圖書堂帶什麼書?

1998Ruby1998

我覺得唔洗打電話去學校，不過可以寫係手冊：女兒只聽到不准漫畫書之指示，沒有留意少字的書也不准，便帶了教畫簡筆畫的書回校，還望老師見諒，免女兒於「欠帶圖書」之過。

畢竟女女真係有帶圖書，只不過帶左本老師唔鍾意嘅書，唔屬於冇帶，有需要還返個公道畀女女。

如果老師咁都睇家長不滿的話，咁就....

1998Ruby1998

回覆 ar_mak 的帖子

呢類畀老師屈嘅情況，我小一開始已經見識，仲好嬲個老師，明明唔係我唔聽指令，做咩塞個罪名畀我？我阿媽都係用寫手冊解決（我阿媽中文更加唔好，段野仲長，本手冊都冇寫花曬啦，我本手冊同普通藍色練習簿一樣 size），老師都即刻收返言論／懲罰，不論事件是否只係得我一個或者有其他同學，都會寫曬幾個學生手冊解釋。我阿媽又冇畀學校感覺係麻煩家長，又唔係事事投訴，偶爾一兩次，向老師反映下而已。
不過咁，我學校慣例，奉欠帶／欠交都一定寫手冊，兩個欠就記小過，三個就打電話畀家長，所以我好看重「欠」。如果事主學校對「欠」嘅懲罰／處理係好寬容的話，可以唔追究，當冇事發生。

我將來都會做老師，見到個手冊咁樣寫，咪照樣同個小朋友講「對唔住，下次帶返多 d 字嘅書啦」，然後寫返手冊回應。下次警醒 d，指令要清楚 d，同小朋友 double confirm。個家長唔打電話畀學校就冇問題，可以自行拆彈，好小事。

1998Ruby1998

回覆 little_yolky 的帖子

我試過之前畀代課老師攞左我本手冊，講真相之後反被老師屈我講大話，攞張紙寫我係「欠帶手冊」。所以有時候要家長開聲先可以令老師聽其言。

1998Ruby1998

回覆 little_yolky 的帖子

個主任有一刻係諗緊：「死仔包，公然撩女仔」
我呢 d 壞學生，屈一次，衰一次，冇事冇幹就唔好再染黑我個底啦。

1998Ruby1998

回覆 little_yolky 的帖子

其實老師可以就咁講：「下次記得帶本多 d 字嘅書啦」就咁算數。

1998Ruby1998

ar_mak 發表於 17-10-10 22:04
拿拿拿,呢句岩勒,金句~!
其實家長可以就咁同小朋友講：「下次記得帶本多 d 字嘅書啦」就咁算數。
...

如果學校好似我果間咁，每次欠交欠帶都記過，家長一定唔會就咁講就算。

1998Ruby1998

回覆 ar_mak 的帖子

話說我小二上學期，個老師話：「本來想畀個 A－操行同埋品學兼優，不過你欠帶牧童笛一次，所以我地要只能夠畀 B＋ 你。」

1998Ruby1998

回覆 little_yolky 的帖子

我好多英文作文都係咁，一定唔會畀 90 分，儘管我文筆流暢，冇錯字，詞彙畀同樣年級嘅同學豐富好多，篇幅長過要求 2 倍。我明白一定冇 100 分，但係明明隔離個同學 80 分，錯好多隻字同文法，用字又淺白，點解我同佢個 level 竟然只係 5 分之別？問個老師點解唔畀 90 分我（我明一定冇 100 分），佢話：85 分係頂分，到呈分試因為方便你地考學校，先可以畀 90 分。

1998Ruby1998

回覆 ar_mak 的帖子

我唔明白你如何得出呢返心得，我只係想帶出我咁著重是否真欠，係因為有 d 學校真係會每欠一次就扣操行。品性兼優就因為我一次過失而失去。如果係真係我過失，我冇得唔認輸，所以果次我同父母都欣然接受冇品學兼優獎。如果次根本唔係欠，係老師強加嘅罪名，我掂都唔服。
題外話，你二年班點解可以咁有童真相信？我阿爸同樣幼稚園講同一番說話，我已經話佢少講費話。