教育王國

標題: 幼兒課程？ [打印本頁]

作者: maggiemsor 時間: 15-1-21 23:02 標題: 幼兒課程？

無聊入呢版睇睇，見有好多 mama papa 都話想讀幼兒導師課程，又話讀完後去做 playgroup 導師幾百蚊個鐘好好搵。

我想問問，想讀嘅人係真心想進修/教好小朋友定係為錢呢？

我本身係教書嘅，最唔鐘意聽到人話教書多假又輕鬆。事實每一日嘅時間都唔夠用。每一刻都要諗點樣教啲學生佢哋先會又有興趣又學到嘢。啲錢唔易賺（hea 做嘅老師除外，遇著呢隻老師簡直係嘥錢嘥心機）。

Playgroup 唔單只係 play，導師都係要用超多心機同體力去教。如果只係為錢，報讀前請三思。

作者: ajoycelo 時間: 15-1-30 12:57

贊成, 如果自己仔女預上咁既導師, 做家長都會覺得晒錢同晒時間.

作者: kiecheukhei 時間: 15-3-8 20:01 標題: 回覆：幼兒課程？

我想讀，係因為我有3個小朋友想了解同教下佢

作者: soragnes 時間: 15-11-26 09:48

我想讀, 因為已成為媽媽, 想了解佢, 同知道有咩方法教佢...
無諗住轉行架 ~~~

作者: scgift 時間: 15-12-2 03:47 標題: 回覆：幼兒課程？

我有讀playgroup導師證書班，但只為教自己女兒，冇諗過做playgroup導師。不過讀完後，對playgroup導師既要求多左

作者: chickfran 時間: 15-12-2 07:33 標題: 引用：我有讀playgroup導師證書班，但只為教自己

原帖由 scgift 於 15-12-02 發表
我有讀playgroup導師證書班，但只為教自己女兒，冇諗過做playgroup導師。不過讀完後，對playgroup導師既要 ...

請問邊度有相關課程?

作者: scgift 時間: 15-12-4 15:42 標題: 引用：Quote:原帖由+scgift+於+15-12-02+發表我有

原帖由 chickfran 於 15-12-02 發表
請問邊度有相關課程?

我讀青協

作者: 愛不單行 時間: 16-1-27 03:32

其實做play group tutor係要好有使命感！
如果冇都做得比較辛苦:(

作者: DDDDDDDDa 時間: 16-1-30 01:21

梗係要為小朋友將來著想啦.. 錢係其次

作者: 卡樂B@KAKA 時間: 16-2-1 08:52

我想讀係因為鐘意小朋友，自己又有2個想了解佢地多1點，又唔夠學歷去做幼師

作者: Bing_BB 時間: 16-2-4 12:25

我都有讀playgroup，之後都有教，其實教小朋友系超級開心架

作者: Chow-_chow121 時間: 16-2-4 12:40 標題: 回覆：maggiemsor 的帖子

贊成！
教育係好有使命感！

作者: babyjk2013 時間: 16-2-7 08:28 標題: 引用：贊成！教育係好有使命感！ +

原帖由 Chow-_chow121 於 16-02-04 發表
贊成！
教育係好有使命感！

呢樣真。
做老師絕不是輕鬆工作。
我聽到係辛苦但有滿足感。
想發達就唔好教書。

作者: chloexoxobo 時間: 16-5-4 14:14

回覆 babyjk2013 的帖子

岩呀，我見我囡個補習準備哂lesson plan又遊戲又性，hea d 都搞唔掂呀，真係要有heart教先得

作者: catcatma 時間: 16-8-28 02:57

做幼師係要好了解幼兒的發展階段，因為要設計課程,寫詳盡教案&評估表,有技巧咁教幼兒,仲要持續進修,而真實嘅幼師生活,係冇咩時間理自己的小朋友,上班用了9小時,仲要OT多兩三個鐘,然後帶文件回家做,遇著大型節日,OPEN DAY,可以夜晚11點先收工,所以好多有小朋友嘅幼師許可的話會轉半職或辭咗份工返屋企照顧小朋友,因為大家都有這樣想法:[日日好用心教別人的孩子,用好多時間設計課程&反思,做評估等,但自己嗰小朋友就唔得閒理, 不過教PLAYGROUP係另一回事,可能真係會開心D,起碼唔駛做佈置課室(每個月換主題),一班得8個(幼稚園30個),唔駛上完堂做反思報告,評估報告,唔駛做30份(上下學期學習檔案),家長日,課程,校務會議,唔駛比教育局視學質素,

作者: ms_ming 時間: 16-11-8 18:21 標題: 回覆：幼兒課程？

提示: 作者被禁止或刪除內容自動屏蔽

作者: Soming 時間: 16-12-29 18:23

所以呢, 我都好尊敬依家小朋友的幼稚園老師GA~D小朋友成日喊，少耐性都唔得。

陪小朋友返過PLAYGROUP, 導師一D都唔易做。我上PLAYGROUP COURSE 係為左自己教好下一代, 唔係為賺錢GA。

當時一齊讀PLAYGROUP COURSE有D好HEA o既同學以為拿左張CERT就幾百蚊1個鐘，最後找唔到相關工作。有D就是但幾個人租個舖位, 唔理D安全設備, 佢地未開業前已親耳聽佢激動鬧:「上網OFFER $50俾人試堂，又要服侍班怪獸家長(仍自己都為人母都咁話人), d人仲點點點.....」

其實好想叫佢心態咁差唔好開業，不過唔熟唔好意思出聲，好彩唔夠一年執左，誤人子弟真唔好。

歡迎光臨教育王國 (/)