教育王國

標題: 英華校長籲勿背面試班金句 [打印本頁]

作者: elbar 時間: 15-6-7 19:25 標題: 英華校長籲勿背面試班金句

每年直資名校學位都「爭崩頭」，家長為求子女獲取錄皆各出奇謀，英華小學校長林浣心直言，最儍是參加坊間的面試班，曾經有學童聽從教導，在面試時爆金句「never give up」試圖令校長印象深刻。她慨嘆：「一個4、5歲細路表現應該係活潑健康快樂，就係咁多！一多咗呢啲好加工上去嘅嘢，有時係弄巧反拙。」

英華小學昨起一連兩日舉行5場小一入學簡介會，首場吸引近800位家長坐滿禮堂。校長林浣心指，家長愛為子女報考多間小學，以為可增加面試經驗，卻令孩子壓力驟增，「有啲學校你考咗都唔去，何必要咁樣漁翁撒網，令細路仔好操勞」。她試過在面試時，見到家長滔滔不絕說話，但身旁男童卻「透大氣」，顯得非常疲憊。

面試多叫錯其他校長名

林浣心指家長安排子女參加1至2間學校面試便足夠，超過5間便屬過多，試過有學生接連面試太辛苦，向她說早晨時誤稱上一間學校校長的名字。她強調家長亦毋須迎合學校，參加面試班無助增加取錄機會。

家長蕭先生指不會叫兒子參加面試班，「如果要咁谷，未必適合佢，反而人生要睇長線囉」。另一家長彭先生已安排子女報讀短期面試課程，他認為可訓練小朋友面試技巧。在英華小學讀小三的朱天行指，當年小一入學面試有壓力，最難是加減混算。他認為最重要有眼神接觸、禮貌和有自信心。校方指有意報名家長可在6月11至13日申請，面試分三輪，首輪在8月底至9月底舉行。

另一間傳統名校聖士提反書院附屬小學昨日亦舉行入學講座，有家長問及校方推出100萬元票據優先入學計劃，擔心沒有能力購買會影響入學機會。校長衛燕華指，即使購買票據亦需經過三輪面試，而名額不多於33個。有家長認為能換取入讀機會便值得，家長何太慨嘆自己只是打工仔，要供養兩名子女，難以負擔100萬元票據。

作者: Obiepapa 時間: 15-6-7 22:41 標題: 回覆：英華校長籲勿背面試班金句

英華小一加減混算！校長你講麼我都吾信你了

一百票據可以轉手嗎？

作者: sukitelfold 時間: 15-6-7 22:46 標題: 回覆：Obiepapa 的帖子

D人真係口是心非！

佢可能以為間間似佢見3次！呢個世代，報2、3間等同自殺

作者: Gerard 時間: 15-6-7 23:37 標題: 回覆：英華校長籲勿背面試班金句

提示: 作者被禁止或刪除內容自動屏蔽

作者: 2kidspa 時間: 15-6-9 23:19

「有啲學校你考咗都唔去，何必要咁樣漁翁撒網，令細路仔好操勞」

林校長你3 round 面試都令家長好操勞.

作者: ok3 時間: 15-6-10 09:38

你估D家長好得閒

唔係D小一入學試玩到似考U咁，何來面試班？何來背金句？

作者: wendywaiwai 時間: 15-6-10 10:38 標題: 回覆：英華校長籲勿背面試班金句

請問除了大抽獎，各位對面試有怨言的家長，有什麼好的建議提出來，可以公平公正地從幾千個小朋友中挑選一百多個出來呢？

作者: lcyesther 時間: 15-6-10 10:51 標題: 引用：請問除了大抽獎，各位對面試有怨言的家長，

原帖由 wendywaiwai 於 15-06-10 發表
請問除了大抽獎，各位對面試有怨言的家長，有什麼好的建議提出來，可以公平公正地從幾千個小朋友中挑選一百 ...

大抽獎要按地址如何公平？

作者: wendywaiwai 時間: 15-6-10 11:00 標題: 引用：Quote:原帖由+wendywaiwai+於+15-06-10+發

原帖由 lcyesther 於 15-06-10 發表
大抽獎要按地址如何公平？

我指申請私校和直資，都用大抽獎

作者: lcyesther 時間: 15-6-10 11:07 標題: 回覆：英華校長籲勿背面試班金句

只要廢除自行，全部人一齊抽，就好公平

作者: wendywaiwai 時間: 15-6-10 11:13 標題: 回覆：英華校長籲勿背面試班金句

因此，我覺得大家針對和抱怨的，只是教育制度的問題，任何一個選生方法，大家都有意見，例如有些學校，雖然只見二次，但最後一次只見5分鐘，就定小朋友生死，家長也會覺得不公平；有些會面試三次，給予充沛的時間及機會俾小朋友發揮，但又會被埋怨操勞小朋友,⋯就算連津官大抽獎，大家也是會覺得不公平，因為會抱怨為什麼心儀的學校不是在自己家附近⋯⋯⋯⋯唉⋯⋯⋯到底有什麼方法可以取得平衡，令選擇機制公平公正呢？

作者: Bosco爸爸 時間: 15-6-10 12:30

係人都知佢講野好假啦.......

作者: hkpapa852 時間: 15-6-10 12:34

本帖最後由 hkpapa852 於 15-6-10 12:36 編輯

個小朋友話"我10秒就睇穿人地既能力", 算唔算背金句?

作者: gwengwen 時間: 15-9-26 17:08 標題: 引用：只要廢除自行，全部人一齊抽，就好公平 +

原帖由 lcyesther 於 15-06-10 發表
只要廢除自行，全部人一齊抽，就好公平

歡迎光臨教育王國 (/)