教育王國

標題: 有冇讀緊九龍塘英藝的家長可以分享下？ [打印本頁]

作者: popong 時間: 12-4-26 14:33 標題: 有冇讀緊九龍塘英藝的家長可以分享下？

提示: 作者被禁止或刪除內容自動屏蔽

作者: summother 時間: 12-4-26 15:09

回復 popong 的帖子

我個女係英藝讀熙N1國際班, 教佢的老師都唔識講廣東話, 一係native english teacher, 一係從國內來的國語老師
而家個女同外國人溝通完全無問題, 你出去學英文同國語都要平啦, 讀英藝就唔洗再出去學

老師們好有愛心, 入門口時個個老師都記得每個小朋友的名
佢O地每一日都去outdoor playground, 就算落雨都有一個indoor playground, 對小朋友肌肉發展好重要

作者: kl2010 時間: 12-4-26 15:13

我都覺得英藝好些

作者: mamavio 時間: 12-4-26 15:21

我個女都會o黎緊番英藝 intl PN (AM class), 佢而加上緊英藝的 playgroup, 我都覺得唔錯
不過我都係想佢讀中英文班多o的, 我 request 緊轉, 希望有人會 release 位出黎啦

作者: superying 時間: 12-4-26 16:19 標題: 回覆：popong 的帖子

明慧我唔知, 英藝我仔讀緊大埔N班就敎深一年,國際班, 我仔插班下學期2個月已識講國語'下雨,玩具,一至十'等!(我有自己教佢英文但無國語)! 英文會講'colour, tea time, see u tomorrow, butterfly, naughty chair' etc.

仲介埋片!

作者: popong 時間: 12-4-26 16:25

提示: 作者被禁止或刪除內容自動屏蔽

作者: manmanchubb 時間: 12-4-26 23:16

有朋友小朋友讀太子明慧,好與不好我多作評論,始終我不是該用家...
而英藝,我囝囝現讀大埔英藝intl PN個多月,老師有愛心,老師處理學生大小事透明度非常高,關愛小朋友做得很出色,但行政處理就一般, 另外,囝囝番學第2日已經有幾個不是教他的老師,副校都知佢個名....至於學術,佢地主要係活動同主題教學,但內容是深一年的,而小朋友吸收能力很高, 仔仔本身講野同認知都ok 的所以不算有很大差別,但上學後幾日明顯地邏輯思考強左,可以經常正確運用完整句子,包括廣東話,英文(番學前已是講一句句的,但有時次序會錯),識講好多普通話生字,同NAT老師用英文溝通,普通話老師用普遍溝通完全沒問題的...最重要一點,阿囝每天主動做功課,係真係識做唔洗我教(除左連線仲未控制得好)

作者: hchy 時間: 12-4-27 09:58

我個仔係九龍塘讀緊k2國際班, 佢讀左2年, 英文同普通話溝通係無問題, 呢幾日仲背左首詩(普通話既慈母手中線.....), 係屋企都會突然同我講英文, 佢每日返學都好開心, 未試過扭計唔返學, 佢個課室都幾好, 最滿意既係老師, 校工同埋司機叔叔, 而最唔滿意既地方就係佢地行政, 有時D通告好遲先出, 其實比起早期已經改善左好多, 至於學費同什費佢真係幾貴, 但係校車費佢係俾第二間平少少, 其實英藝係大埔係幾出名, 好多人都會選呢間學校, 九龍塘校舍係新開, 只有2年, 所以好多人都唔識呢間學校, 你話佢最好又唔係最好, 但係又唔係真係咁差

作者: mamavio 時間: 12-4-27 14:05

回復 popong 的帖子

playgroup o既老師 (同 PN 的會係同一人) 話小朋友一開學 (足兩歲), 佢地首先會做o既就係 make sure 佢地o係一兩個星期入面同佢戒片
我諗係定時定候排隊去廁所, 同埋問佢地想唔想去

不過我都諗住o係阿女番學前, 呢個暑假試下同佢戒....睇情況啦 :)

作者: bee918 時間: 12-4-27 19:03 標題: 回覆：有冇讀緊九龍塘英藝的家長可以分享下？

其實n班只有兩歲，應多多訓練大、小肌肉，做下手工、劃線、唱遊呀咁，吾知英藝如何？

作者: giantkid 時間: 12-4-27 21:10

回復 bee918 的帖子

你講個D 全部都有呀，我小朋友讀緊英藝N 班，見上學期佢個STUDENT PROFILE 入面，都貼左幾張我個小朋友係度練緊小肌肉遊戲既相，個PROFILE 入面又有隻CD，裝左佢上半年係學校參加過既活動既情況既相，分晒類，都見佢有做早操呀，出操場玩呀，係音樂室集體遊戲同學習咁。手工就個個星期都要做，上兩星期先叫我地帶個飲品盒番去，呢個星期就厠紙筒。唱遊都有呀，見佢一時唱國語歌一時英文歌，佢有本學校自己出既音樂書，你識睇1234就知係咩音，同知點唱同佢一齊唱。

作者: manmanchubb 時間: 12-4-27 21:29

本帖最後由 manmanchubb 於 12-4-27 21:30 編輯

妳所講既有齊,我相信付唱遊是佔好大部份的,而老師亦要小朋友逐個嘗試表現,要跳埋舞

手工每星期有一節,連線功課一星期3~4次,每次1~3頁不等...

作者: 3pigmama 時間: 12-4-27 21:30

本帖最後由 3pigmama 於 12-4-27 21:31 編輯

我姪仔讀英藝,我個女讀明慧, 2間都好好. 俾我的感覺老師關心學生, 小班教學,個人感覺: 好過30人一班的"名校",

作者: hchy 時間: 12-4-27 21:37

學校有俾隻音樂CD小朋友，我個仔一返黎唱新歌，我即刻拎黎學，跟住同佢一齊唱

作者: hchy 時間: 12-4-29 12:37

回復 hchy 的帖子

唔聽隻CD有時真係唔知佢唱乜

作者: summother 時間: 12-4-29 23:20

回復 hchy 的帖子

我個女日日都係到唱"商店玩具多" 和"警察叔叔"

作者: manmanchubb 時間: 12-4-30 00:19

回復 summother 的帖子

阿囝都係,成日唱普通話歌,春天來,警察叔叔,小鼓咚咚咚...

作者: hchy 時間: 12-4-30 08:29

回復 manmanchubb 的帖子

我個仔成日係到唱警察叔叔, 司機叔叔, 呢排學校教唱"世上只有", 亞仔日日都係到唱又做埋動作, 真係好冧呀

作者: bee918 時間: 12-4-30 13:08

回復 hchy 的帖子

hchy, 我隻bee上年係英藝讀K1, 可能同曾經和你的小朋友同班呢.
學校環境和設備幾好, 午飯都吾差 :)
N班課程睇來不錯; 但我覺得K1較多功課, 較少圖工.

作者: manmanchubb 時間: 12-4-30 19:42

回復 hchy 的帖子

阿仔未唱司機叔叔,都未唱世上只有, 呢個星期送佢番學都成日聽到,
我諗佢都會好快唱少少卦,其實我覺得大埔英藝關愛方面真係做得好好...

作者: hchy 時間: 12-4-30 20:18

回復 bee918 的帖子

我亞仔讀上午班, 你個小朋友呢? 而家仲係英藝讀嗎? 而家去到k2既功課都係每日2本, 圖工就真係無乜, 多數係學校做完拎返黎

作者: bee918 時間: 12-4-30 22:38 標題: 回覆：hchy 的帖子

隻bee上年係九龍塘英藝讀K1全日。而家係一間收學卷的學校讀K2。
九龍塘英藝仍有播Lady Gaga既音樂做早操嗎？

作者: manmanchubb 時間: 12-7-12 00:37

回復 bee918 的帖子

LaDY GAGA

大埔就兩個月前播另一首英文歌, d 小朋友跳得好勁,
我個仔而家日日最少都要教我跳一次

作者: chwmama313 時間: 12-7-24 18:18

May I know how the split is between English and PTH sections in Zenith? Are both teachers in the classroom at the same time or does it have designated English/PTH sections (50:50)? Thx!

作者: siushun 時間: 12-7-24 22:17 標題: 回覆：有冇讀緊九龍塘英藝的家長可以分享下？

請問zenith on 學費幾錢一個月呢？

作者: siushun 時間: 12-7-25 09:56

I meant Zenith PN. Thanks!

作者: BALL_B116 時間: 12-7-26 00:35 標題: summother 的帖子

提示: 作者被禁止或刪除內容自動屏蔽

作者: Plutoes 時間: 12-7-26 17:17

請問英藝收細b嗎？11月出世.

作者: manmanchubb 時間: 12-7-26 20:51

回復 BALL_B116 的帖子

英藝整體課程教深一年,學術上大可放心, 囝囝之前在大埔讀pn ,教得好好,小朋友亦番得非常開心

作者: Apple_Orange_T 時間: 12-7-27 23:15

回復 manmanchubb 的帖子

可以講佢地怎樣好呀，我女兒將會就讀N班，聽講老師成日變，好擔心小朋友好難適應

作者: manmanchubb 時間: 12-7-29 00:08

回復 Apple_Orange_T 的帖子

囝囝之前在大埔英藝,不是九龍塘英藝,
老師細心, 課程教學唔錯, 同家長溝通都算密,
(呢點我諗係彩數,任何一間kg 都有跟得足與唔足既班主任)
好容易知道囝囝當日大致表現/問題/情況,
最重要係小朋友番得好開心

作者: manmanchubb 時間: 12-7-29 00:13

回復 Apple_Orange_T 的帖子

o係未比小朋友入讀前我都有咁聽聞過,
但仔仔番既幾個月內唔係好覺成日轉老師,
只係見到一個新的,
另外,我亦曾問過,
知道英藝幾間分校係有機會將老師調去另一間,
多唔多,密唔密我就不清楚,
至於小朋友,小朋友適應力咁強, 可以放心,

作者: newman09 時間: 12-7-29 08:39

英藝教得非常好也很深我仔讀了一年兩歲班

作者: newman09 時間: 12-7-29 08:43

接上：他要轉到sc讀k1 我擔心sc教的不夠深

作者: manmanchubb 時間: 12-7-30 00:42

係,我囝囝都將轉另一間KG,
都係諗梗分分鐘唔夠英藝深......

不過又不會太擔心, 始於阿囝在英藝讀N時並未正式寫字,
學習上又到另一階段...應該要相信自己為小孩既選擇

作者: tuelovefei 時間: 12-7-30 15:04

請問你地多數讀國際班還是主流班呢? 我心大心細唔知揀咩好.

歡迎光臨教育王國 (/)