應該揀sfa還是培僑？

mc_pigpig

上年我揀左PKC 放左SFA，
PKC 依家讀得好舒服，大仔功課係自己攪掂，我覺得咁幾好，可以train 到佢自動波，而且放學佢好多時間睇書，練小提琴，每晚仲可以一家人傾下計。
我唔敢講讀SFA 會點，但我衡量過，想12年分開谷？定6年keep 住谷？想要咩親子時間？想要機械式操你做卷？想小朋友腦筋靈活啲⋯⋯

mc_pigpig

阿里媽媽 發表於 17-12-4 19:50
多謝你意見，請問培僑多抄寫功課嗎？

少抄寫，有啲家長buy 抄寫話熟能生巧的就唔太岩PKC。

我小朋友岩岩p1，英文剛開始做presentation ，內容係職業，大概1-2分鐘，岩岩英文都派左worksheet，內容係講動物，例如佢叫你諗deer，住邊，有咩特徵，食咩，先用point form 然後收佢組成句子，其他學校我比較唔到，但我個人就覺得幾有趣，至少功課唔係悶。

mc_pigpig

李大人 發表於 17-12-4 21:41
回覆 mc_pigpig 的帖子

我想問，培僑英文語境怎樣？參觀時我見過學生，同外國英文老師交談，完全無問題， ...

我唔敢講係咪所有學生都得，但我諗佢地大多數無問題的，無聽阿仔講話佢班有同學特別差，對住英文老師都係自動轉channel（因為真係外國人），晌學校唔係講英文就普通話。

另外，據我所知英文係有拔尖補底的，不過唔係p1，而且有跳級的，我無主動了解，如果有PKC 資深家長話埋俾我知更好

普通話都係，學期初9月有家長會，講每科老師的要求，老師們都話佢地就算幼稚園一點不懂普通話的都沒有問題，對小朋友好有信心。

mc_pigpig

阿里媽媽 發表於 17-11-29 02:19
但係你都應該會估摸到佢係咪咪咪磨磨嘅人，例如著衫、執玩具等會唔會慢吞吞唔專心，做做下野突然游左雲望 ...

我兩個外甥都係讀SFA的，我上年做左依但個決定，都俾我家姐話我，唔值得為PKC 放棄SFA ，佢話讀得好既，可以p2考其他神校跳船，但我同我老公唔想，寧願揀間近，第小朋唔使舟車勞頓。

講下我外甥，外甥女定性啲，剛升中，由細到大都自己攪掂功課，有自己一套思想，高小已經希望自己讀邊間中學；外甥仔（細佬）現高小，無家姐咁專心，同咁有目標，每逢做親作文就牙痛咁聲，麻麻地鐘意睇書，但數理ok，做功課平均都每晚10點前攪掂訓覺；星期六佢地好少出街的，因為細佬未做完功課。

如果女仔，我覺得都可以考慮下SFA，因為思想某程度都會成熟過男仔，事半功倍啲。

mc_pigpig

李大人 發表於 17-12-5 08:10
回覆 mc_pigpig 的帖子

語境幾好，香港一搬學校小朋友，唔敢同外國人交談，培僑做得出色，英又得中又得 ...

其實我覺得唔好好似某D 準家長咁去「神化」培僑，因為我相信其他小學一定會有佢可取之處，
小朋友都會做到中英文流利的，只要小朋友和學校可以 synchronize到就得。

要交自己小朋友比一間學校12年，內心掙扎好正常，我上年都係咁，但真係希望可以係聽到「用家」比意見，咁會比較有用。