教育王國
標題: 好多有愛心老師都離職了，怎算 [打印本頁]
作者: amysmilekid 時間: 14-7-13 12:14 標題: 好多有愛心老師都離職了，怎算
本帖最後由 amysmilekid 於 14-7-11 18:59 編輯
我是曾幼的一位舊家長，同大家一樣好喜歡曾幼，老師姐姐文員姐姐都好有愛心，可惜今年好多老師都要走了，我只係不吐不快，而且替班老師不值，沒錯，呢間學校近幾年換左新校長，係轉變好多，家長都好似好接受，但背後超繁重既工作，其實帶俾老師好大壓力，我所知自從新校長上任，老師好多做到晚上九點幾，因新校長係從中心幼轉過黎，想將曾幼變做另一間中心幼，你地所睇到課室既靚靚壁報，老師用左幾多心思大家心知肚明，不過個人覺得無左幼稚園要既可愛天真，反而好眼花，睇到我有d暈。另外，活動多係好，但太多呢，你知嗎..累了老師，如果新上任既校長係處事公正，點解好既老師走哂..係，佢既出發點係為小朋友，課程轉變或者將中心幼一套放落曾幼到，可能大家覺得好，但我個人認為老師係最重要，你課程點好都無用，老師有無heart係好重要，就因為新校長行政既重大改變，唔識一步一步黎，老師承受不住，有位離職老師同我關係不錯，佢話佢地本來會同小朋友一齊玩，閒時會抱抱小朋友，但為左配合校長要求，每日趕頭趕命，三個鐘內要完成既課程太多，佢話忙到連同小朋友傾下計都無，自己做教學既理念變了，變左同時間競賽，所以決定離職。我聽到都好感嘆，學校行政令老師流失，好好一間學校因為你想變呢樣變個樣而變了質，唔係話唔俾變，但短短一年，大家知道變成點嗎？新學期大家就知，老師有一大半走了，姐姐走了，之前做了好耐既書記都走了，老師對人歡喜背人愁，校長人前好似好nice，但想到佢對老師既苛刻要求，我不敢再想下去，原本曾幼是以有愛心學校而出名，將來係點無人知，我就知新入職老師一定項唔順，到時一年轉幾個老師，最大影響係小朋友.......
作者: DogDog2008 時間: 14-7-13 15:12 標題: 回覆：amysmilekid 的帖子
多謝分享! 你話新校長將中心的一套放在曾幼内，可唔可以講下中心果套同曾幼有乜唔同？
作者: amysmilekid 時間: 14-7-15 11:00
好似學校壁報同校務處個塊牆......但中心幼係全日制,時間多好多... 曾幼係半日制,點能將全日制課程放於半日學校度,你就明老師點解要流失咁多
作者: lovedebby 時間: 14-7-17 23:29 標題: 引用：好似學校壁報同校務處個塊牆......但中心幼
原帖由 amysmilekid 於 14-07-15 發表
好似學校壁報同校務處個塊牆......但中心幼係全日制,時間多好多... 曾幼係半日制,點能將全日制課程放於半日 ...
細仔今年9月K1 ，你這樣一說，真有些擔心新老師會否能像現在的老師好了
作者: amysmilekid 時間: 14-7-23 16:35
回覆 lovedebby 的帖子
係呀，宜家好似主任都要走，上年既老師好似得返5,6個留低
作者: lovedebby 時間: 14-7-23 20:59 標題: 引用：回覆+lovedebby+的帖子
係呀，宜家好似主
原帖由 amysmilekid 於 14-07-23 發表
回覆 lovedebby 的帖子
係呀，宜家好似主任都要走，上年既老師好似得返5,6個留低
作者: vicky_chan 時間: 14-7-28 19:21 標題: 回覆：lovedebby 的帖子
請問係陳主任定馮主任呀？仲有邊位老師離開呀？
作者: amysmilekid 時間: 14-7-29 09:04
好似係馮主任，佢做了好多年啦！新來的陳主任好像是第二年，個人覺得無之前陳主任親切，之前陳主任負責家長團契，同家長關係幾好，人又nice！
老師我知好像係李老師，其他好似還有田老師，重有幾位就不太清楚，但都好像是做了好幾年老師，但之前年幾前都走了位洪老師，我小朋友超喜歡她的，可惜轉了校長一年時間，她都走了
作者: chuchuchumamama 時間: 14-8-1 23:39 標題: 回覆：amysmilekid 的帖子
唔清楚，勿胡亂猜。謝謝你。
作者: n828lpy 時間: 14-8-3 02:06 標題: 回覆：好多有愛心老師都離職了，怎算
我小朋友都係今年畢業升小，k2何校長就轉來，接手呢2年……真係好開心，家長，小朋友，老師，學校都係一起進步啵……一啲都唔覺得老師唔開心喎
……呢家個社會出來做什麼工都一樣係有壓力架啦！個人覺得有上進既人帶領大家真係獲益良多
……
作者: chuchuchumamama 時間: 14-8-3 10:19 標題: 回覆：n828lpy 的帖子
互信與溝通、小朋友一定能愉快學習！另外祝福你家小朋友新學年新環境繼續愉快學習！！主恩滿溢！！！
作者: n828lpy 時間: 14-8-3 11:02 標題: 回覆：chuchuchumamama 的帖子
就係有互信先可以將所有事做好，樓主又唔講下……何校長又幾點先走呀！人地11，12點仲度緊學校啲野，付出左幾多呀！人地既努力……無知既人咁樣講衰，仲可笑 如果大家一心係為學校，小朋友付出既……應該係點辛苦都係值得架麻……頂唔順就代表啲位老師唔夠出心出力
作者: n828lpy 時間: 14-8-3 11:22 標題: 回覆：chuchuchumamama 的帖子
係啦點解樓主話係……好似……好似馮主任
係咪事實黎架? 同埋樓主又話啲學校攪到佢眼花? 真係個人意見啵 ! 小朋友好受啵……其實樓主依家係講要滿足大人定真心想學校幫到小朋友架? 出發點一定係小朋友仔先架啦！大係樓主對人唔對事啵
作者: chuchuchumamama 時間: 14-8-3 11:33 標題: 回覆：n828lpy 的帖子
我真的希望佢評論要公正啲，不要隨便拋下幾句，影響將會來就讀的新生家長，這樣是很不負責任的做法。
作者: amysmilekid 時間: 14-8-4 01:08
或者大家誤會我意思，無錯我其實是想幫老師出聲，係，何校長係付出好多，但你覺得做到11，12點係正常?你話頂唔順的老師就唔夠出心出力，可能你所知的太少，你咁講亦都係對要離職老師唔公平，過去曾幼每年流失老師數量好少，幾乎是零，但係你知內部行政比了老師好多壓力，壓力令到老師都頂唔順，當然，家長學生面前點會同大家講，我要講係今年好多老師都離職（唔信你大何等新學期就知），要走的還有幾個做了好多年的老師，作為一個家長，我認為老師係最重要，新學期換上好多新老師，對學校對小朋友都唔太好
作者: lovedebby 時間: 14-8-7 00:19 標題: 回覆：好多有愛心老師都離職了，怎算
時代進步，不能原地踏步，要改革也是想做得更好唓。小女今年小一，這三年在聖曾好開心! 其實何校長也很聽我們意見的，
1.好似冬天紅藍校服咁，她諒解冬天天氣校服難干，因此不限星期幾要著什麼色校服上學，讓家長不用買多套換。
2.因九月開學夏天至冬天只有幾個月，小朋友快大，黑皮鞋到冬天完了轉夏季時可能已經唔岩著，因此冬夏也是著波鞋，讓家長不用破費。
3.因她們著重小朋友需要多些郁動活動，因此每星期由3日運動變做4日，也是為學生好唓。
我諗洪老師不是頂唔順不做，而是生BB後回去凑B唓。
轉校長，家長老師也要時間磨合，校長做得夜也是為小朋友謀福唓，一隻手拍唔响，我相信未至於去到咁差。
作者: n828lpy 時間: 14-8-7 23:33 標題: 回覆：lovedebby 的帖子
十分同意你的論點，我們是求變，求進步的一羣……相信須要付出才能有收穫的……就算邊間學校都要努力向上的……應該各方面都要配合先做得好……過程中，難免要磨合才能成功
作者: rogertai 時間: 14-8-12 12:55 標題: 回覆：好多有愛心老師都離職了，怎算
老師們有苦自己知！會唔會開學之後再走多幾個？？
作者: rogertai 時間: 14-8-12 13:05 標題: 回覆：好多有愛心老師都離職了，怎算
老師都係人，佢地都有屋企人，有朋友，做到11 ,12 點？？ 點止，返到屋企都仲要做，個個星期六都要返，以前都話隔個星期六返，佢地連星期日都用埋嚟做評估，工作紙…！
作者: n828lpy 時間: 14-8-15 01:00 標題: 回覆：rogertai 的帖子
咁就家長幫手整囉…如果有人咁不滿既話，大家寫信集體要求唔好咁多野玩，壁報求其唔好搞，唔出外活動，只係教書本既野就算嗱，老師就可以朝8晚5即刻收工，返屋企囉…家長係咪想咁呢
作者: lovedebby 時間: 14-8-16 00:01 標題: 引用：咁就家長幫手整囉…如果有人咁不滿既話，大
原帖由 n828lpy 於 14-08-15 發表
咁就家長幫手整囉…如果有人咁不滿既話，大家寫信集體要求唔好咁多野玩，壁報求其唔好搞，唔出外活動，只係 ...
其實他們K1無功課的，K2甚少寫功課，K3到下學期才每天也有工作紙(我印像中)。
老師如覺現在辛苦，工作量大，也可能只因之前比較輕鬆，對比現在辛苦囉。
其實有好多嘢也是家長義工做的。
總之聖幼上下全是好老師，不過新請回來的便有代觀察了，今年開學，起碼有2位老師要放產假，所以我細仔9月K1, 我也希望不是新老師啦，總括來看，本人對此校及新校長也是有信心及放心的。
作者: amysmilekid 時間: 14-8-28 20:40
剛開完的家長會，事實都放在眼前，除了放產假老師，只有三位舊老師留低，無論大家對學校意見如何，一個學期走了差不多一半老師，怎叫家長放心呀？而且今年k1還是新請回來的老師，我熟悉兩位家長已經退學了，無論如何，希望學校行政重視老師流失量問題，亦不希望每年都轉老師
作者: chuchuchumamama 時間: 14-8-29 21:17 標題: 回覆：amysmilekid 的帖子
發放負能量的時候又到了………唉。
作者: DogDog2008 時間: 14-8-30 10:19 標題: 回覆：amysmilekid 的帖子
两位家長退學？咁快找到新學校？到臨近開學還hold住两個k1學位的家長，是很自私的。
作者: Zoie_mum 時間: 14-8-30 15:46
本帖最後由 Zoie_mum 於 14-8-30 16:16 編輯
回覆 lovedebby 的帖子
其實要做1個幼教老師，家長們只係睇到表面既野，內部既野家長係唔知的，文件野多到排山倒海，每1份出街比家長睇既野，家長們又知唔知改左幾多次？彈左幾多次回頭先去到家長處？就係因為學劵既出現，老師要做幾多野？家長交咁少學費，知唔知老師背後做左幾多文件野？大家又知唔知？你地小朋友每一日既活動都要出lesson plan架，每一節都要清楚寫明咩活動，點樣玩。即使日日都有果樣活動，但個內容全部都要唔一樣的，老師每次出lesson plan並不是日算的，唔係今日a老師寫，聽日就b老師寫，但以月計架，知唔知老師寫1個主題既lesson plan要用幾多時間？你所見果塊牆係因為冇得帶返屋企畫咋，如果有得斬件拎返屋企做，你估老師使唔使帶返屋企做？
作者: Zoie_mum 時間: 14-8-30 15:52
回覆 lovedebby 的帖子
再講多少少，即使老師比唔到家長睇係學校做野做11，12點，家長又知唔知老師係屋企做到11，12點？大把老師休息幾個鐘，朝早4點令5點再起身做，家長又知唔知？作為一個行政者對家長nice係正常，因為家長先係米飯班主，老師份人工，7成係受氣返黎的，餘下果3成就係工作返黎架。
作者: cheukyinbaby 時間: 14-8-30 16:09
既然走左，又何必放負能量呢？凡事向前看，應抱著希望去面對，如果人沒有了希望，同條咸魚有乜分別呢？
作者: Zoie_mum 時間: 14-8-30 16:56
回覆 cheukyinbaby 的帖子
好明顯，有人睇唔起幼教老師，幼老師做野係應份的，付1元，但就要價值10元既物品。但諗下，幼教老師都有家庭，有自己既私人時間，唔係24小時應份奉獻比米飯班主的囉。
作者: mrsmak125 時間: 14-8-30 17:56 標題: 回覆：Zoie_mum 的帖子
提示: 作者被禁止或刪除 內容自動屏蔽
作者: vicky_chan 時間: 14-8-30 18:09 標題: 回覆：好多有愛心老師都離職了，怎算
我都好明白老師好多野做，所以我地做家長的應該要體諒老師，唔好一時三刻就打電話比老師問長問短。讓老師有多d時間去照顧我們的小孩比較好，希望家校合作好d,大家都開心d
作者: Zoie_mum 時間: 14-8-30 18:15
本帖最後由 Zoie_mum 於 14-8-30 18:20 編輯
回覆 mrsmak125 的帖子
有時係身不由己，已經唔輪到老師自己話事，面對排山倒海既文件（文件並不是齋寫的，係不斷的被叫修改)，沒完沒了既會議（開會並不是齋坐的，事後要做文件的)，無了期既進修（進修並不是齋坐的，要交功課的)，每天還要教學（教學並不是齋教，每日都要做事後文件)，家長們估下老師究竟有幾多小時係屬於老師自己，早放工已經成為老師既奢侈既期望，都係一句啦…老師唔係萬能的。
作者: amysmilekid 時間: 14-8-30 20:56
回覆 Zoie_mum 的帖子
贊成，現在只望學校高層體諒多些老師，舊老師要走都走了，期望是新老師能夠適應，始終老師是最前線的
作者: chuchuchumamama 時間: 14-8-30 21:25 標題: 回覆：cheukyinbaby 的帖子
别有用心的人，真係不停發功，究竟想點………………
作者: Zoie_mum 時間: 14-8-30 22:17
回覆 chuchuchumamama 的帖子
只係想表達比各家長們，老師既工作量並不是家長們表面見到畫下塊牆，幼兒班只係上下堂，低班畫幾條線，高班只係做下工作紙咁簡單，對行內人好唔公平，唔好睇野淨睇表面，教育局落去學校Q既時候，連紙房擺乜野，老師都要一清二楚，每份教具擺放位置都要知，如果唔係學校邊可以為學劵學校，家長交學費邊得黎只需交回差額甚至零學費呀？老師唔做咁多野，教育局邊得黎批學劵呀…有苦既只有幼教老師知，要講既，講10日都講唔完呀，並不是所講既別有用心囉…唔通每位幼教老師放學後捉住家長講，家長先會明咩？從來大部分家長都唔會體諒老師，只係睇表面野，只係覺得幼教老師係湊仔，對幼教老師一d都唔公平囉…
作者: lovedebby 時間: 14-8-30 23:45 標題: 引用：回覆+chuchuchumamama+的帖子
只係想表達
原帖由 Zoie_mum 於 14-08-30 發表
回覆 chuchuchumamama 的帖子
只係想表達比各家長們，老師既工作量並不是家長們表面見到畫下塊牆，幼兒班 ...
但是，這已是事實，為有再看看吧，而不是不停地唱衰。真好奇你能這麼的清楚？！
我好認同做老師真的有好多工作，不單是工作紙，還有課程，文書佈置等工作，我自己身邊也有一位教幼稚園的姑仔(海怡名幼) ,及中學Band 1尾的主任，做老師勞心勞力, 真的辛苦架。我也常常聽她們說工作量有多大，但是她們愛她們的工作。
我不知你是舊生家長/老師/老師朋友，我們始終不是當時人 討論也不需這麼偏激，除非你是當事人啦！
唔夾咪分手囉，無需去唱去數。(以上内容，本人萬分愛戴舊老師，絕無不諒解不體諒之意。)
作者: lovedebby 時間: 14-8-30 23:53 標題: 引用：别有用心的人，真係不停發功，究竟想點……
原帖由 chuchuchumamama 於 14-08-30 發表
别有用心的人，真係不停發功，究竟想點………………
作者: Zoie_mum 時間: 14-8-31 07:45
本帖最後由 Zoie_mum 於 14-8-31 08:05 編輯
回覆 lovedebby 的帖子
你既身份是家長，而你只是親戚做教育，完全並沒有親身經歷做幼教老師的經驗，我並唔係只係睇表面的，我為幼教老師唔值，做得咁辛苦，家長居然認為好多野都係家長義工做晒，老師好似被講到行行企企咁囉，你話我睇表面，我睇既，講既已經唔止淨係環境佈置，我而家係講緊行政內部問題，始終你冇幼師牌，你係主觀的睇表面野，你亦未經驗呢行景況，一味只係聽人講，聽人講，而家唔止係討論咁簡單，你地已經睇低左幼教老師了，認為能力不達就離職。我並不是唱衰任何人，只係為全部幼教老師不值，既然你講到你個名校姑仔同我講有出入，何不自己入學院讀個學位返黎，註埋冊，感受一下幾年先換一次牆畫，高班先出工作紙比小朋友做啫
作者: lovedebby 時間: 14-8-31 10:08 標題: 引用：+本帖最後由+Zoie_mum+於+14-8-31+08:05+編
原帖由 Zoie_mum 於 14-08-31 發表
本帖最後由 Zoie_mum 於 14-8-31 08:05 編輯
回覆 lovedebby 的帖子
不知你又是什麼身份呢？你不是家長身份就不要話家長覺得老師工作輕鬆啦。
要了解一份工作，更係身在其中最能了解啦，但並不等如其他人不了解，你真的好偏激。我從沒有在言語中說老師工作輕鬆行行企企，你不要 彎曲人地說話，如你是老師的話，真的...........
Anyway , 我也不會再回應你的了，因不是討論了，為何要激動到吵吵鬧鬧。你這麼熱心為老師，為何不去學校反映，而在這鬧家長不體諒老師呢，算啦，講完
作者: Zoie_mum 時間: 14-8-31 10:30
本帖最後由 Zoie_mum 於 14-8-31 10:37 編輯
回覆 lovedebby 的帖子
希望你真係算數同明白，諒解老師既工作量，幼教既辛苦係真係一定要身在其中先能了解，我並不是偏激，我係為幼教老師辛苦，要明白部份老師做到11，12點係事實，並不是只係畫幅牆咁簡單，當然空降落黎既校長真係唔可以隻手遮天，但少林寺委派上去既校長，要愛錫你地既前線同工，我亦希望小學既高校長真正體諒老師，家長亦都係一樣，我想表達對家長，唔係話唔體諒，係要明白老師囉，至於我係唔係家長，老師身份唔重要，最重要係將幼教老師工作既透明度比家長知，唔好睇小或睇輕老師既工作量囉。如果反映係令學校處理既我唔介意亦唔怕去做，如果學校去處理，那點解連資歷深既老師都要離開呀…自己諗下啦…凶穴來風，未必冇因架。
作者: terry3914 時間: 14-9-3 12:41
本帖最後由 terry3914 於 14-9-3 12:43 編輯
給所有舊老師, 舊家長: (本人是舊生家長)
其實學校已經是社會既缩影.....呢個樓主寫出呢個題目....仲要話為老師不吐不快~~你作為家長就應該正面去面對任何問題, 而不是在這裡說是說非......永遠不斷解決難題, 不怕辛苦先會有進步......如果他日自己子女又話工作辛苦, 又話老闆洗死人, 做唔掂.....又轉工 ! 如果你們這埋家長只識把責備推向他人...那小朋友也跟你們一樣的~~~
出色的家長, 家教....有出色既小朋友 ....這是理所當然的
2013-14年度有一百幾個畢業生......小朋友都是很開心離開學校的........
學校行政內部有內部運作方向,不輪到我們去評論.........你們行為都是也是十分三八C9既行為....唔好再咁無聊......PATPAT 痕啦.......
作者: n828lpy 時間: 14-9-3 19:40 標題: 回覆：Zoie_mum 的帖子
本帖最後由 n828lpy 於 14-9-3 19:44 編輯
| 歡迎光臨 教育王國 (/) |
Powered by Discuz! X1.5 |