仁立紀念小學家長區 (2)

csy_ma

原文章由 kswiss 於 08-1-12 22:47 發表
csy_ma,

即係話右圖(一)個答案係 tick?女女都 tick 咗,老師話錯,我都唔明??即係女女係答對?

係唔係講緊第九題？我囡只係響B度tick咗，其他打X，老師都冇扣分．
您同您個囡雙劍合璧真係厲害   我都有擬卷俾囡囡做，但係成績就響派咗既卷當中，就同中卷一並列倒數第一

您講果位老師．．．我聽返黎既傳聞都同您所講既差唔多 ，唔知係唔係因為某d身體質素影響

csy_ma

原文章由 kswiss 於 08-1-12 23:00 發表
係呀!睇到了.

成績真係大執位.

有些同學讀一年級時靠幼稚園個底打得好,二年級其實才見真彰.當然有些同學仍然高踞榜首啦!我地級仍未分精英班,但係會見到某d班會有多人上榜,某d班就少好多,都幾有距離.

...

響邊度睇架？

csy_ma

原文章由 kswiss 於 08-1-12 23:21 發表
我今日番學校已見貼咗係大門口個 board 上啦!

原來係咁 其實考試既野，總有少少講運，好似黃巴士咁講，佢囝囝英卷一響7同9之間，可能只係一線之隔，又何須太認真？

倒真的佩服級第一，聽阿囡講返，佢真係渴求知識，呢d既係屋企教得好，亦都要佢有此本性．

csy_ma

原文章由 黃巴士 於 08-1-13 11:03 發表
係呀!!! 何必太認真呢!!!

雖然囝囝今次英文只有7字, 但係我覺得佢今次真係俾心機回答, 唔似以前咁, 見到一大埋英文就覺得無心機睇, 俾我知道佢今次真係明白左課文, 分數只係其次而已. 及后要掌握嘅係解題技巧, ...

黃巴士：

我響宣小家長既blog睇到以下既感受，我諗您都幾有同感 ：

分數一向都不是我最關心的課題。我每次都會看囡囡學校派回來的工作紙和測驗卷，但只會留意她的強弱項。(不過，每人都有優點缺點和強項弱項，學校的測考結果是難以完全反映一個人的能力。)

父母對測考和分數的關注，會係推動孩子積極溫習的因素之一。不過太關心成績，又可能會忽略了生命裡許多許多更重要的事情。正如大人過分關注工作和金錢，會失去很多更重要的東西。在 The Shaggy Dog 故事裡，Tim Allen在變了狗後，才發覺自己過往放太多時間在法院的工作上，太少關心自己的太太和孩子。

現在的小學教育和測考制度，是用同一把不可選擇的尺去量度不同性格和才能的小孩，而這把尺只度出一個數字 — 「分數」，但分數又只能反映部份的才能。過度關心分數，會給予家長和孩子無形的壓力，而到孩子長大後，又會發覺那些往日頑皮的小學同學比成績好的同學有更佳的成就，更開心的生活。我相信這些例子，在大家身邊不難找到。

（摘自http://www.baby-kingdom.com/?uid-35057-action-viewspace-itemid-6530）

csy_ma

再當一次文抄公，摘錄宣小小四家長既分享，今次可能高年級家長有興趣d：

語音學(Phonics)和國際音標(IPA)的教學是宣小的英文課程的強項之一。小四開始就要學IPA，囡囡上第三課講的是/d/和/t/，就講到-ed尾過去式的字讀音有甚麼不同。

我們讀書時都沒有學phonics，-ed尾的字讀開怎樣讀就是怎樣讀，根本不明所以，現在要教子女phonics和IPA，自然倍感吃力。上年幫囡囡準備flyers的學習材料時，因為我知道過去式的發音是考試範圍之一，所以在網上找了一些的資料。以下是一個講-ed發音的網頁，有讀音示範，又有講一些不跟規律發聲的-ed字，我覺得都幾有用，在此和宣小家長分享：

http://www.englishclub.com/pronunciation/-ed.htm

今年學校為協助家長教子女IPA，特別制作了一段影片在家長日播放，又做了小冊子和制作了錄音光碟。不過，我特別向宣小家長推薦以下網誌內的「如何擺脫港式英文的口音」系列的Youtube錄影，這系列的錄影有26集，由中英文的聲調差異說起，對明白英語語音，有很大的幫助。

http://hk.myblog.yahoo.com/siu82 ... amp;id=6&page=4

（摘自http://www.baby-kingdom.com/?uid ... ewspace-itemid-4255）

csy_ma

原文章由 kswiss 於 08-1-14 19:32 發表
你地班有冇功課做?真係估唔到剛剛考完試,咁快又有功課做.我地個班主任真係好勤力,點都唔放過我地.

我地班派咗中卷二啦!老師竟然全班都扣2分,聽講話全班都高分,所以老師開會後,一致扣2分喎! ...

未有新書可教，我地班今日冇功課 ．我囡而家同鄰居小友玩緊芝蔴街網上遊戲，我睇過幾個，真係幾好玩．

我咪話上次總測驗睇過您班既中卷二既，發覺您地老師既要求真係同我地老師幾唔同，我估計，果時我睇到攞逾95分既卷，如果俾我地班既老師改，未必會有咁高分

（可能係教法唔同，據聞，您個老師會抄個"答案"響黑板，叫小朋友照抄或者仿作．我個老師則由小朋友自己諗，當佢地問到，只會教佢地寫唔識既字．

以此推測，我上次睇果份考卷，可能因為答題接近"答案"而獲高分．以小二級水平看，句子結構同表達皆簡單清晰，叫佢地寫超過12個字，就寫到12-15字左右，俾高分，可能都有其道理．

對比起我囡份唔高分既卷，由於班風既關係，佢地拼命諗長句，愈長，就愈易有錯字，愈容易被扣分 ，但係內容又真係豐富好多．您或者可以問我班既小朋友借d卷黎睇，佢地未必合晒語式規範，但係個個內容都各有特色，題題既句式都未必一樣，所以就算唔高分，都從中睇老師落既心力 ．

個人以為，作文，首先要教既係創作意欲同創意，而唔係教一種倒模既句式．我唔介意囡囡中卷二既分數比您地班低好多，因為我會留意到佢其實學到好多野，但可能其他家長會介意．另外，假如中卷二既優秀者均以倒模式句子佔優，咁等於樹咗個幾壞既標準俾d小朋友，等佢地追求句子表達形式既準確而齊一化，而唔係探索點樣去表達所思所想，長遠而言，可能既妨礙咗將來進一步寫更複雜既內容．

不過，以上不過係我上次只睇一兩份您地班既卷既推測，未必準確
．印象中，您囡囡比較早熟，又睇得書多，之前您提過佢中卷二既分數未必好高，可能都係因為老師傾向睇正確形式多於內容有關，但這同樣都係推測，唔知您有乜意見？

[ 本文章最後由 csy_ma 於 08-1-14 20:41 編輯 ]

csy_ma

原文章由 kswiss 於 08-1-14 21:57 發表
尤其欣賞佢作那3條,勇敢,慌張及辛苦,都不錯呢!

可唔可以鋪出黎分享吓？

csy_ma

原文章由 黃巴士 於 08-1-15 09:36 發表


kwiss,

點解全班都要扣2分??? 因為高分呀???

黃巴士

我估因為老師既評分標準頗為相異，其他班可能9字頭者鳳毛麟角，kwiss果班攞9字佔既比例，可能同其他4班總和差唔多．我猜，假如唔係因為數字上差距遠到有可能一打聽就感到唔合理，應唔會搞到要削足就履，考起家長

csy_ma

原文章由 黃巴士 於 08-1-15 13:34 發表


我都覺得老師對錯字唔會手軟, 因為響默書同功課, 成日俾老師提到, 佢地會特別標識出黎, 等囝囝寫好d!!!:
好似果"騙"," 房"字, 好強調戶字頭頂個劃係一點, 唔係一撇.
中卷二, 我地班未派呀!! 好心急想知道 ...

今日派咗喇！阿囡成績都幾差 ，不過細心睇，佢某d句係作得ok既，但正正係kswiss讚佢阿囡果幾句，都唔係好知道佢想表達d乜．
kswiss呀，可唔可以俾我個囡參考吓，如鋪上黎唔方便，請pm俾我

csy_ma

今日去咗睇兒童舞聯校比賽．我地留到評判宣佈，我地學校攞到甲級獎 （獎項分三種：優異，甲級同乙級，每一項得獎名單都好長，可能都有十間八間學校．但好似聽唔到鄰校個名．另有最佳編舞獎一名）

今日睇跳舞，同朗誦節去睇，都由評判總結中學咗唔少野

我覺得教局呢d節都係以鼓勵學生為主，所以獎項咁多，上次，評判仲將一個唔記得咗係優異定係季軍，頒咗俾一位背漏咗一段、肢體有缺憾既特殊學校學生 ，佢話，是鼓勵佢和背後協助佢既師長既，真係幾令人感動．

其實，初小生參賽，睇既，都係佢師長背後既心血．難得的是，對於初小學生，兩種活動既評判，俾分既最大比重，都唔係聚焦於技巧上，而係－－小朋友本身有冇投入，用心感受朗誦詩歌既意境，或開心地舞起來，感受到節奏韻律活動既歡愉．

朗誦節，評判以小朋友可唔可以跟隨文字想像，投入感情為最大法則（佢講咗個好精到既四字形容，可惜隔太耐，唔記得咗）．

舞蹈節，評判以音樂節奏和動作設計能否帶動小朋友舞起來，放開懷抱”笑住黎跳”，為俾分最高原則．

評判要求跳舞既各種元素，都要配合跳舞者既心智年齡，佢地唔係幾贊成咁細個跳hip-hop，因為怕要運用獨立關節既技巧，或令小童身體要承受更大撞擊力，另有些生活性既主題，如有首I am a big girl就因評判懷疑小朋友心智能否與主題配合而失分．

我睇到同鍾意既幾隻攞優異既舞，都係節奏明快既，而且動作都係d小朋友好想會做既，有個將跑步動作變為舞步，都幾有趣 ．

舞蹈評分以四方面：題材、音樂、圖形同動作為基，睇各方面係配合到，定削弱咗小朋友既舞興和表達主題既能力．我地學校既舞偏於簡單，有甲級獎，我都幾意外．

因為阿囡曾嫌學校跳d舞太簡單，想比賽完後就唔學（佢周六既舞蹈老師，係07年中學組既主席評判）．
但我見舊年第一次上課已好用心記住同學仔個名既導師仲響度教，佢舊年都有令囡囡返屋企用手指扮花俾我睇，我諗導師技不止此，會繼續觀察 ．

csy_ma

原文章由 cookie 於 08-1-16 01:01 發表
csy_ma
今日唔該哂您呀.
做乜仲唔瞓呀

結果我顧住睇人跳舞，都冇第一時間睇到佢地落黎．您個囡自己醒，已見到姐姐了．佢有冇講過鍾意響學校跳？

csy_ma

八卦一下：曲奇，您改咗放響下底既數字，係唔係受洗日期？

csy_ma

原文章由 cookie 於 08-1-16 01:49 發表

個日子係其他意思.........
我囡囡又無講0的乜喎, 我只不過間唔中問佢仲學唔學乜乜乜, 物物物, 因為佢學得太多了, 但佢次次都答我話學.....
您0甘夜呀..... ...

睇緊第d家長既blog，不過都要走了
近排多咗上黎浦，但似乎幾唔健康－－學校同老闆既野，都甩咗好多，決定都係戒甩佢咯
早d休息喇

csy_ma

原文章由 kswiss 於 08-1-16 09:05 發表
csy_ma,

你所講既舞蹈比賽,係唔係比賽芭蕾舞?

場地係邊?家長係唔係要自己去架?

係唔係分好幾日比賽架?

而你所講學校取得甲級獎,係唔係由好幾個組合加埋既總成績呢? ...

係我地既芭蕾舞班，參加兒童舞組既比賽．睇比賽時咁啱有幾位專職教跳舞既老師坐響我後面，偷聽佢地講野，兒童舞係歡迎任何舞種報名既，由於評判比較著重創意，所以玩創意可能會著數ｄ（不過果日攞最佳編舞獎，都係改編作品）．偷聽得想，兒童舞好似分三日，之後，中國舞呀，西方舞呀既場地都各有不同，有ｄ響沙田，有ｄ響屯門元朗．

我講既甲級獎，單指昨日既兒童舞而言，原來獎項咁多，真係唔知

我要戒既，係響其他topic發牙痕，因為自己好唔守紀律，明明諗住講一兩句，點知愈講愈興奮，有d似玩game．放心，對住您d咁既靚女，我梗係會上返黎呢度親近吓

有家長同我反映，因為我自揭底牌，有時又會講佢地唔認同既ｄ個人意見，有家長對我講既野頗有不滿．

各位大姐請原諒－－我響度代表既，確係個人，冇必要四平八穩玩官腔，您地唔可以因為我既義工身份，就要我扮中立 ，咁係剝奪咗我講說話既權利 ．可能我平日既言論去得好盡吧？上黎講野，我都已tone過，但旁觀者清，可能您地講既都有道理．
都有想過改過個名，但老公話，我一寫就水蛇春咁，點改名都冇用 ． 我會記住帶把嚴d既尺上黎，但係唔會放棄講個人感受，請諒

csy_ma

原文章由 cookie 於 08-1-17 01:51 發表
csy_ma,
唔洗就住就住講,想講咪講羅, 唔洗理人地架, 對得住自己咪得羅 .
話時話您囡囡有冇報校際鋼琴???
今日派左基督女少年軍制服, 我囡囡好鐘意呀.....唉, 希望囡囡真係可以係當中學到野啦, 由其係對人既態度呀htt ...

我都見到件制服，好中學生，條呔好醒呀 之前我都氹阿囡參加基督少年軍，但佢諗咗一陣，都係冇去度．唔知佢睇到制服，唔會唔想改變主意呢？
佢都有報，不過首歌仲未練到可以順利彈一次 ，都唔知點上場

多謝意見，我都係咁諗

csy_ma

原文章由 kswiss 於 08-1-17 08:55 發表
csy_ma,

咁佢而家有冇參加呀?咩參加咗可以唔去?還是冇參加又可以現在報過名?

點解而家半個學期才有制服既?

佢冇報過名．之前聽佢ｄ同學仔講，老師響初段都有叫過佢地鼓勵其他同學去．我唔知而家報名得唔得，如果有興趣，下年報都未遲

至於最後既問題，我諗您要問曲奇

csy_ma

原文章由 黃巴士 於 08-1-17 10:36 發表


csy-ma,

係哦!!唔洗就住黎講, 依度係自由發言, 其他人唔可以打壓言論.
:tongue:

囝囝中文卷二都考得唔好, 老師comment係"內容豐富, 不過錯字多!!!"

黃巴士 ...

我囡都係，得六字頭   我地班老師既本事，係可以令攞到低分既小朋友不失對學科既興趣同自信 我囡囡今次只係有一part俾老師讚，又係事實．聽講，我地班好多人都因扣錯字低咗十分八分，不過唔駛咁介懷，因為中國常用字唔係好多，到高年級應會改善:idea:

csy_ma

原文章由 cookie 於 08-1-17 11:01 發表
等我答下先.
基督女少年軍套制服係長袖既.
無話要當值
點解要到而家先有制服, 我都唔知, 仲要係未收我錢架喎

鋼琴係自己校外學既, 只不過可以經學校報比賽.

講番中文二, 囡囡個班每人加番少少分喎.....
CSYMA, 校 ...

上黎倒返轉頭睇，都唔知您答咗添

原來有加又有減，我唔知佢知唔知，但我諗副校應該會知？

其實仲未睇到個龍虎榜，但係返學校好多野睇：

校園靚咗好多 五顏六色，好有春天既感覺．

足球場後面啱啱加建兩行田冇幾耐，又可能再加．事關另一位義工符太做得好投入，好似日日返學校返工咁．響佢悉心照料下，參加有機耕作班既同學仔ｄ作物大豐收（kswiss您囡囡有冇帶返屋企食？叨符太光，我地都有棟好大既白菜，囡囡食前仲要影相，又要我留返俾返夜班既阿爸食 ），小息仲有好多小朋友落黎排隊淋水．
最新搞作係校長將屋企ｄ帶有香氣既植物（唔記得咗個名）帶返黎，俾園藝好耍家既校工申叔用葉插枝催生，都生咗十幾廿棟，仲諗住令佢百子千孫．有興趣既同學，記得去示範田附近登記，攞返棟香香植物返屋企．不過由於花盆有限，送完即止．我問校長，自己帶個盆黎，單攞植物得唔得，佢話得．

另外，校長話遲ｄ將而家係有機耕作果個細羅馬場同園圃再擴建．俾有興趣既小朋友體驗一下耕種樂．佢話讓小朋友多接近大自然，可以令佢地少ｄ物質傾向，又可藉耕作體驗一分耕耘一分收穫既道理，好想搞大佢

我其實有興趣食多過種，但係睇到田裡生咗咁多植物（睇示範田先知道，原來荷蘭豆ｄ花咁靚喎），都係好興奮．果三塊田基本上靠符太一個人翻晒ｄ泥（申叔好多野做，之前我又放佢飛機 ），好在有機耕作班多咗好多有興趣既家長幫手 ．不過遲ｄ塊田又再擴大，就可能要更多家長做吓體力勞動至得．我提議校長，不如到時響校內搞個親日播種日之類，邀請有興趣既家長返黎搞掂塊田同落埋種，等小朋友日日淋水時都諗返起同父母一齊翻泥既溫馨．

真係架，有機耕作班有位小朋友，棵菜長大到幾乎溢出個盆度，都唔肯收割，佢話，要等家長日同爸媽黎睇咗，先扐返屋企食

csy_ma

原文章由 wp-bn 於 08-1-17 12:05 發表
csy_ma,

見你咁講實在可以平衡返我啲心理, 我哋就係錯字都扣左10分, 本來好 希望在明天丫馬

是呀，所以我囡既成績雖然咁 ，近排俾他校既家長教得多，雖然都有ｄ介意（因為佢有ｄ句真係亂寫），都唔係太有感覺．

估計，只要佢保持閱讀習慣（雖然起步慢好多），到高年級自有改善．反而係英文，雖然佢今次都表現OK，但係同他校比較，都未必咁樂觀．英文既常用字較中文多好多，單靠書本學果少少，遠未足夠，所以學校先咁緊張請家長配合，一同為子女養成良好既英文閱讀習慣而培養氣氛．

據ｂｋ其他好叻資料搜集既家長分析（我引過佢blog既文章），到咗中學，公開試英文叻既幾乎集中九龍塘名校，仲贏其他九條街，我諗除咗關乎家庭背景，仲同閱讀風氣有關．至於中文，地區名校如林護，鄧顯等反較傳統名校好．最近聽家長分享，林護都唔係我聽返黎咁對分數勢利，中學生盛行玩blog，聽講佢阿囡就響網上同同學仔和老師交流讀史心得，指點江山，真期待有機會去睇吓

[ 本文章最後由 csy_ma 於 08-1-17 13:40 編輯 ]

csy_ma

差d唔記得講：學校壁報近排ｄ數學動腦題好好玩，唔知會唔擺到家長日果日，都俾ｄ家長估吓？