kongsou
o華, 原來ec咁出名,
相信我地冇揀錯.


bbdou & kongsou
係呀,  ...

bbdou

咁咪星期二、三、四都要著體育衫，潮濕天氣會乾唔切架喎！
咁聽日究竟著校服定係體育衫呀！

原帖由 terrylvpool 於 08-9-3 23:46 發表
我個囡話體育服，因為明天有一堂是LWL，

如果參加WEEKDAY的課後活動就要搵人睇細仔，工人要去接囡放學，真係好難攪，D課外活動都幾好，但無校車真係好煩。

...

bbdou

我都見到呀，不過佢寫住帶1D就帶1D啦！

阿仔今日的家課冊寫左：
便條
LWL通告
(繪畫比賽(白行參加
家長鼓勵

有冇漏野呀？

原帖由 yinbb 於 08-9-4 00:32 發表
hello hello 我又黎報到, 我囝囝都係P.1B, 佢叫ISSAC.
我都有好多問題搞唔明呀, 可以响到同大家傾下真係好啦

大家有冇留意到"便條"寫G.S. 帶1D 而唔係１A ?唔知打錯定真係”調”轉黎教？ ...

bbdou

阿仔手冊今日又寫左欠交MMR打針通告，但係其實老師已經收左，仲要寫欠交，於是我係本手冊到寫返話今日已經交左，同埋問佢交通告的deadline唔係9月5日咩，都未到期，為何話我仔欠交！我真係有D火火地！

原帖由 kongsou 於 08-9-4 13:00 發表
bignose,
第一頁寫住欠交,心情好down架嗎!你有冇寫住"欠交"!我只不過驚小朋友吾開心啫,因為第一日佢交曬通告,好開心咁話我知,老師比左兩個貼紙佢,我諗佢第二日都冇lu! 不過我哋都會比時間學校跟進既!可能真係第一 ...

bbdou

我唔係去公幹，我份工唔駛出trip架，我地係去探親加遊行，所以食左好多野，好好玩呀！阿仔唔係自動講晒咁多野架，都係要我問下問下至問到出來架！

原帖由 kongsou 於 08-9-4 11:07 發表
bbdou,
你去新加坡不是公幹嗎?你就開心啦!去食好野!你個仔咁叻仔識得講咁多學校發生既事情比你知,你就好啦!亞仔你問佢一句答一句咋!:tongue: 盧校長真好人啊!見你仔仔濕曬用紙巾幫佢抹頭!你個仔又好乖咁吾該佢!
二. ...

bbdou

今日好忙， OT到啱啱至返到，阿仔話唔知老師收左兩本定三本書喎！

如果LWL要帶體育衫返去換，一來佢地自己換實好慢，二來個書包已經好重，仲要帶衫同鞋咪重到唔駛行？

原帖由 yinbb 於 08-9-4 22:37 發表
kongsou,

一定啦!有得同大家傾下計都不知幾開心!

個張pink "便條" 有寫明G.S. 1D 架, 不過阿仔都帶漏左"聆聽1下, 但係老師冇寫欠帶, 淨係叫佢聽日記得帶番.
仲有, 阿仔今日冇左本backpack workbook, 問佢放左响边, 有話唔記得 ,俾佢激c !你地個本响唔响到呀?係咪比老師收左呢?

吓! LWL要帶體育衫返去換? 阿仔唔識換噃, 唔知老師會唔會幫佢換呢? 我淨係柬左跆拳道咋, 平時要坐校車(我唔係住tko)

bbdou,
嘩! 你好忙噃, 又去新加坡又要搞阿仔開學. 不過有得遊下又幾開心既. mr. lo 好好人呀, 真係好關心d學生, 入到黎讀又真係幾幸福 .

bbdou

哎呀，打錯字俾你捉到添！

去邊到報名玩燈籠呀？太多個TOPIC我撈到亂晒添！我地駛唔駛猜下燈謎添呀？

原帖由 心心 於 08-9-4 23:19 發表


遊行

hello bbdou,
記得報名玩燈籠呀

bbdou

各位早晨！

琴晚熙熙 (我個仔) 同我講話 Ms. Cheung 鬧佢喎，話佢個水壺漏水，我問佢Ms. Cheung點樣鬧佢，佢又講唔出，有冇同學仔係目擊證人，可以話返俾我知呀！熙熙話Ms. Cheung有少少惡咁鬧佢喎！

bbdou

我琴晚試左架啦，不過佢都係講唔出！琴晚工人同我講話熙熙一行出學校，就同工人講話老師鬧佢呀，同埋見到爸爸又投訴話要換過個水壺，因為係學校漏水老師鬧佢呀，所以我好想知究竟老師係唔係真係鬧佢，如果真係，我就覺得有d過份囉。

原帖由 kongsou 於 08-9-5 12:35 發表
bbdou,
吾係掛!個水壺漏水都要丙,我諗吾係既,可能老師話佢知,你囝囝以為老師話佢!不如你試下返home再問囝囝一次,叫佢辦老師,你就辦你個囝囝..咁就一清二楚啦! 絶蕉嗎!

...

bbdou

琴晚ot好夜返，冇得同阿仔玩添！

講真，我會信我個仔話老師鬧佢，因為我自己對Ms. Cheung的印象麻麻，由佢係手冊度寫住小朋友 "欠交" 通告一事上，我已經覺得呢位老師唔太跟到EC的教學理念，EC講求用愛教育小朋友，以表揚來鼓勵小朋友學習，但我覺得佢似乎唔多有耐性，又唔多有愛心咁。
阿仔K3時個班主任係出晒名惡的，但係只係惡唔聽話的小朋友，阿仔都好鍾意佢，之前仲問我EC的老師係唔係好似 X 老師咁好咁樣喎，睇來我地真係要多D觀察，互相通多D消息，如果真係有問題，都可以早D知同埋尋求解決辦法呀嘛！

原帖由 tatacat 於 08-9-5 13:41 發表
yinbb:
我囡昨晚都有玩扮鐘聲, 拍兩下手, 跟住"伏响枱".  我問"伏响枱"訓覺呀?  佢話如小朋友嘈, 老師就會扮鐘聲喎.

bbdou
我囡之前都有話老師好惡.  我心諗唔會掛, 播道老師不是出名有愛心的嗎.  我估是老師大聲小 ...

bbdou

係寫「欠交」，星期三返來係第一頁寫左「欠交MMR針通告」，咁我地星期三晚填好連同一張memo (因為小兒周日會自行往兒科醫生打，所以寫左張memo話針咭會於周日打針後的周一, 即9月8日補交)，加埋其他要交的野 (包括揀選LWL活動的通告、locker label、寫左鼓勵語句的星星紙)，放好係一個透明膠袋裡面，咁阿仔星期四返學成袋野交晒，連膠袋都俾老師收埋，但係星期四返返家課冊，係第二頁又寫左「欠交MMR針通告」，連續寫左兩日，睇見個心真係好唔舒服。其實張通告係話9月5日或之前交回俾老師，我的理解係未到期都唔應該算係「欠交」，更何況小兒9月4日已經交晒所有野，點解都仲係「欠交」呢？咁我驚老師係一時眼大睇過籠，就係家課冊度寫返話我地周四交左囉！

原帖由 PaPa 於 08-9-5 15:35 發表


佢係寫「欠交」﹐還是「補交」？

bbdou

現階段我唔會打去學校，我會先觀察一段時間，如果問題繼續存在，我會同學校反映。
其實我唔明老師點解會寫「欠交」，我地全班都應該係寫「欠交」，都未過最後交通告的期限，又點會係「欠交」呢？可能老師其實係想提家長交通告，但用錯字眼，要知道「欠交」係一個負面詞，會令人產生負面情緒架嘛！我好明白老師要寫咁多本家課冊係好辛苦，但係唔可以因為辛苦就求其寫個筆劃少的字去提家長架嘛！

原帖由 kongsou 於 08-9-5 15:21 發表
bbdou,
咁你試下打去學校瞭解件事情係點先!又可能重中有d誤會都吾出其既!你要聽埋老師講會好d!不過佢寫錯手冊又吾改喎..錯左要改架嗎!你話我講得岩吾岩先!都係嗰句第一頁手冊比人寫"欠交"小一咋...溫馨提示都完全冇喎!況且都未到星期五tim啊!

yinbb,
咁好我哋個班有個精英教中文:) 其實我覺得老師惡,吾緊要,不過要惡得有有道理就ok,由其是教我囝囝,有時吾惡真係吾得架tim!不過又聽亞仔講miss cheung好好人喎! 仲好好人tim啊!

bbdou

會呀會呀，一齊食晚飯，等我認下你地先，上次都唔認得你地邊個打邊個！

原帖由 kongsou 於 08-9-5 16:05 發表
bbdou,
咁我哋大家都比d時間老師跟進!你明天會出來聚會嗎?燈籠晚會!出黎開心吓!

bbdou

Hi All,

熙熙今日冇返學，因為琴日去醫生度打完針，今日有d燒呀，所以麻煩各位報料俾我知今日學校發生過咩事同埋有咩功課做呀！好耐都唔該！

bbdou

熙熙打左兩支針，一支係四合一，一支係MMR加強劑，每邊屁股一支。我冇同佢打流感針。

原帖由 charlie2002 於 08-9-8 11:57 發表
What injection your son did, is it the one to protect flu? We should prepare it before the next one come but not sure which doctor is available, may be we will go to the MTR one. Any experinece to sha ...

bbdou

好呀，不過我地冇去攞功課，知道左都做唔到，但係我都想知！

原帖由 yinbb 於 08-9-8 12:08 發表
唔緊要啦, 打完針係會有d反應既, 夜d報告比你知啦 (如果阿仔記到既話 )

bbdou

醫生話有D小朋友好快，有D小朋友要成個星期至會有反應，咁我諗熙熙係快嗰隻囉，佢只係有少少燒，不過因為佢打針時好緊張，打完之後，一邊屁股痠痠痛痛咁囉！

原帖由 bignose 於 08-9-8 12:28 發表
bbdou
咁快有反應呀?
希望佢快d好番啦.