教育王國

標題: 創價 2009-K1 大召集 [打印本頁]

作者: kimmiechiu 時間: 09-8-4 18:17 標題: 創價 2009-K1 大召集

我個仔讀下午班, 多多指教!!

作者: natalielin 時間: 09-8-7 02:48

我個女都係下午第一組呀!

作者: kimmiechiu 時間: 09-8-7 12:50

hi natalielin,

你好!! 係唔係有姐姐係創價讀緊架??
咩係下午第一組? 我都唔知第幾組喎!

原帖由 natalielin 於 09-8-7 02:48 發表
我個女都係下午第一組呀!

作者: tolulu 時間: 09-8-7 16:06

你地好!
我個囡係下午班第二組。請多多指教。

作者: natalielin 時間: 09-8-10 10:32

原帖由 kimmiechiu 於 09-8-7 12:50 發表
hi natalielin,

你好!! 係唔係有姐姐係創價讀緊架??
咩係下午第一組? 我都唔知第幾組喎!

係呀,大女升k2
學校寄比你張通告有寫架,你睇下呀!

星期六家長會喇bor,你地買左鞋未呀?
我買左鞋,不過鞋貼訂左未到手呀!
仲有相都未影,一陣去影埋!

作者: tolulu 時間: 09-8-10 10:59

natalielin,

你好呀，我想問對鞋可以係邊個位寫名架?
咁平時著咩鞋返學架?

作者: tolulu 時間: 09-8-10 11:02

我想問你地住邊區架?
我住將軍澳，你地係唔係都係搭校車呢?

作者: MarkJoy 時間: 09-8-10 14:10

大家好, 我個女桐桐都是下午班. 住在將軍澳, 搭校車.

作者: klncandy 時間: 09-8-11 00:50

我個仔今年都是K1下午班,但未知邊一組?

作者: natalielin 時間: 09-8-11 02:52

原帖由 tolulu 於 09-8-10 10:59 發表
natalielin,

你好呀，我想問對鞋可以係邊個位寫名架?
咁平時著咩鞋返學架?

上年我貼左個名(鞋貼)係鞋墊度,老師幫亞女寫左洛遙係鞋"爭"外面度!

平時都係著白波鞋,不過都可以有少少雜色,最好以白色唯主啦!

作者: natalielin 時間: 09-8-11 02:53

原帖由 tolulu 於 09-8-10 11:02 發表
我想問你地住邊區架?
我住將軍澳，你地係唔係都係搭校車呢?

我住天水圍架,會自己湊2b返學!

作者: natalielin 時間: 09-8-11 02:56

原帖由 MarkJoy 於 09-8-10 14:10 發表
大家好, 我個女桐桐都是下午班. 住在將軍澳, 搭校車.

hello
就快開學喇,haley好開心呀!

作者: natalielin 時間: 09-8-11 02:58

原帖由 klncandy 於 09-8-11 00:50 發表
我個仔今年都是K1下午班,但未知邊一組?

你睇返最近寄比你張通告有寫架,係右上角位置!

我大女上年k1都係第一組,唔知會唔會都係個幾位老師呢?

作者: tscr701nt 時間: 09-8-11 09:32

Emily, 細女. 下午班. 未知邊一組喎.

都係要搭校車. 其實唔係太放心架. 不過學校位置咁吊腳. 婆婆都唔知點帶佢返學. 所以迫於無奈俾佢搭校車.

作者: tolulu 時間: 09-8-11 12:00

Thanks

原帖由 natalielin 於 09-8-11 02:52 發表

上年我貼左個名(鞋貼)係鞋墊度,老師幫亞女寫左洛遙係鞋"爭"外面度!

平時都係著白波鞋,不過都可以有少少雜色,最好以白色唯主啦!

作者: tolulu 時間: 09-8-11 12:04

你好犀利呀，住咁遠仲可以自己湊返學，其實都幾辛苦喎。
我想問有冇話邊一組老師好D架??如果老師好D，返學會開心D。

原帖由 natalielin 於 09-8-11 02:53 發表

我住天水圍架,會自己湊2b返學!

作者: kimmiechiu 時間: 09-8-11 16:59

Hi natalielin & 大家,

真係好遠呀!! 自己送都好幸苦. 你咪要係附近等佢地放學??
要返去睇下係邊組先.
我有對白波鞋,現在返學著緊,都係室內鞋. 我想用返. 但是呀仔現在仲返緊n1. 唔知可唔可以返學個日先帶返去呢?
我諗著n1返到24/8, 25/8就同佢返創價.

相影好,但係未晒, 仲完全唔記得左.

Hi natalielin, tolulu, tscr701nt, klncandy,MarkJoy,

我住官塘架, 都係搭校車, 其實我都好擔心, 我個仔好鬼冇用!! 前之返n1喊足3個月.停左課再返又喊. 真係比佢激c.

返n1時我日日都同佢返學,我先返工. k1返下午我就唔可以送佢,我都怕姐姐搞唔掂.

其實真係好多野擔心:
1. 怕佢下午眼訓. (之前返全日班n1.)
2. 保母車話我屋企附近唔可以泊車, 我地要行10分鐘先到車站,如果落雨都唔知點算, 全程都冇蓋.

作者: tscr701nt 時間: 09-8-11 17:14

我煩緊買鞋. 個女依家著 7 號o岩o岩好. 但係應該過多一排就唔o岩著. 但係買 8 號, 又驚大得濟會仆親. 都唔知點好. 買7 號又好似好浪費(預計只係著得幾個月). 8 號又未o岩著.

作者: natalielin 時間: 09-8-12 01:46

原帖由 tolulu 於 09-8-11 12:04 發表
你好犀利呀，住咁遠仲可以自己湊返學，其實都幾辛苦喎。
我想問有冇話邊一組老師好D架??如果老師好D，返學會開心D。

我都係搬左黎一個月咋,未試過由天水圍返學校,不過sat可以試下喇!

其實soka既老師都好好架,我識既幾位都好好,而上年家姐k1時,同bk媽傾計時,覺得每組老師都好好人,好有愛心架,你可以放心,如果你有問題或者有咩擔心都可以同老師講架,佢地好樂意答你架,唔會唔想答/黑面咁架!

作者: natalielin 時間: 09-8-12 02:01

原帖由 kimmiechiu 於 09-8-11 16:59 發表
Hi natalielin & 大家,

真係好遠呀!! 自己送都好幸苦. 你咪要係附近等佢地放學??
要返去睇下係邊組先.
我有對白波鞋,現在返學著緊,都係室內鞋. 我想用返. 但是呀仔現在仲返緊n1. 唔知可唔可以返學個日先帶返去呢? ...

係呀,我要係附近等佢架,不過都係去下圖書館,行下街咁啦,返下媽咪度!

因為之前老師會幫小朋友將鞋寫定名,放好係佢放鞋既位,如果你當日先帶,可能會影響左囉,同埋你接住返,咁囝囝咪冇休息囉!

咁你要快d晒相喇!

我大女個時返n1都喊左1星期,返summer course時,第一日又喊左1個鐘,之後知好玩就冇再喊lu,但返soka冇喊過,可能之前成日都佢講,返學好開心架!

怕佢眼訓,哩樣都唔太怕,因為小朋友有野玩就會唔訓,佢地會自己調節去坐校車時間訓架喇,之前大女都係咁,同埋萬一小朋友真係好眼訓,學校都有特大bb床比小朋友訓既,唔使擔心,小朋友既適應能力好強架!

保母車就真係冇辦法喇,唯有平時叫姐姐帶遮啦,如果真係落雨就要著雨褸lu,上年大女好好彩,校車去到屋企樓下!

作者: natalielin 時間: 09-8-12 02:03

原帖由 tscr701nt 於 09-8-11 17:14 發表
我煩緊買鞋. 個女依家著 7 號o岩o岩好. 但係應該過多一排就唔o岩著. 但係買 8 號, 又驚大得濟會仆親. 都唔知點好. 買7 號又好似好浪費(預計只係著得幾個月). 8 號又未o岩著. ...

咁都係買7號好d,小朋友大得快,冇辦法啦!

作者: tolulu 時間: 09-8-12 10:41

我個囡都未返過N班，正係星期日返1個鐘playgroup。我都驚佢會喊，自己一個上校車返學，到時我都唔知點算好。你地有咩辦法可以令佢地可以開開心心上學去呀，可唔可以教下我呢?

作者: kimmiechiu 時間: 09-8-12 10:54

原帖由 natalielin 於 09-8-12 02:01 發表

係呀,我要係附近等佢架,不過都係去下圖書館,行下街咁啦,返下媽咪度!

因為之前老師會幫小朋友將鞋寫定名,放好係佢放鞋既位,如果你當日先帶,可能會影響左囉,同埋你接住返,咁囝囝咪冇休息囉!

咁你要快d晒相喇!

我 ...

我都仲諗緊買唔買過對新白波鞋比佢.
比佢放假跟著個日返學就慘啦!! 衫都唔肯換呀!!

晒左相啦!!

啱呀,校車應該係屋企樓下. 星期六要再同校車相傾下先.

原來我都係下午第一組.

作者: natalielin 時間: 09-8-13 02:42

原帖由 tolulu 於 09-8-12 10:41 發表
我個囡都未返過N班，正係星期日返1個鐘playgroup。我都驚佢會喊，自己一個上校車返學，到時我都唔知點算好。你地有咩辦法可以令佢地可以開開心心上學去呀，可唔可以教下我呢? ...

我細女都冇返N班,PG都停左幾個月喇,我就成日都同佢講返學要自己返,返學好開心,有好多小朋友同老師一齊玩架,又有茶點食,好開心架,家姐都係自己返學,好叻架(因為亞女好鍾意我贊佢叻),唔使喊架,一放學媽咪就接你架喇!

因為有家姐係度會好D,老師有同我講過,初初開學,可能要麻煩家姐幫手陪一下妹妹,不過家姐都有同妹妹講,唔使驚架,返學超開心架,好多野玩架,所以妹妹都好想返,希望佢真係唔會喊啦!

我日日都同佢講下,又反問下佢,返學使唔使喊架.......?
佢應該大概知情況係點,不過未正式,都唔知佢喊唔喊!

作者: natalielin 時間: 09-8-13 02:46

原帖由 kimmiechiu 於 09-8-12 10:54 發表

我都仲諗緊買唔買過對新白波鞋比佢.
比佢放假跟著個日返學就慘啦!! 衫都唔肯換呀!!

晒左相啦!!

啱呀,校車應該係屋企樓下. 星期六要再同校車相傾下先.

原來我都係下午第一組. ...

咁大獲呀,衫都唔肯換
係呀,近D會方便D,10MINS又真係幾遠!

好野,搵到同學仔,不過佢每一組都會再分3小組架,唔知會唔會都同組呢?

SAT家長會我地都會坐係附近,睇下會唔會見到,我同老公會帶埋2個女返去,順便又比細女習慣下!

作者: kimmiechiu 時間: 09-8-14 10:59

原帖由 natalielin 於 09-8-13 02:46 發表

咁大獲呀,衫都唔肯換
係呀,近D會方便D,10MINS又真係幾遠!

好野,搵到同學仔,不過佢每一組都會再分3小組架,唔知會唔會都同組呢?

SAT家長會我地都會坐係附近,睇下會唔會見到,我同老公會帶埋2個女返去,順便又比細女 ...

試過要係學校留下先換衫. 3個月人都癲!!
我地星期六可能都會帶埋個仔同工人去, 諗著叫工人攞番d書番屋企, 我地就有節目.
上次做校服個次,呀仔訓足全程.希望今次都係啦!!
希望明天唔好落雨,唔係就好麻煩.

作者: natalielin 時間: 09-8-15 01:08

原帖由 kimmiechiu 於 09-8-14 10:59 發表

試過要係學校留下先換衫. 3個月人都癲!!
我地星期六可能都會帶埋個仔同工人去, 諗著叫工人攞番d書番屋企, 我地就有節目.
上次做校服個次,呀仔訓足全程.希望今次都係啦!!
希望明天唔好落雨,唔係就好麻煩. ...

不過佢有返學經驗,應該會好D既!
記得以前公司個家長講佢個仔K1喊足一年,K2都喊左一輪,有一日同媽咪講,話自己大個仔,唔會再喊,之後就真係冇再喊!

係呀,都聽幾耐架,我會帶定D餅/飽/糖呀,怕佢地會扭,嘈到人地,咁聽日睇下見唔見到先!
聽日好似好天BOR!

作者: maylaw0223 時間: 09-8-17 23:34

大家好呀!我囝囝上午班第三組. 住在坑□, 搭校車.

作者: jungjung 時間: 09-8-18 22:51

我個囝下午班第三組將軍澳區

作者: achenry 時間: 09-8-19 12:06

你0地好我囝囝都係下午班第3组馬鞍山区

作者: veron^.^bb 時間: 09-8-19 20:51

大家好!!! 我囡囡讀上午班第一組o架!!!!

作者: tolulu 時間: 09-8-19 21:42

唔好意思!我想問下你哋填咗嗰份健康證明未呀?係唔係要去睇醫生先可以比醫生填?定係唔使睇醫生佢都會同你填架??

作者: tscr701nt 時間: 09-8-20 11:08

各位好. 小女已知係下午第二組. 要坐校車, 返學就好快, 因為係差不多尾站. 但... 放學又係差不多尾站. 要遊一個鐘車河先返到屋企呀.

另... 想請教各位下午班的家長, 妳們的小朋友平時中午會不會睡覺呢? 如果會的話, 第日返左學, 無得訓咁點算呢?

我的女兒無天2-4都要訓覺. 否則佢會呆左無精神. 學習能力會更加勁降. 我已經在7月頭開始訓練佢把午睡推遲到5點過後. 但係2-5呢個時間佢表現得好無精神. 都唔知點算. 請問各位, 妳地點樣去幫小朋友改變訓中午既習慣架 ?

作者: tolulu 時間: 09-8-20 11:59

tscr701nt,

你好我個囡都係下午班第二組。我囡而家下午冇瞓，夜晚好早瞓，所以冇問題。你試下比佢夜少少瞓，第二朝遲D起身，慢慢試下。希望你成功。你住邊區?我住將軍澳，應該第一個上校車，第一個落校車，我正係擔心佢會喊，到時都唔知點算。

作者: kimmiechiu 時間: 09-8-20 12:07

應該要睇醫生,佢先同你簽. 不過我都未填呀!!

原帖由 tolulu 於 09-8-19 21:42 發表
唔好意思!我想問下你哋填咗嗰份健康證明未呀?係唔係要去睇醫生先可以比醫生填?定係唔使睇醫生佢都會同你填架??

作者: kimmiechiu 時間: 09-8-20 12:17

我個仔都要午睡,我都係諗著夜少少訓. 遲d起身希望冇咁早眼訓啦!!

死啦!! 我唔記得問校車返學幾點到官塘呀!!

原帖由 tscr701nt 於 09-8-20 11:08 發表
各位好. 小女已知係下午第二組. 要坐校車, 返學就好快, 因為係差不多尾站. 但... 放學又係差不多尾站. 要遊一個鐘車河先返到屋企呀.

另... 想請教各位下午班的家長, 妳們的小朋友平時中午會不會睡覺呢? ...

作者: tolulu 時間: 09-8-20 15:04

我想問係唔係25/8要交，如果係要快D去先得啦!!

原帖由 kimmiechiu 於 09-8-20 12:07 發表
應該要睇醫生,佢先同你簽. 不過我都未填呀!!

作者: tscr701nt 時間: 09-8-20 15:44

原帖由 tolulu 於 09-8-20 11:59 發表
tscr701nt,

你好我個囡都係下午班第二組。我囡而家下午冇瞓，夜晚好早瞓，所以冇問題。你試下比佢夜少少瞓，第二朝遲D起身，慢慢試下。希望你成功。你住邊區?我住將軍澳，應該第一個上校車，第一個落校車，我正係擔心佢會喊，到時都 ...

我住土瓜灣. 1:15分上車. 5:35分落車.
其實我都試過俾佢遲少少訓. 原本係9:30就要佢上床訓覺. 以前佢會典到10:30先訓. 依家就典到成 11:30 先訓. 但係一樣係未夠7點就起身. 所以中午訓覺對佢係好重要既一個休息機會. 如果到時唔俾佢訓, 又驚佢集中唔到精神返學. 俾佢訓, 咁就直情唔洗返學.

請問妳個小朋友幾點鐘訓呀 ?幾點鐘起床呀 ?

[ 本帖最後由 tscr701nt 於 09-8-20 15:52 編輯 ]

作者: tscr701nt 時間: 09-8-20 15:47

原帖由 tolulu 於 09-8-19 21:42 發表
唔好意思!我想問下你哋填咗嗰份健康證明未呀?係唔係要去睇醫生先可以比醫生填?定係唔使睇醫生佢都會同你填架??

要由醫生填架. 仲要帶埋小朋友及針咭一齊去. 我女兒睇開果個收 HK$140.

作者: tscr701nt 時間: 09-8-20 15:49

原帖由 kimmiechiu 於 09-8-20 12:17 發表
我個仔都要午睡,我都係諗著夜少少訓. 遲d起身希望冇咁早眼訓啦!!

死啦!! 我唔記得問校車返學幾點到官塘呀!!

上星期六學校派果D資料內, 有一個雞皮紙信封入住兩張紙. 係講妳小朋友在邊到上車/落車及時間喎. 妳無收到? 快D打番去學校問啦. 下星期四小朋友就要人生第一次自已搭車啦.

作者: tolulu 時間: 09-8-21 09:54

我個囡大約8:30 - 9:00pm就瞓，第二朝大約8am到起身，因為佢冇瞓晏覺所以先咁早瞓。
我地12:30上車，5:10落車。
慢慢再同你囡試下啦，唔使擔心，小朋友好快會適應。

原帖由 tscr701nt 於 09-8-20 15:44 發表

我住土瓜灣. 1:15分上車. 5:35分落車.
其實我都試過俾佢遲少少訓. 原本係9:30就要佢上床訓覺. 以前佢會典到10:30先訓. 依家就典到成 11:30 先訓. 但係一樣係未夠7點就起身. 所以中午訓覺對佢係好重要既一個休息機 ...

作者: kimmiechiu 時間: 09-8-21 14:24

多謝提醒!!
我揾到啦!!我都要成1個鍾車程返/放學. (12:33返學 5:28放學) 真幸苦!! 我住官塘架!!

我個仔都係人生第一次自已搭車,希望大家都順利啦!!

原帖由 tscr701nt 於 09-8-20 15:49 發表

上星期六學校派果D資料內, 有一個雞皮紙信封入住兩張紙. 係講妳小朋友在邊到上車/落車及時間喎. 妳無收到? 快D打番去學校問啦. 下星期四小朋友就要人生第一次自已搭車啦. ...

作者: kimmiechiu 時間: 09-8-21 17:07

$140都算平, 我今日問左幾間診所都要$160-200. 好鬼貴.
我舊年N1有指定診所架,仲驗埋大小便都係$100.
點解今年貴左咁多架??

原帖由 tscr701nt 於 09-8-20 15:47 發表

要由醫生填架. 仲要帶埋小朋友及針咭一齊去. 我女兒睇開果個收 HK$140.

作者: tscr701nt 時間: 09-8-21 17:23

原帖由 kimmiechiu 於 09-8-21 17:07 發表
$140都算平, 我今日問左幾間診所都要$160-200. 好鬼貴.
我舊年N1有指定診所架,仲驗埋大小便都係$100.
點解今年貴左咁多架??

因為舊年市道(上半年)唔係太差. D 醫生炒股賺好多. 唔至在呢D錢. 今年可能D股仔蝕得太多, 所以要加價補番D囉. 我估咋 ~~

作者: Oscar媽 時間: 09-8-21 22:55

各位 k1 媽咪好

我仔仔係今年畢業生, 3 年快樂時光過得真係好快

創幼校長老師嬸嬸書記姐姐全部都好有愛心,耐心,關心愛護每一個小王子,小公主, 相信大家將會感受到..

小朋友適應力好強, 幼稚園好快會適應尤其係創幼
各位家長比相心自己的小王子 & 小公主

作者: tolulu 時間: 09-8-22 23:27

我睇開嗰個收$100咁都算平喎!

原帖由 kimmiechiu 於 09-8-21 17:07 發表
$140都算平, 我今日問左幾間診所都要$160-200. 好鬼貴.
我舊年N1有指定診所架,仲驗埋大小便都係$100.
點解今年貴左咁多架??

作者: natalielin 時間: 09-8-24 02:31

仲有一日,大家既寶貝就返學喇,有d緊張,因為細女比較痴身,唔知會唔會喊?
如果午睡問題,就真係要慢慢適應,大女上年就搭成個鐘校車先到,佢會哩個時候訓返一陣,放學就好快到(5:00左右),不過黎到已見好多小朋友訓左!

係bor,提下大家先,工作袍同外套要寫名呀,因為遲d小朋友會除出黎,好易會掉亂左!

作者: tolulu 時間: 09-8-24 11:49

唔好意思，我有野想問，聽日使唔使帶書包返學架???
同埋你地仲會唔會同小朋友著件底衫先著校服呀?

作者: tscr701nt 時間: 09-8-24 12:27

聽日就係啦. 我都好緊張呀. 不過, 我都唔係太擔心聽日. 因為可以俾家長陪小朋友一齊返學. 最驚係星期四開始. 要小朋友自己一個搭校車. 驚到時佢唔肯上車, 都唔知點算.

我會俾個女著底衫啦. 由其是女孩子. 要俾佢習慣打底. 不過佢D 手巾仔. 汗巾呢D都未買到呀. 各位, 你地在邊度買架?

要帶書包啦. 當正式返學咁啦. 係呢, 你返幾點呀? 我地返下午 3 點幾.

[ 本帖最後由 tscr701nt 於 09-8-24 12:30 編輯 ]

作者: tolulu 時間: 09-8-24 14:37

你可以係千色店或者買bb衫嘅地方都有得買。
唔係全部都係返1:40pm，有分時間架，死啦我仲以為返返學時間，我放工返屋企睇清楚D先得，如果唔係你講我都傻傻地唔知道。

原帖由 tscr701nt 於 09-8-24 12:27 發表
聽日就係啦. 我都好緊張呀. 不過, 我都唔係太擔心聽日. 因為可以俾家長陪小朋友一齊返學. 最驚係星期四開始. 要小朋友自己一個搭校車. 驚到時佢唔肯上車, 都唔知點算.

我會俾個女著底衫啦. 由其是女孩子. 要俾佢習 ...

作者: tscr701nt 時間: 09-8-24 14:52

唔係喎. 你睇清楚果份家長需知. 好似最尾定尾二果頁, 有話小朋友第一及第二日返幾點喎. 定係我理解錯 ??

頭先去永安買左D日本造既手巾仔. 質地好. 但係 D 公仔老土到震

作者: natalielin 時間: 09-8-24 23:51

原帖由 tolulu 於 09-8-24 11:49 發表
唔好意思，我有野想問，聽日使唔使帶書包返學架???
同埋你地仲會唔會同小朋友著件底衫先著校服呀?

要帶書包架!
我未買底衫比亞女呀,因為佢size太細,上次去買唔到,不過哩2個月仲要著埋工作袍返學校,都仲ok!

作者: natalielin 時間: 09-8-25 01:06

原帖由 tscr701nt 於 09-8-24 12:27 發表
聽日就係啦. 我都好緊張呀. 不過, 我都唔係太擔心聽日. 因為可以俾家長陪小朋友一齊返學. 最驚係星期四開始. 要小朋友自己一個搭校車. 驚到時佢唔肯上車, 都唔知點算.

我會俾個女著底衫啦. 由其是女孩子. 要俾佢習 ...

汗巾我買左bb時用個d紗巾,因為吸水d同簿d,我就冇用安全扣針,用文件膠圈扣住,而紗巾我就縫左個名字織嘜落去,縫到好似個招牌(即一個圈),咁就可以扣到,同埋我覺得安全d~

作者: natalielin 時間: 09-8-25 01:11

原帖由 tscr701nt 於 09-8-24 14:52 發表
唔係喎. 你睇清楚果份家長需知. 好似最尾定尾二果頁, 有話小朋友第一及第二日返幾點喎. 定係我理解錯 ??

頭先去永安買左D日本造既手巾仔. 質地好. 但係 D 公仔老土到震 ...

你冇攪錯呀,係分2個時間架,咁老師可以照顧佢多d嘛,家長會有講會分2個時間架~
唔緊要啦,我就係放毛巾盒個條係比佢自己揀公仔毛巾,汗巾同抺手巾就用返淨色bb紗巾囉!

作者: natalielin 時間: 09-8-25 01:13

大家返學前,記得度體溫呀,同埋帶定白色件外套呀,如果凍死上黎冇就死喇!

作者: kimmiechiu 時間: 09-8-26 09:57

返完第一日學, 如我所料我個仔痴得我好緊.成日都要我係身邊. 好似好鬼驚!!

連身操都唔肯做, 影相又唔正經.

希望今日好d啦!!

作者: tolulu 時間: 09-8-26 21:07

大家加油，聽日大家第一次坐校車返學，祝大家成功，小朋友唔會做喊包

，個個都笑住:loveliness: 返學同放學。

作者: natalielin 時間: 09-8-27 03:35

原帖由 kimmiechiu 於 09-8-26 09:57 發表
返完第一日學, 如我所料我個仔痴得我好緊.成日都要我係身邊. 好似好鬼驚!!

連身操都唔肯做, 影相又唔正經.

希望今日好d啦!!

你囝囝跟邊位老師呀?我係李老師(青蛙組)
今日講好左,不過聽日唔知記唔記得,唔好喊!

作者: kimmiechiu 時間: 09-8-27 10:53

我個仔係蜜蜂組, 另外一個李老師.

昨天就大鑊. 搭完巴士落車, 途中訓左, 返到學校都唔醒. 要搞醒佢, 本來都可以ok, 玩下滑梯.聽下故事. 一話要去禮堂玩games, 佢就唔肯,又話眼訓,又話要食野.老師都搞唔掂. 跟著仲大喊特喊. 返去時係巴士訓到8時,心情靚晒. 不過係訓時候都大喊左2次. 都唔知喊嘜, 最後話要飲奶.佢足足飲左350ml.

今天搭校車, 我都唔敢諗. 希望返到學校見唔到媽媽會好d啦!!

其實我見大部小朋友都好合作同埋好開心.

原帖由 natalielin 於 09-8-27 03:35 發表

你囝囝跟邊位老師呀?我係李老師(青蛙組)
今日講好左,不過聽日唔知記唔記得,唔好喊!

作者: tolulu 時間: 09-8-27 22:16

各位小朋友同媽咪今日順利嗎??我個囡上校車就無喊，但放學我問老師佢話我個囡開車數分鐘就喊啦，不過好彩都係一陣，希望聽日會好D啦。
我想問你哋D小朋友放學係唔係好肚餓呀，我個囡就係啦，我問佢茶點食咩，佢就話食餅同飲水，你哋有冇問呀。

作者: natalielin 時間: 09-8-28 00:24

原帖由 kimmiechiu 於 09-8-27 10:53 發表
我個仔係蜜蜂組, 另外一個李老師.

昨天就大鑊. 搭完巴士落車, 途中訓左, 返到學校都唔醒. 要搞醒佢, 本來都可以ok, 玩下滑梯.聽下故事. 一話要去禮堂玩games, 佢就唔肯,又話眼訓,又話要食野.老師都搞唔掂. 跟著仲 ...

咁要慢慢調節佢既訓覺時間喇,搭車時訓就最好,而家我2b都係搭車時訓,返到學校就精神晒~

作者: natalielin 時間: 09-8-28 00:36

原帖由 tolulu 於 09-8-27 22:16 發表
各位小朋友同媽咪今日順利嗎??我個囡上校車就無喊，但放學我問老師佢話我個囡開車數分鐘就喊啦，不過好彩都係一陣，希望聽日會好D啦。
我想問你哋D小朋友放學係唔係好肚餓呀，我個囡就係啦，我問佢茶點食咩，佢就話食餅同飲水，你 ...

haley冇喊呀,佢仲肯自己拖老師入去,之後黃校長拖佢入課室tim,haley返黎話有同黃校長講午安,仲話今日有一個小朋友喊,嘈住我地唱歌,跟住呢,有個老師打電話比佢媽咪,佢就唔喊,不過佢食茶點就冇喊bor
今日茶點食餅乾同飲水,老師話一入去,haley就問老師幾時食茶點呀?比佢笑死!
haley話今日講左故事,係小狗故事,唔知真唔真?
我問佢miss hannah同mr.david有冇同佢地玩,佢話有呀!
今晚訓前仲問我幾時返學,好想返學呀,又話李老師鍾意我,蘇老師同佢講秘密,話好鍾意佢,aunt margret又同我握握手做好朋友!

而家放心晒,佢唔喊,又咁鍾意返學,真係好!

作者: tscr701nt 時間: 09-8-28 09:52

小兔組
昨日第一日自己搭校車返車. touch wood, 都算順利. 不過我唔記得問校車姨姨佢有冇喊. 因為接放學時, 一見到佢就立即抱住佢(驚佢唔要我多過我唔要佢

). 跟住就走. 都唔記得左問.連接送証都唔記得俾人地睇.

不過我個女可能係全班最細個幾個. 佢仲未識得點樣投入. 見其他比較大一點既小朋友可以跟住唱歌, 做運動. 我個女好似唔知點咁. 老師講故事時, 佢又唔係好識比反應.

Anyway, 總括都算開心. 起碼暫時佢未抗拒返學(touch wood). 努力中....

作者: kimmiechiu 時間: 09-8-28 10:57

原帖由 tolulu 於 09-8-27 22:16 發表
各位小朋友同媽咪今日順利嗎??我個囡上校車就無喊，但放學我問老師佢話我個囡開車數分鐘就喊啦，不過好彩都係一陣，希望聽日會好D啦。
我想問你哋D小朋友放學係唔係好肚餓呀，我個囡就係啦，我問佢茶點食咩，佢就話食餅同飲水，你 ...

我個仔喊到cc下, 唔肯上車. 係抱佢上車咋!!
我問佢有冇食野,佢話唔冇, 問今日講咩故仔, 佢都答番星期三個故仔. 番完學返黎, 呀仔完全唔可以講比我聽做過d嘜!! 好似冇返過學咁!!!

不過我打電話去問老師, 老師話我個仔好正常,係學校冇喊.淨係校車喊.

我個仔都一返黎就話要食飯. 真係好鬼肚餓!! 今日諗著放d小麵包係書包, 希望佢放學肚餓識攞黎食.

作者: tolulu 時間: 09-8-28 23:52

我個囡今日上校車就喊，佢話唔想返學添，由前一晚講到今晚瞓都話唔想返，但佢又話返學好開心，佢唔想返我諗因為掛住我地同埋要搭校車，希望佢下星期可以快D適應啦，大家努力加油呀!!
我個囡佢都可以講係學校做過咩，都算係咁啦。講咩故事，做體操，玩玩具同食茶點都可以講到，佢仲要日日返屋企扮老師，我地成家人都比佢笑死呀!!!

作者: natalielin 時間: 09-8-29 18:36

咁我又好好彩,haley好鍾意返學,今日起身就問我今日係咪返學呀,我話唔係呀,下星期三先設,佢就話唔得,我想返學呀,咁返一陣得唔得,比佢激死!
下星期一同星期二到家姐返,我驚佢會扭返學,唔肯走

作者: yantochan 時間: 09-8-30 00:47 標題: 回覆 1# kimmiechiu 的文章

hihi....我囝囝lee ho nam(morris)都係下午班第3组葡萄組 live in sai kung, by school bus

作者: tscr701nt 時間: 09-8-31 10:25

想問各位. 上星期小朋友返學時, 在學校跟著的老師, 是否她就是小朋友的班主任呢 ?

作者: chrisitne 時間: 09-8-31 17:12

Hello,

我女珈珈, 讀上午班第三组-- 苹果组.
首兩日自己搭車返學無喊, 不過暈車浪.

原帖由 tscr701nt 於 09-8-31 10:25 發表
想問各位. 上星期小朋友返學時, 在學校跟著的老師, 是否她就是小朋友的班主任呢 ?

作者: patBmom 時間: 09-9-1 01:20

我個仔今年K3,
佢第一年返學時頭兩日自己搭車都冇乜野,
但第三日就喊到CC吓,
仲猛叫媽媽要落車,
但今時今日佢就成日問點解放咁耐假?
幾時先返學架?
就知佢喺學校好開心,
所以大家唔駛咁擔心架,
好好享受佢哋既幼稚園生活啦!

作者: natalielin 時間: 09-9-1 01:21

原帖由 tscr701nt 於 09-8-31 10:25 發表
想問各位. 上星期小朋友返學時, 在學校跟著的老師, 是否她就是小朋友的班主任呢 ?

係呀,個位就係班主任黎,一班分3組,由3位唔同老師帶,不過同一班既小朋友有時都會一齊玩,有時會分組活動囉,有時會同隔離組玩咁架!

作者: tscr701nt 時間: 09-9-1 09:32

Oh no...

女兒未返學就病左囉. 睇o黎今個星期都唔會俾佢返學. 要休息啦.

作者: natalielin 時間: 09-9-2 00:19

原帖由 tscr701nt 於 09-9-1 09:32 發表
Oh no...
女兒未返學就病左囉. 睇o黎今個星期都唔會俾佢返學. 要休息啦.

唔緊要啦,以後大把日子返學,最緊要身體健康嘛,希望你囡囡快d好返,快d返黎創價大家庭!

其實我個囡sat都病左,好彩有幾日休息,今日好返晒,聽日可以同家姐一齊返學!

作者: tscr701nt 時間: 09-9-2 09:56

唔知點解呢度咁靜 ?
比起早兩年, 創價既 topic 係好熱鬧架.

作者: achenry 時間: 09-9-3 00:45

你好呀我囝囝都係下午班第3组葡萄組(Henry Lee),佢都係座校巴返學同放學都唔知佢落車時有乜反應不過想信佢都OK嘅

原帖由 yantochan 於 09-8-30 00:47 發表
hihi....我囝囝lee ho nam(morris)都係下午班第3组葡萄組 live in sai kung, by school bus

作者: achenry 時間: 09-9-3 00:51

仲研究點入來有少少亂我都想熱鬧D大家交換吓心得

原帖由 tscr701nt 於 09-9-2 09:56 發表
唔知點解呢度咁靜 ?
比起早兩年, 創價既 topic 係好熱鬧架.

作者: achenry 時間: 09-9-3 01:01

今日司机叔叔請食蝦條真你多謝哂:loveliness: 不過已經被媽碼没收了

作者: tscr701nt 時間: 09-9-3 09:50

原帖由 achenry 於 09-9-3 01:01 發表
今日司机叔叔請食蝦條真你多謝哂:loveliness: 不過已經被媽碼没收了

點解你會知? 如果我個女有返學. 我諗佢一定會立即在車上食哂. 我唔會有機會沒收.

作者: achenry 時間: 09-9-3 10:35

可能佢太倦了上車睡著了,又可能佢食o左其他小朋友D先但估唔到回家會被没收

作者: tscr701nt 時間: 09-9-3 10:47

BTW, 介紹各位可以去學校個網頁--> 校園活動.
果度有好多老師們拍比小朋友睇既 video. 仲有舊年既小朋友生日會表演. 昨晚我一路睇, 一路笑. D 小朋友好可愛呀

作者: kimmiechiu 時間: 09-9-3 12:41

尋日放學囝囝係校車訓, 要工人姐姐抱佢返屋企. 一直訓到8點, 不過訓醒後唔肯食飯,仲大發脾氣.
今朝起身見到校服,就話唔返學. 都唔知姐姐搞唔搞得掂佢.

e+都唔知佢返學做過d嘜. 都唔知係屋企要做d咩同學校配合呢??

作者: tolulu 時間: 09-9-3 22:21

kimmiechiu ,
唔使擔心，我個囡都話唔返學，佢正係上校車喊返到學校冇喊，每日放學同瞓覺前佢都會講今日係學校做過咩，每晚食完飯之後都要重做一次係學校情況，佢做老師我地做學生，玩玩具、講故事、食茶點等等。
你個仔仔好快會同我個囡一樣，你放心啦。

作者: achenry 時間: 09-9-3 23:25

我個仔雖然返學搭校車都ok,但我每次放學問他在學校做什麼,他只講玩玩具,食茶點.再問他有沒有講故事或唱歌,他肯定說沒有.其實我有懷疑,請問有沒有下午班第3組的家長解答

原帖由 tolulu 於 09-9-3 22:21 發表
kimmiechiu ,
唔使擔心，我個囡都話唔返學，佢正係上校車喊返到學校冇喊，每日放學同瞓覺前佢都會講今日係學校做過咩，每晚食完飯之後都要重做一次係學校情況，佢做老師我地做學生，玩玩具、講故事、食茶點等等。
你個仔仔好快會 ...

作者: heihei_mama 時間: 09-9-4 00:09

大家好，我仔仔是下午班第3組香蕉組，今日阿仔話去圖書角睇書，玩煮飯仔，仲有Ms. Hannah同佢傾計，不過唔見Mr. David，同埋同D高年班大哥哥姐姐一齊玩，阿仔話佢地仲拖住佢隻手返課室添。

作者: natalielin 時間: 09-9-4 02:00

原帖由 tscr701nt 於 09-9-3 09:50 發表

點解你會知? 如果我個女有返學. 我諗佢一定會立即在車上食哂. 我唔會有機會沒收.

上年大女係搭校車架,佢個時校車叔叔請食既野,係唔會比佢係車度食架,因為車上食野好危險嘛,不過唔知其他車係唔係!

作者: Win0501 時間: 09-9-4 15:44

各位好. 我囡囡係下午班第3組提子組, 我地都要坐校車. 住大圍區. 返學1:05上車.

作者: joycenwy 時間: 09-9-5 00:49

To natalielin :
我個女都係下午班一組,佢係0602大女,全班最高同大都係佢喇....(但好un瘦)

佢係蜜蜂組跟李老師既...多多指教....

大家可以互相交流下

作者: natalielin 時間: 09-9-5 02:38

原帖由 joycenwy 於 09-9-5 00:49 發表
To natalielin :
我個女都係下午班一組,佢係0602大女,全班最高同大都係佢喇....(但好un瘦) 佢係蜜蜂組跟李老師既...多多指教.... 大家可以互相交流下 ...

你好呀,我個女係0610,不過佢唔知係咪全班最細,但身材就應該係全班最細,連黃校長都忍唔住,走黎問我女女幾多月出世,佢知係10月後就話,哦~佢真係細粒d呀!
所以出街d人都話好似公仔咁!

作者: natalielin 時間: 09-9-5 02:40

今日派左好多單張返黎,你地會唔會訂圖書呀?我諗緊訂唔訂好!

作者: bolam02 時間: 09-9-6 19:10

大家好呀

我囝囝(Lok Lok)都係下午班第3组提子組,在旺角99家上車.
試學時常常喊…. 初初幾天上校車時, 話要媽媽陪上學… 放學後勁累, 在沙發沈沈睡著至我八時回到99家!

作者: natalielin 時間: 09-9-8 00:34

今日haley放學就成日唱歌,唱隻普通話歌(歌名:快樂的一天開始了),佢話係老師教佢,不過我唔肯定,因為家姐上年有唱過,所以唔知係咪老師教,你地小朋友有冇唱呀?

作者: tscr701nt 時間: 09-9-8 13:26

原帖由 natalielin 於 09-9-5 02:38 發表

你好呀,我個女係0610,不過佢唔知係咪全班最細,但身材就應該係全班最細,連黃校長都忍唔住,走黎問我女女幾多月出世,佢知係10月後就話,哦~佢真係細粒d呀!
所以出街d人都話好似公仔咁! ...

我個女都係 0610 喎. 咁10月咪會一齊開生日會囉

作者: tscr701nt 時間: 09-9-8 13:27

原帖由 natalielin 於 09-9-5 02:40 發表
今日派左好多單張返黎,你地會唔會訂圖書呀?我諗緊訂唔訂好!

睇過. 我覺得都唔係太o岩. 寧願去 library 借一 D 俾佢睇

作者: tscr701nt 時間: 09-9-8 13:29

原帖由 natalielin 於 09-9-8 00:34 發表
今日haley放學就成日唱歌,唱隻普通話歌(歌名:快樂的一天開始了),佢話係老師教佢,不過我唔肯定,因為家姐上年有唱過,所以唔知係咪老師教,你地小朋友有冇唱呀? ...

我睇番上年既video, 佢地都有唱過呢隻歌呀. 我個女晚晚都聽架. 佢都有跟住跳.

作者: tscr701nt 時間: 09-9-8 13:30

請問有冇下午班第二組同學呀 ~~ ?

作者: kimmiechiu 時間: 09-9-8 15:18

Joycenwy,

我個仔都係蜜蜂組, 佢係0608. 適應期時係第2段時間(即3:15pm). 適應期時你係第一段時定係第二段時間架??

我每日返到去, 呀仔都唔會講學校發生咩事. 臨訓前仲問我明天駛唔駛返學?? 我答"要', 佢就話"唔好啦!", "唔返學校."

但是老師話佢係學校, 好正常冇喊,又冇扭計.

而且我個仔仲好掛著n1個間d同學仔.

老師叫我比d信心呀仔, 同埋比d時間佢適應. 但是每晚臨訓前佢同我d野. 我真係好擔心. 亦因為係學校佢表現得好. 老師覺得佢冇咩問題. 因為近在家時常發脾氣.
因為呀仔係用左要好長時間先可以適應n1.

你個女點呀?? 適唔適應呀?? 你個女有冇講番學校d野比你聽架??

原帖由 joycenwy 於 09-9-5 00:49 發表
To natalielin :
我個女都係下午班一組,佢係0602大女,全班最高同大都係佢喇....(但好un瘦) 佢係蜜蜂組跟李老師既...多多指教.... 大家可以互相交流下 ...

作者: tolulu 時間: 09-9-8 22:22

我個囡係下午班第二組，佢係小象組，你呢???

原帖由 tscr701nt 於 09-9-8 13:30 發表
請問有冇下午班第二組同學呀 ~~ ?

作者: natalielin 時間: 09-9-9 00:27

原帖由 tscr701nt 於 09-9-8 13:26 發表

我個女都係 0610 喎. 咁10月咪會一齊開生日會囉

係呀,生日小朋友會有一張合照比返我地架,學校仲會送一份禮物比小朋友,好開心架,到時你會唔會買CAKE返去呀,我就應該唔會,不過可以會整D/買D食物返去,比亞囡派比同學仔食啦!

講開生日會,9月份生日會咪話著中國服既,你地會著嘛?

作者: natalielin 時間: 09-9-9 00:29

原帖由 tscr701nt 於 09-9-8 13:27 發表

睇過. 我覺得都唔係太o岩. 寧願去 library 借一 D 俾佢睇

我想訂新雅心理+生活安全故事個SET呀,2個女都岩睇!

作者: natalielin 時間: 09-9-9 00:32

原帖由 tscr701nt 於 09-9-8 13:29 發表

我睇番上年既video, 佢地都有唱過呢隻歌呀. 我個女晚晚都聽架. 佢都有跟住跳.

係呀,大女成日唱架,初初學左返黎唱時,成日聽到佢批一掙,批一掙,唔知唱咩,之後網上見到就知係咩,笑死人~

歡迎光臨教育王國 (/)