教育王國

標題: 女三歲EQ差, 數學空間差, 講嘢好叻, 易跌, 有問題嗎?(有點長) [打印本頁]

作者: raindroponroses 時間: 13-10-18 00:37 標題: 女三歲EQ差, 數學空間差, 講嘢好叻, 易跌, 有問題嗎?(有點長)

綜合老師和我對她的認識, 固執、硬頸、自我、個性強、要面、很多東西收埋、很顧形象, 唔同時間地方有唔同表現。例如在街就不認人, 就算已經好熟也不會理睬, 剛上學任何人也不睬, 現在上了三個月, 喜歡的老師會睬, 其他的如每天在門口迎接同學的, 就最近才一時時睬, 今早那位老師搭她膊, 她就用身子fing開她, 很沒禮貌, 很不尊重, 同學現在也熟, 但初初也是一個不睬。但換個場景,在街遊樂場, 她就主動liu人玩, 無論大過她或細過她, 講很多。怎樣跟她說, 用故事教她也是這樣。

老師說她醒同埋好成熟才懂這樣, 但裡面很多東西收埋。另外, 她講嘢超叻, 句子結構, 語氣等, 在電話中以為是五六歲小孩, 有時也會駁咀。

很情緒化, 有時很聽話, 乖巧, 事事都問我好唔好, 但當有時做唔到, 就發脾氣, 或我直接指出她不是, 她就會很大反應, 試過有兩三次我話她做得唔啱, 要打交差, 或你再係咁我就唔同你玩, 她就好大反應, 話我先唔乖, 將我個頭塞落厠所, 將細佬塞落坑渠, 扮打電話叫警察拉我等等。

同時, 她對所有大人的事都極感興趣, 很喜歡模倣大人, 大人做咩她又要做咩, 所以自理能力其實幾好。

體能方面, 行路好易kick或跌倒, 好多時行一條路都kick或跌三、四次, 同埋唔係好掌握到雙腳跳起, 跳起都少少前後腳。行樓梯仲未可以左右交替。

學術方面, 老師說她學嘢其實沒問題, 不過比起其他同齡小朋友, 我想她算慢, 例如, 在最近特別與她玩數字貼紙, 才算認到數目字, 英文字則只認到兩個左右, 另以前老師有提過她數學空間感差, 我想例如是形狀配對, 以前都成日唔識玩入形狀, 積木面有個蓋入洞那些, 都係簡單才懂, 複雜點就亂咁塞入去, puzzle一點都不懂

唔好意思, 寫得太長了, 請有經驗, 或小朋友有類似問題的媽媽給點意見, 她有問題嗎? 是我過慮, 還是需要做些甚麼評估, 了解多些呢? 有沒有甚麼課程我或我們可以學習一下如何改善情緒問題呢?

作者: Macylau 時間: 13-10-19 00:58 標題: 引用：綜合老師和我對她的認識,+固執、硬頸、自我

原帖由 raindroponroses 於 13-10-18 發表
綜合老師和我對她的認識, 固執、硬頸、自我、個性強、要面、很多東西收埋、很顧形象, 唔同時間地方有唔同表 ...

同我個仔有少少似，情緒起伏大，吾鐘意同小朋友玩，怕輸，硬頸，每事問，當人地解答吾到佢問題時會好upset! 大肌肉較差，小肌就好ok! 但語言好，學野快！

我幫佢報左社交班！聽日開始上堂！希望幫到佢！

作者: tam_bb 時間: 13-10-19 05:17 標題: 引用：Quote:原帖由+raindroponroses+於+13-10-18

原帖由 Macylau 於 13-10-19 發表
同我個仔有少少似，情緒起伏大，吾鐘意同小朋友玩，怕輸，硬頸，每事問，當人地解答吾到佢問題時會好upset! ...

請問邊度有社交班？

作者: raindroponroses 時間: 13-10-19 22:47 標題: 引用：Quote:原帖由+raindroponroses+於+13-10-18

原帖由 Macylau 於 13-10-19 發表
同我個仔有少少似，情緒起伏大，吾鐘意同小朋友玩，怕輸，硬頸，每事問，當人地解答吾到佢問題時會好upset! ...

謝謝，邊度的班，是親子的嗎?

作者: Potato001 時間: 13-10-19 23:42 標題: 回覆：raindroponroses 的帖子

體能方面，要去多啲公園玩，尤其要攀爬，手腳並用的，訓練空間感，玩千秋都有幫助平衡。小朋友細幾大個識行？缺乏爬行訓練的bb, 大個可能都會易跌，可以做多啲感統練習。

作者: fungtaitai 時間: 13-10-20 09:38 標題: 引用：體能方面，要去多啲公園玩，尤其要攀爬，手

原帖由 Potato001 於 13-10-19 發表
體能方面，要去多啲公園玩，尤其要攀爬，手腳並用的，訓練空間感，玩千秋都有幫助平衡。小朋友細幾大個識行 ...

我小朋友行都是好易tick到，10個月到開始識行，都吾使點教自己就行，我發覺佢左腳行時好似內彎，所以易tick?又成日跳跳貢!?吾鐘意玩千鞦呢，以家22mons使吾使睇e生呢?

作者: Potato001 時間: 13-10-21 12:46 標題: 回覆：fungtaitai 的帖子

可以兩歲去健康院時問下，睇下會唔會轉介。呢啲資料我係睇一啲有關 “感統訓練” 的網頁時看到的，有啲有講要點樣做練習，不過我唔記得內容。

作者: cocokan2004 時間: 13-11-28 02:13

回覆 fungtaitai 的帖子

成日跌既小朋友可以係大腦有問題(如有瘤). 朋友個女行路成日自己CLICK到自己, 最後是腦癌.
一定要CHECK, 當買個安心.

作者: leungloklok 時間: 13-12-3 14:44

成日跌有2個可能, 最大機會會步法唔正確,

第2個就有機會係個腦有野.(血管或者係神經), 要CHECK 先知.

盡可能唔好參加親子社交班, 要俾佢自己一個去, 咁樣先會學到獨立

作者: iamtingting 時間: 14-6-20 02:06

提示: 作者被禁止或刪除內容自動屏蔽

歡迎光臨教育王國 (/)