哈羅&天神

Vanadium

老實講，帶個女去過哈囉，收埋，最後話比佢聽佢要讀天神，然後去到個校舍........比我會怕個女接受唔到，然後每有功課壓力，就會好唔開心。

都識好有錢既人囡囡讀天神同St Mary，但佢地都係一直一條心過平民生活，個女一直都係好平民既學校讀書。若然係見過貴族生活想返入去平民，相信心理素質要好好先得。

Vanadium

964000 發表於 18-6-6 22:21
係囉，去淺水灣豪宅睇完樓落左訂，轉頭番來話抽中左居屋中而家決定居屋，因為呀三姑呀六嬸都話「咁難抽中 ...

其實樓主問得呢個問題，相信讀哈囉費用都係佢關心之列，買左2千尺豪宅，但抽到居屋，發覺住居屋可以手頭鬆動無咁大壓力，最後揀居屋都唔奇既。

其實我就相反，即使比得起從無諗過讀哈囉，留返啲錢比子女日後自己決定條路點行仲好，幾球野....係外國讀咩都得。

教育要同社會配合，國際學校係咪真係咁適合香港/中國社會既生活同工作，我就有少少疑問。若然要國際視野或外國既教育，不如直接去外國讀書咪仲好?

其實仲有朋輩。若非真係果個階層，讀咁上流既國際學校，結果仔女有機會完成學業都無咩真正可經常聯絡之朋友，個人覺得係一個遺憾，因中小學同學本來就可以係好終身既關係。

Vanadium

PPyeung 發表於 18-6-7 07:00
我有同事女之前DG, 後來轉哈羅，最後去英國讀U，她不是上流社會。
不過一定是家境富裕，因為佢家人做生意 ...

St Mary當然有好有錢既人，但應該同哈囉比，可能會係1:9同9:1既分別。

其實讀得哈囉，應該都係有錢得黎，唔想同你地"凡夫俗子"一齊接受普通教育果批。若然"凡夫俗子"勉強去讀哈囉，同果批同學及其家庭好大機會會格格不入。

好有錢既未必鐘意呢種抽離既教育，唔少反喜歡貼地，如劉德華剛出席個女一間普通幼稚園畢業禮，我知好多富豪，其仔女都係普通香港學校讀書，由於心態問題，同呢啲有錢人仔女，相反係做到朋友，因佢地都唔會覺得自己有錢而有啲咩特別。

後生時係教會認識一個朋友，我地教會係舊樓上面，好細，同呢位朋友係同團契大家都幾熟，後來先知原來佢係香港一間大上市集團主席個仔(佢呀爸應全香港人都會識)，同佢傾下講下，佢話佢平時生活、返學放學都係坐巴士，連私家車都好少坐，佢話佢呀爸不嬲都咁要求佢地喎，當然佢亦係讀好普通津校。

Vanadium

ysnmama 發表於 18-6-12 15:38
姑勿論正校分校。夠唔夠貴。我這些草根，直情唔敢諗哈囉。亦唔係人人有能力諗的。 ...

草咩根呀....就算做地盤，幾年前一個唔覺意買左層200尺單位，今日賣返出去都回到幾百萬啦。

哈囉使幾錢學費? 讀足12年都唔使香港200尺單位既1/3價錢，其實真係一啲都唔算貴，會唔會咁使錢就另一回事。