教育王國

標題: 賽馬會體藝中學交流區 [打印本頁]

作者: ntstgt 時間: 11-7-8 12:03 標題: 賽馬會體藝中學交流區

... ... ... ... ...

[ 本帖最後由 ntstgt 於 11-8-18 14:03 編輯 ]

作者: linyc 時間: 11-7-9 06:56

我來報道，7號注冊，分green house

作者: et_0429 時間: 11-7-11 14:30

小女已注冊, 是Yellow House, Arts Stream. 多多指教!

作者: O仔媽咪 時間: 11-7-14 11:24

Hi, 各位好, 兒子是黃社, 昨天已開始巡下書局準備買新書, 但發覺有1/3都缺..請問你們會在哪裡購買？多謝指教！

作者: ntstgt 時間: 11-7-14 12:18 標題: 回復 O仔媽咪的帖子

... ... ... ... ...

[ 本帖最後由 ntstgt 於 11-8-18 14:02 編輯 ]

作者: O仔媽咪 時間: 11-7-14 16:00

原帖由 ntstgt 於 11-7-14 12:18 發表
全部書已於上星期買晒(字典無買)
分別在沙田"商務"及油麻地"漢榮"

嘩！好犀利, 昨天問過 '漢榮' 都唔齊, 請問你在商務買有無折扣？

作者: ntstgt 時間: 11-7-14 18:41 標題: 回復O仔媽咪的帖子

... ... ... ... ...

[ 本帖最後由 ntstgt 於 11-8-18 14:02 編輯 ]

作者: creativy45c 時間: 11-8-16 17:44

大家好，小囡都係黃社，21／8家長日期待同大家見面，想問你地有冇申請寄宿？

作者: creativy45c 時間: 11-8-16 17:47

大家好，小囡都係黃社，21／8家長日期待同大家見面，想問你地有冇申請寄宿？

作者: ^曾小姐^ 時間: 11-8-17 01:02

不好意思,我想請問有關寄宿資料,可以在哪裡看到呢?

作者: Ti@I 時間: 11-8-20 10:57 標題: 回覆 10# ^曾小姐^ 的文章

FYR
http://blog.tic.edu.hk/dormitory/

作者: linyc 時間: 11-9-6 16:04

呢兩日的書包超重，成日已經送佢返去啦，但點都沒可能日日接送，阿女返來已經話兩邊膊頭痛，好似D書又要日日帶來帶去，沒可能擺locker，點算好？
我女路上有成個鐘咁遠，有沒有教教我點做
:(

作者: 彤媽媽 時間: 11-9-6 20:24

我個女日日都放書係學校喎,
星期六日温書先帶返屋企,
不過佢係高中,初中時都會帶一些回來

芵文書好深架,
比多些支持佢地啦,
學校考試前會有學生會幫人訂上年的passpaper,
學校都出得幾深,
加油

作者: creativy45c 時間: 11-9-13 07:28 標題: 回復 1# 彤媽媽的帖子

亞囡有寄宿，每日打電話返黎我都問佢有冇功課做，見佢暫時都唔係好多功課做，但係好驚佢成績追唔追得上，因為見佢D書真係好深吓，想問仲有咩方法可以更加支持佢？
每年中一寄宿生喺升中二後唔再寄宿關唔關成績事呢？

作者: creativy45c 時間: 11-9-13 21:15 標題: 回覆 3# linyc 的文章

最重本數學書吖，我跟書單買書時，書單又指明本數學書要全釘本，點知亞囡話同學好多都用分拆本....

作者: et_0429 時間: 11-9-14 17:15

我覺得間學校好似功課不太多, , 唔知係唔係小學時太谷, 囡囡放學後得閒好多, 有D唔慣, 小女1C班, 你地D小朋友那一班

作者: ^^. 時間: 11-9-15 00:52 標題: 回覆 16# et_0429 的文章

你好！小女也是中一生。她的小學不太「谷」，功課也不多，但我一直都很滿意她的學習進度。

功課祇是一種學習工具，重質不重量，適可而止。就算多也不一定能提升學習效果，反而太多就必然會影響生活質素。

[ 本帖最後由 ^^. 於 11-9-15 08:31 編輯 ]

作者: et_0429 時間: 11-9-15 11:11

我知多功課唔代表有效益, 但係真係唔太慣, 覺得自己同個女都好似好懶, 希望慢慢習慣啦, 其實我知係間小學問題, 同中學無關, 初入中學係應該給予同學時間去適應的, 或者好戲在後頭, 遲D好忙, 還是好好享受現在的Honey moon 時光, 你個仔仔定囡囡, VA / PE

作者: ^^. 時間: 11-9-15 13:55 標題: 回覆 18# et_0429 的文章

囡囡係VA的。我們一起加油！保持聯絡^^.

作者: ^^. 時間: 11-9-15 13:56 標題: 回覆 18# et_0429 的文章

本帖最後由 ^^. 於 13-8-1 08:49 編輯

.....duplicated:D

作者: creativy45c 時間: 11-9-18 22:44 標題: 回覆 1# ^^. 的文章

我囡囡都係VA的1E班，想問你地有冇參加學校考試前六星期嘅星期六補習班？

作者: ^^. 時間: 11-9-19 00:12 標題: 回覆 21# creativy45c 的文章

原本想參加，但因為跟其他活動撞期，所以唯有割愛

你囡囡呢？

[ 本帖最後由 ^^. 於 11-9-19 13:03 編輯 ]

作者: et_0429 時間: 11-9-20 08:47

creativy45c,

請問1E班有無enrichment course因為開學時聽周副校講有D增值課程給同學, 想問下知唔知係點? 你小朋友返了兩個星期學, 覺得間學校如何? 我女兒很喜歡間學校, 我暫時覺得真的沒有選錯

作者: creativy45c 時間: 11-9-20 12:56 標題: 回覆 1# et_0429 的文章

我諗你講果個增值課程係拔尖班，我個冇咁叻，不過我聽佢講有D同學有份，我個囡都讀得勁開心，因爲寄宿仲更加開心！

作者: creativy45c 時間: 11-9-20 13:28 標題: 回覆 3# ^^. 的文章

我個囡原本唔想參加架，因為佢係寄宿生，如果星期六都要補課星期五晚就唔返屋企，但係我同佢解釋呢個只係考試前六個星期的試前補習只係六日啫，咁佢就接受咗啦！不過都唔係申請咗一定有得補，人多好似要抽籤架！唔知幾時有結果呢？！

作者: ^^. 時間: 11-9-20 14:10

我囡囡都很開心，因為學校很活潑，同學又好，住宿舍好好玩。

我就覺得學校行政很有秩序，好多嘢都容易瞭解，特別是喜歡佢個Intranets系統，讓我可以隨時查閲通告(我是個「大頭蝦」，時時忘記簽通告)，又可以知道囡囡的功課和測験進度。

creativy45c ，我想弄清楚寄宿生在星期五是否一定要先返屋企，星期六再返校呢？

作者: creativy45c 時間: 11-9-20 17:00 標題: 回覆 1# ^^. 的文章

係吖！星期五係一定要走，但係有原因係可以申請留宿架，我諗應該冇問題呱？其實我都係估估吓，不過就算冇得留宿都係六日啫！

作者: ^^. 時間: 11-9-20 17:13 標題: 回覆 27# creativy45c 的文章

知道了，謝謝你！

其實我想亞女留多一日，咁我就可以「歎」多一日

作者: creativy45c 時間: 11-9-20 23:28 標題: 回覆 1# ^^. 的文章

頭先亞囡打電話返黎，佢問咗bonnie啦，如果真係抽到可以寫家長信申請，不過抽到至算啦！
你就話嘆多日喳，我老公日日掛住個囡掛到儍！

作者: ^^. 時間: 11-9-21 01:06 標題: 回覆 29# creativy45c 的文章

可以留就好嘞

你就好啦！個囡每日打電話比你？我嗰個祇係間中傳個訊息給我報平安，仲要係行貨，(用文字範本)

作者: creativy45c 時間: 11-9-21 07:32 標題: 回覆 1# ^^. 的文章

要佢地習慣打電話返黎報告吓每日嘅情況，等佢地習慣同你分享每日嘅點滴，咁呢個反叛期就會過得容易D！
因為我地隻紙鳶已經飛得好遠，條紙鳶綫已經放得好長，如果佢地連電話都唔打返黎，隻紙鳶就飛咗去邊都唔知啦！

作者: ^^. 時間: 11-9-21 13:18 標題: 回復 31# creativy45c 的帖子

我嗰隻甩繩馬騮，無咩事都唔會打電話，唔比機會我煩佢，一個短訊是我在強烈要求下「爭取」回來的。

作者: 瑄婷 時間: 11-9-21 14:40

想問問學校有無芭蕾舞班,咁如果中一入了記宿,咁就返唔到學開的芭蕾舞班,點算?

作者: creativy45c 時間: 11-9-21 16:40 標題: 回覆 1# 瑄婷的文章

咁你就要改一改跳舞時間啦！改星期五，六或日咪得lor!

作者: creativy45c 時間: 11-9-23 10:48

亞囡琴晚打電話番黎，講開話學校唔比帶爽報返學校睇，贊成！D咁鬼低俗嘅報紙，真係送都唔睇吖！

作者: et_0429 時間: 11-9-23 11:04

個女前天都有問有無拿爽報, 可能同學有講所以好奇想睇, 昨天她告訴我學校禁睇, 我乘機解釋佢聽, 間學校真係好, 行政效率好快, 另外, 你地有無留意, 校曆表內Meeting for languages teacher with parents, Meeting for Ls teacher with parents .... 是什麼?

作者: creativy45c 時間: 11-9-23 15:17 標題: 回覆 1# et_0429 的文章

嘩！好似好勁咁，連續3個星期見家長，LS係咪通識吖？但係KLA‘S又係咩呢？我都唔係好清楚，試吓今晚問吓亞囡知唔知！
想問吓你地D小朋友報咗咩嘢CLUB吖

作者: et_0429 時間: 11-9-23 16:54

小女報左English and Maths Club, 但Maths club 滿左, 現在等English Club 回應, 另外, 今日好似選班會

作者: creativy45c 時間: 11-9-23 17:23 標題: 回覆 1# et_0429 的文章

你個女真乖喎，報D咁學術性嘅club,我個女參加咗korfball club同Dance club, korfball今日巳經開始集會啦，Dance club 就好似要考試喎！

作者: ^^. 時間: 11-9-25 07:37

我個囡都有去玩korfball，佢話係試玩，至於最後參加甚麼活動就未落實，因為有幾個選項的，視參加人數而定。我就想佢參加些較靜態的活動。

作者: creativy45c 時間: 11-9-25 22:21 標題: 回覆 1# ^^. 的文章

係吖！亞囡之前喺電話同我講得唔清唔楚，原來星期五係試玩日，但係幾時知結果呢？雖然亞囡修art但係我都幾鍾意佢參加呢D球類活動，一來佢地而家發育時期做多D運動可以增高，二來呢D活動可以增強佢地團隊精神！

作者: ^^. 時間: 11-9-25 23:19 標題: 回覆 41# creativy45c 的文章

共有兩次試玩，明天(星期一)放學還有一次，亞女在期待中。由於我個囡比較活躍，佢已經有太多運動，所以我寧佢參加其他活動，例如唱歌、國畫之類，可以補下拙

作者: et_0429 時間: 11-9-28 09:23

明日水運會, 如果落大雨, 會唔會取消

作者: ^^. 時間: 11-9-28 13:04 標題: 回復 43# et_0429 的帖子

學校於2009-09-29 曾發出此通告：Cancellation of the Swimming Gala

當日因持續下雨取消水運會安排；旦願明天唔好又再來一次

作者: et_0429 時間: 11-9-28 15:02

通常通告會係幾時出? 今日還是明早, 若明早的話出門前可能要Check check. Anyway, thanks!

作者: creativy45c 時間: 11-9-28 16:43 標題: 回復 1# et_0429 的帖子

剛剛亞女打電話來，如果明天掛3號風球就會6:30前send 短信比家長取消swimming gala．

作者: creativy45c 時間: 11-9-28 16:47 標題: 回復 2# et_0429 的帖子

重有，如果明天取消swimming gala寄宿生可以即刻返屋企！

作者: creativy45c 時間: 11-9-28 22:07 標題: 回復 1# creativy45c 的帖子

明天如果6：30前取消三號風球可繼續否則swimming gala將取消！

作者: ^^. 時間: 11-9-29 00:40 標題: 回復 48# creativy45c 的帖子

噢！真不想孩子們失望！不知有沒有機會補辦呢？

作者: creativy45c 時間: 11-9-29 10:43 標題: 回復 1# ^^. 的帖子

應該冇得補啦！
但係頭先打電話比亞囡諗住叫佢搭港鐵返黎，點知佢話而家玩緊"捉衣因＂唔走住，你話吖，佢地邊有失望吖！:;pppp:

作者: ^^. 時間: 11-9-29 10:52

係呀！我個囡都唔願走。打風有打風的玩意兒，開心就得啦

總是好事嘛！

作者: creativy45c 時間: 11-9-29 11:58 標題: 回復 1# ^^. 的帖子

係吖！到佢地大過咗，呢D都會變成佢地美好的回憶

作者: ^^. 時間: 11-9-29 12:51

在8號風球的日子，當一般學生都呆在家中的時候，佢地竟然可以跟同學一起

不一樣的經歷，不一樣的回憶！ (羨慕不已)

作者: creativy45c 時間: 11-9-29 13:57

你地覺得佢地算唔算多功課做吖？我睇返佢地開學到而家都係做咗20份工課。

作者: ^^. 時間: 11-9-29 14:51

我認為功課適量，讓女兒能自行處理，順利過渡升中的功課要求和工作模式，更能兼顧課外活動和閲讀。尤其是VA的習作，完成的時間是可長可短的，一定要有時間才能好好享受。

開學至今三星期，我在網上見到她交過多份功課，經歷幾次默書和小測，完全不用我去操心。週末回來，有時間可以上網和休息，星期日盡情地玩樂和比賽，這就是青春！我感到十分欣慰

作者: creativy45c 時間: 11-9-29 21:53 標題: 回復 1# ^^. 的帖子

好贊成你嘅講法，我地幫佢地揀呢間學校都係想咁啫，愉快學習又能夠承擔適當的壓力，但係我喺intranet度睇唔到佢幾時有小測？

作者: ^^. 時間: 11-9-29 22:35 標題: 回復 56# creativy45c 的帖子

我在家長內聯網內的HW Distribution Records看到的，昨天小測科目包括Mathematics和English。更加值得一讚的是，上星期測過Geography之後，學校在當日大約5時已將QUIZ RESULT REPORT
透過Quiz Management System電郵給我，真係好有效率呢！

P.S. 每班的安排或許有點不同，是時間上的差異而已。

[ 本帖最後由 ^^. 於 11-9-29 22:45 編輯 ]

作者: creativy45c 時間: 11-9-30 11:27 標題: 回復 1# ^^. 的帖子

咁就真係奇怪啦！我冇收過Quiz Management System的電郵，但係我之前巳經update咗我嘅emil比學校，冇理由唔同嘅班差咁遠㗎？！

作者: creativy45c 時間: 11-9-30 11:37 標題: 回復 2# ^^. 的帖子

我頭先試吓再開intranet睇吓唔同班的HW Distribution Records，原來每班嘅內容格式真係唔同架，你地1C班係最清楚架！

作者: ^^. 時間: 11-10-1 08:12 標題: 回復 59# creativy45c 的帖子

剛收到一封主題為：Jockey Club Ti-I College PTA AGM and Parents Day 的 e-mail 你也收到了嗎？

當日我會出席。能夠見見中、英文科老師真好，讓我可以多了解小朋友在開學後所面對的一些學習問題，以及如何配合。

家長內聯網系統的確讓我們可以跟進小朋友的學習情況，不過，正如我未收到28/9小測的成績，有時每班和每位老師的情況可能略有不同，相信要視乎老師當時的工作安排而定，因為他們又要教學，又要開會，又要帶活動，可想而知有時未必能即時批改小測卷及將成績公布的了。

整體而言，囡囡入學後的各種安排我都很滿意，亦欣賞學校十分重視學生學業及其家校合作的決心。因為學校有一個很不錯的內聯網系統，讓我每天也可以上網查看，我現在更適時跟貼囡囡的學習情況，尤其是功課進度，想知的都能知曉。以往我未必會每天check她的功課冊，如果她不拿出來給我，更加不會知道有默書和測驗，連通告都時時欠交(我囡跟我一樣咁大頭蝦)。反而，現在到了中學，佢就方便到再無藉口唔跟

[ 本帖最後由 ^^. 於 11-10-1 08:37 編輯 ]

作者: creativy45c 時間: 11-10-1 22:04 標題: 回復 1# ^^. 的帖子

真係奇怪，我真係冇收過學校的email，想問仲有冇其他家長都收到呢？我仲登記咗兩個唔同的email，如果其他家長都收到的話，我就要打電話給學校查詢啦！
學校的intranet我都覺得唔錯，知道佢幾多功課，幾多交咗，有冇欠功課都一目了然，但係我都係覺得你地1C班清楚D lor!

作者: ^^. 時間: 11-10-2 08:41 標題: 回復 61# creativy45c 的帖子

本帖最後由 ^^. 於 13-8-1 08:42 編輯

.....outdated.

作者: creativy45c 時間: 11-10-3 22:19 標題: 回復 1# ^^. 的帖子

今日下午send咗email比班主任，留咗電話同留言比佢話我收唔到quiz results，啱啱收到maths第一份quiz results但係班主任仲未覆電話比我！

作者: ^^. 時間: 11-10-3 22:52 標題: 回復 63# creativy45c 的帖子

我今日也收到quiz results呢！

相信班主任會好快覆你email的。

作者: ^^. 時間: 11-10-3 22:57 標題: 回復 63# creativy45c 的帖子

或者你可以先通知佢你今日已能收到Quiz Management System 發出的通知，等佢唔使去查找你的email address 問題，咪可以盡快回覆啦:D

[ 本帖最後由 ^^. 於 11-10-4 13:00 編輯 ]

作者: creativy45c 時間: 11-10-4 07:32 標題: 回復 1# ^^. 的帖子

但係PTA嘅信應該所有家長都收到架，我一封都收唔到，証明佢個email system出咗問題，都係等班主任覆我再同佢講啦！

作者: ^^. 時間: 11-10-4 13:04

噢！原來如此，我也想八卦吓，今日覆咗你未呢？

作者: creativy45c 時間: 11-10-4 22:22 標題: 回復 1# ^^. 的帖子

班主任今日覆咗我啦，佢話唔同嘅老師有唔同嘅風格，未必會即刻send results比家長，但係都會喺三個星期內send出，咁我話我連PTA的信都冇收過喎，佢就話可能係內聯綱輸入我的emai是address有問題，佢幫我再check吓喎！好在仲算早發現，真係唔該哂你吖！

作者: ^^. 時間: 11-10-5 08:39 標題: 回復 68# creativy45c 的帖子

作者: bb201109 時間: 11-10-8 23:31

Hi ! 小兒今年1A 班。

作者: ^^. 時間: 11-10-9 00:31 標題: 回復 70# bb201109 的帖子

Hi ! Hi !

作者: bb201109 時間: 11-10-9 21:00

14,23,28號是否要回校見科老師?

作者: ^^. 時間: 11-10-9 23:29 標題: 回復 72# bb201109 的帖子

是一般的、全體的會面，互相交流溝通，讓家長了解各科的情況，亦讓老師認識家長所關心的問題，實行家校合作。
很有心，可以的話，我一定會參加

P.S. 今日10/10 的家長通訊(3)有提及

[ 本帖最後由 ^^. 於 11-10-10 14:41 編輯 ]

作者: et_0429 時間: 11-10-11 15:05

我都盡量抽時間參加, 個女話間學校D同學比小學時好, 你測驗成績好過佢, 同學之間不單唔會妒忌你, 仲會話你成績好好, 好犀利呀, 同你一樣開心, 希望佢在中學階段找到真正嘅友誼喇

作者: ^^. 時間: 11-10-11 17:49

本帖最後由 ^^. 於 13-8-1 08:45 編輯

.....outdated:D

作者: creativy45c 時間: 11-10-11 17:55

我都盡量出席，希望了解多D學校每科教學嘅模式，今個星期五就係啦，夜晚7：00﹣9：00期待ING！

作者: creativy45c 時間: 11-10-13 11:42

昨日同鄰居傾開（佢個囡好勁讀林護），佢問我有冇同其他學校比較過佢地D試卷，可以知道學校考嘅嘢深唔深，程度去到邊，我話我連佢D試卷見都未見過．．．，唔知你地有冇人對過？佢個囡間學校好CRAZY中一教中二嘢

作者: ^^. 時間: 11-10-13 18:36

本帖最後由 ^^. 於 13-8-1 08:46 編輯

.....outdated:D

作者: creativy45c 時間: 11-10-14 11:08

到現在為止我其實都好滿意學校嘅教學模式，亞囡冇佢其他同樣考上BAND 1學校嘅同學咁大壓力，而我亦都好開心見到佢比小學時更多課外活動，但係知己知彼，都真係想知道吓啫～
當然我都唔贊成教深D嘅做法，咩嘢年紀就應學相付嘅嘢，夾硬要佢地學深D，等於拔苗助長，我都想佢第時大個睇返自己嘅中學生活唔係只得考試同測驗，可以有大量美好嘅回憶包括友情同學校生活嘅點點滴滴～

作者: ^^. 時間: 11-10-14 13:53 標題: 回復 79# creativy45c 的帖子

極同意

作者: creativy45c 時間: 11-10-15 00:10

今日去家長講座，原來A同D班有15個人入咗拔尖班，連功課都同大班唔一樣！
有個家長問咗個問題我覺得好攪笑~拔尖有拔尖班，補底嘅又有補底班，咁中間果D點算吖？笑咗！
返到屋企問亞囡平時食完午飯去邊，佢話多數都係喺學校周圍行吓，去吓圖書館，同佢講話三樓english centre原來好好玩，佢話都要去睇吓，等佢練習多D講英文都係好事！

作者: ^^. 時間: 11-10-15 00:24

我都好想個囡去english centre玩吓，接觸多D英語，點知佢話食完飯時間唔多，寧願周圍行吓。有咁好機會都唔把握，可惜

作者: creativy45c 時間: 11-10-16 22:33

溫馨提示，今個星期五豐昌順送冬季校服到校，已訂校服嘅請準備尾數支票！

作者: ^^. 時間: 11-10-16 23:07 標題: 回復 83# creativy45c 的帖子

:) 唔該哂:)

作者: et_0429 時間: 11-10-17 10:40 標題: 回覆 6# creativy45c 的文章

其實, 我個女以前小學都是讀高了一級, 結果令到小朋友及家長都壓力好大, 只為考試而讀書, 而且真的要因才施教, 因為有些同學可能語文好但數學唔好, 如果全面高一級, 個同學已無數學天份, 讀同級數都可能未明, 你仲叫佢讀高一級, 佢自然分數低, 無興趣, 相反對一些數學好語文差的同學亦然, 所以, 還是現在用拔尖的方法較佳, 鼓勵同學好的科目更上一層樓, 而較弱的科目要更努力以赴, 最好的是每次test都有平均分, 自然了解子女的強弱科目作合適處理

另外我家長會那天遲到了, 可唔可以大概告訴我中國語文科老師講了什麼, 還有測驗時會出什麼, 會唔會有課文問題, 不供詞填充(課文詞語)…… 因為個女都唔知, 另外, 知唔知果日, 英文科個女主持係Miss ?, 因為我同個女講, 個女唔知我講邊個Miss, 唔該晒

作者: creativy45c 時間: 11-10-17 22:04 標題: 回覆 1# et_0429 的文章

咁你個女而家應該讀得好輕鬆啦!呢d算唔算先苦後甜呢.
我果日都遲咗小小,開頭我仲以為我miss咗講解,到英文時先知原來跟本冇講解,完全係答問大會,你問果d問題問到我覺得自己好似冇去到咁.....sorry,有冇其他人知呢?

作者: ^^. 時間: 11-10-17 23:37

我都遲，當時中國語文科老師剛談及有關閱讀評估之類的，會在堂上即時做一篇讀書報告，祇可以帶一本書(指定的其中一本)，書上可以作一些標示，但不可帶其他預先準備的材料。另外，會有課外的文章，測考學生的閱讀理解和語文運用能力，至於修辭技巧，就一定是在課堂上學過的。

由於我唔多留心，所以大約是聽到這些，請其他家長補充一下。

作者: et_0429 時間: 11-10-18 09:32

唔該晒! 因為她小學時是要考課文內容及詞語的, 我唔知中學要唔要, 因為唔要就無謂花時間溫喇, 我個女英文科是較突出, 其他中文及數學卻可能比別人弱, 但上到S1讀起來明顯較輕鬆 (因為是英中), 但我想讀書講恆心, 到出年S2 優勢便會失去, 所以, 都不可掉以輕心

作者: bb201109 時間: 11-10-18 21:45

最近幾次小測完成績,都沒收到e-mail,其他家長是否都一樣?

作者: creativy45c 時間: 11-10-18 22:23 標題: 回覆 1# bb201109 的文章

我由開學到而家只係收過兩份數學小測嘅email，我都想知道你地係咪！

作者: ^^. 時間: 11-10-18 23:39

我收過3份，但每班是不同的。

在家長內聯網上也有"Quiz Results" 一欄，「學生測驗成績」一目了然，清楚列明Subject, Quiz Name, Quiz Date, Full Mark, Class / Group Average Mark ，還有分科成績統計，很有條理

作者: et_0429 時間: 11-10-19 09:44

我都係收過2次數學小測的e-mail, 其他科沒有

作者: bb201109 時間: 11-10-19 22:19

原帖由 ^^. 於 11-10-18 23:39 發表
我收過3份，但每班是不同的。

在家長內聯網上也有"Quiz Results" 一欄，「學生測驗成績」一目了然，清楚列明Subject, Quiz Name, Quiz Date, Full Mark, Class / Group Average Mark ，還有分科成績統計，很有條理 ...

Thank you!!!

作者: creativy45c 時間: 11-10-20 17:45

聽日係數學同通識家長日，有咩嘢想問？

作者: bb201109 時間: 11-10-20 21:36

囝囝話今日PE筆試好深,吾明!唉....

作者: ^^. 時間: 11-10-20 22:06

小朋友剛升中，需要一點時間去適應的，不用擔心。

作者: creativy45c 時間: 11-10-20 22:28 標題: 回覆 2# bb201109 的文章

PE筆試是否修PE至要考?

作者: ^^. 時間: 11-10-21 00:22

較早前我與女兒談及在內聯網的家課欄上看到一則關於小測的通告，我家小姐話是給主修PE的同學，唔關佢事:D

作者: creativy45c 時間: 11-10-21 07:58 標題: 回覆 1# ^^. 的文章

Thank you！

作者: ^^. 時間: 11-10-21 09:07

本帖最後由 ^^. 於 13-8-1 08:54 編輯

.....outdated:D

歡迎光臨教育王國 (/)