教育王國

標題: 沙田分校英藝好嗎？ [打印本頁]

作者: kmisse 時間: 15-10-23 00:32 標題: 沙田分校英藝好嗎？

沙田英藝仲未有版，唔知有無讀緊的小朋友家長可以分享下？聽過有人話俾得呢個價錢有好多選擇，出九龍塘讀都得，其實學費值唔值呢？我報左全日n

作者: kmisse 時間: 15-11-5 18:06 標題: 回覆：沙田分校英藝好嗎？

作者: kmisse 時間: 15-11-27 23:52 標題: 回覆：沙田分校英藝好嗎？

如題，有無人可以幫幫手?

作者: ETCM 時間: 15-12-1 21:37 標題: 回覆：沙田分校英藝好嗎？

一個字新。但清潔做得差

作者: sibylyau 時間: 15-12-11 00:38

kmisse 發表於 15-10-23 00:32
沙田英藝仲未有版，唔知有無讀緊的小朋友家長可以分享下？聽過有人話俾得呢個價錢有好多選擇，出九龍塘讀都 ...

你報全日班7-8000，雖然話九龍塘讀到但九龍塘有部分無全日有全日都未必8000搞得掂，我覺得沙田英藝吾算貴但都吾係平，我女由n升今年k1, 龍尾b, 語環真係吾錯，但缺點係老師turnover好高，無讀過其他幼稚園不能比較好定吾好，但我女係十分喜歡英藝既老師不論男老師女老師。
我就buy佢多男外籍老師，因為我女由細到大都好怕男人，而家起碼train到佢完全吾怕先。

作者: uncle13 時間: 15-12-13 01:38 標題: 回覆：沙田分校英藝好嗎？

我囡係度讀緊pn, 都ok. 如果你喜歡學術心d, 呢度係可以的，pn已差不多每天有功課，填色連線等，茶點幾多種類，有熱食，我囡不停添食，老師好樂意俾。生日會有大禮物。好多節日活動。語境幾好，我女英文listening很好，完全明白鬼佬老師指令，就連屋企唔講普通話，我囡都學識講baba mams gege mei mei, 1234 等。我覺得呢度殺食的地方係位置，近地鐵站，沿途有蓋不怕落雨，早到可坐係學校附近屋苑有蓋位置等候。

不好的地方是價錢不算平，仲要俾12個月，學校和家長溝通不多，要家長主動去問，沒有家長義工，變相對學校歸屬感低。

作者: Hell0_kitty 時間: 16-1-15 12:33 標題: 回覆：沙田分校英藝好嗎？

請問有全日班的分享嗎？全日課程可以嗎？

作者: kmisse 時間: 16-2-16 18:15 標題: 回覆：沙田分校英藝好嗎？

多謝各位指教!心大心細係因為朋友個親戚响度做過，話膳食差，上堂教少少野就睇片，又話求其搵啲想响香港定居嘅內地人教，如果真係成日睇片就梗係唔ok, 不過又唔知嗰個親戚幾時做過，所以想聽下各位用家意見!

作者: smilingtracyho 時間: 16-3-2 13:53 標題: 回覆：沙田分校英藝好嗎？

我囡宜家讀緊pn 我囡讀緊international class 丫囡好鐘意返學佢冇返學就同我講我想返學話掛住mr brad 語環好好我囡佢英文好左好多好多時係屋企成日都好多時講英文食茶點都好多款式老師好有愛心

作者: kmforever 時間: 16-3-7 23:48

我剛收到 16-17 沙田 PN am 班既 offer，請問有無新生適應週之類既安排呢 ? 我怕小朋友第一次正常離家返學，會好驚驚，如果有幾日可以親自陪下拒，會好好多。此外，有關校車既安排，請問那里有路線圖既資料呢 ? 2 歲小朋友，我好擔心他搭校朋唔適應。有家長分享一下嗎?

歡迎光臨教育王國 (/)