教育王國

標題: 真道和陳守仁 [打印本頁]

作者: Skyhouse 時間: 14-10-15 12:45 標題: 真道和陳守仁

如果2間都收，揀邊間好？

一間一條龍，一間呈分試

一間英文好，一間英文普通

請真道家長指教。

作者: fishchow 時間: 14-10-16 01:04 標題: 回覆：真道和陳守仁

真道是四點半後放學（宜家唔知仲係咪），如果住得遠，要認真考慮。語境亦是，係好唔同的，睇你要d物？

作者: fineday 時間: 14-10-16 21:14 標題: 引用：真道是四點半後放學（宜家唔知仲係咪），如

原帖由 fishchow 於 14-10-16 發表
真道是四點半後放學（宜家唔知仲係咪），如果住得遠，要認真考慮。語境亦是，係好唔同的，睇你要d物？

...

真道英文如何？

作者: 武航 時間: 14-10-17 00:14

抱歉也得說，為何還問這種問題？真會有一個家庭既有子女既讀a也讀b嗎？讀a 的家庭如何可得知讀b 的情況？那b 的情況還不是聽回來？那客觀嗎？
在a 的專欄問a好還是b 好，你期望甚麼的答案？

作者: Skyhouse 時間: 14-10-17 07:49 標題: 回覆：武航的帖子

我知道冇人兩間都讀過，但我想聽下各位分析，相信大家在選校路上也會曾經經歷過決擇，迷惘，也會調查，分析。希望大家可以分享意見。不然，我心中有難題，該如何處理？

作者: hogmail 時間: 14-10-17 10:50

這是我的小小分享: 我的小朋友正在真道讀小一, 很開心從9月開始他不斷成長, 比起幼稚園時期更會自理. 開學時由我幫他執書包, 1星期後他自發要求自己去睇時間表, 排好次序去執. (嘩! 好驚呀!) 問佢小息玩咩? 佢話要準備下堂書本, 同埋睇圖書, 所以短既小息無去玩呀! (嘩! 變得咁大個?!玩喎! 咁吸引都唔去?) 佢話英文堂全英語對話, 仲叫我問佢問題(變得好有自信). 最神奇是科學堂, 相信沒有趣的事, 小朋友不會自發做. 他會要求我給他材料在家重做學校的小實驗, 然後講返比我聽係咩原理. 還有很多....... 真的感激他和真道有此”緣份”.

作者: Skyhouse 時間: 14-10-17 12:21 標題: 回覆：hogmail 的帖子

多謝分享。

我想問真道算是比較顛覆的教育理念嗎？我很欣賞及嚮往真道的教育理念。但我從傳統教育出來，又未必有能力將來讓孩子去外國讀書。所以對新派教育理念感到冒險。又真道會否太自由，讓孩子太過寬鬆嗎？

暫時所見，真道家長對學校都是正面，想請問有負面意見嗎？

作者: hogmail 時間: 14-10-17 12:39

回覆 Skyhouse 的帖子

顛覆的教育理念嗎？>> 顛覆? 不明白什麼意思. 我只知道年代不同了, 我們已經不可以將自己的"那些年"代入這個年代. 若果你仍然接受不了真道沒有校服. 真道絶對不是你杯茶, 不用再花時間去思前想後.

作者: ozoz 時間: 14-10-17 20:12 標題: 引用：多謝分享。我想問真道算是比較顛覆的教育

原帖由 Skyhouse 於 14-10-17 發表
多謝分享。

我想問真道算是比較顛覆的教育理念嗎？我很欣賞及嚮往真道的教育理念。但我從傳統教育出來，又 ...

我又唔覺得太自由，老師對佢地有要求，開學時有同學擾亂上課秩序，叫極唔停，甚至被罸企。食完飯全部自己清理枱面地下。上課時總有時間比你討論，包保有機會問，喺學校學到識。老師主要用鼓勵方式引小朋友做多d,行多步。老師會話比小朋友知道d要求包括秩序要求，能完成，就有印仔，由於要佢地有團隊合作精神，組員犯規都會無印仔。我女兒返咗個幾月，主動咗。。。好多，每日諗明天點做好d，無話擔心明天返學有乜唔識會c。至於個教學成效，可以繼續留意公開試成績，口裨同學生質素係要經年累積，只要個教法有效，一定會有進步。另外，你大可以去中學部睇下放學同lunch d學生係點，在我黎講，成績其次，品德行先，我唔知自己個女將來係咪讀得成書，我其望係即使成績唔ok，都要知自己做乜，知自己想點，唔好失去信心，帶住正面嘅態度行出自己條路。

作者: Skyhouse 時間: 14-10-17 22:19 標題: 回覆：ozoz 的帖子

非常多謝你的意見。我其實只係想了解多些。

我最怕家長問多兩句就叫你唔好揀。如果我冇校服都接受唔到，咁簡單的問題，唔需要問人，問我自己就得了。

作者: MayBride 時間: 14-10-17 22:25 標題: 回覆：真道和陳守仁

hogmail, 完全感受到你的驚訝，我都想阿囝係咁呀！咁係佢自己叫你唔洗執書包?

ozoz, 你係咪見過中學部的學生，品德及行為good?

作者: braziljoe 時間: 14-10-17 22:51 標題: 回覆：ozoz 的帖子

Ozoz, 好多謝你既分享，真道係我首選，亦有幸收到offer. 我比較担心既係要做project搵資料呢類功課我唔識引導小朋友去做，而令佢學得少好多野。想問下係咪家長要係呢方面幫好多呢？定係學校會教曉小朋友搵資料？尤其是FS1, FS2呢個階段，家長幫唔到問題大嗎？

作者: braziljoe 時間: 14-10-17 22:53 標題: 回覆：braziljoe 的帖子

補充一句，我指既唔單止係搵資料，重有d啟發性要思考既功課

作者: ozoz 時間: 14-10-18 01:17 標題: 引用：hogmail,+完全感受到你的驚訝，我都想阿囝

原帖由 MayBride 於 14-10-17 發表
hogmail, 完全感受到你的驚訝，我都想阿囝係咁呀！咁係佢自己叫你唔洗執書包?

ozoz, 你係咪見過中學部的 ...

我無親身去中學部，我舅父以前喺Canada 教小提琴，教過幾個真道中學移民去嘅學生，佢評語係知自己做乜，有理想，態度正面，英文跟到，學生大力推介母校，極喜歡學校。舅父話其中一個入咗醫科，要造福人群，另外嘅雖然無入醫科呢d勁科，都係現今難得嘅正常青年，有能力獨立，好正面。我舅父同我講一定要去了解下呢間學校，所以我先開始留意。另外，我周圍打探，問下有冇人識中學部學生，極大部分都係好評，多數評語係活潑但唔壞。有聽過一個朋友嘅朋友個小朋友中一定中二，見到auntie 唔叫人，似乎無乜禮貌。不過我自問，中一二時，我見到阿媽d 朋友都麻麻想叫人。

作者: ozoz 時間: 14-10-18 02:06 標題: 引用：Ozoz,+好多謝你既分享，真道係我首選，亦有

原帖由 braziljoe 於 14-10-17 發表
Ozoz, 好多謝你既分享，真道係我首選，亦有幸收到offer. 我比較担心既係要做project搵資料呢類功課我唔識引 ...

返咗個幾月，暫時都無做一d要我搜集資料嘅嘢。係有一次要帶佢去美術舘，之後佢寫感想，一句都得，貼張入場券，畫小小嘢。結局我女兒忍唔住自己自動再畫，放入自己本美術寶。我諗真道主張比d小朋友啱程度而有好輕微挑戰性嘅任務佢做，講真，比一份功課我太深奥，我見到都唔想做，爸媽自然會出手攪掂晒啦。功課方面，又唔覺有d好思考性功課，即使默書（溫固知新），每次都係練習幾隻字，識寫某幾個就可以，因為考運用，平時多睇書唔會唔識，平時無閱讀的話，你識默晒全個課文都未必有用。現階段，我學習緊多d聽佢講學校學咗乜理論，扮下唔識，向佢學習，佢又會捉妹妹比佢上課，自己做老師，我一邊煮飯一邊偷聽又會知佢學校入面發生乜事。而引導方面，我學緊點樣做一個coach 而非一個trainer, 仍然摸索中。

作者: MayBride 時間: 14-10-18 09:10 標題: 回覆：真道和陳守仁

Thanks ozoz

作者: hogmail 時間: 14-10-18 09:33 標題: 回覆：MayBride 的帖子

頭一個星期我一路執一路教佢。第二個星期佢反客為主，話我知點執較好。現在他是自己動手執書包，見他不斷成長，變得上心，我都好開心好興奮。從學校派回來的堂課或功課得知，老師主張鼓勵讚賞學生，如功課答對大致都給予甲或A. 可能因為這樣，小朋友變得有自信。我也是ozoz fans, 幸好有她的分享，我對這校了解更多。在此多謝ozoz！

作者: hogmail 時間: 14-10-18 10:01

回覆 Skyhouse 的帖子

不好意思! Skyhouse. 確實有家長執著於真道沒有校服, 而思前想後, 亦浪費了學校給他的second in. 有很多人等著這offer 呀!

作者: ozoz 時間: 14-10-18 12:21 標題: 引用：我知道冇人兩間都讀過，但我想聽下各位分析

原帖由 Skyhouse 於 14-10-17 發表
我知道冇人兩間都讀過，但我想聽下各位分析，相信大家在選校路上也會曾經經歷過決擇，迷惘，也會調查，分析 ...

至於TSL, 都係好學校，各有特色，可惜我無讀過TSL比唔到資料你，你可以去TSL𠹭邊問下現任家長了解下，睇下邊間合適d。假如有幸2間都收，就可以快d決定，邊間都好，盡早放位，等其他有心人有機會入讀。

作者: ozoz 時間: 14-10-18 12:42 標題: 引用：真道是四點半後放學（宜家唔知仲係咪），如

原帖由 fishchow 於 14-10-16 發表
真道是四點半後放學（宜家唔知仲係咪），如果住得遠，要認真考慮。語境亦是，係好唔同的，睇你要d物？

...

真道放4點2，我硏究過，因為每堂有5min break,所以長d。我女返到屋企大約5點多d,不過似乎現階段無需要補習各科去保持卓越水準，我見同車同站師兄姐都無乜補習但又好ok, 日日笑住返學，等車時一係玩一係睇課外書。至於我女兒，放學後，我多花d時間比佢睇下書，整理下自己包括協助照顧妹妹，準備好第二日精精神神返學好好學習。可能有d家長會擔心同其他學校小朋友比較，會識小咗字，學術唔夠，不過當我女返㴝同我講黄金比例，平衡嘅概念，自動唸d加數組合，自動讀課文比我聽，要求我幫佢練習普通話發音，要明天d做好d好d再好d，我長遠睇，對佢整個人發展不錯呢。英文語境我係有擔心過，始終係本地學校，我都唔可以要求太多，上英文課全英對答，英文用外國小二書，鼓勵大量閱讀，其實都算不錯la。我暫時無去補英文，不過可能要加長屋企時d English time（我都好耐無長時間講英文，當練習返）, 再觀察下睇下點攪。每間學校各有特色各有所長，睇下邊間最合適自己小朋友就一定可以好好發揮小朋友潛能。

作者: ozoz 時間: 14-10-18 12:55 標題: 引用：頭一個星期我一路執一路教佢。第二個星期佢

原帖由 hogmail 於 14-10-18 發表
頭一個星期我一路執一路教佢。第二個星期佢反客為主，話我知點執較好。現在他是自己動手執書包，見他不斷成 ...

大家分享下而已，我之前都係聽同問返黎，大拿拿一讀11年，成個人嘅基礎，學習點判斷事物，全部交比佢喎，雖然話唔like可以轉校啫，我個女上過試堂之後連叩下其他學校門都唔肯去，讀咗之後轉校相信唔會肯，簽offer時我真係手震𠺢。返咗個幾月，都好滿意，合乎之前了解嘅，亦合乎我期望，呢度d有心家長真係好有心，比我了解多d，令我做決定時慳返好多時間。

作者: ozoz 時間: 14-10-18 13:10 標題: 引用：多謝分享。我想問真道算是比較顛覆的教育

原帖由 Skyhouse 於 14-10-17 發表
多謝分享。

我想問真道算是比較顛覆的教育理念嗎？我很欣賞及嚮往真道的教育理念。但我從傳統教育出來，又 ...

我諗起之前有聽過一個負面評價，我朋友同事仔仔讀大約p3-4,可能心理障礙導致每堂去洗手間，學校社工，老師都幫忙睇點幫佢，經過一大輪之後，社工提議轉介見醫生，家長有不滿，因為社工轉介去正苦,要排好耐，佢覺得學校想將個case拋比正苦醫生，學校跟進成效唔夠好。我有間接了解下第一，學校轉介之後係咪停止跟進，答案唔係，學校有繼續跟進，第二，既然咁不滿，有冇考慮轉校，答案係唔想轉，第三，學校係DSS,轉介正苦醫生係正常做法，難道想轉介私家？個家長無回應。以上我聽返黎，實情我唔知，當係參考下。

作者: Rachelmummy2008 時間: 14-10-18 14:36

我囡囡幼稚園時曾經不願返學，所以揀小學即一年前我會每間報讀的學校盡量去了解，唔想返了之後又轉校。
囡囡是對學習有要求的人，她不是hehehaha 返學玩下就滿足，她希望有嘢學，表現自己。
初時第一個月她說學術上她很輕鬆（當然啦要銜接課程），有一次問她喜歡幼稚園還是小學，第一個反應說真道，然後才說其實兩者都喜歡，聽到她即時的回答我放下心頭大石。
畢竟返學的是囡囡，就算自己對課程幾滿意都無用。
現在踏入第二個月，因没有太多功課，她將時間投放在自己有興趣的科目。

作者: Rachelmummy2008 時間: 14-10-18 14:54

囡囡願意超越學校課堂的限制，額外付出心力。
另外有時讀書給她聽，我說我不懂這個字，她又立即查找出來，還說不用我幫手。
有一次她要寫個字但忘記點寫，我正想出聲，她突然話：我記得（然後找來一本書），這一頁有呀！
至於再升上去怎樣幫她，我相信自己要學懂放手，相信仔女的能力。

作者: ivypooh 時間: 14-10-18 21:47 標題: 回覆：真道和陳守仁

Ozoz,多謝分享，可更了解真道多些資料，有幸暫有真道offer, 現有wkf & tsl 2nd in, 所以想了解多一些，如有幸有其它offer,可盡早決定，放回學位出來，因你們過來人的寶貴經驗更可令我們了解學校多一些，thks

作者: bee599 時間: 14-10-22 14:54 標題: 引用：如果2間都收，揀邊間好？一間一條龍，一

原帖由 Skyhouse 於 14-10-15 發表
如果2間都收，揀邊間好？

一間一條龍，一間呈分試

講真，你個小朋友係點樣性格你最清楚，兩間學校根本style唔同，怎能给你意見讀邊間呢？我覺得小朋友係你，不要太過受人地影響。可能你覺得只係收集多D資料再去分析，但我見你個Topic都已有自己主觀睇法。

作者: bee599 時間: 14-10-22 15:06 標題: 回覆：真道和陳守仁

另外陳守仁好似要過3關，重要問？恭喜你啦，否則waiting陳守仁個D家長真係多謝你!

歡迎光臨教育王國 (/)