Pui Ching 2004 - K1 Chat Room

Lulu0820

各位媽咪,

唔好意思插一句嘴,想問究竟個個親子美勞係做d物?要畫幅畫落去定係要剪d紙貼落去?對住個張白紙真係唔知點好???     

Thank you very much!

Lulu0820

Lulu0820

各位媽咪,

多謝大家回應!咁就同佢畫圖畫!其實我一得閒都會上黎湊熱鬧,但近排細女唔舒服,足足食左十日藥!佢先得個八個月人仔,真係擔心到死,所以近排無出現,做媽咪既最怕就係小朋友病! :cry:

Lulu0820

Lulu0820

多謝大家關心!細女係支氣管敏感,所以一轉天氣就難攪,而且仲要攪掂屋企d容易令佢敏感既嘢,毛公仔,報紙,雜誌通通要收好,唔可以放係佢房,仲要用熱水洗佢d床單被單枕頭袋,醫生話要小心留意佢,如果唔係有機會變哮喘,聽到都驚! :cry:

都好,以後佢呀媽我可以慳番d錢---唔洗旨意買Fur!

Lulu0820

Lulu0820

小蕎媽媽,

原來蕎蕎都係,佢細個BBo個陣有無d物嘢要特別注意?因為細女太細(八個月),好似都無物嘢可以做,唯有佢一有唔舒服就即刻睇醫生,等佢大d先再煲d嘢比佢補吓,希望好d!

卓妍而家去親圖書館,一入去就問我蕎蕎係邊,下次都要再約埋一齊去過!

Lulu0820

Lulu0820

小蕎媽媽 & Alexismama,

卓妍細個都有睇李志謙,但好似d藥唔係好夾,所以轉睇趙麗華,一路都幾好,後來有一次,卓妍睇極都唔退燒,於是又轉睇曾偉雄,但我就覺得曾偉雄d藥太勁,卓妍個次食左佢d藥立即退燒,但就不停出汗兼係屋企唔停咁走來走去六個鐘頭,好似好high咁 ,嚇到我死,所以以後除非真係好唔掂,如果唔係都睇趙麗華!

但細女同佢又好似唔夾,佢先八個月大,已經睇過趙麗華六次,都唔係好掂,而家轉左出佐敦睇趙長成,都幾ok,不過就遠d.

燕窩就會遲d先比佢試,因為卓妍八個月個陣想佢身體好d,就煲燕窩粥佢食,點之攪到佢肚"all",成個人瘦晒,唔錦再試!

呀,因為出貓買左盆有花既秋海棠,而家種得好好,朶花大左好多,卓妍好開心呢!

Lulu0820

Lulu0820

小蕎媽媽,

我今日已經比卓妍著左第二d厚外套,老師又無係手冊到寫唔得,我估應該ok,明天早上等我問吓卓妍再覆你,不過我見有個一齊坐校車既K3哥哥都著,我估應該無問題.

再講,咁凍,只穿校褸或棉襖都唔夠!卓妍今日已經著到同個雪人無分別 !

Lulu0820

Lulu0820

小蕎媽媽,

早晨,我問左卓妍,佢話好多同學都著唔同顏色既厚褸返學,我問老師有無話唔得,佢話無,為左verify佢係咪講真話,我問佢蕎蕎有無著其他外套,佢話無,所以今次應該信得過!

Lulu0820

Lulu0820

Alexismama,

Alexis如果係病完最尾d咳唔清,你可以試吓川貝枇杷膏,卓妍上次d咳唔清就係早晚一spoon,一個禮拜就ok,但一定要係食完西藥到尾清唔晒d咳先有用,卓妍因為過三歲就用d個方法,佢個妹就用候棗末,你可以試吓.

不過近排d天氣好難攪,我屋企一大(老公)兩小全部病晒,真係好煩.

Lulu0820

Lulu0820

Alexismama,

我就覺得幾好,試吓亦無防,因為最少唔會有害,川貝批杷膏都幾潤喉,不過有d小朋友可能唔鐘意入口有d"拿"既感覺,所以你可以比小小佢試先,卓妍第一次食都麻麻地,之後就好鐘意,有時臨訓仲扮咳叫我比佢食tim!

Lulu0820

Lulu0820

小蕎媽媽 & Alexismama,

d個星期卓妍都借左小紅帽,佢本來好鐘意d個故事,因為佢好鐘意睇既Banny其中有一集講d個故仔,但Bannyo個個隻狼無食到婆婆同小紅帽,但書o個個係食左佢地之後再剪開隻狼個肚求番佢地,錦卓妍就唔鐘意睇本書 ,可能佢覺得食左佢地好殘忍,你知我個女幾細膽!

卓妍而家學星期一朝早9:30,因為佢日頭生猛d,學得好d,加上officially溜冰場開 10:00,個段時間基本上係包場,佢會玩得開心d,上完堂我都會伴佢玩一陣,因為無人伴佢就好快叫走,星期四放左學會再約佢校車d朋友一齊玩多日,但有時佢累就唔去.

小蕎學點解唔選單對單(一個教練教佢一個)?我覺得佢地細,好似咁樣安全d,因為初學真係跌得幾勁!

Alexis呢?佢學邊個時間?跟邊個教練?

Lulu0820

Lulu0820

小蕎媽媽,

你真好記性, 係呀,最初我同佢一齊學,見佢而家自己學都可以咪比佢自己學,你知啦,我學識向前溜已經好足夠,其他留番呀女學,再講自己一把年紀,危險嘢都係可免則免!

單對單係$625/5堂,我覺得都ok,教練係Konny,以前教幼稚園既,所以呀女好鐘意佢!

Alexismama,

Benny係幾好架,聽呀女個教練講佢好多學生,多到星期日八點幾就開工 ,不過其實我幾鐘意海濱個溜冰場,雖然細d,勝在無物外人,多數玩得既都係溜冰學生,大家識互相遷就!

roller blade都好玩呀!我都係因為個溜冰場係樓吓我先比佢學,因為真係幾煩,每次幫佢著護膝,手套,溜冰鞋都要成10分鐘!加上有時自己唔小心跌親,仲煩!

Candice1128,
如果旼希都學,卓妍聽到一定好開心!

Lulu0820

Lulu0820

小蕎媽媽 & Candice1128,

小蕎媽媽真了解我    ,我暫時都會比佢閒日學,平d又小d人呀!記得幫小朋友買護膝同手套,非常重要,因為比d冰整到都幾庝,最好著條厚d而表面"線"水既褲,咁就算跌都唔會攪到patpat濕晒!

Lulu0820

Lulu0820

各位媽咪早晨,

搭句嘴,個個星期六都要返工真係好慘!不過無工返好似我錦仲慘!成日係屋企同BB講BB話,有時真係悶到死,所以有時間一定上黎搵人chat吓,唔係驚遲d唔識同人地溝通!

溜冰教練同我講細個d小朋友係行,偶然先會溜一兩下,所以有d媽咪會比小朋友學暑期班學識行先,然後到五六歲再學花式,效果都好好,不過卓妍自己鐘意,我又想佢做多d運動,所以比佢繼續!

大家都忙,約gathering一定比較難,但唔緊要呀,我地可以繼續網上緊密接觸,暑假一整約埋swim都係好提議,學校親子旅行就更加一定會去,係交流既好機會呀!想問係咪咁多班幼兒班一齊去?如果係咪可以一次過見晒咁多個bk媽咪囖!

Lulu0820

Lulu0820

Alexismama & 小蕎媽媽,

當然有興趣一齊學游水啦!到暑假細o個個女大d,我d時間就應該好d,而家唔係忙煲粥仔就係換片,頭都暈埋!

brianchungma,

多謝你提我,仲傻吓傻吓以為一齊去tim.

Lulu0820

Lulu0820

彥彥媽咪,

多謝你d情報,我囡囡唔係愛班嫁,佢係下幼望班,不過係到傾計都無分邊班打邊班,好傾咪得囖!

聽你咁講我都想早d同卓妍報游水,但有無話收幾多歲?卓妍係細女,要到八月先夠四歲.

Candice1128,

我見2:30-3:00pm,好似同小蕎媽媽一樣時間,如果就度既,飲杯下午茶呀?

Lulu0820