教育王國

標題: 第一次上Pg上到咁火根本係過份（已更新上下集） [打印本頁]

作者: 羊咩咩豬BB 時間: 17-3-8 09:47 標題: 第一次上Pg上到咁火根本係過份（已更新上下集）

本帖最後由羊咩咩豬BB 於 17-3-8 17:34 編輯

能有啲長但我真係想借位呻下同想大家評理

話說我參加左旺角某Pg 都年幾兩年
係朋友話上完個小朋友會乖啲
所以我就一直上....當然老師係寸同成日好主觀
講真個人一直認為佢態度係寸同好難相處
但我都選擇一直上因為自問唔識教女
而課程上其實有用又教到自己小朋友
所以一直無論點樣俾個老師寸我都會繼續上

直至最近兩期
咁就其中一個功課要我個女預先練習表演
要係上堂的時間去表演唱歌
咁事前我同老公都有係屋企陪個女練習
但到上堂個陣到我女表演佢竟然唔肯唱
又鬧情緒訓左係到
結果個老師一句就得埋黎講
你依啲咪無練習囉如果你識教女
個女唔會咁既表現啦
之後我係完全忍唔住爆
我地有無練習你點知？
我唔通要係屋企拍晒video 去証明我有練咩
你憑咩覺得我無呢？
我係連珠爆發係超級嬲同火滾

講真每一個媽媽都好努力去教自己小朋友
為左依個表演又特登練習
其實咁的表演代表咩根本唔係一個比賽
你洗唔洗咁講說話我女得兩歲幾
你想佢有幾叻？而且佢地咁細個佢地唔想唱/情緒有咩問題根本就好常見

因為咁樣我當住所有家長面前而爆佢
但事後因為佢咁講我我真心谷住喊左好耐
係咪真係我教得個女唔好？
講真我無怪過我個女上堂表現好就代表醒目
表現唔好就代表蠢咩

其實仲有最近一堂發生的事令我决心以後唔再上

待續.........

作者: AnEm 時間: 17-3-8 09:57

哇..... 呢d 咁既導師....... 好離譜喎~

作者: boyboobee 時間: 17-3-8 12:55

唔好嬲, 絕對人你教育孩子方式無關, 換一間play group好了, 畢竟呢D都係為賺錢的私入學店, 真係冇乜監管, 有好有壞的

作者: 羊咩咩豬BB 時間: 17-3-8 16:09

boyboobee 發表於 17-3-8 12:55
唔好嬲, 絕對人你教育孩子方式無關, 換一間play group好了, 畢竟呢D都係為賺錢的私入學店, 真係冇乜監管, ...

唔讀喇個女都準備返學見過鬼都怕黑

作者: crystal媽咪 時間: 17-3-8 17:33

無謂貼錢比人話

點可能無練，小朋友總有失埸的時候

作者: 羊咩咩豬BB 時間: 17-3-8 17:34

(下集）

話說咁星期日呢就要上最後一堂，咁我又唔記得咗交學費，咁我就諗住順便交埋學費啦咁我去到課室我就問佢
，你想我而家交學費，定係落堂先交學費啊！
跟住佢就叫左我入課室
：唔好意思啊媽媽
我諗我冇能力再教你喇
聽到我係完全呆左啦
即係簡單啲講叫我唔洗再上

跟住呢咁我就出咗去
我就一路係班房外面根本都唔知講咩

咁本身今日係星期日啦
所以呢我就叫老公去上堂
佢又放假呀嘛

咁我就喺班房門口就等佢哋
但係又因為今日係最後一堂，咁通常每一期嘅最後一堂呢，佢都會有一個總結去講一啲評語去講返你個小朋友嘅。

咁雖然頭先佢講咗嗰啲說話，但係我都諗住好來好去咁我咪照聽埋先走囉
當然都唔情願啦

之後入到房我先同老公講返件事
跟住我老公就話：吓...咁而家可以走啦仲洗咩留喺度直接走啦
仲有咩需要聽佢講埋評語姐
我其實都Feel到佢都嬲對方咁講野
我老公真係好小發火但佢都覺得佢過份

我就話唔好啦好來好去咁咪可以圓滿結束成件事囉

咁好喇到聽評語嘅時候

：其實你個女都冇咩大問題嘅，係嗰個專注能力比較差學習能力都好差，人格發展又好有問題，脾氣都唔係咁好呢，上左咁耐其實都冇進步過，不過大肌肉同協調能力都好既
但我都無能為力啦。
咁你總之記住愛與堅持呢咁樣去教佢。我真係冇能力去教你地喇。係無能為力

其實想講係究竟係因為我上次係其他家長面前反駁佢佢難落台呀定係因為我個女咁多堂都無進步呢？但奇怪係明明上一堂佢都俾户口我過數叫我交錢我唔介意聽批評的說話但如果我個女咁差點解今日先講而之前又話佢聰明同有進步呢？如果因為佢從來無進步要唔俾佢再讀咁想請問咩要有教無類？而且無能為力而唔教我小朋友其實你依間Playgroup開黎做咩

去到依到根本就係咩都佢講晒而且佢以愛與堅持做教學理念我唔覺得佢做得到

作者: 羊咩咩豬BB 時間: 17-3-8 17:35

boyboobee 發表於 17-3-8 12:55
唔好嬲, 絕對人你教育孩子方式無關, 換一間play group好了, 畢竟呢D都係為賺錢的私入學店, 真係冇乜監管, ...

多謝你講真就係知無監管所以要擺上網等其他家長知道唔好中伏

作者: 羊咩咩豬BB 時間: 17-3-8 17:35

crystal媽咪發表於 17-3-8 17:33
無謂貼錢比人話

無上喇因為下集的關係你睇埋就會明

作者: boyboobee 時間: 17-3-8 17:45

羊咩咩豬BB 發表於 17-3-8 17:35
多謝你講真就係知無監管所以要擺上網等其他家長知道唔好中伏

其實pg係靠撞彩，同一間公司，都要睇邊個老師上，我细女以前join過一間，9個月4個老師，1歲幾人仔，根本適應唔到，所以轉另一間。

作者: 羊咩咩豬BB 時間: 17-3-8 17:46

boyboobee 發表於 17-3-8 17:45
其實pg係靠撞彩，同一間公司，都要睇邊個老師上，我细女以前join過一間，9個月4個老師，1歲幾人仔，根本適 ...

我依間旺角Pg 係得一個人
老師負責人都係同一個

作者: hofmanki 時間: 17-3-8 17:54

咁寸一定唔讀啦！

作者: babymamaloveyou 時間: 17-3-8 21:06

回覆羊咩咩豬BB 的帖子

打算唔再繼續，点解你又打算交学費?

作者: 羊咩咩豬BB 時間: 17-3-8 22:34

babymamaloveyou 發表於 17-3-8 21:06
回覆羊咩咩豬BB 的帖子

打算唔再繼續，点解你又打算交学費?

上集之後啲同學仔鼓勵我繼續
所以我就頂住繼續但到下集佢講到咁就唔再讀

作者: Tanyafish 時間: 17-3-9 09:29

我覺得他這樣很過份！根本就係他自己情商低，不懂處理自己評錯了家長而家長話他。

作者: vpo0615 時間: 17-3-9 12:26

老師態度確實好寸, 但樓主响所有家長同小朋友面前爆老師, 咁其實會俾所有小朋友做咗個壞榜樣. 當然即時向老師澄清番有响屋企練習係應該, 但措辭可以有禮貌D, 無需要同個老師一般見識.

作者: 羊咩咩豬BB 時間: 17-3-9 18:57

vpo0615 發表於 17-3-9 12:26
老師態度確實好寸, 但樓主响所有家長同小朋友面前爆老師, 咁其實會俾所有小朋友做咗個壞榜樣. 當然即時向老 ...

我都知自己唔岩但當時如果唔爆佢
又俾佢覺得自己大晒

作者: yeemchiu2 時間: 17-3-10 02:48

羊咩咩豬BB 發表於 17-3-8 09:47
能有啲長但我真係想借位呻下同想大家評理

如屬實，老師的說話方式和內容，真係枉為人師！係其他小朋友面前都樹立唔到好的榜樣，咁的導師，唔跟好過跟。慶幸樓主走得快，可以早的揾過一間適合囡囡的學校。

作者: 羊咩咩豬BB 時間: 17-3-10 02:49

yeemchiu2 發表於 17-3-10 02:48
如屬實，老師的說話方式和內容，真係枉為人師！係其他小朋友面前都樹立唔到好的榜樣，咁的導師，唔跟好過 ...

句句屬實其實都多謝佢的無能爲力
等我睇清佢依個人

作者: yeemchiu2 時間: 17-3-10 02:53

羊咩咩豬BB 發表於 17-3-10 02:49
句句屬實其實都多謝佢的無能爲力
等我睇清佢依個人

有的咁的導師，都好離譜！完全不尊重人

作者: 羊咩咩豬BB 時間: 17-3-10 02:54

yeemchiu2 發表於 17-3-10 02:53
有的咁的導師，都好離譜！完全不尊重人

往佢仲話自己教左20年靠口碑不知所謂

作者: yeemchiu2 時間: 17-3-10 03:07

羊咩咩豬BB 發表於 17-3-10 02:54
往佢仲話自己教左20年靠口碑不知所謂

聽到都心寒！請問可以指出playgroup 大約的位置嗎？等爸媽們有所警覺。謝謝你！

作者: 羊咩咩豬BB 時間: 17-3-10 03:08

yeemchiu2 發表於 17-3-10 03:07
聽到都心寒！請問可以指出playgroup 大約的位置嗎？等爸媽們有所警覺。謝謝你！
...

旺角上海街附近有好多賣裝修用品的

作者: yeemchiu2 時間: 17-3-10 03:09

羊咩咩豬BB 發表於 17-3-10 03:08
旺角上海街附近有好多賣裝修用品的

謝謝你！

作者: 羊咩咩豬BB 時間: 17-3-10 03:11

yeemchiu2 發表於 17-3-10 03:09
謝謝你！

希望幫到身邊的家長慎防中伏
而且間中心要人一交交幾個月學費有問題都唔可以退錢亦無試堂
所以建議大家上pg揀啲可以試堂既

作者: RockMusicLover 時間: 17-3-10 04:11

查實playgroup搞呢d真係多鬼餘。老實講，去上playgroup主要目的係想比個歲幾兩歲又未返PN既小朋友，多d機會同其他小朋友接觸，比佢知原來有樣野叫「返學」，返學係咁既模式，家長有機會知道原來小朋友出到去會有乜野表現，然後知道點處理，咁對佢考pn時既表現會比較穩定少少。

考pn不外乎睇小朋友反應，大小肌運用，是否情緒較穩定，是否活潑開朗。咁細個train佢果d表演，多餘..... 整到佢怕左/厭煩仲衰。

作者: lokapo 時間: 17-3-10 12:40 標題: 回覆樓主:

如果我係其他家長,見到佢咁,實即刻轉會。

作者: 羊咩咩豬BB 時間: 17-3-10 13:17

lokapo 發表於 17-3-10 12:40
如果我係其他家長,見到佢咁,實即刻轉會。

本帖最後由羊咩咩豬BB 於 17-3-10 13:18 編輯

佢依個Pg 好似suggest 人上到 5/6歲
之後要返學都 suggest人放學過去上
好多阿媽真係俾佢鬧左幾年
有啲佢既Fans 係唔會走架.....喊完俾佢鬧完又繼續

作者: 羊咩咩豬BB 時間: 17-3-10 13:20

RockMusicLover 發表於 17-3-10 04:11
查實playgroup搞呢d真係多鬼餘。老實講，去上playgroup主要目的係想比個歲幾兩歲又未返PN既小朋友，多d機會 ...

佢既上堂模式一啲都唔返學堂堂又要攞手鏈住小朋友個口咁望住佢同佢講午安唔應佢就拍人應佢我女唔識就話你做咩打我
佢又會話我無打你你唔好亂Up
講真小朋友唔可以講唔鐘意架咩

作者: yeemchiu2 時間: 17-3-10 18:06

羊咩咩豬BB 發表於 17-3-10 13:17
本帖最後由羊咩咩豬BB 於 17-3-10 13:18 編輯

佢依個Pg 好似suggest 人上到 5/6歲

梗係叫人繼續報喇，要揾食呀麻！揾食唔該行遠的，無謂誤人子弟！

作者: lokapo 時間: 17-3-10 18:23

羊咩咩豬BB 發表於 17-3-10 13:20
佢既上堂模式一啲都唔返學堂堂又要攞手鏈住小朋友個口咁望住佢同佢講午安唔應佢就拍人應佢我女唔識 ...

點解咁誇張都要忍佢咁耐?俾我唔使錢都唔會去, 搞到個小朋友驚左返學仲大劑

作者: yeemchiu2 時間: 17-3-10 18:52

羊咩咩豬BB 發表於 17-3-10 13:20
佢既上堂模式一啲都唔返學堂堂又要攞手鏈住小朋友個口咁望住佢同佢講午安唔應佢就拍人應佢我女唔識 ...

聽落間playgroup 係非一般的教學法喎，咁去教的咁細的小朋友係咪真係work 架？有冇理論support 架？似軍訓多的囉！

作者: 羊咩咩豬BB 時間: 17-3-10 22:06

yeemchiu2 發表於 17-3-10 18:52
聽落間playgroup 係非一般的教學法喎，咁去教的咁細的小朋友係咪真係work 架？有冇理論support 架？似軍訓 ...

佢教左廿年用同一套方法訓練手眼協調咩大肌肉小肌肉個啲每堂會講啲理論再俾家長問下問題
但總括都係教係愛與堅持

作者: 羊咩咩豬BB 時間: 17-3-10 22:07

lokapo 發表於 17-3-10 18:23
點解咁誇張都要忍佢咁耐?俾我唔使錢都唔會去, 搞到個小朋友驚左返學仲大劑
...

以前諗住可能係我真係唔識教
但去到佢咁唔識尊重人覺得自己惡晒
真係心灰意冷
其實諗返我女都唔係咁鐘意去

作者: 羊咩咩豬BB 時間: 17-3-10 22:09

yeemchiu2 發表於 17-3-10 18:06
梗係叫人繼續報喇，要揾食呀麻！揾食唔該行遠的，無謂誤人子弟！

因為我女黎緊返下午班
我都諗住唔再讀但跟住佢又話因為日日都返學我又唔想難得放假星期日仲返去
跟住佢又話返幼稚園無野講你唔返黎依到
無人教到你點教女

作者: yeemchiu2 時間: 17-3-11 01:00

羊咩咩豬BB 發表於 17-3-10 22:09
因為我女黎緊返下午班
我都諗住唔再讀但跟住佢又話因為日日都返學我又唔想難得放假星期日仲返去
跟住 ...

下！咁樣講野都有架！

作者: yeemchiu2 時間: 17-3-11 01:08

羊咩咩豬BB 發表於 17-3-10 22:06
佢教左廿年用同一套方法訓練手眼協調咩大肌肉小肌肉個啲每堂會講啲理論再俾家長問下問題
但總括都係教 ...

本帖最後由 yeemchiu2 於 17-3-11 01:12 編輯

返playgroup ，小朋友先係主角。如果小朋友返得唔開心，唔enjoy ，就算playgroup 的理念有幾好，都係冇用。勉強返，對大人同小朋友來講，都承受了不必要的壓力。其實，樓主所講的playgroup 內容，出面都有好多選擇。

作者: 羊咩咩豬BB 時間: 17-3-11 01:20

yeemchiu2 發表於 17-3-11 01:00
下！咁樣講野都有架！

所以我都有講過下個地址家長們自己小心

作者: 羊咩咩豬BB 時間: 17-3-11 01:21

yeemchiu2 發表於 17-3-11 01:08
本帖最後由 yeemchiu2 於 17-3-11 01:12 編輯

返playgroup ，小朋友先係主角。如果小朋友返得唔開心， ...

唉.....我恨我太無知亦走得太遲

作者: yeemchiu2 時間: 17-3-11 01:59

羊咩咩豬BB 發表於 17-3-11 01:21
唉.....我恨我太無知亦走得太遲

唔遲，唔遲！樓主無需自責，經過今次，樓主更清楚小朋友同自己需要的咩

作者: CECILION 時間: 17-3-14 10:26

回覆羊咩咩豬BB 的帖子

興華商業中心內?

作者: 羊咩咩豬BB 時間: 17-3-15 01:49

yeemchiu2 發表於 17-3-11 01:59
唔遲，唔遲！樓主無需自責，經過今次，樓主更清楚小朋友同自己需要的咩
...

多謝大家呀真係好慶幸走得快

作者: 羊咩咩豬BB 時間: 17-3-15 01:49

CECILION 發表於 17-3-14 10:26
回覆羊咩咩豬BB 的帖子

興華商業中心內?

本帖最後由羊咩咩豬BB 於 17-3-15 01:50 編輯

樓下有間麻雀館電x盈x附近

作者: IVYPO 時間: 17-3-21 16:03

可唔可以知係邊間? 而家搵緊PG, 都怕會去左D咁的PG....

作者: 羊咩咩豬BB 時間: 17-3-21 16:06

IVYPO 發表於 17-3-21 16:03
可唔可以知係邊間? 而家搵緊PG, 都怕會去左D咁的PG....

係旺角近太子附近樓下有間麻雀館
成條街賣裝修用品

作者: IVYPO 時間: 17-3-21 16:11

回覆羊咩咩豬BB 的帖子

方便PM個名俾我嗎? 因為之前有人介紹過一間在旺角, 佢地好似租活動室, 我又唔肯定邊間打邊間.... 而家D PG太多...

作者: 大細心 時間: 17-3-24 16:28

超差......... 就算我考琴, 平時彈得好, 到臨場表現失準, 我都控制不到, 何況小朋友。

作者: 羊咩咩豬BB 時間: 17-3-31 04:29

IVYPO 發表於 17-3-21 16:11
回覆羊咩咩豬BB 的帖子

方便PM個名俾我嗎? 因為之前有人介紹過一間在旺角, 佢地好似租活動室, 我又唔肯定 ...

全名叫天x杰

作者: lovececing 時間: 17-3-31 17:42

咁細個就話要表演

，唔好話表演，有時小朋友明明識嘅野係陌生環境都可能唔會講啦，咁又代表唔識咩

個老師講得岩佢無能為力，因為佢根本冇愛心，小朋友咁細要用愛心慢慢教，佢連最基本應該要做嘅野都冇咁點教，唔好太上心佢對你囡囡嘅批評

作者: 羊咩咩豬BB 時間: 17-3-31 17:43

lovececing 發表於 17-3-31 17:42
咁細個就話要表演，唔好話表演，有時小朋友明明識嘅野係陌生環境都可能唔會講啦，咁又代表唔識咩

...

每個小朋友其實都係獨一無二
根本無得用死一套方法去教
佢唔會認自己有問題佢只係覺得你唔跟佢個套去行

作者: lovececing 時間: 17-3-31 17:46

羊咩咩豬BB 發表於 17-3-31 17:43
每個小朋友其實都係獨一無二
根本無得用死一套方法去教
佢唔會認自己有問題佢只係覺得你唔跟佢個套去 ...

絕對認同每個小朋友都係獨一無二，果位老師真係好有問題，唔明點解咁都有生意

作者: 羊咩咩豬BB 時間: 17-3-31 17:49

lovececing 發表於 17-3-31 17:46
絕對認同每個小朋友都係獨一無二，果位老師真係好有問題，唔明點解咁都有生意
...

好想講返學就算點樣陪個女去返學
都唔應該係會返到好受氣
但上親佢的堂的家長都隨時俾人炳

間野叫天x 杰（旺角要上樓）

歡迎光臨教育王國 (/)