教育王國

標題: 想請教音中同學的品德 [打印本頁]

作者: wingtsang 時間: 10-1-6 13:30 標題: 想請教音中同學的品德

我仔仔今年9月將入讀音小, 一直都對icqm的品德教育很有信心, 但昨天中午在鑽石山荷里活的女廁內見到一個女同學, 穿著icqm的校服, 大約中四五, 拿著電話大聲談話, 她答道"而家化緊妝呀, 夜d要補習喎, 遲d搵你...." 見她頭髮長長, 面上塗了淡妝, 耳珠一邊有兩隻閃閃的耳環, 裙子短短的, 書包有很多裝飾。雖然知道學校初期收的學生質素比較參差, 但不禁有點點擔心!

想請問就讀的家長, 學校是否對孩子的外觀很寬鬆呢或學校想他們自律? 其實之前在學校, 見到很多女孩子沒有束起頭髮, 而且裙子頗短呢!

作者: MrsFung 時間: 10-1-6 14:40

雖然我唔知音中的品德係點，憑你所見的，我覺得行為可以接受，其他學校的中學生在街上的行為仲恐佈，我都見名校協x的中學生條裙超短及書包掛上很多飾物啦。

原帖由 wingtsang 於 10-1-6 13:30 發表
我仔仔今年9月將入讀音小, 一直都對icqm的品德教育很有信心, 但昨天中午在鑽石山荷里活的女廁內見到一個女同學, 穿著icqm的校服, 大約中四五, 拿著電話大聲談話, 她答道"而家化緊妝呀, 夜d要補習喎, 遲d搵你...." 見 ...

作者: chanwendy 時間: 10-1-7 10:46

原帖由 wingtsang 於 10-1-6 13:30 發表
我仔仔今年9月將入讀音小, 一直都對icqm的品德教育很有信心, 但昨天中午在鑽石山荷里活的女廁內見到一個女同學, 穿著icqm的校服, 大約中四五, 拿著電話大聲談話, 她答道"而家化緊妝呀, 夜d要補習喎, 遲d搵你...." 見 ...

你係覺得個女仔邊方面有品德問題呢, 著校服化妝? 帶耳環? 定係書包多飾物呢? 我覺得帶耳環同書包掛好多嘢都係現今學生會做的, 個女仔唯一係著住校服化妝唔係咁好啫, 但又未至於係品德有問題喎. 咁著住校服食煙咪仲離譜.

作者: daddywai 時間: 10-1-7 16:19

如果個個icqm學生都沒有行為和品德問題，學校可能便無需再強調優質基督教教育的重要了！

家長咪以為揀到一間好學校便可以放鬆，其實教育子女是父母一生的工作。不過，如果學校能以聖經真理作基礎去教育你的子女、又能做到家校合作的話，神必會保守你子女的成長。

作者: kathylo 時間: 10-1-12 14:11

我個女都會係9月入讀小一, 我唔怕音中學生的品德好唔好, 講真, 間間中學都會有品德好和品德唔好的學生, 個小朋友將來品德好唔好係好睇家長點教, 唔係只靠晒間學校

大學的學生品流仲複雜, 唔通唔比佢讀大學咩?

反而細細個比佢地知道什麼是好與壞, 教佢地去分別是非, 仲重要啦!

作者: jlam 時間: 10-1-13 00:03

我諗每間學校都一定有大熱天時著冷衫既中學生, 我日日都有送仔女返學, 就我所見既, 我覺得佢地D 品德係OK架, 會打招呼, 點點頭咁架
SUMMER 我都有返暑期班, 果D大哥哥姐姐會返學校幫手, 我覺得, VIA OPEN DAY, SUMMER 活動, 我既觀察所得, 佢地係大部份都乖既

作者: KAGAMI_ICQM 時間: 11-9-19 22:00

本人僅代表"初期入讀"的學生向樓主問一下
為什麼這種平民大眾化的裝扮會被樓主認為是欠缺品格教育呢？
學校的校服指標是以榮耀神為中心
請問樓主在什麼的地方覺得這些裝扮不榮耀神呢？

作者: 88654321 時間: 11-9-20 01:22

樓主可能覺得着住件校服就應做回學生的模樣,一放學校服都未換就化妝同帶耳環,一般家長可能唔接受,同樓主話條裙短,可能都唔係咁端莊,所以咪擔心囉.
我而家都會同個女講,你著住件校服,你就係代表音小,請你小心你的言行,唔好失禮學校.

作者: hahe 時間: 11-9-20 12:46

哈哈我都有同個囡講，著住校服就更加要小心自己嘅言行舉止，因為你係代表緊學校，點知我個囡答咁我每次放學換咗普通衫咪得囉(我囡並唔係音中)，我當時真係唔知點回應佢呀。但其實佢都有佢道理，唔通換咗普通衫唔著校服你就可以變壞咩?! 其實係睇個小朋友自己本身。同埋樓主講緊個身裝扮係依家少女嘅喜愛嘅裝扮，我讀書時都有某啲同學放咗學就化妝，不過又可以話佢哋壞嘅，佢哋有好多係放咗學去做PART-TIME SALES幫屋企.

作者: 88654321 時間: 11-9-21 11:56

原帖由 hahe 於 11-9-20 12:46 發表
哈哈我都有同個囡講，著住校服就更加要小心自己嘅言行舉止，因為你係代表緊學校，點知我個囡答咁我每次放學換咗普通衫咪得囉(我囡並唔係音中)，我當時真係唔知點回應佢呀。但其實佢都有佢道理，唔通換咗普通衫唔著校服你就可以 ...

我個女都係咁答我,個個小朋友講嘅嘢都差唔多.

我就答佢"係呀,你換咗普通衫人地就唔知你係音小,你嘅言行舉止就唔係代表音小,0係代表你自己個人,咁你覺得係咪可以換咗衫就發癲呀??.............................跟住佢又係一番似是而非的理論.

[ 本帖最後由 88654321 於 11-9-21 12:01 編輯 ]

歡迎光臨教育王國 (/)