教育王國

標題: 囡囡俾人蝦！ [打印本頁]

作者: j-mum 時間: 11-11-26 23:36 標題: 囡囡俾人蝦！

今日到一間餐廳食晏，果度有個地方俾小朋友玩嘅....我呀囡得兩歲幾，一見有得玩就衝去玩，點知有個大佢啲啲嘅男仔(3-4歲)，推佢跌落地！阿囡都唔知發生咩事，我只好安慰佢話果個男仔唔啱，如果下次有人再推佢或打佢就要講俾媽咪或者老師知！

我自己就好嬲個男仔嘅家長唔好好管教自己個仔！

如果發生響你o地度, 你o地會點處理？

作者: vnghk0001 時間: 11-11-27 15:47

冇辦法避免，只好自己同阿女講道理、安慰佢，除非唔比佢自己玩，係時候比佢自己開始處理啦，返左學仲多呢啲機會呀。

作者: rchchan0505 時間: 11-11-28 00:21

我仲會教佢自己保護自己 e.g. 人地打佢，佢要擋&喝佢，跟住走開，話比長輩知。不過2歲係難做到，3/4歲就可以。

作者: dolphinmama 時間: 11-11-28 11:26

其實,個男仔又係咪有心"推"佢呢?小朋友玩,有時真係唔係有心的,大人太介意了,這樣便是造成為何現今孩子們的抗逆能力低的原因!

我都試過係出面玩,孩子們之間的推撞我是可以接受,當然,如果明明係某一方玩緊or用緊一樣野,另一方搶就真係唔得啦,但我都會睇下自己個仔點反應先,試過有人搶左佢,咁佢咪同我講左句:佢搶喎,之後自己走去玩另一樣野囉,要是佢唔想俾人搶既,我先出聲幫佢講兩句:小朋友,搶人野唔岩喎咁囉!

作者: j-mum 時間: 11-11-28 22:54

係好明顯有心推跌佢果隻！

你講得好啱！大人唔應該太介意，今次係人推佢，下次可能係佢推人！

今次其實都係一次學習嘅機會！我從中都收到朋友家長嘅意見！亦好多謝BK嘅家長俾嘅意見。

最後點樣教先係最好呢？可能都各施各法，不過結合大家意見同在下愚見，就係點都應該教小朋友面對件事，要同推佢嘅小朋友講你係唔可以推人嘅！因為如果跌倒會受傷，會唔開心。總知我要我個小朋友知道俾人蝦唔可以啞忍，唔係影響佢自信心！做家長嘅亦應該教小朋友點做，好讓佢自己有信心處理！

原帖由 dolphinmama 於 11-11-28 11:26 發表
其實,個男仔又係咪有心"推"佢呢?小朋友玩,有時真係唔係有心的,大人太介意了,這樣便是造成為何現今孩子們的抗逆能力低的原因!

我都試過係出面玩,孩子們之間的推撞我是可以接受,當然,如果明明係某一方玩緊or用緊一樣 ...

歡迎光臨教育王國 (/)