應該揀sfa還是培僑？

1998Ruby1998

入到 SFA，我會入，備戰小二插班入有直屬嘅津校，咁就唔需要顧慮細。

1998Ruby1998

回覆 阿里媽媽 的帖子

SFA 收得你，仔仔一定唔會差！SFA 看似谷，但係呢度好多用家都話其實唔係咁恐怖，就算雙職家庭都冇問題。

1998Ruby1998

回覆 阿里媽媽 的帖子

但係你都應該會估摸到佢係咪咪咪磨磨嘅人，例如著衫、執玩具等會唔會慢吞吞唔專心，做做下野突然游左雲望下風景。
讀 Happy School，冇特別谷，都入到 SFA，更加證明到女女係可塑之才。我有幾個學生都係讀 Happy School，資質唔錯，都算係快手同專心，但係都入唔到。

1998Ruby1998

回覆 阿里媽媽 的帖子

記性好，領悟能力高，事半功倍！有 d 學生真係講幾次都唔明，所以就算讀輕鬆學校都有 d 辛苦。
抄寫慢應該都係練習得唔夠，開學前練一練就 OK。我會同小朋友鬥，睇下我畫 Mickey Mouse、卡通人物 快 d 定係佢抄寫果堆字快 d，佢慢過我就畀我吱。或者我話如果限時內佢做曬，就同佢玩，即刻效率大大提升，快到我都唔相信。
至於游雲唔專心，我自己以前都係咁，不過功課就真係會認真做，快快做完休息，就算有十幾項功課的話，個半鐘內搞得掂。

唯一顧慮就係，如果讀 d 輕鬆悠閒嘅學校，會否怕佢習慣左？之前有其他人講過，身邊有朋友都係咁，讀開心輕鬆學校，到中學突然唔適應。

1998Ruby1998

回覆 mc_pigpig 的帖子

認同。私立、直資語境比普通本地學校多係正常。自己補過一線、二線，私立、直資、津貼，只要夠流利，都可以全英語溝通，就算係英語能力好弱，好多字都唔識，都會願意用英語溝通。三語流利，就算不在培僑都唔難達到。
少少離題，有幾個朋友中小學讀 WFK 等英語授課嘅學校，但係英文同普通話都唔太流利，亦都好怕同外國人講野。反而有好多內地台灣學生，起步晚底子差，但係完全唔怕講，半年時間口語就可以追得上香港學生。所以「唔敢同外國人講野」係睇性格思想多。

每間學校都有可取之處，培僑校長著重網絡，就算讀書成績唔係最彪炳都可以有機會透過 IFY 入讀外國大學，同埋睇過用家分享，校長係真心付出，比較少機會出現「只谷尖子，放棄籮底，忽略中游」。