教育王國

標題: 音小每兩年會加一次學費嗎？！咁仲值唔值得讀呢？ [打印本頁]

作者: carcar000 時間: 13-5-14 22:18 標題: 音小每兩年會加一次學費嗎？！咁仲值唔值得讀呢？

音小每兩年會加一次學費嗎？！咁仲值唔值得讀呢？擔心決定錯誤，誤了孩子！

作者: SiuKo 時間: 13-5-15 08:48 標題: 回覆：carcar000 的帖子

同學校辦公室員工電談，我問他是否會年年加，他說上一次加學費是三年前，不會年年加，但三年是差不多一個週期！

作者: masterunion 時間: 13-5-15 10:37

但其仔學校都一樣會加... 除非我地去讀番津校.... 否則都係避不到

作者: vcom 時間: 13-5-15 10:44

如果認為加了學費就唔扺讀，真係要想清楚，或者報返主流小學讀會好D。

作者: evacalbee 時間: 13-5-15 18:48

vcom 發表於 13-5-15 10:44
如果認為加了學費就唔扺讀，真係要想清楚，或者報返主流小學讀會好D。

其實真係好難秤，雖然覺得好適合女女，但始終未讀過，評估唔到值唔值得。好想試，但又憂慮的心情好覆雜。
如果有公務員津貼就好啦，唔洗諗咁多。

作者: vcom 時間: 13-5-15 23:05

回復 evacalbee 的帖子

回想囝仔讀所謂band1的小一、二時。好似大多數家長想法,真的不錯!但苦了小兒,因為要完成學校的功課,已經常常做到晚上十一點幾,小二收成績表,數學科有七十幾分,對本人來講,已經OK,但班主任說唔夠好,要求我們買多D數學練習做,心想平時已經唔停都做到甘夜,做埋補充練習,應該都死得啦!所以音小一開校,就去申請。

作者: sonmeow 時間: 13-5-15 23:45 標題: 回覆：vcom 的帖子

是的。但是本人的擔心是音小的中學如果不是同主流的學術差不多、秃我怕小兒入唔到 local u.

作者: vcom 時間: 13-5-16 09:29

回復 sonmeow 的帖子

睇過baby kingdom的資料，音中都係band one 3，上年入本地大學，都有大約三成幾，算唔差！我相信讀書唔係靠狂做練習的，加上音樂訓練，真係幫助學生思考。
但係讀書始終靠學生自已的。

作者: masterunion 時間: 13-5-16 10:54

vcom 發表於 13-5-16 09:29
回復 sonmeow 的帖子

睇過baby kingdom的資料，音中都係band one 3，上年入本地大學，都有大約三成幾，算 ...

入U 對我仔仔仲好遠... 不過當初我係認同佢既理念的...
希望我堅持係正確

作者: bcw1 時間: 13-5-16 19:24

其實我未收到通知，唔知可唔可以用呢個理由退學拎返第一個月學費?

作者: evacalbee 時間: 13-5-16 22:23

carcar000 發表於 13-5-14 22:18
音小每兩年會加一次學費嗎？！咁仲值唔值得讀呢？擔心決定錯誤，誤了孩子！ ...

哎呀，你仔仔音樂資優就唔好諗咁多啦。可以發展所長，一生難求呀，佢一定過得好快樂，那就很足夠了。

作者: sonmeow 時間: 13-5-17 00:33 標題: 回覆：vcom 的帖子

Thank you Vcom

作者: sonmeow 時間: 13-5-17 00:38 標題: 回覆：bcw1 的帖子

$500 一個月的差別是否最主要因素因此而退學？

作者: evacalbee 時間: 13-5-17 12:23

carcar000 發表於 13-5-14 22:18
音小每兩年會加一次學費嗎？！咁仲值唔值得讀呢？擔心決定錯誤，誤了孩子！ ...

但一般直資無得學樂器。音小包埋單對單學樂器加音樂知識，一個月都值二千了。

作者: carcar000 時間: 13-5-17 13:31 標題: 回覆：evacalbee 的帖子

一個月二千幾既學樂器費，去演藝學都得啦!

作者: evacalbee 時間: 13-5-17 15:56

本帖最後由 evacalbee 於 13-5-17 18:51 編輯

carcar000 發表於 13-5-17 13:31
一個月二千幾既學樂器費，去演藝學都得啦!

作者: evacalbee 時間: 13-5-17 16:12

本帖最後由 evacalbee 於 13-5-17 18:51 編輯

carcar000 發表於 13-5-17 13:31
一個月二千幾既學樂器費，去演藝學都得啦!

作者: 556699 時間: 13-5-18 22:12 標題: 回覆：音小每兩年會加一次學費嗎？！咁仲值唔值得讀呢？

其實樓主你當初選擇音小或其他學校是基於甚麼呢? 值與不值基於甚麼呢?

作者: carcar000 時間: 13-5-18 23:53 標題: 回覆：556699 的帖子

本帖最後由 carcar000 於 13-5-19 01:05 編輯

當初選音小只係識得有小朋友在那裡讀書，學習較一般官小及津小愉快。音小相對小功課及考試壓力，不過又多了音樂方面的培訓，雖然價錢比一般直資貴千多元，但若自己出去請老師都要差不多這個價錢。

但若考慮埋每三年要調整一次學費再加上每三年又加價而加幅仲要係多過10%，咁呢條數真係好甘！而且咁樣加學費法，我將小朋友放到學術好啲既值資再搵個大師級教音樂都得啦!

一入得去就要預小朋友讀12年，一個習慣愉快學習的小孩那會有足夠競爭力去爭取其他band1英中既一席位？？音中而家既入U率又唔太理想，到時除咗學費，補習費可能又係另一個可觀既數字！呢個感覺有少少黑洞feel，好可怕！

所以在此想問一問音小&音中現家長覺得音小&音中所提供的服務及教學質素值唔值哩個價錢。

作者: vcom 時間: 13-5-19 21:57

回復 carcar000 的帖子

樓主，就算你小朋友讀到英皇，都唔代表可以十二年後，一定考到本地大學，因為他們入大學都唔係100%。音小辦學理念係唔想小朋友死讀書，死做功課，同學間鬥過你死我活。係用音樂、聖經教導孩子！
讀私校係貴D，無辦法，因要自負營虧。唔似直支，政府支持左，都要家長俾。

作者: 556699 時間: 13-5-19 23:37 標題: 回覆：音小每兩年會加一次學費嗎？！咁仲值唔值得讀呢？

有趣，當初揀音小係愉快學習壓力少，現在知道會加學費，就話愉快學習唔夠競爭力升band 1。加幾百蚊學費就令你今日的我打到作日的我，唔buy愉快學習，你揀學校的條件都幾兒戲喎。睇來都係免費的官津小學，仲要係狂谷嗰種啱你。

作者: carcar000 時間: 13-5-20 00:54 標題: 回覆：556699 的帖子

本帖最後由 carcar000 於 13-5-20 01:04 編輯

我諗你無睇清楚我想講既野

著眼點並不是嗰$500而係3年一個調整再加上每3年加>10%既學費！

愉快學習係愉快地去學習，並非只求愉快不求學習。在香港，有好多直資學校甚至私校都提供到愉快學習而只需要3千多，他們的學生在學校會有效率及愉快地學習，他們所接受的教學質素可以令佢哋去到Band1成績，即是band1成績的學生同愉快學習並沒有衝突！所以好似係你唔BUY有效學習可以愉快地進行而唔係我喎！

我最初說的是音小"音小讀書，學習較一般官小及津小愉快。音小相對小功課及考試壓力，不過又多了音樂方面的培訓，雖然價錢比一般直資貴千多元，但若自己出去請老師都要差不多這個價錢。" 但一到音中，又是另一回事了！

因為"音中而家既入U率又唔太理想，到時除咗學費，補習費可能又係另一個可觀既數字！呢個感覺有少少黑洞feel，好可怕！"

如果大家覺得讀音小同音中係沒可能同其他直資比較的話，你們已清楚解答了我的問題了！

作者: masterunion 時間: 13-5-20 09:19

本帖最後由 masterunion 於 13-5-20 11:05 編輯

我地都係冷靜地討論吧...
首先音小不是直資... 所以不能比較..... 佢是私校.... 即係培正果d..., 佢無資助所以比較受外圍因素影響, 特別是人工.... 老師們入得去教... 都有一定資格吧. 早前有位資深音樂老師同我傾計, (小兒不是跟他的, 他亦不是教音小... 反而是教出面打崩頭果堆band 1) 佢話入面有一對一, 仲要不論學到幾多級都是無另收, 當中有好多勁既老師係學校入面....如小兒真是可以把握認真學...是很好....另一位教會姊妹當聽到我對學費既憂慮, 佢反而同我講佢依家正正比緊同音小一樣的學琴費... 佢話依樣野無得用砰去計.... 叫我定d...

我到依刻仲係相信音小.... 希望可以堅持到尾

樓主其實係未仲有其他offer 係手, 或者有參加大抽獎??? 我覺得你心中已經不再喜歡音小了, 如是就真係唔好... 因為要讀12年(希望係估錯)

作者: vcom 時間: 13-5-20 09:23

所以點解音小要見家長，如果家長唔認同音小辦學理念，就算入到黎讀，家長都唔會開心。相信家長俾小朋友讀音小，希望佢地將學習變成快樂，唔係日日夜夜做功課。小兒由音小開校讀到現在中六，音小同音中程度一D都唔低。加上小兒定左去外國升學，恨本唔會讀香港D大學。
但樓主如果唔放心，最好都係搵返D小學係著重成績，狂做練習，但又可以愉快學習吧。

作者: EMS 時間: 13-5-21 12:13

我個小朋友唔係讀呢間學校,講開升大學,見你地有30幾個%其實真係唔想像中咁差,我都見過有直資學校話有70幾%,但細心睇,其實有30幾%係去外國讀書....加上今年中六同中七一齊爭,好多中學生有資格都讀唔到呢

作者: evacalbee 時間: 13-5-25 14:32 標題: 引用：我個小朋友唔係讀呢間學校,講開升大學,見你

原帖由 EMS 於 13-05-21 發表
我個小朋友唔係讀呢間學校,講開升大學,見你地有30幾個%其實真係唔想像中咁差,我都見過有直資學校話有70幾%, ...

升大學都分好多種。讀大學可能係高級証書課程。又或者有幾多%入頭三間大學，結果可以好唔同。聽校長講，有些去外國，有些上音樂系，或者去教育學院。

不過其實每間學校都無好詳細講。

作者: evacalbee 時間: 13-5-25 14:49 標題: 引用：所以點解音小要見家長，如果家長唔認同音小

原帖由 vcom 於 13-05-20 發表
所以點解音小要見家長，如果家長唔認同音小辦學理念，就算入到黎讀，家長都唔會開心。相信家長俾小朋友讀音 ...

入得尼的家長，相信對學校的理念係認同的，所以先會想諗得清楚d。DSE係考核升大學的資格，就算去外國讀，都要考Tofel，都會影响孩子入外國邊間大學讀咩學系。我諗除非一心讀音樂系，如果唔係，學校教學質素，還是會從學生的成績反映出來。其實我都預備小女去外國讀大學，所以先會consider用多過八十萬讀小學中學會唔會好傻。

作者: flowerpo 時間: 13-5-27 14:42

不是一間有熱誠的好學校！

作者: carcar000 時間: 13-5-27 15:47

回復 flowerpo 的帖子

Hi flowerpo
可唔可以講多啲呢？謝謝！

作者: flowerpo 時間: 13-5-27 21:22

不是很好的師資質素！愛心欠！同理心欠！你

作者: evacalbee 時間: 13-5-27 23:41

flowerpo 發表於 13-5-27 14:42
不是一間有熱誠的好學校！

因為一個老師就全學校都係無熱誠？太一竹篙打一船人吧。面對問題先最重要，上ek post文幫唔到你小朋友。

歡迎光臨教育王國 (/)