教育王國

標題: 請問做全面評估大約幾錢? 如排政府位要點申請? [打印本頁]

作者: twllc 時間: 13-9-7 04:12 標題: 請問做全面評估大約幾錢? 如排政府位要點申請?

本帖最後由 twllc 於 13-9-7 04:27 編輯

我細孖(3歲8個月)乜野都比大孖慢，表達能力較弱，自我和固執，做事反應慢，成日hea住黎做又唔認真。另外跑跳容易跌，小肌亦一直係一個問題... 覺得佢好多野都慢過人，但唔肯定係自信心問題定真係慢(佢成日見大孖做/講佢先肯跟住做/講)，所以稔緊做全面評估。

我見政府要有心理學家或醫生轉介先有得排評估，但我唔太明白... 有得呢d轉介，應該已完成評估才有轉介信吧，即係到時政府果度要做多一次評估? 定係我可以求其找一間診所醫生同佢講，佢就肯出轉介信?

另可否分享私家全面評估大約幾錢? 剛轉做FTM，收入大減，所以想有個預算先。

謝謝~

作者: stepny 時間: 13-9-10 11:40

本帖最後由 stepny 於 13-9-10 11:41 編輯

1. 私家大概六千蚊(唔同地方有差距, 但一般都四千以上, 要睇涵蓋範圍), 已包智能測驗,自閉等各方面評估; 我女係經協康會青蔥計劃轉介心理醫生做;
2. 政府係一定要有醫生轉介信, 亦真係求其搵個家庭醫生寫信就ok, 政府一般好快(大概一個月左右)會叫你去第一次會見, 但呢次只係普通姑娘同家長和小朋友做簡單評估, 之後要再排期, 我女在第一次評估後超過一年先被通知做正式評估, 剛剛9月3日先做完

作者: twllc 時間: 13-9-21 22:49

謝謝你。那麼你一年前有冇揾心理醫生做呢? 當時的結果和政府有差別嗎?

另外，介意講下你女當時有什麼表現令你覺得要去做評估呢?

作者: evacalbee 時間: 13-9-22 08:04

stepny 發表於 13-9-10 11:40
1. 私家大概六千蚊(唔同地方有差距, 但一般都四千以上, 要睇涵蓋範圍), 已包智能測驗,自閉等各方面評估; 我 ...

想問政府睇係指健康院嗎？

作者: wan_sosin 時間: 13-9-23 01:39

evacalbee 發表於 13-9-22 08:04
想問政府睇係指健康院嗎？

不是健康院,是兒童智能評估中心!

作者: wan_sosin 時間: 13-9-23 01:40

stepny 發表於 13-9-10 11:40
1. 私家大概六千蚊(唔同地方有差距, 但一般都四千以上, 要睇涵蓋範圍), 已包智能測驗,自閉等各方面評估; 我 ...

乜而家要等一年咁耐,我仔上年4月見姑娘,半年後11月評估!

作者: wan_sosin 時間: 13-9-23 01:44

回復 twllc 的帖子

健康院醫生都可以轉介,我係問健康院姑娘,然後約見醫生再轉介去政府評估中心,前後花了8個月左右!
搵私家醫生都得!但就唔一定要見心理學家先!

作者: daughterkingdom 時間: 13-9-23 17:52

提示: 作者被禁止或刪除內容自動屏蔽

作者: twllc 時間: 13-9-24 16:03 標題: 回覆：請問做全面評估大約幾錢

老師冇直接講要做評估，但都話佢做乜都慢，老師問佢野唔多回應

作者: daughterkingdom 時間: 13-9-30 21:36

提示: 作者被禁止或刪除內容自動屏蔽

作者: Man_elephant 時間: 14-9-17 12:02

提示: 作者被禁止或刪除內容自動屏蔽

作者: I_O_U_baby 時間: 14-9-17 13:55

阿囝同學係學校寫信去健康院排期,
等左一年有得做評估.

作者: mandy4055 時間: 14-9-19 15:53

我女系見佐健康院的醫生做智能評估，都系認知果方面，跟住排期話轉介見專科，點知第一次就系護士長見父母，了解小朋友日常情況，再幫手轉專科醫生做詳細評估，排期~~基本要等9個月~~~ 失望啊~自己去協康報佐個青蔥計畫，先同阿女做評估先，唔想浪費D時間！感覺政府需時耐且一半~

作者: vincelo29 時間: 15-9-7 00:06 標題: 引用：+本帖最後由+twllc+於+13-9-7+04:27+編輯+\

原帖由 twllc 於 13-09-07 發表
本帖最後由 twllc 於 13-9-7 04:27 編輯

我細孖(3歲8個月)乜野都比大孖慢，表達能力較弱，自我和固執， ...

你好，我亦是孖仔媽媽，我兩個仔仔2歲10個月，在2歲時由健康院轉介大口環醫院，排左半年，見醫生做評估，話他們言語社交緩慢，慢同齡9個月，唔多眼神接觸，沒有說話，唔懂叫爸媽，只捉住我們的手指去取東西，當我們的手指係他們的工具，排政府的治療的確好耐，到現在仍未有安排，我們唔想錯過黃金期，自己走去搵私家言語治療，的確又她貴，我亦在這段期間轉做ftm，沒請工人，好彩入到n班，排緊i位，現在可以講簡單的句子，叫及分辨到爸媽婆婆麻麻公公爺爺等，大的仔仔眼神好的，自己食飯，現在試戒片，我會試安排職業治療，因之前有治療帥話他們手肌弱，似bb手力，開支真的好大，好慘

作者: gqmummy 時間: 15-12-3 13:05

回覆 vincelo29 的帖子

請問妳小朋友既狀況係點嘛？我想知多D

作者: vincelo29 時間: 15-12-3 16:54 標題: 引用：回覆+vincelo29+的帖子請問妳小朋友既狀

原帖由 gqmummy 於 15-12-03 發表
回覆 vincelo29 的帖子

請問妳小朋友既狀況係點嘛？我想知多D

你想知評估前還是訓練後，現在的情況？

歡迎光臨教育王國 (/)