教育王國

標題: 下午班囝囝會否在睡前完成功課,溫習和執書包? [打印本頁]

作者: babycookie 時間: 10-10-5 00:52 標題: 下午班囝囝會否在睡前完成功課,溫習和執書包?

下午班媽咪,你地會要囝囝睡覺前完成所有功課,溫習和執書包嗎?佢放學回來好累,做得好慢,但留返第二朝又唔放心,點算?

作者: Tatama123 時間: 10-10-5 09:36

提示: 作者被禁止或刪除內容自動屏蔽

作者: ahpei 時間: 10-10-5 17:05

溫習多數都留返第二朝, 因為多數都唔夠時間, 默書就晚上都會同佢溫, 因第二朝無可能靠佢自已... (我要返工)

作者: babycookie 時間: 10-10-6 18:10

簡直係一個惡性循環,做得夜,於是第二朝晏起身冇乜時間,於是又唔敢留比第二朝,夜晚累又做得更慢,第二朝又更晏起身.如是者到星期日Reset再來過!

作者: Tatama123 時間: 10-10-7 09:48

提示: 作者被禁止或刪除內容自動屏蔽

作者: GogoCheung 時間: 10-10-7 11:17

我反而好鐘意亞仔返下晝, 因為我要返工, 可以夜晚同佢睇下功課, 第2朝佢想訓到几時咪几時囉. 如果, 朝頭早仲要佢一早起身學野或者返補習班, 就更係攰啦!
其實一, 二年級功課並唔多, 手冊寫要温習, 叫佢自已讀三次咪得囉, 以前一二年級, 亞仔做完功課,仲可以睇下電視添, 但今年升上三年級, 都無乜點係夜晚睇電視, 功課量明顯係比一, 二年級多. 但今年開始, 佢自已獨立做功課, 我唔再同佢對, 只係睇下有無做齊手冊所寫的功課, 相反, 我就舒服左, 回想以前兩年, 晚晚就只有喝駡, 催趕, 亞仔都好慘.
其實, 我地間學校, 一星期的返學時數, 比起其他學校己經短些, 仲唔洗長短週, 照計, 佢地d休息時間係好足夠.
觀察吓, 佢係慢係邊又或者用佢地鐘意d咩, 用利誘得唔得. 加油呀!! 要把握一, 二年級時間, 將佢地訓鍊好時間管理. 希望你地大人, 亦唔好放棄, 堅持吓自己教, 自己跟返, 日後小朋友有進步, 會好有成功感咖!

作者: babycookie 時間: 10-10-7 14:06

Thank you gogocheung.
亞仔好心散,一係要我坐定響則邊篤住佢先叫做正常D,但我又擔心養成依賴,因為佢好似唔用腦咁.成日hea.可能係累的表現,究竟我應唔應該坐係則邊督住佢?

作者: babycookie 時間: 10-10-7 14:08

Thank you gogocheung.
亞仔好心散,一係要我坐定響則邊篤住佢先叫做正常D,但我又擔心養成依賴,因為佢好似唔用腦咁.成日hea.可能係累的表現,究竟我應唔應該坐係則邊督住佢?我又怕起壞個頭!

作者: GogoCheung 時間: 10-10-7 14:48

原帖由 babycookie 於 10-10-7 14:08 發表
Thank you gogocheung.
亞仔好心散,一係要我坐定響則邊篤住佢先叫做正常D,但我又擔心養成依賴,因為佢好似唔用腦咁.成日hea.可能係累的表現,究竟我應唔應該坐係則邊督住佢?我又怕起壞個頭! ...

Sorry, 我唔係專家, 亦唔太清楚你小朋友情況. 但如果, 佢係活動教學的幼稚園上黎, 我相信你係要多d係佢身邊篤住佢. 唔係要你, 每件事都係佢身邊教住佢點做, 而係大人好似尊佛咁, 坐陣係則邊, 佢一遊雲就call佢, 等佢完成功課的時間縮短, 當功課完成, 有多餘時間, 就留比佢做free time 同埋奬d佢鐘意食咖野. 慢慢佢知道快d做完功課, 會有好處, 就會積極d. 但人人唔同, 最清楚自己小朋友都係父母, 因應需要, 自己想下有無更切合的辦法啦!

歡迎光臨教育王國 (/)