教育王國

標題: 4歲學數學珠心算 / Enopi 邊樣好? [打印本頁]

作者: little_kid 時間: 14-1-10 17:38 標題: 4歲學數學珠心算 / Enopi 邊樣好?

小朋友初學數學邊樣好呢?

作者: ffaye 時間: 14-1-11 17:08 標題: 引用：小朋友初學數學邊樣好呢?

原帖由 little_kid 於 14-01-10 發表
小朋友初學數學邊樣好呢?

我都有同樣問題。做左enopi 評估level 3,都唔知即是高定低，只覺有d 硬銷。

作者: little_kid 時間: 14-1-13 17:23

回覆 ffaye 的帖子

你小朋友已經有level 3程度 , 幾多歲?
之前有無學過其他數學課程?

level 3 即係要識什麼?

作者: little_kid 時間: 14-1-13 17:28

回覆 little_kid 的帖子

聽說Enopi 可train 思考, 但睇過Enopi excerise book, 覺得都係不停做數, 所以有點疑惑

有沒有學過Enopi的可分享一下

作者: Shylong 時間: 14-1-14 19:29

提示: 作者被禁止或刪除內容自動屏蔽

作者: Xmasxxx 時間: 14-1-15 13:34

回覆 little_kid 的帖子

阿囡讀左三個月, 本人覺得程度比較淺, 但阿囡好鍾意, 尤其是critical thinking,
每次放學回來自動要即時ko晒先安樂, 因培養到佢每日做數的興趣, 所以繼續....

作者: 黑糖豆醬 時間: 14-1-19 13:00 標題: 回覆：Xmasxxx 的帖子

你女是先讀珠心算？

作者: coco_lam725 時間: 14-1-19 14:59 標題: 回覆：4歲學數學珠心算 / Enopi 邊樣好

提示: 作者被禁止或刪除內容自動屏蔽

作者: tantanmama 時間: 14-1-19 23:50

我女4歲幾時學咗幾個月珠心算, 悶到唔肯學. 珠心算根本不求甚解, 純機械式操練. 珠心算老師曾說過, 珠心算學的不是數學邏輯, 而是專注力及主動學習的態度.

作者: Xmasxxx 時間: 14-1-20 13:27

回覆黑糖豆醬的帖子

沒有

作者: Maymy10 時間: 14-1-22 14:13

我大仔之前學過ENOPI，他很喜歡做Critical Thinking個本，事實上他上到小學在看圖／形狀結構／火柴枝上係比較易掌握。在基本數上亦OK。但因ENOPI是英文數但讀的是傳統小學（是用中文教數），故最終放棄了讀ENOPI。
同學仔話珠心算主要教你點樣去計得快些，一樣要多做練習。

作者: little_kid 時間: 14-1-24 23:32 標題: 回覆：Maymy10 的帖子

請問你大仔幾多歲開始學Enopi?
現在有沒有學其他數學？

作者: kwan_0128 時間: 14-1-27 14:58

我都覺得珠心算冇用, 變左一部打算盤的機器
計數要叻應該train邏輯思維比較好

作者: Apple_Orange_T 時間: 14-1-27 15:50

請問大埔有無介紹讀珠心算?

作者: little_kid 時間: 14-1-28 11:22

回覆 kwan_0128 的帖子

同意, 小朋友train邏輯思維重要一點,

似乎學Enopi 基本數學計算, 才學珠心算 train 計數快會好一點.

最近又睇到坊間有蒙特梳利數學, 用數學教具教數學概念, 沒有太多操數. 有無人學過?

作者: Xmasxxx 時間: 14-2-4 12:30

回覆 Maymy10 的帖子

想問你讀到幾時才棄ENOPI, 因我面對同樣問題, 放棄有點可惜, 唔想同時讀兩樣數,
最後你幫小朋友轉讀那一樣數 ?

作者: little_kid 時間: 14-2-6 15:06

回覆 Xmasxxx 的帖子

我都想知?

作者: abbielaulau 時間: 14-3-11 16:06

讀緊ENOPI 數學, 想試埋珠心算. 但九龍東唔多覺有. 見大家講德福大廈, 試下搵先.

作者: HahaB 時間: 14-3-14 16:24

個人經驗的少少分享.....

我女(現在K3)學珠心算學左8個月左右...不過我剛剛放棄了, 改為學ENOPI....其實佢珠心算係學得幾好既, 老師話佢進步好快, 計得亦好準確, 而家開始計2及3的乘數...但係....我發現一個好嚴重的問題...就係令佢好混亂, 無所適從...

因為阿女學校開始教簡單的加數, 有直式有橫式, 學校的教法, 其實同我地細個學的好近似, 由個位開始加, 個位->十位->百位...但係珠心算的方式剛巧相反, 係由百位-->十位-->個位...咁加法... 兩者方法完全唔一樣...阿女可以用算盤做到珠心算的百位以上既連環加減數...但係, 偏偏要佢計5+3=?呢類咁簡單的數時, 就要諗好一陣, 有時8+4=?呢D要諗成分鐘......(其實呢D應該一望便知答案吧...), 原因好簡單, 因為佢思考模式用左算盤的方法...不斷咁諗8點加4, 要推幾多粒珠上去, 但其實....學校的教法好簡單直接, 8+2=10, 咁8+4咪等於12囉....我唔知點形容, 總之,變得簡單複雜化..

無可否認, 佢係可以比同齡的小朋友計到好大堆加減數, 仲要過百位, 連環加減...個個見到都讚佢好叻....但諗深一層, 咁又如何呢, 我唔係要佢做計數機器, 計得好快, 好多, 咁又點, 根基打唔穩, 一路學上去, 只會愈來愈亂...而且, 最大問題係與學校的教學模式太唔同, 怕佢繼續讀上去會好混亂....另外, 亦發現一個問題, 阿女計到一些好複雜的數, 例如答案係823, 但佢原來唔知823即係八百二十三, 佢只係知道這是八二三....即係計到一堆數字, 但不明是什麼...甚至佢根本數唔到110以後的數....咁計到個823又如何...根本佢唔知823的意思是什麼, 只知道是數目字....(我唔知大家明唔明我講咩...)....所以, 我最後放棄了珠心算........

作者: little_kid 時間: 14-3-14 22:57 標題: 回覆：HahaB 的帖子

多謝妳的提醒，我覺得很重要呢！只計得快而無數學概念真係要留意。

我最後俾囡囡初學學蒙特梳利數學先，我囡囡性格未適肯不停做paper, 蒙數有實際教具將數學概念具體化，我囡囡會覺得有趣些。

作者: lui 時間: 14-3-15 00:01 標題: 引用：回覆+little_kid+的帖子聽說Enopi+可trai

原帖由 little_kid 於 14-01-13 發表
回覆 little_kid 的帖子

聽說Enopi 可train 思考, 但睇過Enopi excerise book, 覺得都係不停做數, 所以有 ...

My daughter attended enopi for two months six years ago. She told me recently that was really waste of time as she just sat down there to do the maths practice. The teacher didnt teach her anything.

作者: little_kid 時間: 14-3-15 17:00 標題: 回覆：lui 的帖子

小朋友學了幾耐？

歡迎光臨教育王國 (/)