很感謝陳瑞祺老師的愛心

祖明

星期六因亞仔唔小心跌倒，斷咗半截門牙要杜牙根咀唇也要聯針，
所以星期一請假冇返學，當陳敏儀老師得知，仔仔因跌倒受傷時，立即送上慰問，
了解仔仔傷勢。晚上，吳寶珍老師亦得知事件，離校後也致電給我慰問仔仔情況，
了解事情發生經過，也登亞仔痛。那刻真的感到老師的無比愛心，原來老師除了
關心學生成績操行外，對其他事情也上心，我也對仔仔講：「陳敏儀老師和吳寶珍老
師多麼關心你啊！所以你應該感恩，能遇到這麼有愛心的老師。」
老師的工作繁重而忙碌，仍能抽空關心學生點滴，我真的很感動

祖明

講真~我真係冇諗過老師會咁關心亞仔，話晒佢都係喺校外受傷，老師真係冇責任去理，我收到電話時真係嚇一跳，老師用自己嘅空餘時間去關心一個學生，希望教育界多點這樣的老師，是香港教學的福氣

csk家長jj

仔仔跌到咁傷 ,聽到都心痛
相信仔仔知道老師咁關心佢 ,連痛緊都會笑吧
祝仔仔早日痊癒

燁燁媽

遇上好老師真難得!
仔仔隻牙仔點? 一定好痛! 請仔仔多食杯雪糕補數...

祖明

Thx!! jj & 燁燁媽
亞仔隻牙好長手尾，因為已經換咗恆齒，所以想救返隻牙
，唔想亞仔咁細個要用假牙呀
聽到老師嘅問候真係好感恩，做教學工作者，工作繁複又忙碌，又有幾多個能抽空用心去關愛學生？慶幸我校老師盡心盡力，勞氣我哋心肝寶貝之餘，亦關心周邊事物
有一些點滴，想分享吓感受，我曾經向校內老師訴說，担心小兒升中派位情況，雖然決定仍在我手，但老師的一番勉勵說話，正好為我打了支強心針，許多事情亦未必如想像中惡劣，原來老師嘅關懷，止適用於學生，家長亦可釋放心中顧慮，陪伴孩子繼續向前邁進

Funny

加油呀！

flyfly

祖明： 乜咁大件事？星期六見到你都冇事㗎？咀唇有冇腫？祝早日康復！

祖明

flyfly:係見完你之後，下晝點幾鐘出事連細佬都上唔到雷老師堂，當日的住２個仔，撲完佐敦兒科再撲旺角牙科，攪到六點幾七點先返屋企，今日咀仔冇咁腫嘞，但隻牙仲要覆多2次診兼做牙套

loklok0104

回復 祖明 的帖子

祖明媽, 你cut左? pls check PM

flyfly

子女有事媽媽永遠係赴湯蹈火，義不容遲！你自己都要take care 自己。有需要幫手call我啦！

catherinepang

真係難為了媽媽, 希望你小朋友早日康復. TAKE CARE

祖明

見到亞仔嗰晚肚仔餓(因為朝早八點幾食咗早餐之後，到夜晚七點幾都冇食過嘢)，但又食嘢唔到兼痛到喊，喊到攰頂唔順先瞓得著，我個心仲痛呀！令願跌親嗰個係自己呀

loklok0104

祖明 發表於 12-2-17 00:28
見到亞仔嗰晚肚仔餓(因為朝早八點幾食咗早餐之後，到夜晚七點幾都冇食過嘢)，但又食嘢唔到兼痛到喊，喊到攰 ...

心痛死媽媽, 希望你仔仔早日好番!

loklok0104

我想問, 你地覺唔覺今年好早就測驗呀, 往年都係復活節後, 今年3月頭已測, 即仲有一個月唔夠, 好擔心, 咁急點入腦

燁燁媽

我都唔係好記我, 往年係幾時測, 不過就真係早左, 考試都早左啦~
亞仔新年假後, 日日發夢~
返學2個半星期, 陪膽死同我欠交好多功課, 係12頁, 已經寫左4樣啦...
激死~ 仲同我講話攪得掂! 講大話!

flyfly

回復 祖明 的帖子

祖明：媽媽就真係痛到入心入肺！但你要保持冷靜，話比仔聼無事+ ，甘樣小朋友會好d。當年細佬撞穿額頭（3歲）要縫針，雖然心痛到死，但我都同佢講唔係好大件事，男子漢要頂住。

燁燁媽

整好牙牙後, 等閑同仔仔講...
我都唔覺得你整過呀! 你唔講出黎比人知, 無人知喎....