深水埗附近有無政府資助嘅幼兒園呀？請指教！

mymelody.lam

敏敏媽媽：
香港基督教服務處d幼兒園聽講幾出名
我知石硤尾幼兒園開上午7:45，可以方便帶小朋友返學就即刻返工。好似唔係間間都開咁早
同埋佢哋有遲d接放學，好似至到晚上8:00，會照顧埋小朋友d功課，及食埋晚飯
我個friend個女讀呢間幼兒園，聽佢講嫁！
如再有問題我可以幫你問吓佢！  :wink:

mymelody.lam

敏敏媽媽：
嘩！間學校可以隨時參觀很好啊！有d出名幼稚園都唔可以隨便參觀，咁間學校都幾高透明度，可以入校內望吓環境，不過我都覺得除了你的感覺外，最緊要係你對仔女鍾意。
雖然我個bb仲有幾個月先出世，但我都好留意邊間幼稚園/幼兒園較好的，八定先無壞

mymelody.lam

VenusB：
呢幾日唔得閑上嚟，所以咁遲先覆你。
我覺得間學校好唔好要睇吓你對個仔既要求，好難講。不過我個friend話個女既語文能力同講嘢都進步咗好多，佢話呢間幼兒園好重視小朋友既語文能力，仲有得借圖書比佢個女睇，佢話d書出面圖書館都未必有，因為係為唔同年齡既小朋友而設，睇完又有工作紙要做，同埋書後面有d問題可以問個女，佢個女又最細個班開始讀時已經有，所以佢個女而家都好鍾意睇圖書，而且佢個女不知幾鍾意返學，新年放假都話要返學，我個friend話間幼兒園d老師好細心，會主動同佢講番個女d問題比佢聽，佢話d老師真西利有時佢發現唔到d問題d老師都講到比佢聽，所以佢話都好放心。
你問活動空間夠唔夠我就覺得你要自己去睇先知，有d人住成千尺都話間屋細，有d人三百幾尺間屋就覺得好好，我諗你要上去先知滿唔滿意。
你個仔幾大呀！張相好得意呀！你個仔幾大時你開始同佢留意d學校呢？雖然佢仲係我個肚入面，但我得閑都會留意吓d學校，不過我覺得係個小朋友返學開心同鍾意返學！
如果有問題你再問我啦！我再幫你問！

mymelody.lam

VenusB：
我個friend話石硤尾幼兒園d衛生做得好好，雖然外表好似舊一d但係裏面好光，而且非常之乾淨，佢話最重要係每個課室都有洗手間，我覺得呢樣最好，小朋友一急就可以去廁所，同埋每班都有個嬸嬸會成日清潔。
你話兩歲班好似只收得廿多人，佢就話唔係咁清楚，因為佢個女唔係兩歲個班，所以無留意。其實少人咪重好，d老師咪照顧得更好，同埋活動空間重多。如果好似d名幼稚園多人到要走鬼咪死火，個仔返學咪只係識「走鬼」&「同人爭」