教育王國

標題: 1C 家長請進 [打印本頁]

作者: RodneyFan 時間: 10-9-25 23:51 標題: 1C 家長請進

大家好！大家可以在此交流逸事。我仔仔係1C㗎！請多多指教！

作者: SFNK 時間: 10-9-27 07:25

我囡囡是2號, 報到

作者: wingtsang 時間: 10-9-27 12:37

等左好耐, 爭d都想問下有無1C同學仔! 終於都見到有同班同學仔, 我仔仔28號, 大家好!

今日中文評估唔知點呢? 希望第一次唔會太深啦!

作者: SFNK 時間: 10-9-27 14:19 標題: 回覆 3# wingtsang 的文章

我都唔記得左今日評估,

昨日da da 仲帶左佢玩左一日,

今朝囡囡仲係未瞓醒的狀態上車,

哈哈, 今次真係考佢平時有無上堂留心la,

作者: wingtsang 時間: 10-9-28 17:59

今日派返張評估啦! 好在都唔係太多默寫, 唔係我仔仔實好低分lu! 原來金句係bonus分來架! 我都無同佢背到果句添!

作者: SFNK 時間: 10-9-28 18:15

2號得到一包紫菜奬賞, 佢好開心

作者: wingtsang 時間: 10-9-28 21:33

好叻叻喎! 証明囡囡上堂超級留心兼有乖乖背金句! :)

原帖由 SFNK 於 10-9-28 18:15 發表
2號得到一包紫菜奬賞, 佢好開心::" />

作者: wingtsang 時間: 10-9-28 23:26

今日得閒click左入去每日家課, 原來再click入去, 老師有時會有留言. 英文科評估會響11/10果個星期呀!

請問有無人知 spelling bees notes / revision folder 係唔係keep響學校呢? 我仔仔話唔知喎! 激c

作者: SFNK 時間: 10-9-29 17:56

自己Keep的, 因為要溫習, 稍後會默字的

[ 本帖最後由 SFNK 於 10-9-29 17:57 編輯 ]

作者: wongnicky 時間: 10-9-29 22:01

各位好! 囝囝都係讀1C班, 24號.  希望以後多d交流下.

之前我都有擔心評估唔知難唔難, 不過又唔知點溫好, 就
諗住第一次唔緊要, 同囝囝讀下課文就收工!

其實我覺得最緊要都係平時囝囝上堂接收到幾多才重要,
接收到就幾時評估都無有怕.  不過現階段係適期, 見囝囝時遊魂時清醒嘅狀態, 唯有跟緊d啦!

作者: SFNK 時間: 10-10-4 22:44

今日2號囡放學返嚟, 話蕭老師要求做中文網上功課, 由10月1日開始補做番至今天,

從今日開始, 她就有藉口要用電腦了

作者: wingtsang 時間: 10-10-6 13:16

係咩? 我仔仔都有話要上網做功課, 仲以為係當參考書咁添! 又唔見老師響家課表樹提喎! 問我仔仔, 問親佢都係果句 "唔知呀! 你上網問下啦!" 激c我!

不過, 最開心就係每晚沖涼同瞓覺時間, 佢都用男高音咁唱聖詩, 我成日響門口偷聽, 好似超級無敵估歌仔咁, 好攪笑!

原帖由 SFNK 於 10-10-4 22:44 發表
今日2號囡放學返嚟, 話蕭老師要求做中文網上功課, 由10月1日開始補做番至今天,

從今日開始, 她就有藉口要用電腦了

作者: SFNK 時間: 10-10-6 13:44

大囡時, 蕭老師到左一段時間, 就會CHECK CHECK 邊個無做, 要補做,

以前大囡都係週末先做, 但好似網上分數會少D

2號囡, 現在好積極做完功課, 執好書包, 然後做網上功課,

我都想她著緊自己的功課, 所以都由得佢做, 都係一個動力

2號囡就會係瞓覺時唱校歌, 背校訓, 今朝就比家姐投訴嘈住佢瞓,

不過, 我就

作者: wingtsang 時間: 10-10-6 14:05

sfnk,

原來你仲有個大女架? 真係開心啦! 佢地瞓一間房? 想請教下, 我都打算兩兄弟一齊瞓, 但係又驚佢地掛住玩, 同埋朝早哥哥起身會嘈醒細佬, 細佬K2, 其實乜野時間一間房會好d呢? 因為哥哥張檯仔太矮同太暗, 想一次過整埋, 煩惱中!

作者: SFNK 時間: 10-10-6 16:33

其實佢地可以話係同我一間房的, 因為DA DA 不是經常
在HK. 如果DA DA 在, 她們就兩個自己瞓,

我係妹妹K2時已同佢講, 妳K3的時候, 在學校已經是大姐姐了,大個女了,  所以K3時, 就要同姐姐瞓,

另加一個方法, 就係同她們一齊佢買床上用品, 讓她們選擇所喜歡的,  結果OK喎,

初期兩個都係唔瞓, 密密傾, 所以就會分開時間瞓, 大囡約9:00瞓, 妹妹約10:00,  所以起床的時間都有前後,

現在因為兩個同時返學, 就一齊瞓, 但都會密密傾, 我就會留意佢地D狀態, 如果無咩精神, 就要出禁制令, 瞓覺.

現在大囡在房有一張書枱, 連書櫃, 妹妹未有, 只用一張摺枱仔, 我哋都構思咁, 如何在有限的空間滿足兩個都有自己的書枱....

[ 本帖最後由 SFNK 於 10-10-6 16:35 編輯 ]

作者: wingtsang 時間: 10-10-7 15:46

多謝你嘅分享! 你女女咁乖肯9點就上床啦? 我仔仔晚晚都10點先熄到燈, 佢仲要唱下歌仔成10點3 / 4 至瞓得著呀! 我都成日想佢9點瞓, 但係爹d放工返來都成差唔多8點, 食完飯, 玩一陣, 練埋琴, storytime + 祈禱, 都一定要10點, 無計!!

星期五記住家長晚會呀! 我爭d都唔記得添! 希望到時有機會互相認識下呀!

作者: SFNK 時間: 10-10-7 18:06

明晚我都會去, 基督使命團差遣禮大囡有份,

凡事謝恩
因為DA DA不在香港工作, 所以我哋可以好早食飯,
時間上較易控制, 主要就孩子, 少左好多張力

否則情況都係差唔多, 無可能一家四口, 要分頭尾圍....

原帖由 wingtsang 於 10-10-7 15:46 發表
多謝你嘅分享! 你女女咁乖肯9點就上床啦? 我仔仔晚晚都10點先熄到燈, 佢仲要唱下歌仔成10點3 / 4 至瞓得著呀! 我都成日想佢9點瞓, 但係爹d放工返來都成差唔多8點, 食完飯, 玩一陣, 練埋琴, storytime + 祈禱, 都一定 ...

作者: wingtsang 時間: 10-10-10 17:44

去完星期五個家長晚會, 先感受到icqm原來好有紀律, 老師仲好嚴厲下添! 再次對icqm加多左信心, 真係好開心小朋友有機會響icqm被牧養.

唔知入grace choir 同基督使命團係未好難呢?

作者: 88654321 時間: 10-10-11 12:50

可否分享一吓家長晚會講佐Dセ呀??

作者: wingtsang 時間: 10-10-11 17:17

我都遲左呀! 入到去校長已經講緊, 主要講感恩, 如: 以勒音樂廳換左新projector, 老師每朝7:00已回學校靈修, 老師有更好靈命更能牧養好小朋友, 有同學在外國鋼琴比賽取得優異成績, 另有同學在本港故事比賽勝出, 會出書, 跟住就係grace choir 韓國之旅見証分享同表演多首樂曲, 非常精彩, 最後就係4至6年級基督使命團差遣禮, 跟住就分班上班房同班主任見面, update 下學校最近活動同小朋友學習情況。

原帖由 88654321 於 10-10-11 12:50 發表
可否分享一吓家長晚會講佐Dセ呀??

作者: SFNK 時間: 10-10-13 20:05

學校是按恩賜, 而分配孩子的崗位

G.2-G.3 是angel choir
G.4-G.6 是grace choir

G.2開始於合唱時會分組試音, 將學生分為信望愛三組, 如果入了信組便是choir 了,

至於基督使命團是G.4開始, 由老師選擇,
並派發通告邀請參加

我所知就是如此, 可能其他人有所補充.

[ 本帖最後由 SFNK 於 10-10-13 20:13 編輯 ]

歡迎光臨教育王國 (/)