學鋼琴收費 - 學費3級跳 (突然貴咗)

scpiano

Grade $750/4堂，咁都叫做貴？我覺得就算以一個八級老師來講，都係合理，甚至可以叫做平。

老師上門一定貴，貴幾多好難講，視乎地點、車費、交通時間等等，貴多三幾百蚊都好平常。

仲有，老師的資歷都好重要，有老師教三級可能$100/hr，有演奏家老師教一至八級都係$1000/hr。我現在都有學琴，但我都有教琴，甚至教到八級演奏級，咁又代表咩呢？其實學無止境，老師要繼續考繼續學琴，都好正常。考左八級可以學ATCL，考左ATCL可以學LTCL，考完LTCL又可以考FTCL，之後仲可以繼續跟老師進修。

所以，學費的問題，好難講合理唔合理，只有覺值唔值，主觀來講你覺得老師值唔值，客觀來講，老師的資歷經驗又值唔值呢個學費。你覺得值，咪學囉，如果覺得唔值，咪搵個平囉。我見有人教琴，收$50/hr上門，咁又係咪代表好抵呢，見仁見智了。

作為一個鋼琴老師，我用心教學生，亦當然都想有合理報酬，好正常嘛。我都想家長同學生唔好凈係從錢看，邊個老師收得平或者收幾平，唔代表咩野，最緊要係你學到幾多野。

xxsasaxx 寫道:
我女現在升三級，並會在暑假考三級琴。想知其實一般學琴收費﹗

她的老師已教了她3,4年了，由起初：
初級$400/30min x 4堂 我家
一級$440/30min x 4堂 我家
二級$480/30min x 4堂 我家

本來覺得好抵學﹗後來她有事不能安排在我家敎，我便每星期帶女到她家。自始收費變成：
二級$440/30min x 4堂 她家
三級$480/30min x 4堂 她家

其實我當時也覺得她平得太少，每堂只平$10，我同個女車錢都唔只啦﹗她在家等學生一個接一個，起碼做多一兩個學生，應該會平多啲﹗

不過我冇講，因為佢都敎咗囡囡咁耐，咁之前又覺得平咗，咁就照交學費囉﹗

上堂佢話囡囡要谷考試，30min唔夠，叫我考慮加到45min。其實我同意佢講法，因為囡囡其實喺屋企練得好"求其"，30min執正啲音都敎唔到其他﹗

之但係佢講嘅學費真係出乎我意料之外，佢話：
三級$750/45min x 4堂 她家
三級$850/45min x 4堂 我家

如果在她家三級30min x 6堂，照計都係$720﹗
其實，一般收費係點？

scpiano

講得好!

我覺得搵老師學琴, 唔應該諗得咁商業化, 家長學生除了尊重老師外, 亦應有個良好的學習心態. 我自己都有學琴, 老師的學費可能係大家唔會discuss的天文數字, 不過我覺得唔應該凈係從錢看, 老師對學生付出更多的係心機. 呢樣係我從不同老師學習得返來的經驗.

VKwan 寫道:

我會咁諗，我比$750呢個price唔係買緊4 lessons，而係買緊呢個老師過去呢幾十年所接受的教育，經驗同個人修養，咁你話呢個價值貴唔貴呀？