教育王國

標題: 想了解多d聖心~~ [打印本頁]

作者: e_elhying 時間: 09-12-3 00:50 標題: 想了解多d聖心~~

有無家長可以分享下, 非常感激, thx~~
我個仔收o左2010 k1, 但都想了解多d呢間學校~~

已知聖心係一間傳統既學校, 知道佢中文程度幾深, 但想問下佢英文方面會唔會好淺呢? 是否天天都有英文堂? 有沒有外籍老師(我諗無)? 有沒有教phonics? 幾時開始會學普通話?

另外你地既小朋友喜歡返學嗎? 學校多唔多親子活動? 如果真係要同其他學校比較, 你地覺得聖心有何不足之處?

最後想問下聖心學費幾多$? 多唔多雜費? 由馬鞍山返學既校車費是多少??

謝謝

作者: babycreamy 時間: 09-12-3 09:49

我都收到offer, 我係in 時問咗老師, 佢話每日都有d time 講英文, 但好似係用中文輔助教小朋友生字.佢冇好明確咁講上英文堂既時間.

我諗英文唔會係強項啦.

作者: 大寶寶 時間: 09-12-4 17:38

你而家至問咁多這個問題, 好難一一回答你,
不如你講下你同緊d乜野學校比較, 又有d乜offer係手??
等大家睇下點幫你啦!

作者: vfg5h6 時間: 10-1-1 02:11 標題: 传奇世界外挂

提示: 作者被禁止或刪除內容自動屏蔽

作者: ines.yingying 時間: 10-1-6 10:14

聖心係一間好重中文的一間學校, 連歌仔都係中文, k1 已經要做中文功課, 但英文就暫時未有功課, 好少英文學, 只係有一張網上學習咭返屋企重溫學交學過既嘢, 內容係 phonics, 句子咁, 無外藉老師. 普通話 k1 已有.

我囡囡就好鍾意返學, 學校教咗好多嘢, 佢返屋企就會講番出嚟. 親子活動都少, 上學期只係得 "觀課日" 和 "聖誕親子" 兩個活動, 旅行都係要到 k3 先有.

如果真係要比較, 就係呢間學校好多嘢都唔會主動同你講, 佢哋係想由小朋友把口同你講, 而我囡囡就做到, 所以我放心俾佢係度返學. 但你有問題都可以打去學校搵老師. 同埋你最好有一些家長可以互通消息, 咁你就知道多啲.

今年學費, 扣埋學卷 $500 有找. 開學時雜費就多啲, 但就唔算貴. 馬鞍山校車費就唔清楚, 因為佢哋係以站計算, 同埋以你係單程還是雙程計, 大約 $350-400 (雙程) 啦! 開學時你要陪小朋友返三日學, 果三日可以試搭校車, 到時佢哋會話俾你知幾錢.

希望可以幫你到啦!

原帖由 e_elhying 於 09-12-3 00:50 發表
有無家長可以分享下, 非常感激, thx~~
我個仔收o左2010 k1, 但都想了解多d呢間學校~~

已知聖心係一間傳統既學校, 知道佢中文程度幾深, 但想問下佢英文方面會唔會好淺呢? 是否天天都有英文堂? 有沒有外籍老師(我諗無 ...

作者: lingwang 時間: 10-3-12 23:31

馬鞍山校車費好似要$480呀!!

作者: denisefung 時間: 10-5-18 22:47

hi! 妳地好.. 我小朋友係聖心讀緊k.3, 其實到k.3 時, 佢地除左每日分組上課外, 佢地每星期有一日都會有位黎修女同啲小朋友上英文堂(全程都係英文會話及玩遊戲)如遇小朋友唔識對答,其他老師會即時教小朋友怎樣對答, 另外都有一位miss 係同啲小朋友用英文對話, anyway...呢間幼稚園都幾好...不過到k.3時 ...係功課多左啲, 小朋友就少左玩既時間..

歡迎光臨教育王國 (/)