教育王國
標題: 又係玻璃門外停車問題, 請留意 !!! [打印本頁]
作者: joemyt 時間: 13-10-26 22:32 標題: 又係玻璃門外停車問題, 請留意 !!!
本帖最後由 joemyt 於 13-10-26 22:32 編輯
今早十點幾, 在玻璃門外等仔, 見到 Mrs. HO 在親自趕車. 你無聽錯我亦無眼花, 當時校長喃喃自語地說: 嘩! 咁多車, D巴士點埋站呀! 於是行出去叫家長開車. 但個個都係敷衍, 我見唔到有人開車! 叫咗一陣, 校長都走埋.
見到呢個情形, 我真係好想報警. 因為真係好過份, 就連老校都唔比面. 
如果你地認識家長係自己揸車接送的, 就真係麻煩同佢地講聲: 亞仔在學校要守校規, 家長在街外要守法律.
我唔係要幫學校發聲, 亦無資格. 但係今日的畫面, 巴士/小巴/的士司機個個都媽媽聲, 
好無 Face 呀 !!!!!
你地唔珍惜, 有朝一日界限街劃雙黃線, 我就拍手啦 !!!!! 
作者: 1773 時間: 13-10-26 22:55 標題: 回覆：又係玻璃門外停車問題, 請留意 !!!
我都揸車嘅，但我都好討厭呢啲自私行為。其實泊遠少少，行幾步路，有幾難？要唔阻人唔阻交通，唔好咁自私，個仔著住件校服㗎，真係好失禮。
另外，有時放學時有家長將車泊喺操場門口，阻住校巴出車，又係要不得嘅行為，因為已見過好多次因為校巴唔夠位出車，而塞住成條喇沙利道。
作者: InitialD 時間: 13-10-27 12:42
I also found a lot of them are driven by dirver and this is why they don't care of anybody.
作者: joemyt 時間: 13-10-27 14:15
本帖最後由 joemyt 於 13-10-27 14:15 編輯
但昨天的情況，我肯定司機係爸爸媽媽....
因為.........我認得佢地 !
作者: tomarry 時間: 13-10-27 14:43
如果可以记錄學生资料然後向家長發警告信就好囉。學生犯規都要擇名扣操行分啦。
作者: InitialD 時間: 13-10-29 21:40
post the picture of the car without the registion number here
作者: joemyt 時間: 13-10-30 01:07
又唔好出相, 咁肉酸! 再比我見到, 我會報警. 已經唔係一朝一夕, 學校又提醒過, 大人大者係要自己攞架嚟丟, 我都無辦法! 咪等警察叔叔踩住車頭告囉, 諗落都壯觀!
自私自利貪方便, 有朝一日佢地個仔要走出中線上車, 有意外發生, 就唔好怪人! 我唔係黑心, 亦唔想見到, 但咁攪法遲早一次! 唔單止係學生, 連其他市民都影響埋!
既然學校做足功夫而徒勞無功, 咁咪由我呢個閒人出手囉, 反正得閒 !
作者: tomarry 時間: 13-10-30 09:35
回復 joemyt 的帖子
支持，係咪屬於九龍城交通部?
作者: joemyt 時間: 13-10-30 10:51 標題: 回覆：tomarry 的帖子
學校屬九龍城警區管轄，一般呢類小型交通投訴只會交回九龍城警署跟進。
作者: sadsam 時間: 13-10-31 15:58
唔係有心得罪LS家長，佢地真係好多時大搖大擺落車，仲CC然去車尾箱拎個書包比個仔，慢慢GOODBYE KISS完先離開................唉！果度多車又有巴士站，好心啦。
作者: longlokma 時間: 13-10-31 18:14 標題: 引用：唔係有心得罪LS家長，佢地真係好多時大搖大
原帖由 sadsam 於 13-10-31 發表
唔係有心得罪LS家長，佢地真係好多時大搖大擺落車，仲CC然去車尾箱拎個書包比個仔，慢慢GOODBYE KISS完先離 ...
作者: bb2 時間: 13-10-31 20:07 標題: 回覆：又係玻璃門外停車問題, 請留意 !!!
真係好多自私既家長
言教不如身教，咁都唔明
作者: InitialD 時間: 13-10-31 23:38
morning or afternoon?
作者: puremerino 時間: 13-11-1 01:08
回復 joemyt 的帖子
我都有開車送仔返學（界限街），亦發覺有部份家長真係幾誇張！
好心大家比個仔落車後就好馬上開車啦！
重要打晒死火燈落埋車送埋入閘先捨得走。。。。。。
這樣真係比佢地搞到LS家長好剋人憎！
要親子不如放工早點回家一齊睇故事書啦！
仲有呀，放學接仔（喇沙利道），
請不要
1. 停在人家屋苑停車場入口，
2. 停在巴士站範圍
3. 在馬路上 Double Park (今個學年特別多）
我真係唔明白佢地點解唔可以將心比己！
作者: sadsam 時間: 13-11-1 09:21
longlokma 發表於 13-10-31 18:14 
書包放車尾箱？
係呀！驚死"責"親個仔掛，好心果度咁繁忙就識趣啦！
作者: bb2 時間: 13-11-1 11:45 標題: 引用：回復+joemyt+的帖子
我都有開車送仔返學（
原帖由 puremerino 於 13-11-01 發表
回復 joemyt 的帖子
我都有開車送仔返學（界限街），亦發覺有部份家長真係幾誇張！
作者: 1773 時間: 13-11-1 14:05 標題: 引用：Quote:原帖由+puremerino+於+13-11-01+發表
原帖由 bb2 於 13-11-01 發表
同意，最憎D人亂咁泊，有幾次仲連校巴都出唔到，有D仲巴弊到係“隊“埋入校巴出果個位比小朋友上車...自私 ...
作者: babeBBDoll 時間: 13-11-7 01:12 標題: 回覆：又係玻璃門外停車問題, 請留意 !!!
校長都唔比面應該去抄牌記低名，嗰度放學時間真係好塞
作者: faithlove 時間: 13-11-12 10:34
sadsam 發表於 13-10-31 15:58
唔係有心得罪LS家長，佢地真係好多時大搖大擺落車，仲CC然去車尾箱拎個書包比個仔，慢慢GOODBYE KISS完先離 ...
我應該知道是哪一輛車的，銀色的是嗎？我估是某小一家長爸爸駕駛的。每天早上都拍在門口落少少，其實果個位係好多人來drop off 就走的，但佢停左係度，連司機都出埋來，去車尾箱攞書包比個仔，跟手重熄匙、入埋去聽早會差不多8點才走。後面趕住drop off 果D真係多得佢唔少。有時北行右線有車等位轉入碧華，就比佢塞住成條路。我見過唔只一次有交通督導員抄過佢牌，也有的士佬唔比面係咁boot 佢，但佢重係咁。
作者: 1773 時間: 13-11-12 13:03 標題: 引用：Quote:sadsam+發表於+13-10-31+15:58+唔係
原帖由 faithlove 於 13-11-12 發表
我應該知道是哪一輛車的，銀色的是嗎？我估是某小一家長爸爸駕駛的。每天早上都拍在門口落少少，其實果個 ...
作者: 2bbmom 時間: 13-11-12 15:09 標題: 回覆：faithlove 的帖子
You mean he “double parking”?
作者: bb2 時間: 13-11-12 22:24
今日放學又有架七人車停正學校校巴出果位....司機仲落埋車:;pppp:...前面小巴又停得後...我見保褓車都係啱啱夠位出咋...大巴一定出唔到....真係超超超自私我真係想影佢相投訴佢...我見校工同保褓車司機都好無奈
作者: geraint 時間: 13-11-13 13:01 標題: 回覆：sadsam 的帖子
好簡單, 習名記大過。
作者: LMCK 時間: 13-11-25 22:07 標題: 回覆：joemyt 的帖子
聽講何校長之前晌天水圍的學校, 佢真係出通告比家長, 叫佢地唔好泊車响學校門囗, 因好阻失交通, 之後情況改善左因佢日日响校門監視住, 但佢轉左去LS後, 又回復返以前咁擠塞. 所以我諗何校長好快會出通告比家長.
作者: fatanna123 時間: 13-12-16 04:01 標題: 回覆：bb2 的帖子
我都係送仔番學，見到好多車，特別係喇沙利道，根本全部都比d家長霸哂d位，好多家長放左仔仔落車，自己又落埋車，猛同其他人吹水，我地都好無奈。其實學校應該唔好比家長入去聽咩早會，唔比佢地走入去，班亞太無地方傾咪走囉，我可以肯定無咩人可以講出每日早會的內容，佢地志在吹水哂命。我都十分希望學校可以正視呢個問題，喇沙學生的聲譽已好差喇😞
作者: longlokma 時間: 13-12-16 07:28 標題: 引用：我都係送仔番學，見到好多車，特別係喇沙利
原帖由 fatanna123 於 13-12-16 發表
我都係送仔番學，見到好多車，特別係喇沙利道，根本全部都比d家長霸哂d位，好多家長放左仔仔落車，自己又落 ...
作者: fatanna123 時間: 13-12-16 08:30 標題: 回覆：longlokma 的帖子
可以咁講，老實講，真係有d唔開心㗎。希望學校可以實施一些措施，趕絕呢d家長，為佢地爭番d面子。我大女在聖方x各讀書，間學校係絕對對家長的參與是有保留，所以令到佢地嘅學生十分自律，獨立。好經常性都係我個女同我安排，唔洗我參與，我淨係做觀眾咋。好似剛舉行的運動會，雖然簡陋些，有蝦錄，但睇到嘅，唔係家長義工仲比參賽者多嘅運動會，大部份都係一手一腳同學安排，真係十分欣賞！（我忍左唔講好耐，但見到喇沙成日比人投訴，冷眼，我真係忍唔住要講。）
作者: 1773 時間: 13-12-16 09:51 標題: 回覆：又係玻璃門外停車問題, 請留意 !!!
家長需要自律是對的。但家長義工的投入、參與、數量和一呼百應，是喇沙一直引以為傲的。記得好多年前大仔剛入學時，家教會主席提及連教育局視學官也對此大為讚歎的。的確，家長在參與的同時，應該注意自律守規守法，這樣亦是對阿仔的教育。
作者: Thomas2013 時間: 13-12-16 11:02
家教會有數名董事當選後馬上辭識, 唔知搞咩野,睇怕無人做野.
作者: bb2 時間: 13-12-17 11:53
Thomas2013 發表於 13-12-16 11:02
家教會有數名董事當選後馬上辭識, 唔知搞咩野,睇怕無人做野. ...
真的嗎?咩事?
作者: Thomas2013 時間: 13-12-18 20:16
聽會頭講D又唔講D。
作者: wantai 時間: 13-12-20 18:30
我逄星期六都會帶我個囝由旺角返學校，通常坐一號巴士，但因為d車泊左係巴士站，因此巴士唔可以係巴士站停。因為阿囝自己下車，所以我好擔心架！
我發現，常常車等人，點解唔可以人等車呢？
原來唔係只有我一個覺得唔岩！
作者: joemyt 時間: 13-12-21 21:21
校長出手啦 !!!!!!! 
各位家長︰
有關違例泊車事宜
剛接獲九龍城區黃以謙議員來信，指出本校部份家長，經常在界限街校門外停泊車輛，導致巴士和小巴乘客被迫在第二條線車與車之間上落車，險象環生。另有部份家長，把車輛停泊於喇沙利道校門外，然後離開座架，引致交通嚴重擠塞，妄顧他人安危，自私自利，為附近居民帶來不少困擾。
學校現勸籲家長盡公民責任，以身作則，遵守紀律。如貴子弟未出現在界限街玻璃門內，請到附近兜圈，稍後才折回，切勿停車等侯。請各位通力合作，攜手解決界限街和喇沙利道的交通問題，以解區內市民之苦與憂。謝！
校長 何侯純華
二零一三年十二月二十日
作者: jefftam06 時間: 13-12-22 05:31 標題: 回覆：joemyt 的帖子
"另有部份家長，把車輛停泊於喇沙利道校門外，然後離開座架，引致交通嚴重擠塞，妄顧他人安危，自私自利"
每天送仔返學，都見到有車輛停泊於喇沙利道校門外. 差不多泊到紅綠燈行人過路線上。我絕對贊成校長和警方的行動。
作者: Thomas2013 時間: 13-12-24 07:55
讚成。最好全部抄牌
作者: Thomas2013 時間: 13-12-24 07:55
讚成。最好全部抄牌
作者: VKwan 時間: 13-12-29 10:50 標題: 引用：家教會有數名董事當選後馬上辭識,+唔知搞咩
原帖由 Thomas2013 於 13-12-16 發表
家教會有數名董事當選後馬上辭識, 唔知搞咩野,睇怕無人做野. ...
呢班人，冇遠見!
作者: longlokma 時間: 13-12-29 10:54 標題: 引用：Quote:原帖由+Thomas2013+於+13-12-16+發表
原帖由 VKwan 於 13-12-29 發表
我唔知咩事，不過咁既狀況明眼人都知舊勢力集體唔妥新勢力啦!但d舊勢力又知唔知舊果套已經唔work架啦,學校 ...
作者: Thomas2013 時間: 13-12-29 11:38
本帖最後由 Thomas2013 於 13-12-29 11:49 編輯
新勢力=old boys club?
作者: VKwan 時間: 13-12-29 13:07 標題: 引用：Quote:原帖由+VKwan+於+13-12-29+發表我唔
原帖由 longlokma 於 13-12-29 發表
何以见得学校走下坡？
作者: longlokma 時間: 13-12-29 15:00 標題: 引用：Quote:原帖由+longlokma+於+13-12-29+發表
原帖由 VKwan 於 13-12-29 發表
其實今時今日論程度論師資，已有好多學校追過LSPS,LS呢個招牌全靠LSC托住,如果有一日中小學脫勾,LSPS肯定受 ...
其實lsps並不以课程深或教快作招徠，有悠久歴史及有直屬中学才是她吸引人之處。
插班生要插入lsps当然要有原校亮麗成绩或專長才可插班入讀，如水準只是平均以下的lsps为何会收呢？所以插班生大部份表演出色是合理的，但不見得便跑赢lsps原校生。若你知道書院名列前茅同学的小学背景便会明白。
再者，培育小朋友不只是靠学校，家庭的支持亦很重要，学校要兼顧所有学生的水平，不可能依照每個孩子的能力去教授，我在lsps看見的，那些真正有能力的孩子，其家長会在校外给予他們学習更高階更廣阔的课程或知識，所以这些lsps原校精英绝不遜色於外校催谷出來的插班生。
作者: longlokma 時間: 13-12-29 15:11 標題: 回覆：又係玻璃門外停車問題, 請留意 !!!
lsps是派位学校，大部分学生学校没面見没挑選，但学校教出來的学生大部分绝不遜色於那些可千挑萬選学生的直資/私校, 那不就是更顯出lsps学校、家長、師生大家合力的成果吗？
作者: VKwan 時間: 13-12-29 18:06 標題: 引用：Quote:原帖由+VKwan+於+13-12-29+發表其實
原帖由 longlokma 於 13-12-29 發表
我不同意lsps走下坡之说。
作者: VKwan 時間: 13-12-29 18:13 標題: 引用：lsps是派位学校，大部分学生学校没面見没挑
原帖由 longlokma 於 13-12-29 發表
lsps是派位学校，大部分学生学校没面見没挑選，但学校教出來的学生大部分绝不遜色於那些可千挑萬選学生的直 ...
作者: fatanna123 時間: 14-2-10 00:18 標題: 回覆：VKwan 的帖子
我都同意而家校長的方針，但需要時間去反映出效果，最慘係而家3-4年級的學生，佢地一入去讀小一時已hea緊，突然收緊，點追？喇沙不斷收外面來的插班生，已打低好多原校生，仲要有十分大的分數差距，短期內都幾難改變😰
| 歡迎光臨 教育王國 (/) |
Powered by Discuz! X1.5 |