教育王國

標題: 思想鬥爭！ [打印本頁]

作者: ireneleecat 時間: 13-11-22 10:15 標題: 思想鬥爭！

各位家長，請幫幫忙！
小女已被取錄，亦已經註冊，同時亦即放棄派位，本應該放心，但身邊朋友認為這間不是很有名氣，不值得，我就想問問家長們，你會如何選擇呢?
(如派位也是同區的)
(只得15分)

作者: chanwendy 時間: 13-11-22 10:21

咁你問吓自己當初點解要註冊? 係因為佢係第一個 offer, 定係真心欣賞學校? 如果係後者, 冇理由會因為其他人的無知言論而會動搖的. 如果你覺得名氣真係咁重要, 當初你又點解會考慮呢間冇名氣的學校?

冇人比你自己更清楚你自己 / 你小朋友到底想要一間咩學校.

作者: ireneleecat 時間: 13-11-22 11:14 標題: 回覆：chanwendy 的帖子

多謝你的意見。

作者: li_penguin 時間: 13-11-22 12:25 標題: 回覆：ireneleecat 的帖子

呢個相信係好多家長心裡掙扎，又想小朋友愉快學習，但又怕佢地競爭力唔夠，作為父母，要為子女找一間最適合的學校，而並非找一間最出各的，好多地區名校主要用深半年的課程，密集的測考，把他們認為能力高的學生篩出來做精英班，再“谷“以增加學生上band 1中學，如果妳和妳小朋友都適合這一套，可到6月時試試叩門

作者: li_penguin 時間: 13-11-22 12:37 標題: 回覆：ireneleecat 的帖子

其實大家可能誤解愉快學習，愉快學習其實係因材施教，按學生能力高低而個别拢尖補底，學生才能掌握同發展個別學習能力，能勝任日常學習，有成功感，先至會再主動學習，小朋友可以掌握學習能力，唔會有壓力，甘樣佢地先可以愉快學習。要做到甘樣，學校一定要有heart既老師同小班教學才可個别闋顧，嶺小就做到呢點！妳小朋友都係十幾個对手中揀出黎，能力一定唔會差。

作者: ireneleecat 時間: 13-11-22 12:40 標題: 回覆：li_penguin 的帖子

其實本人不是好谷的家長，亦不想子女長期於作戰狀態，因而選了這間，希望愉快學習。

作者: ireneleecat 時間: 13-11-22 12:42 標題: 回覆：ireneleecat 的帖子

多謝你的分享！

作者: li_penguin 時間: 13-11-22 13:20 標題: 回覆：思想鬥爭！

嶺小今年TSA成積幾好，中英數都高於全港平均，相信黎緊幾年派band 1%會有明顯進步

作者: ireneleecat 時間: 13-11-22 13:34 標題: 回覆：li_penguin 的帖子

Good!

作者: a_for_apple 時間: 13-11-22 17:09 標題: 回覆：思想鬥爭！

自己當年都有啲掙扎，屋企人亦有啲說話，但只要真心為小朋友好，搵間合適嘅學校便可以！我小朋友而家亦讀得好開心！

作者: virgokaren 時間: 13-11-28 22:09 標題: 引用：嶺小今年TSA成積幾好，中英數都高於全港平

原帖由 li_penguin 於 13-11-22 發表
嶺小今年TSA成積幾好，中英數都高於全港平均，相信黎緊幾年派band 1%會有明顯進步

...

請問係边度睇到TSA 成績？
另想問下中文教學成效很好是嗎？
英文和數呢？
一星期有幾多堂有 net?
學生的英語听講能力如何？
是否应巳有第—屆畢業生？
升中適應好嗎？
有心入讀，但想了解多些，謝謝！

作者: tiffanymelody1 時間: 13-11-29 01:14 標題: 回覆：思想鬥爭！

其實每位小朋友性格及學習方式也有不同，並不一定要傳統名校一定好或活動教學不好！其實各家長在小朋友幼稚園期問，也了解到自己小朋友是什麼性格及强弱項，仔女是自己最了解的！選什麼學校也心里有數吧！

作者: li_penguin 時間: 13-11-29 10:20 標題: 回覆：virgokaren 的帖子

TSA成積係家長會中校長提及，英文堂一星期有7堂，中文6堂，中英各有多一個下午延伸堂。阿仔無講有幾堂net，不過就見佢同net teacher有講有笑，应該都多接觸，學校有兩位net，同科主任Miss Chan好有經驗，書係用星加坡出既，程度唔淺。。用母語教中文，另外有普通話堂，我係一位buy係小一用母語教中數既家長，因為基礎知識用母語教，小朋友會吸收得快同加強思維能力。我特別鍾意佢地用高效識字，我小朋友識多好多常用字，重點係識拆開同重组D中文字。學校派位極端，有自己考到DBS，體藝，亦有派到band 73如陳南昌，同新校無TSA成積支持同第一二屆收生情況有關。近幾年小朋友質素好好，我見今年小一個個都好smart，相信之後派位會越黎越好，唯一最唔好就係無聯繫中學，希望随住學校成積提升，可以揾到直资中學聯繫，以上資料，希望幫到妳。

作者: ireneleecat 時間: 13-11-29 11:39 標題: 回覆：思想鬥爭！

Thx a lot！

作者: virgokaren 時間: 13-11-30 03:25

li_penguin 發表於 13-11-29 10:20
TSA成積係家長會中校長提及，英文堂一星期有7堂，中文6堂，中英各有多一個下午延伸堂。阿仔無講有幾堂net， ...

資料很有用，謝謝你。請問什麼叫延伸堂？
另小朋友是否都較活潑？

作者: li_penguin 時間: 13-11-30 13:23 標題: 回覆：virgokaren 的帖子

延伸堂聽我小朋友講主要分组做主題，如今次英文延伸係認識形狀，串字，用形狀生字做句。一般嶺小學生都主動活潑，學校亦重視課堂纪律同德肓培養，所以妳可以係留學校開放日多留意學生表現同show 出黎既功課，相信會令妳對學校更多了解。

作者: chanwendy 時間: 13-12-2 11:27

virgokaren 發表於 13-11-30 03:25
資料很有用，謝謝你。請問什麼叫延伸堂？
另小朋友是否都較活潑？

中英文會有延伸堂, 會將兩班同學按能力分三組, 功課都會唔同.

作者: virgokaren 時間: 13-12-4 21:17 標題: 引用：延伸堂聽我小朋友講主要分组做主題，如今次

原帖由 li_penguin 於 13-11-30 發表
延伸堂聽我小朋友講主要分组做主題，如今次英文延伸係認識形狀，串字，用形狀生字做句。一般嶺小學生都主動 ...

thanks
對學校了解多了。

作者: virgokaren 時間: 13-12-4 21:18 標題: 引用：Quote:virgokaren+發表於+13-11-30+03:25+

原帖由 chanwendy 於 13-12-02 發表
中英文會有延伸堂, 會將兩班同學按能力分三組, 功課都會唔同.

即按能力分组，因材施教，好好呀！

作者: chanwendy 時間: 13-12-5 10:54

virgokaren 發表於 13-12-4 21:18
即按能力分组，因材施教，好好呀！

係, 初小就只限延伸課先分組, 上次家長會, 校長話小三同小六係中英 (唔記得數係咪) 所有堂都分三組上的.

作者: virgokaren 時間: 13-12-6 17:42

chanwendy 發表於 13-12-5 10:54
係, 初小就只限延伸課先分組, 上次家長會, 校長話小三同小六係中英 (唔記得數係咪) 所有堂都分三組上的.
...

咁算吾算拔尖鋪底?

作者: sumaggie101 時間: 14-5-14 14:18

提示: 作者被禁止或刪除內容自動屏蔽

作者: li_penguin 時間: 14-5-15 11:47 標題: 回覆：sumaggie101 的帖子

band 3

歡迎光臨教育王國 (/)