農圃道官小家長請進

召藥師

原文章由 clymama 於 07-10-16 08:43 PM 硐表


唔好意思呀！好彩你提醒我, 星期四亞女學嘢呀！唉！年紀大記性差 。咁不如明日放學等你，好嗎？今次一定無記錯嫁啦！

唔緊要，妳如果聽日唔得閒接妳囡囡放學可以下星期先俾我架!
橫豎都未有咁快一定要換季。

召藥師

原文章由 乖乖 於 07-10-16 10:51 PM 硐表



中數ge評估今日都派咗啦，中文 57/60，數學就 48/60，基本上中文扣3分ge理由係有一個字寫得唔靚扣咗1分 & 有一題係填充 "我猜他不會來了" ，佢可能唔太明白個猜字点解，所以佢寫咗 "我走來他不會來了"，他以為猜字只=猜包剪石 ...

咁數學評估係唔係班班都一樣內容?
英文其實係好easy，考下唔同性別用he/she，family入面有咩人(睇圖再寫，冇直接提示)，好簡單ge連線(三文治食物)同埋畫圖寫食物。阿仔有40/42，我算喜出望外，不過有一分佢係俾老師考佢，因為有個字老師冇教而考學生識唔識，係關於動物(好大tips架喇!我唔咁揚喇!)。

[ 本文章最後由 召藥師 於 07-10-16 23:34 編輯 ]

召藥師

原文章由 clymama 於 07-10-17 11:16 AM 硐表


都係早些比你好, 因為亞女p.1時應該比你囝囝高, 如果唔啱都可以早些去買吖嫲！不過你照 keep 住做後備, 唔乾都得換嫲！ 今日放學見！

另外, 点解係出面睇最後發表明明係23:29召藥師, 入到嚟最後嗰post 就係乖乖, 你 ...

真係多謝哂妳喇!
係啦!我琴晚明明好快就回左post，諗住過d tips俾乖乖，點知用舊的在前係睇唔到，要轉新得在前先睇到，bk成日都有問題。

召藥師

原文章由 乖乖 於 07-10-17 11:04 PM 硐表


首先好多謝你過d料比我, but, 而家冇用 lu,  因為今日囝囝居然帶左份英文評估 result 番黎,  原來上星期五考左啦.......都唔明點解事先冇通知 ge .....最初我以為自己個囝寫漏家課冊啦, 點知問下其他家長，先知道原 ...

唔好咁sad啦!可能老師平時上堂有同佢地溫，然後玩突擊考下佢地都唔定。妳囝囝考成點?有冇好似我阿仔咁唔識串dog?另外我個仔錯左寫食物個part，佢寫I do not like a egg.，問佢點解咁寫，佢話佢當自己唔鍾意食烚蛋，咁次次都係食一隻喎，但又唔知係用an喎，真係好難教，唯有教佢當係唔鍾意食蛋，寫eggs就得。

中文成績今日出埋喇~係佢最差ge一科，得42咋!
句子入面一有唔識ge字就空左佢唔寫，真係頭痛，佢又有衰猜字，不過問佢猜字意思又識喎，但就係做時唔識變通。

召藥師

原文章由 乖乖 於 07-10-17 11:44 PM 硐表


其實都不置於好 sad, 只係覺得英文科有d亂咁囉,  係10/10先第一次默書, 跟手係10/12 就玩突擊評估, 會唔會快左d呀?? 囝囝連第二次默書都係下星期三先默咋......
dog 字佢串錯左, 串左 dag....hehehe,  另外 I do n ...

我阿仔都要惡補惡補!
係喎英詩派左隻cd叫我地教仔讀，妳囝囝收到未?
另外妳囝囝有冇keep住做每日一篇?我覺得好有用!

召藥師

原文章由 Siuchoi 於 07-10-31 08:46 AM 硐表
Hello~! 點解咁耐唔見大家既?  明天測驗啦~ 溫書温成點呀?  我地只係温左中文一半咋 >_

日日都冇時間溫，做功課、做中、英文每日一篇、睇課外書等都冇哂時間，不過我會特登搵d同佢學緊ge野雷同ge圖書佢睇當溫習，另外自己出d填充題同問題考下佢。

另外今日生日會，唔知係唔係我記錯呢?好似原先有張橙色通告話可以著便服，不過禽日老師又要求穿校服，打電話去問又冇老師答到我，最後好彩同佢著校服。

我而家終於明白點解會經常換班主任喇!我今日做家長義工真係大開眼界。

小朋友今日太興奮，9成都無視老師指示，又爭食物又食到一地都係，仲跌埋d食物要丟(我親手整左38個包都俾佢地丟左1/3呀陰公，可能佢地想食零食多d而丟左我d唔好味ge包)，經常離位坐唔定黎食野，有d又叫又跳，叫極都唔聽，老師發惡喇先安靜幾秒，我幫手維持秩序都叫到喉嚨乾哂，真係難為了老師要日日對住班大帝。

[ 本文章最後由 召藥師 於 07-10-31 16:34 編輯 ]

召藥師

原文章由 乖乖 於 07-11-1 04:33 PM 硐表


我尋日都有去生日會呀，我地果班只有2個媽咪幫手，班小一生真係好活潑，尤其係d男仔.......不過難得可以係課室又叫又跳，所以咪儘情做 law.....hehehehe......but, 就辛苦d嬸嬸打掃啦!因為佢地論論儘儘, 跌多過食呀....... ...

妳地都唔知我阿仔個班真係活潑過頭，食多過跌都算喇!又離位又叫又跳，激到老師彈彈下，後來仲要靠另一位(唔知係家長定係老師入黎)大聲好惡咁鬧先肯靜一陣等老師講野同影相。

到我幫手派碟同叉時，有位出哂名ge頑皮小男孩竟然對我講"唔該王八蛋!"!!可惜我當時唔曉俾反應，如果唔係我一定攞番隻叉要佢道歉!點可以咁冇家教架!!我都唔知佢父母俾d乜佢睇佢學......

今日阿仔話中文佢識哂(即冇漏空到)，不過我同我老公都唔會信，不過點都好過佢漏空哂唔填ge。

聽日測英文我都冇同佢溫到d乜，因為用左d時間做每日一篇同溫英詩。原來佢地老師會突擊考佢地英詩，前日就一早上堂前叫左佢地去讀，仲俾左個好孩子貼紙添!

大家努力啦!

召藥師

各位媽咪，想請問妳地小朋友今日有冇收到23號通告?係唔係有貼紙跟埋?因為阿仔話老師冇派到，而我打電話搵唔到老師，有位阿sir話有貼紙跟埋，冇就要星期一問班主任。

請問妳地知唔知個password係唔係個個同學一樣?(因為i-cube個site只係問學校密碼而冇個人密碼)

另外，請問各位之前有冇收過通告提及11月7日或16日ge水運會同遊戲日安排?因為老師上星期寫阿仔欠23號通告，但我根本冇收過通告，搵老師又搵唔到，寫手冊老師又冇覆我，上網又冇upload通告資料，我都唔知點好。

[ 本文章最後由 召藥師 於 07-11-2 17:05 編輯 ]

召藥師

原文章由 乖乖 於 07-11-2 10:14 PM 硐表


突然醒起, 如果冇貼係家課冊度，不如你試下睇睇本手冊學校通訊, 會唔會貼咗係本手冊度啦........

唔該哂妳講得咁仔細，不過老師真係冇貼到，因為上兩次都係老師親自同佢地貼係手冊，而今次就冇貼到，可能老師太忙唔記得左。

另外，我都明白老師唔會日日特登個個check家課冊，所以我一有野寫就會叫阿仔同老師講，不過可能班裡面d同學太活躍，阿仔好多次舉手舉到手軟老師都睇佢唔到，一係就叫佢放低手就算(可能以為佢投訴人地唔乖)。

而家d小朋友可能俾父母寵得多而疏於管教，好多都比我細個時頑皮好多。以前我讀農圃道時，一年班個個都好乖坐定定，唔會又離位又叫又跳。前日生日會，我睇到老師跟本好難控制班小朋友，直頭俾某幾個學生蝦番佢轉頭咁，我見到真係好無奈，冇理由要老師日日板起塊面日日鬧人先乖，而家真係要恩威並施先得lo。我父母都係老師，佢地都話今時唔同往日，做老師唔易，真係希望快d有小班教學ge一日，等老師唔駛咁辛苦，學生又可以集中d學野。

召藥師

原文章由 clymama 於 07-11-2 08:55 PM 硐表
今日收咗23號通告, 係關於I-club嘅, 貼紙貼在家課冊最後一頁, 除學校密碼 ,另外有個登入密碼，你試下睇睇本家課冊。
水運會同遊戲日就有份參賽嘅學生先有通告，我個女無份參加,所以唔知派咗未？
如果你寫家課冊通知老師,  ...

Thanks!!明白哂!我會睇下星期一有冇貼，到時先再睇下駛唔駛問老師。

今年唔知係唔係有人手調動，學校網由開學到而家都唔update d通告上去，有時d小朋友可能會漏左/唔見左/俾其他同學攞多左通告而唔知道，作為家長又唔想次次都要麻煩到老師成日問依樣個樣，希望學校快d作出改善啦!

召藥師

原文章由 Siuchoi 於 07-11-8 01:41 PM 硐表
你地覺唔覺得小一D測驗和默書排得太密? 10月尾評估, 11月初要測驗, 剛剛先至測完驗, 過3日(這星期五)又話要默中文和英文, 睇住個女晚晚做完功課又要立刻温習, 都好辛苦.....我大女(小三)都係下星期二才默書, 小一點 ...

我都覺得排得密。
特別係今個星期，星期二先測完驗，過兩日就要默中文同英文(原本中文同英文同樣安排係星期四默，星期三個日英文先改做今日默)，雖然係早一星期通知，但都要同時溫習測驗ge科目，而且放假都冇理由要佢整日坐係度溫書，少少運動同玩樂都冇會好唔健康。到佢測完驗又要全力溫默書，仲有平時要做功課、每日一篇、icube學習同睇課外書，攪到阿仔真係唔夠訓，加上佢又有咳同作病，睇到佢咁辛苦真係有d心痛。:cry:

召藥師

HI~各位~
大家ge小朋友測驗成績滿意嗎?
我個仔中文同數學叫做滿意外，英文同常識都唔理想，特別係常識科呀!真係低到 ，得6字頭，好多都亂做，一題有幾個字眼唔識或唔記得就死哂 ，另外有兩part好似出得好怪，填食物個part真係ar哂頭，妳地有冇同感?

召藥師

原文章由 讓我說 於 07-11-17 01:33 PM 硐表
雖然我唔係家長..
但係我係農圃道的畢業生..
希望家長們唔好介意我係道講野..

我係P.4 入去frgps 讀..
入到去,, 覺得個度d 英文程度冇我之前個間小學咁好..
我爸爸覺得英文程度咁,, 真係唔多掂..
就成日幫我去briti ...

家教方面，依點真係冇辦法，因為而家好多家長都唔理d小朋友，由得佢地睇電視或接觸不良刊物，又唔教佢地分對錯，搞到小朋友吸收哂d唔好ge野(或者家長本身都已經係個類人)。

就好似我個仔咁，我屋企係得電腦而冇電視，佢得閒都係睇etv多，但係佢d同學仔呢......，見我個仔男女同學都會一齊玩就話xxx女同學係我個仔ge老婆，又搶我個仔d小食，阿仔又經常見到d頑童打交......。

我以前都係讀農圃道，我地小一時個個都好乖好聽話，個個馴如羔羊，到4、5年班個個踏入青春期，d男仔先識口花花話人。而家d細路我真係睇到都怕怕，我有時都好擔心個仔俾人蝦。不過好彩，佢識到唔少新朋友，就連隔黎班ge同學佢都識唔少，佢地一齊話唔同d好曳ge小朋友玩。雖然好似太快就搞小圈子咁，不過我真係相信一句頗粗俗ge俚語--'樣樣衰衰，走埋一堆'，依個世界真係'近朱者赤，近墨者黑'，所以我真係希望各位家長都能夠教育小朋友，等佢地學業成績好之餘仲係一個溫文有禮而又開朗活潑ge學生。

召藥師

原文章由 讓我說 於 07-11-18 12:23 PM 硐表
真係唔好同d 曳同學玩..
如果唔係真係會學壞..

你仔仔比人作某某某係佢老婆,,
d 人咁玩係出於無聊..
叫你仔仔唔好介意..
同個班人解釋下..
過多排,, 佢地就覺得無聊.. 唔會再玩..

我想問, 召藥師的仔仔讀緊P幾??
...

我個仔剛上P1，佢見個d打架學生其中一個就係佢自己個班ge同學lo。佢個班有位同學身型似足技安(胖虎)，仲要好曳，經常出拳頭或起飛腳打其他同學，有時仲搞埋隔黎班學生，就係佢多口話我個仔又同另一個同學搶我個仔食物lo，所以我已多次教佢見到個位同學真係要避之則吉或當佢講d野唔係一回事。

召藥師

原文章由 讓我說 於 07-11-18 12:47 PM 硐表
係道我有d野想問下..

咁多位家長覺個金校長點??
對佢有d咩評價??

暫時評價係正面ge。

第一，佢風雨不改日日係門口迎接學生返學真係非常親民，一開始就加分。

第二，家長會上佢多番提點家長要好好管教仔女，唔好放縱佢地，仲要平時管理好佢地作息時間同飲食習慣，可以見得佢係真心想學生有良好品德同健康體魄。試問有幾多位校長敢唔怕得罪家長，以訓示口吻警惕家長家教係好重要呢?相信金校長平時都睇得出d學生質素平均低左好多，再唔出聲就好難搞。

第三，金校長非常支持多讀課外書，每周有3日有早讀堂，另有英文及中文圖書堂，鼓勵多讀書ge習慣，亦希望家長多陪小孩閱讀，又肯係星期六俾學生返學校圖書館睇書借書，相信都花左唔少心機。不過成效有幾高我就唔敢下定論，因為一年班唔多定性，叫佢坐定定睇書比較難，或者坐定定一邊睇大熒幕，一齊睇同一本書再一邊聽故事似乎好d。

第四，金校長提倡家校合作，目前尚能做到，起碼佢肯睇我ge e-mail，又給我一定回應。不過我始終認為若要有充分家校合作，就必定要好好利用互聯網。小朋友剛上一年級時，要佢地日日抄齊家課冊唔易(當然有好多學生冇問題)，冇理由要老師花時間逐個檢查，亦冇理由要個個家長打電話返學校查詢(老師落堂後仲要應付咁多位家長真係做死佢地)。金校長認為唔加設網上家課冊係要建立學生ge責任心，不過學校又同時要求家長看管學生完成功課及溫習，如果小孩一時大意漏左家課冊，家長又搵唔到老師時又點好呢?如有網上家課冊或通訊，家長一開就一目了然，亦可以提點小朋友有咩冇寫到，提醒佢下次要做好。
另外，我覺得家教會一早就應該開學前搵定家長義工，到而家十一月中先搵，其實一年班開學時就最需要家長協助，如協助學生學會排隊、午餐時間安排飯盒、放學協助分批係唔同出口放學等，相信好多家長有空的話都願意去做，一來真係幫輕老師ge工作量，二來又可以了解多d自己子女ge校園生活，就好似上次學校小一生日會，唔係阿仔剛好有份做主角我都冇得做義工，真係睇到我，d學生全冇紀律，老師花好多時間去控制秩序，有d學生又特別頑劣，真係激到老師彈彈吓；放學時d學生又唔聽話，老師又只得一個，要帶搭校車學生，又要帶正門放學學生，合一道放學ge就理唔到。我個仔就試過初初唔識行而驚到喊，如有義工幫手就有效率得多。(不過家教會ge事務係唔係金校長能力範圍我就唔知)

召藥師

原文章由 nicole960110 於 07-11-18 10:25 PM 硐表
我就唔係家長,就係六年級生,
其實校長就好谷我地D成績,
佢*既金句就係「一分耕耘,一分收穫」
我對佢*既印象就幾好,
老師印象都幾好,
同學就麻麻=］
但係缺點係在於個校工EE,
因為有好多個校工都冇乜禮貌,
我日日係 ...

講真，我真係未見過比較熱心同熱情ge校工，而你所指ge校工EE，相信係依個topic已一早提及，可算係臭名遠播。可能(只係假設)佢年資高，又或者識人，校長搞佢唔掂，不過開學後佢ge態度已經好番少少，不過始終笑容欠俸。

召藥師

原文章由 Siuchoi 於 07-11-19 08:53 AM 硐表
召藥司, 請問想email to 金校長, 是什麼email address? 我有D野想反應比學校知的.  Thanks! 她會看的嗎? :

我由開學前到而家都sent過4次俾佢，有兩次係正式回覆，一次係係行動上回覆，都算係好有heart ge校長。

佢地e-mail 學校site有，不過唔知有冇update到，因為教育署好似次前改左名，連e-mail都改埋。

召藥師

原文章由 Siuchoi 於 07-11-21 08:39 AM 硐表
請問小一默書(中&英)的日子是否大家都一樣?  我個女逢星期五默晒2科.....好辛苦啊! 同一日記住兩科!!

應該唔一樣。
之前我仔個班ge英文老師講好左係逄星期四默英文(如有的話)，中文就有時係星期四或星期五(之前唔會同一日進行哂兩樣)。
上次剛測完驗過兩日就要英文同中文中一日默，好彩英文科老師醒目，早一日改做星期五，唔係就苦了孩子苦了父母。我覺得妳最好同班主任反映吓好d。

召藥師

原文章由 Siuchoi 於 07-11-29 09:02 AM 發表
我忍無可忍了, 我見到個細女咁, 小孩讀書吸收知識本應快樂, 為何變成痛苦!! 請問這email address 金校長會收到嗎? [email protected]

唔係依個，依個係學校e-mail。

[email protected]

召藥師

D班星期一做數學，星期三做中文，英文星期四。
英文係出LS1-6。

我都唔理咁多LO，評估都唔計分，只係略略溫吓就算，我覺得KEEP住做中英文每日一篇學多D字同句子著數D。