有冇小朋友讀緊深旺道果間啟愛學校？？

yan_love

想問下有冇自閉小朋友讀緊啟愛(輕度)？？我考慮緊要唔要轉校讀特殊

yan_love

channba31 發表於 20-11-16 17:58
點解要轉
讀得辛苦 定唔開心？

佢成日都唔肯講野，理解又差，評左佢低弱智能同言語超弱。今年小一，佢讀緊果間係傳統主流小學，上堂成日遊魂要老師協助，佢唔識自己做功課，我要全程係側邊教，默左幾次中英文默書，雖然每日都好努力溫書，但係都係得二,三十分左右，每日溫書佢就會喊同發脾氣。輔導主任就成日同我講阿仔咁樣落去唔掂，佢理解唔到題目，又唔識造句，繼續升上去只會害左佢，叫我轉去特殊度讀，話對佢好好多，所以我都唔知可以點做。

yan_love

回覆 channba31 的帖子

佢又唔係好差，可以坐定定，只係唔好諗成績會好，我怕去到特小，佢又唔係特別差，冇人理佢同幫佢，唔湯唔水咁仲死咋

yan_love

channba31 發表於 20-11-16 18:17
我覺得人問題
就算去到特殊 唔通佢又會做功課
又會主動說話.....

我都唔知點好，學校就講晒說話我聽，話特小先幫到佢，話起碼大個可以去庇護工場做喎，我聽到超傷心

yan_love

channba31 發表於 20-11-16 18:27
試多一年先再決定

我都有咁諗，我想重讀一年小一，如果都真係唔得先轉特小，但係唔知學校肯唔肯

yan_love

channba31 發表於 20-11-16 18:37
我女都係咁講、長大去庇護工場之類
我女唔係唔講野，緊張就收埋自己，醫生都同我講，佢唔夠信心，怕事，先 ...

你個女而家幾歲呀？？讀緊主流定特殊？？邊間邊區呀？？

yan_love

channba31 發表於 20-11-16 18:39
索性叫學校心理學家，轉介兒童青少年精神科，等醫生評估
開藥，同學校做調適......睇好唔好啲。

其實佢2歲已經評估左自閉症譜系架喇，小一前評估都做埋，話佢言語超弱，低弱智能，但係我唔認同佢低弱智能，只係佢唔肯講野，我同佢做功課，讀題目俾佢聽，選擇題叫佢揀答案，或者寫答案，佢係識做既，只係理解上比較弱同唔肯講野，抄寫完全冇問題，D字仲寫得幾靚架，所以先咁矛盾，唔知點揀好

yan_love

channba31 發表於 20-11-16 19:00
南區
邨校幼稚園
K3

咁你個女有咩問題呀？？你會揀特小定主流？？

yan_love

channba31 發表於 20-11-16 19:04
本帖最後由 channba31 於 20-11-16 19:05 編輯

寫字慢，唔係好識聽指令

我個仔都係差唔多，佢聽得明人地講乜，只係唔鐘意表達，教佢野要教多幾次先明白，理解係比較弱既，我諗最嚴重係佢唔係好肯講野，同埋就算識都唔肯表達，所以D「專家」咪評得佢咁差。我個仔係要迫先有進步既，怕佢如果入左特小，老師跟佢既進度去慢慢黎，我怕只會拖累左，唔識進步咋。都唔知點算好？？？

yan_love

channba31 發表於 20-11-17 13:52
博大細囉
香港又冇好似喺中間學童學校
二選一

好難選擇，因為揀乜都有人會話我害左個仔，揀繼續讀主流的話，佢跟唔到成績太差又俾人話唔為佢著想，揀特小又話個仔前途冇晒，都唔知點揀好。

yan_love

channba31 發表於 20-11-17 15:51
本身你同先生想唔想粒仔去讀特殊？
呢舖真係賭大細，博佢有轉機
唔得就一世.......

我自己就無乜所謂，但係我老公，奶奶佢地全部唔接受個仔係低弱智能，話佢除左讀書都幾叻仔，自理又叻，又識耍小聰明，只係唔講野，佢地肯定個仔唔係智障，所以唔想接受特殊學校。

yan_love

channba31 發表於 20-11-17 20:00
我都係等埋醫生先決定
我個個要抽血 驗基因
照埋個腦

抽血驗基因會驗到咩架？？私家？？幾錢呀？？

yan_love

channba31 發表於 20-11-17 20:58
我排健康院 轉介大口環

大口環再轉介專科醫生

如果智力無問題，真心覺得千祈唔好去特殊學校，真係轉唔返出黎，原因係就算讀到中六，都只得小六至初中程度，同埋出路堅窄。

yan_love

opclk99 發表於 20-11-18 18:21
你有咁心態係非常好,客觀睇如讀主流跟唔到,
學唔到又唔開心,
不如去特殊學校,

但係老實講，特殊同現實社會跟本完全跟唔到步伐，唔係差小小，係差好遠，入左去就唔洗旨意返出主流，讀到小六，一係繼續原校讀到中六，最多既只係出去讀志蓮依類職業學校，根本唔好奢望讀到咩VTC果D，初小可能分別真係唔大，但係去到高小或者初中真係好明顯，完全同社會脫節。