取消中小學考試名次制度

beastiebistro

天外之人 發表於 22-11-11 11:06
我都知道世上冇一個教育制度完美,你的論點和根據,著眼點在於最後既考試方式引致既教育,我都覺得係唔好,更體 ...

過程心態咪就係因人而異，因家長心態而異囉，好似網友講制度本身係中性㗎嘛。你睇到有少部分同學受唔到現時制度，比例有幾多？我就係話比例非常少，否則去到初中都冇晒人啦？或者間間學校都變精神病院啦？是實上就係大部份嘅本地學校嘅大部份學生都冇問題喎？咁點解要為咗極少部分唔適應嘅小朋友（其實可能係家長有問題添）去改一個大部份人都冇問題嘅制度呢？唔可以將個別問題無限放大然後當係結構性問題㗎喎？

beastiebistro

shadeslayer 發表於 22-11-11 11:17
我贊成合適的時間行精英制。但我和你意見有啲唔同，我支持多啲人讀大學受高等教育。精英嘅篩選唔一定係入 ...

咦？係咪我文筆有問題呢？我明明就係話唔入大學都可以係精英喎？我又估唔到你咁literal喎，我用工種作為例子因為比較易明啫。冇緊要，我修正。唔入大學做詩人都可以係精英，或者揸巴士閒時行山都可以係精英。
如果讀大學係純粹知識追求，我唔反對㗎。不過大家老實啲啦，其實大部分人入大學純粹因為認為有個學位會升喱，跟住就「嫌棄」啲相對較普通嘅工種，我認為對社會係壞事，始終都要有人掃街㗎？其實英國而家咪大大鑊囉，之前因為貝理雅覺得要人人入大學所以大量加開大學學位，變咗冇人肯做啲menial work。脫歐前仲可以靠啲東歐移民撐住，一脫歐直頭人材荒。「高級」工種太多人爭，因為太多人有學位覺得博得過。「低級」工種冇人做，因為個個揸住個學位覺得冇理由要捧餐，洗碗，掘地，寧可喺屋企攞綜援等運到。

如果到請人嗰時先精英，咁喺大學讀咗幾年「廢」科，諗住出嚟就有好工送上門嗰啲點算？ 唔好諗住係少數呀，我經驗就算唔係多數，比例都絕對唔低。呢啲跟住又埋怨社會唔公平呀，明明我大學畢業點解唔係入投行入大公司，點解明明我讀大學出嚟都要做麥當勞... 呢啲如果一早入行學廚（舉例咋吓），可能做咗大師傅自己開餐廳添喇。

beastiebistro

天外之人 發表於 22-11-11 12:26
最後那段感覺有點問題,或許理解未夠.............但就真係覺得教育比錢變質晒.
終身學習係每個人都可以做到 ...

其實之前講咗好多次，冇心讀可能佢唔係讀書材料囉？點解人人都要一定適合讀書呢？可唔可以有啲何詩蓓／張家朗／傅家俊其實根本個天資唔喺讀書度呢？李嘉誠先生都冇讀完中學？點解讀書唔開心係賴制度不公？係賴社會不公呢？咁拎走晒啲評核考試之後，都唔讀書／或者讀唔成書嗰啲點呢？又可以賴啲咩呢？
而家問題係有幾多學生早段教學令佢冇咗學習動機吖嘛，我話比例好少吖嘛，因為大部份嘅學生都係正常升上高中吖嘛。咁即係唔係結構性問題啦。如果早年教育有咁大問題，其實應該間間學校都有好多唔讀書／黐晒線嘅學生啦？事實係冇吖嘛。

beastiebistro

ABC-DAD 發表於 22-11-11 12:37
你講英國無人做某啲工種有咩根據架？你肯定只有白人先做白領？唔好把社會/政治/經濟問題無限上綱啦，集中講 ...

哈，你又搞錯咗我嘅重點，我冇話同膚色有關喎。

我係話因為多咗大學畢業生（白人／黑人／黃種人／印巴人都有㗎，全部都係「英國」人），少咗肯做menial work嘅「英國」人。

我嘅argument係人人追求知識係好事，但唔需要一定要入大學。人人讀大學未必係好事。

beastiebistro

shadeslayer 發表於 22-11-11 13:15
社會的現實會令一些大學生做看更，揸車，清潔。無問題的。哲學畢業揸巴士，唔覺得有問題。

我同你梗係冇問題啦，之前嘅討論大家都明啦。

而家講緊社會大部份人吖嘛，現實就係覺得讀過大學梗係要向上流啦，或者點樣死都要入大學，因為有個學位仲唔升哩？

我崇尚知識追求㗎，不過好老實講，我嘅知識絕大部份唔係喺大學學返嚟嘅，係我睇書／同人傾偈／自學返嚟嘅。我讀機械工程但係做廣告，我大學學嘅嘢一丁點都冇喺大學後幫過我。

我唔認為家長同學生嘅不合理期望會被矯正，但係佢哋會向現實低頭，然後心存怨氣。

都話我個人比較cynical，我相信人嘅貪婪係無止境嘅。

beastiebistro

shadeslayer 發表於 22-11-11 13:46
教育帶來獨立思考，獨立思考係社會嘅基石。

但係教育唔一定需要喺大學發生。

而家有成1.5萬個UGC學士學位喎，起碼夠30%人喎？
係呀，我覺得30%太多㗎。

beastiebistro

shadeslayer 發表於 22-11-11 14:02
就算真係心存怨氣，應該可以隨着時間嘅過去以減低，或者慢慢調節自己心態。

就算真係有怨氣解決唔到，都 ...

既然係咁，以同樣邏輯，應該而家早年教育照顧唔到嘅少數都應該調節心情，唔好怪罪於照顧到大部份人嘅制度囉，唔使改啦。
最後又係返番去，你理想嘅no child left behind，同我嘅「精英」制二元對立，無止境重複又重複...

beastiebistro

天外之人 發表於 22-11-11 15:16
看了你所舉英國例子,中國會不會就是因為這個原因,所以才將英文不是主科.....留待鐘意學習既學生學英文,唔鐘 ...

Er，Sorry我唔明你嘅邏輯。讀得開唔開心同是否讀英文有咩關係呢？莫非香港學生係因為讀英文而唔開心？

我諗一廂情願覺得政治領袖就有信用其實係好天真嘅想法。任何地方嘅政治領袖都有私心，呢樣同東／西方教育一啲關係都冇，係基本人性。

beastiebistro

ABC-DAD 發表於 22-11-11 16:52
唔好意思我估係搭錯線，佢quoted 你，我quoted 佢，你見到以為我quote 你，佢剷左自己啲嘢，又覆我話無講 ...

我都係有alert我先覆咋，我相信我冇剷走過我講嘅嘢...