教育王國

標題: 嶺小面試 [打印本頁]

作者: sumaggie101 時間: 14-8-25 11:19 標題: 嶺小面試

提示: 作者被禁止或刪除內容自動屏蔽

作者: chanwendy 時間: 14-8-25 15:27

因為唔係大校囉, 好多人睇唔上眼.

作者: sumaggie101 時間: 14-8-25 15:35

提示: 作者被禁止或刪除內容自動屏蔽

作者: 爸爸愛您 時間: 14-8-25 20:11 標題: 回覆：嶺小面試

呢間真係麻麻地

作者: sumaggie101 時間: 14-8-25 20:51 標題: 引用：呢間真係麻麻地 +

提示: 作者被禁止或刪除內容自動屏蔽

作者: a_for_apple 時間: 14-8-25 22:38 標題: 回覆：嶺小面試

每人對好嘅定義唔同，要求又唔同，所以冇咩人提唔出奇，但我自己就幾鐘意囉

作者: Joystarter 時間: 14-8-25 23:59

學校細，但老師好 nice 。但我有些保留，因為幾個老師都叫錯我囡中文名

作者: mimi0129 時間: 14-8-26 01:04

講真，我上年考過。覺得老師大部份上左年紀，唔是話唔好。但是都會讀錯我女個名，而且又話自己老花睇唔清D字(呢位可能是校務處的). 而且有一次我打去問可否補交支票買書,她叫我馬上要到如果唔是就買唔倒書要自己負責,等我一支箭飛左過去! 然后隔兩星期因有另一offer打去問張票未過數是否有得退，她就話好彩D人無去拿我張票. 證明當時講大話要我馬上飛過去交票! 講真基督教學校的先生禁樣講大話,我確實是非常失望!

作者: 喜樂果子 時間: 14-8-26 16:29

有無D用家講下呢間學校呀, 我準備同小朋友再戰15/16小一, 所以都想試多幾間

作者: chanwendy 時間: 14-8-26 16:55

Joystarter 發表於 14-8-25 23:59
學校細，但老師好 nice 。但我有些保留，因為幾個老師都叫錯我囡中文名 ...

你囡囡改啲好深的字?

作者: arialzsc 時間: 14-8-26 17:18

Interview時候覺得老師問D問題好求其。

作者: Joystarter 時間: 14-8-27 10:43

回覆 chanwendy 的帖子

羡讀了美，我女忍唔住同揸 mic老師講(我叫 xx羡，唉！又讀錯)

作者: 喜樂果子 時間: 14-8-27 12:09

Joystarter 發表於 14-8-27 10:43
回覆 chanwendy 的帖子

羡讀了美，我女忍唔住同揸 mic老師講(我叫 xx羡，唉！又讀錯) ...

咁呢個字真係唔難呀, 點解會讀錯呢, 唔用心去睇定唔識, 又或是係真係眼花? 老實, 讀人地個名真係要認真去睇同讀, 因為呢個係禮貌, 睇返樓上有2個家長同時有呢個讀錯名問題, 好似又真係.....
希望只係個別例子, 因為都想比小朋友試呢間

作者: chanwendy 時間: 14-8-27 17:57

我在禮堂等叫小朋友小組面試時, 都經常聽見老師叫錯小朋友名要更正.
我經過時見到佢地張紙都好密吓, 我相信老師其實都睇到好攰. 雖然讀錯名就點都唔好架喇, 不過亂中有錯都唔出奇的.

作者: 喜樂果子 時間: 14-8-27 19:04

chanwendy 發表於 14-8-27 17:57
我在禮堂等叫小朋友小組面試時, 都經常聽見老師叫錯小朋友名要更正.
我經過時見到佢地張紙都好密吓, 我相信 ...

你見完有咩感覺呀! 佢係一間咩學校呢?

作者: 爸爸愛您 時間: 14-8-27 19:51 標題: 回覆：嶺小面試

我覺得校舍太細太舊，個禮堂好迫

作者: a_for_apple 時間: 14-8-27 21:22 標題: 引用：我覺得校舍太細太舊，個禮堂好迫 +

原帖由 爸爸愛您 於 14-08-27 發表
我覺得校舍太細太舊，個禮堂好迫

原來係呢個原因，但如果你只係因為呢樣嘢就話學校唔好，未免有啲唔公平

作者: 爸爸愛您 時間: 14-8-28 01:51 標題: 引用：Quote:原帖由+爸爸愛您+於+14-08-27+發表我

原帖由 a_for_apple 於 14-08-27 發表
原來係呢個原因，但如果你只係因為呢樣嘢就話學校唔好，未免有啲唔公平

...

我諗每個人內心對每一間學校都有評分，至於以乜野原因去定位就每人唔同，我有同我小朋友去過呢間學校面試，個感覺真係唔太好，在於我嚟講，校舍細及舊，絕對係我其中一個考慮因素，可能在於你角度，間學校係好好，但就唔係我地杯茶

作者: mimi0129 時間: 14-8-28 02:03

仲有揸mic果位老師叫家長小朋友準備時都是直呼其名，都唔識用“請，唔該”之類的字眼，感覺為人師表唔講禮貌。

作者: chanwendy 時間: 14-8-28 10:12

mimi0129 發表於 14-8-28 02:03
仲有揸mic果位老師叫家長小朋友準備時都是直呼其名，都唔識用“請，唔該”之類的字眼，感覺為人師表唔講禮 ...

我聽到好多次都係話請小朋友聽到名到前面老師度排隊, 之後先開始叫名喎.

作者: chanwendy 時間: 14-8-28 10:13

喜樂果子發表於 14-8-27 19:04
你見完有咩感覺呀! 佢係一間咩學校呢?

我係真心喜歡呢間學校的, 所以暫時只報了呢一間啫. 如果收, 就可以收工架喇.

作者: chanwendy 時間: 14-8-28 10:15

爸爸愛您發表於 14-8-27 19:51
我覺得校舍太細太舊，個禮堂好迫

你冇去開放日咩? 有的話就應該一早知道間學校係好細的, 既然唔係你杯茶, 希望你只係當面試練習, 如果有肯得到學位, 都唔好要, 留翻比真心會讀的小朋友吧!

作者: 喜樂果子 時間: 14-8-28 11:14

chanwendy 發表於 14-8-28 10:15
你冇去開放日咩? 有的話就應該一早知道間學校係好細的, 既然唔係你杯茶, 希望你只係當面試練習, 如果有肯得 ...

我只去過學校門口看過, 留意過D學生, 我知學校好細, 而且得每級得2班, 我不是要學術好高同硬件好好的學校, 我好欣賞老師可以好關顧學生, 學校氣氛好融洽 , 我唯一有些少擔心既係班數少, 在中一派位時唔夠正統有4班既學校爭BAND1既位, 因我不是住附近, 同時我小朋友係重讀小一, 我真係想有多些資料看看是否值得搭成個鐘車同重讀小一.你可唔可以講下你欣賞學校D咩, 同埋分享下你得來的資料, 真係唔該哂

作者: chanwendy 時間: 14-8-28 12:00

喜樂果子發表於 14-8-28 11:14
我只去過學校門口看過, 留意過D學生, 我知學校好細, 而且得每級得2班, 我不是要學術好高同硬件好好的學校, ...

其他學校一級四班, 校舍一定係會大過嶺小, 但係嶺小上年開始用埋隔離學校校舍, 所以有兩個禮堂, 兩個操場, 課室亦多咗好多. 校車反而係你要諗的問題, 因為學生人數少, bargaining power 好低, 好多學生係車費貴過學費的.
我唔建議你重讀小一, 不如你可以考慮出年插小二可能仲好, 我地又唔係神校, 冇必要過嚟重讀, 白白浪費一年時間.

作者: 喜樂果子 時間: 14-8-28 13:48

chanwendy 發表於 14-8-28 12:00
其他學校一級四班, 校舍一定係會大過嶺小, 但係嶺小上年開始用埋隔離學校校舍, 所以有兩個禮堂, 兩個操場, ...

校車反而唔係我擔心既野, 因為我會自己帶返學, 升中先係我考慮既野, 因佢無中學, 而升中上深水埗網, 我怕佢唔夠人爭中學BAND 1 位, 重讀唔係我最理想既, 只不過依家間學校同我想像中有一段距離, 所以我唯有嘗試再考小一, 因為呢條路比小二容易, 同埋如我再錯過左我就連呢條路都無埋, 同時我亦會幫佢出年插小二, 但我要出年才知情況係點. 同時進行2個方向可以多一個選擇. 我又唔覺重讀一年浪費時間, 因為O係2間唔同教學方式既學校, 同埋2個唔同既環境, 佢總會有新學習既野. 如用一年既時間搵到一間合適佢讀6年既學校都值得既.

作者: chanwendy 時間: 14-8-28 14:17

喜樂果子發表於 14-8-28 13:48
校車反而唔係我擔心既野, 因為我會自己帶返學, 升中先係我考慮既野, 因佢無中學, 而升中上深水埗網, 我怕佢 ...

10 年出生率又比 09 年高喎, 既然你擔心升中, 係咪更加唔應該遲一年同更加多人爭呢?
升 BAND 1 學生係計 % 唔係計人數的, 其他學校人數多, 咁乘返個百分比, 自然人數會多啲, 但深水埗區的強校都係好谷的. 再講, 升中可以選自己住址區份的.

作者: 喜樂果子 時間: 14-8-28 14:27

chanwendy 發表於 14-8-28 14:17
10 年出生率又比 09 年高喎, 既然你擔心升中, 係咪更加唔應該遲一年同更加多人爭呢?
升 BAND 1 學生係計 % ...

我係怕學校學生少而又唔係強校一定對爭中學有影響, 其他學校學生多而係強校咁佢既%可以好高, 即有小學係布30-40%同學可入BAND 1 , 而有些學校可能只有10%, 咁就要睇點去O係強校做40% 定無咁強既學校既10%啦. 如選自己住址區份既話更RISKY, 如深水埗去返我住果區一定降BAND. 不過我都會照行左先, 面完試再了解多D都可以有多D資料決定, 再者收唔收都唔知, 只係想多個選擇

想請問你係14/15家長呀???

作者: chanwendy 時間: 14-8-28 15:58

喜樂果子發表於 14-8-28 14:27
我係怕學校學生少而又唔係強校一定對爭中學有影響, 其他學校學生多而係強校咁佢既%可以好高, 即有小學係布3 ...

你去學校網頁睇返升中結果了解吓先啦, 升 band 1 中學都有 30% 架.

作者: 喜樂果子 時間: 14-8-28 18:28

chanwendy 發表於 14-8-28 15:58
你去學校網頁睇返升中結果了解吓先啦, 升 band 1 中學都有 30% 架.

雖然不算出色, 但咁樣都算叫做唔錯呀, 等我去面試時親自感受下先, 多謝你既資料

作者: mimi0129 時間: 14-8-28 19:28

回覆 chanwendy 的帖子

我是上年in的，可能今年有所不同。

作者: 爸爸愛您 時間: 14-8-28 20:04 標題: 引用：Quote:爸爸愛您+發表於+14-8-27+19:51+我覺

原帖由 chanwendy 於 14-08-28 發表
你冇去開放日咩? 有的話就應該一早知道間學校係好細的, 既然唔係你杯茶, 希望你只係當面試練習, 如果有肯得 ...

我地係舊年去考，之前無去簡介會，所以唔知學校嘅環境，最後有份 offer , 不過我地無去註冊

作者: DevilPig 時間: 14-8-29 00:23 標題: 引用：呢間真係麻麻地 +

原帖由 爸爸愛您 於 14-08-25 發表
呢間真係麻麻地

X 2

作者: a_for_apple 時間: 14-8-29 00:26 標題: 引用：Quote:原帖由+爸爸愛您+於+14-08-25+發表呢

原帖由 DevilPig 於 14-08-29 發表
X 2

請問可唔可以解釋下？

作者: DevilPig 時間: 14-8-29 00:33 標題: 引用：Quote:爸爸愛您+發表於+14-8-27+19:51+我覺

原帖由 chanwendy 於 14-08-28 發表
你冇去開放日咩? 有的話就應該一早知道間學校係好細的, 既然唔係你杯茶, 希望你只係當面試練習, 如果有肯得 ...

我唔覺校舍細及舊，但簡介會老師 present 時好悶，心諗，如果上堂都係咁，應該提唔起興趣

作者: chanwendy 時間: 14-8-29 10:38

DevilPig 發表於 14-8-29 00:33
我唔覺校舍細及舊，但簡介會老師 present 時好悶，心諗，如果上堂都係咁，應該提唔起興趣

...

其實簡介會有幾多間學校係精彩絕倫呢? 講真唔係過度 hard sell 就大多係悶架啦. 嶺小簡介會只係講返啲大路嘢架啫.

作者: kit1014 時間: 14-8-29 13:25

請問嶺小E+係唔係仲收表?

作者: DevilPig 時間: 14-8-29 13:49 標題: 引用：Quote:DevilPig+發表於+14-8-29+00:33+我唔

原帖由 chanwendy 於 14-08-29 發表
其實簡介會有幾多間學校係精彩絕倫呢? 講真唔係過度 hard sell 就大多係悶架啦. 嶺小簡介會只係講返啲大 ...

唔係 course content 問題，係 the way he presents .... The tone he speaks.... 不過可能係過別老師啦

作者: a_for_apple 時間: 14-8-29 17:21 標題: 引用：請問嶺小E+係唔係仲收表?

原帖由 kit1014 於 14-08-29 發表
請問嶺小E+係唔係仲收表?

問咗，會繼續收表，但最快要過兩，三個月先再有面試了

作者: a_for_apple 時間: 14-8-29 17:29 標題: 回覆：嶺小面試

下次面試日期： 29/11
[attach]31642[/attach]

作者: 爸爸愛您 時間: 14-8-29 20:21 標題: 回覆：嶺小面試

不過有一樣野，我同意嘅，係呢間學校係小班教學，我深信對學生嘅關顧會好啲

作者: Kamei 時間: 14-8-29 23:10 標題: 回覆：嶺小面試

嶺小好似是愉快教學，老師都幾有愛心。
你仔仔是津校14/15小一生嗎？可否講下有甚麼原因你應為不好？

作者: iluvchun 時間: 14-9-3 21:58 標題: 回覆：嶺小面試

我小朋友有去過面試但冇offer，個人感覺行政上幾混亂，打去問野，問幾次都答唔到確實答案。我欣賞嶺小唔催谷，不過聽聞升中派位結果一般。家長心態係最重要，如果你唔睇成績，這校都讀得過

作者: arialzsc 時間: 14-9-5 15:19

大家知道第一round會收幾多學生嗎？

作者: bbkingdombb 時間: 14-9-6 01:36

一般應有50個以上，因要放棄自行及大抽獎，所以會有不少人不註冊.

作者: bbkingdombb 時間: 14-9-6 01:43

‘欣賞嶺小唔催谷，不過聽聞升中派位結果一般。家長心態係最重要，如果你唔睇成績，這校都讀得過 ‘

係呀，唔谷架. 功課量係一般津校一半左右，升中成績就同一般津校差不多，約3成B1；是否讀得過就自行判斷喇:〉

作者: bbkingdombb 時間: 14-9-6 01:53

一般應有50個以上，因要放棄自行及大抽獎，所以會有不少人不註冊.

作者: 爸爸愛您 時間: 14-9-6 06:18 標題: 回覆：嶺小面試

其實讀書嘅野，一分耕云，一分收鑊，搵一間好學校比子女嘅原因，都係希望佢將來可以成材，又或者可以喺社會上向上游，除非自問自已將來可以有樓有錢留到比子女，將來唔愁子女生活唔到，否則將來一定要靠小朋友自己努力，我自問將來自己無野留到比子女，所以我由細到大都灌輸比阿仔，讀書一定要努力付出唔可以怕辛苦，有成就嘅人，細個果陣無可能日日唔使做功課唔使讀書跑跑跳跳咁就可以做有成就嘅人，當然當中有少數天才另計，如果怕佢功課多，又怕學校谷，又怕小朋友辛苦，咁其實一開始就不需要咁辛苦去考學校，爭崩頭爭得咁辛苦，求其派一間都可以
我喺呢度其實好少咁有心機打咁多字去回覆，希望我以上一番肺腑之言，令你會有所啟發（我並不是寸你，真心理性討論，千祈唔好歪曲左我原意）

作者: 爸爸愛您 時間: 14-9-6 06:29 標題: 回覆：嶺小面試

突然諗到啲野，再覆多個訊息
我以前都有同你諗過類似問題，怕搵到間好谷同勁嘅學校比阿仔，佢會好辛苦，好似會好心痛，後尾我一位同事同我講左一番說話。
佢話做父母嘅，一定要儘力去爭取最好嘅野比子女，現在我地嘅責任，就係幫佢搵一間最好嘅學校比佢讀，萬一，到左三四年班，阿仔真係追唔上學校課程，讀得好辛苦，又或者見到佢情緒上有異，咁到時咪再同佢轉番愉快學習嘅學校比佢，唯有認命，但起碼自己做父母都問心無愧，子女將來都唔會怪自己，點解自己細個果陣，爸媽無幫自己搵間好學校
我就係呢一番說話，所以我決定搵左一間幾谷下同Band 1 尾嘅直資學校比阿仔讀，而家剛開學，未知佢會點，我都會儘力去跟佢學校嘅野，我地做家長嘅，繼續努力啦

作者: bbkingdombb 時間: 14-9-7 00:51

多謝‘爸爸‘你留言啊! 響香港做父母真係唔易架.

其實，每位家長的想法同做法都不同，每位小孩的能力及家庭狀況亦不同，很難說哪種做法最好.

選校都是選最適合的學校而已.

在嶺小讀一點也不hea，要求亦不低，只是重覆性的功課較少，例如補充練習及抄寫.

作者: bbkingdombb 時間: 14-9-7 01:03

舉例說，每個生字抄寫多少次才好呢？嶺小一般三四次，一般津校可能較多，若抄10次會否熟D呢，相信會，不過時間係3倍，15分鐘的功課同45分鐘的分別了

相類似的數學題每晚約10題，其他學校或較多未定.

若每科如是，一小時的功課就變兩三小時了，值得與否，就見仁見智了:D

作者: bbkingdombb 時間: 14-9-7 01:11

嶺小家長會較傾向留時間給小朋友看喜歡的書，活動，ECA，親子遊戲，休息......等等，而不做太多重覆性練習.

這類是否好呢？又係見仁見智了.

共逸之.

作者: bbkingdombb 時間: 14-9-7 01:11

本帖最後由 bbkingdombb 於 14-9-7 01:56 編輯

duplicated.

作者: bbkingdombb 時間: 14-9-7 01:16

本帖最後由 bbkingdombb 於 14-9-7 01:57 編輯

sorry

作者: bbkingdombb 時間: 14-9-7 01:16

本帖最後由 bbkingdombb 於 14-9-7 01:58 編輯

deleted.

作者: bbkingdombb 時間: 14-9-7 01:16

本帖最後由 bbkingdombb 於 14-9-7 01:59 編輯

作者: 爸爸愛您 時間: 14-9-7 09:15 標題: 回覆：嶺小面試

無錯，所以每個人所需要，或邊類學校才是自己杯茶，各有取向，最重要睇番自己和小朋友

作者: wwsugar 時間: 14-10-22 11:36

其實最重要小朋友開心，喜歡學習的小朋友，不用谷都會好主動要學，就好似一個胃口好大的人咁，食完仲想食，做家長的找東西給他學都找不切呀。喜歡hea的，谷也未必谷得一世，始終要靠他自己。我根本不擔心會有「太過輕鬆」呢回事。
當然現在升中有升中的遊戲規則，咁想做呢個遊戲的贏家，就自然要識得玩先得，不過咁樣係咪家長心目中的終點，就真係見人見智。但我好肯定係，小朋友讀得好唔開心的話，俾個第一你都冇用。

作者: sumaggie101 時間: 14-10-22 11:52

提示: 作者被禁止或刪除內容自動屏蔽

歡迎光臨教育王國 (/)