教育王國

標題: 小學和中學 [打印本頁]

作者: kiufung99 時間: 13-6-15 00:07 標題: 小學和中學

想請問一吓大家，到底聖芳濟各小學和中學是否一所好學校??

剛剛看完中學新學制的成績，非常一般，可以話係差。所以現在心裡很有疑問。。。想問吓正在就讀的家長幫幫忙解答一吓我的困惑。因在我心中，聖芳濟各小學和中學都應是很優秀的學校。

作者: enahau 時間: 13-6-15 00:50 標題: 回覆：小學和中學

想請問邊度有得睇？死啦！好擔心，我女派咗呢間！

作者: paul12345 時間: 13-6-15 22:58

回復 kiufung99 的帖子

點差？Where to find the result??

作者: acaiberry 時間: 13-6-16 00:45

本帖最後由 acaiberry 於 13-6-16 00:48 編輯

並非偏幫母校，66%學生 3322 ，齋睇呢個%係算普通，話差又真係有點誇張

我有追學校個secret page，見過有人講過第一屆dse 成績幾好，如果成績唔錯但又得66%學生3322，合理推測係最top和最差個班既成績差距較大。

九XX仁 3322 %同st francis 一樣,我係名校secret page都見過佢地話dse成績唔錯, 我攞佢做例子係因為佢地以往會考成績走勢同st francis 都幾相近,所以我都信st francis secret page講既野。(嗱，我都係靠各大路邊社消息靠估，大家最好問下其他在校師妹和家長)

fyi，舊制st francis keep住平均係七成人以上有14分，就算有變動都係上落5%

其實你地囡囡仲有好幾年先升中學，仲有十年先考dse，我讀小學時中學部既成績比我升到上去讀時出色，但現在運動既成績又比我在校時更出色，無野係預計到實在無需要擔心咁多。只可以講既一間可以生存140幾年既學校係有自己既堅持和生存之道。

作者: kiufung99 時間: 13-6-16 14:21 標題: 回覆：小學和中學

多謝你的分享。我想再問下。現在的中學是屬於band 1 嗎? 頭/中/尾? 不知入大學率高不高呢? 請分享一吓你的經驗，因我是新手小一媽媽，很多事也不太清楚。請指教一吓，謝謝。

作者: kiufung99 時間: 13-6-17 10:49 標題: 回覆：小學和中學

其實有很多在讀的家長在這討論區，可否分享在學的感受。如對中學升大學的意見, 請多多指點我們這些新手媽媽。感激不盡

作者: cherrynequ 時間: 13-6-17 12:05

本帖最後由 cherrynequ 於 13-6-17 12:06 編輯

認同以上校友分享，小女快將完成小學課程，如無意外，會入返中學部

第一次 DSE 成績不是十分標青，但都唔叫做好差，我自己無太理依D 數據，始終讀書果位係我女，人地好叻唔代表D mug （我最近才理解到）, 老師教成點，學生自己出幾多力先係重點

我認為 st francis 始終係好學校，如果有幸派入來，比信心學校，將來的事無人能預計

作者: sfcssfcc 時間: 13-6-17 14:41

中學第一屆DSE成績，以3322作標準的話，可說是並不理想，因為有不少同學縱使取得多科５級或以上成績，但亦如其他英中學校般，中文成績只得２級，結果當然未能直入大學．這並非中學單一問題，而是全港一般英中的共同問題．
若以入大學方面，第一屆學生除出國留學外，大部分都會循不同途徑升學，而ＤＳＥ前的中學的升學率不差，當中亦包括學生重讀的數字，而非單一屆成績計算．

作者: sfcssfcc 時間: 13-6-17 14:45

最後補充一點，中學收取小學的同學是第一及第二組別（直屬中學的原因），與某些學校大部分只收取第一組別學生的情況不同，成績出現參差是十分正常的．若小朋友認真讀書，努力求上進，不論是什麼學校，當然可取得好成績：但若小朋友不求上進，依然故我，在競爭大的現實環境中，難免會追不上．若在其他學校，更會早早被踢出校了．

作者: acaiberry 時間: 13-6-17 23:14

本帖最後由 acaiberry 於 13-6-17 23:17 編輯

老實說st francis從來不是最top既名校，在以前分5個band 的年代，小學老師有講中學係band 1尾，我估計照現在既制度應該係band 1中。極小部分比較進取既家長一早plan好升讀收100% band 1既中學。

現在回想起來，覺得媽媽選對了學校，可以從小學到中學在一家並非極度進取，但同時能夠在各方面，尤其是語言，都打好基礎的學校讀書。因為學校不是功利主義為先，我們從來没有太強烈的競爭風氣，同學們十多年來一齊成長，一齊努力讀書，就好似一個family。我相信在st francis近乎與世無爭的生活，係值得每位franciscan長大後去回味的！

作者: paul12345 時間: 13-6-18 13:36

回復 acaiberry 的帖子

對！我有親屬也是SFCS/SFCC 舊生，屬70至80年代產品。她語言水平了得兼為人謙厚，除了天生個性外，成長階段的陪養也不能忽視，所以我也放心讓女兒入讀。

作者: lauren_kik 時間: 13-6-25 13:00

回復 paul12345 的帖子

品德及氣質已勝於一切

作者: Hehe.Ha 時間: 13-6-25 15:49

我係st francis嘅舊生
st francis係出名校風淳樸嘅. 同學畢咗業都對學校好有歸屬感
至於成績方面呢,客觀講係有啲參差,最好同最差嘅一批程度係相差幾大吓
以前嘅舊制下有8A, 9A同唔少嘅拔尖生, 同時亦有人連中六都升唔到
至於話得66%3322呢其實同男拔同其他名校差唔多,係衰咗中文
總括嚟講st francis係一間香港出名嘅好嘅學校, 岀嚟嘅學生好高質素, 好受老闆歡迎嘅

作者: OnlyOne 時間: 13-6-26 13:32

本帖最後由 OnlyOne 於 13-6-26 13:41 編輯

本人十分認同以上各位學姐/家長既說法..........
回想當初小一選校,我正站在"高調進取"與"低調實幹"之間,最後我選了ST FRANCIS,小女現就讀ST FRANCIS,她給我的感覺正是:
學業/比賽成績雖並不是進取型,但學校對學生的學業及品行都全面關注,老師不主張學生之間比較學業成績,同時同學和家長之間是友愛亙助~
這正是我希望為小女找的一所"學業品德並存的好學校",ST FRANCIS雖低調,但她絕對對學生是有要求的心靈好學校~

作者: acaiberry 時間: 13-6-30 14:05

回復 Hehe.Ha 的帖子

師姐/師妹你好！我唔太清楚外人現在點諗我地學校，但喺我眼中學校一直喺有限資源下不放棄每個學生既態度已經值得欣賞。
其實學校可以唔俾學生留兩次班，可以在中三時趕成績差既學生走，以前舊制中六預科可以收有更好成績既外校生，甚至收少啲小學band 2生，但從來唔見學校有咁做過。
Franciscans未必個個都係叻女，但學校教到大部份學生都談吐有紋有路，沈實有禮，出來工作係會事半功倍。
眼見住其他歷史悠久的學校因為收生質素和資源問題轉直資，更欣賞學校的堅持。老實講st francis可能比其他女校更有需要轉直資，今時今日學校没有take the easier path，很大機會將來跟其他直資女校有明顯差距，但我依然希望st francis可以堅持做一間一流的免費學校。

作者: paul12345 時間: 13-7-1 20:40

回復 acaiberry 的帖子

Agree with you.

作者: bcwong 時間: 13-10-2 12:15

回復 acaiberry 的帖子

作者: bcwong 時間: 13-10-2 12:20

其實係有限資源下, 學校已經做得好好

有D家長總覺得有一些直資學校辨得好好, 但他們也應明白羊毛出自羊身上, 直資學校資源充足, 當然難以比較

作者: Cccmy 時間: 14-5-9 17:26 標題: 回覆：小學和中學

好多謝各位分享，我也希望小女6月也派到此學校

歡迎光臨教育王國 (/)