教育王國

標題: 09/10 K1家長 [打印本頁]

作者: noelyip 時間: 09-7-23 10:56 標題: 09/10 K1家長

請問有無九月入讀K1既家長呀？

作者: stephanielum 時間: 09-7-23 13:11

Hi, 我囡囡九月都讀K.1 上午班, 你呢!

作者: bebu 時間: 09-7-23 19:56

Hi HI
我女女都係9月讀上午班呀.

原帖由 stephanielum 於 09-7-23 13:11 發表
Hi, 我囡囡九月都讀K.1 上午班, 你呢!

作者: noelyip 時間: 09-7-24 22:21

各位妳地好！我囡囡彤彤都係讀上午班的，想問下係未八月廿二號無論上下午班都係一齊兩點到達聖羅撒書院嫁？

作者: fcatherinehk 時間: 09-7-27 03:53

Hi!

My daughter will study in K1 am class at SRL Kg this coming September.

I will send and pick up her to school myself,how about u? Or take the nanny bus ?

Looking foward to see all of u soon!

[ 本帖最後由 fcatherinehk 於 09-7-27 03:59 編輯 ]

作者: noelyip 時間: 09-7-27 10:31

我地住係將軍澳，印印姐姐話佢可以帶囡囡坐港鐵再轉火車，佢話應該無問題，因為之前係九龍塘都係咁～！

我問佢點解唔坐校車，佢話怕囡囡危險，寧願辛苦少少...

所以我諗住俾佢試吓先，唔得至坐校車／保母車

作者: 懿琳媽媽 時間: 09-7-27 16:43

hi,

我都住將軍澳丫!!!
我就選擇坐校車,暫定8:20am上車.

恕我直言:
妳有冇考慮過其實早上繁忙時間港鐵同火車都很多人，加上又要轉來轉去,時間可能會仲耐.落火車後又要行至少10分鐘路程先到學校,如果落雨會仲煩.

放學小朋友已經好倦,仲要轉幾次車先回到家,仲可能冇位坐,我反而覺得辛苦.

印印姐姐送完小朋友返學後會去邊?在街上流連3個鐘?回家?一來一回時間都成2個鐘喇!咁小朋友lunch邊個整呀??

如果住得近學校,我當然贊成自己接送喇!但將軍澳算比較遠,交通又唔算方便,計落坐校車適合些少.

今年開始保姆車再唔接srl幼稚園生喇!因街車係唔可以駛入學校裹面上落車.大囡之前坐了3年街車,小囡今年要改坐校車了.

原帖由 noelyip 於 09-7-27 10:31 發表
我地住係將軍澳，印印姐姐話佢可以帶囡囡坐港鐵再轉火車，佢話應該無問題，因為之前係九龍塘都係咁～！

我問佢點解唔坐校車，佢話怕囡囡危險，寧願辛苦少少...

所以我諗住俾佢試吓先，唔得至坐校車／保母車 ...

作者: stephanielum 時間: 09-7-27 17:38

hi, 我都好認同你既講法, 要轉來轉去, 大人同小朋友都辛苦, 而且囡囡上左學校, 印印姐姐去邊喎? 所以noelyip你要想清楚呀! 我住葵涌架, 因我要返工, 所以囡囡迦琳由印印姐姐同佢落樓等校車, 之後佢可以回家清潔屋企同準備午飯, 中午時候再落樓下等囡囡放學, 我覺得咁樣大家都比較好囉!

原帖由 懿琳媽媽 於 09-7-27 16:43 發表
hi,

我都住將軍澳丫!!!
我就選擇坐校車,暫定8:20am上車.

恕我直言:
妳有冇考慮過其實早上繁忙時間港鐵同火車都很多人，加上又要轉來轉去,時間可能會仲耐.落火車後又要行至少10分鐘路程先到學校,如果落雨會仲煩.

放 ...

作者: stephanielum 時間: 09-7-27 17:40

hi, 我囡囡叫迦琳 Gavian, 你囡囡呢?

原帖由 bebu 於 09-7-23 19:56 發表
Hi HI
我女女都係9月讀上午班呀.

作者: fcatherinehk 時間: 09-7-28 04:10

住將軍澳8:20上車幾好喎，唔洗太早起身.
有d屋企同學校同區既都要30分車程呀.
想問下放學返將軍澳幾點落車?

[quote]原帖由 懿琳媽媽 於 09-7-27 16:43 發表

hi,

我都住將軍澳丫!!!
我就選擇坐校車,暫定8:20am上車.

作者: 懿琳媽媽 時間: 09-7-28 08:48

fcatherinehk,

係丫!8:20am先上車又真係幾好架!
我見過有部份讀將軍澳區的幼稚園,都要8:15am就上校車架喇!

其實都要睇屬於站頭定站尾.我地上車差不多是站尾,所以遲上車,咁當然落車亦是比較遲,印象中好似是12:40pm.

實際時間要差不多8月尾先知,因每年乘車人數同地點都有唔同.以上時間是根據上年度的.

原帖由 fcatherinehk 於 09-7-28 04:10 發表
住將軍澳8:20上車幾好喎，唔洗太早起身.
有d屋企同學校同區既都要30分車程呀.
想問下放學返將軍澳幾點落車?

[quote]原帖由懿琳媽媽於 09-7-27 16:43 發表
hi, ...

作者: noelyip 時間: 09-7-28 13:14 標題: 回覆 7# 懿琳媽媽的文章

多謝懿琳媽媽提醒，咁我都要諗清楚至得！

咁妳地係未已經通知左學校會坐校車嫁啦？

作者: fcatherinehk 時間: 09-7-30 16:54

懿琳媽媽:

想問下架校車係唔係只係載SRL既學生? 架校車係邊類?(幾多坐位)

noelyip:

我打算開頭4-6個月自己湊個女返學放學，等佢適應左而我又了解學校既運作之後，先至比佢坐校車.

睇張相你個女女好靚女，眼大大，features好似鬼妹仔. 我個女完全相反，佢係未整容既日韓妹樣.

我睇SRL視學報告話有家長觀課，唔知K1有無呢? 或者家長義工我都想參與，可以了解學校同觀察個女表現.

[ 本帖最後由 fcatherinehk 於 09-7-30 16:57 編輯 ]

作者: rosactf9999 時間: 09-8-1 15:03

我自己都住將軍澳. 小朋友係明德上車, 上年係8:10am 上車. 司機好準時. 真係好少遲到. 我亞女今年升k2.

我都建議你地都係坐校車好. 一來坐mtr轉火車, 個時間真係好長. 落車仲要行一段路, 帶住個細路, 都唔係講笑. 再加上工人姐姐出出入入好浪費時間, 加上萬一返學途中, 小朋友疲倦, 要姐姐抱, 就會再論盡d. 姐姐可能想自己帶, 因為有得出街, 唔做屋企野 (如有得罪, 唔好意思!). 佢地出左街, 就有excuse, 屋企d野又可能會做得冇咁好~~~

第二, 小朋友坐校車有佢個好處, 佢可以識多d小朋友, 佢地係車度玩, 講笑, 唱歌, 都會幾開心架. 不過有時就會學左d古靈精怪野囉~~~ 又會多咀. 媽咪就要留意下.

上年, 最初我都係想自己接送, 但計過都係時間問題, 所以最後決定坐校車.

作者: monkey妹 時間: 09-8-3 10:44

學校校車(康和)當然只載SRL既學生呀, 你有問題可直接打去康和問 2788-0222

原帖由 fcatherinehk 於 09-7-30 16:54 發表

想問下架校車係唔係只係載SRL既學生? 架校車係邊類?(幾多坐位)

作者: monkey妹 時間: 09-8-3 10:48

我都係住tko, 以我所知有好多小朋友都係住tko, 我亞女今年升k3喇, 我都想讚下司機同EE佢地真係好好好好好......

原帖由 rosactf9999 於 09-8-1 15:03 發表
我自己都住將軍澳. 小朋友係明德上車, 上年係8:10am 上車. 司機好準時. 真係好少遲到. 我亞女今年升k2.

作者: noelyip 時間: 09-8-3 14:30

可唔可以詳細講解吓點解妳話架校車咁好呀？等我都可以放心俾亞囡交俾佢地照顧

作者: noelyip 時間: 09-8-3 14:39 標題: 回覆 13# fcatherinehk 的文章

哈哈哈！妳真好眼，幅相真係一個混血既靚女黎，不過唔係我個囡，而係囡囡既表姐，佢今年五歲啦！佢住係美國，我囡囡無佢咁靚女，不過表姐仔係肥妹仔型，我個囡係骨排型，幅相係上個月我地去美國探佢地既時候影既，佢兩老表行埋一齊好好笑！

作者: fcatherinehk 時間: 09-8-3 16:24

我都想知校車係唔係好好，又或者會唔會個別地區既校車司機同姨姨好? 我舊年/前年(唔記得)睇過srl forum有家長猛烈批評校車公司，話唔準時兼態度唔好,事實係點?

我暫時既安排係上午返學爸爸車，下午放學自己接.
不過我都同意大家話搭校車會對小朋友無咁辛苦，因為學校門口個位停唔到車，如果落雨就唔方便. 如果搭校車小朋友唔洗日晒雨淋，又唔洗行嚟行去，放左學已經好攰嫁啦。

noelyip,
唔怪得之咁靚女啦!

作者: fcatherinehk 時間: 09-8-3 16:28

monkey妹,
你女女今年k3,你會否打算比佢讀srl 小學?
另外想問下，你女女呢屆既小朋友會否學好多野/父母較操練子女?

原帖由於 09-8-3 10:48 發表
我都係住tko, 以我所知有好多小朋友都係住tko, 我亞女今年升k3喇, 我都想讚下司機同EE佢地真係好好好好好......

作者: monkey妹 時間: 09-8-4 10:13

你都講得啱, 我個囡返學坐2號車(tko線), 放學坐1號車(油塘線), 呢2條線司機同姨姨都好好, 準時同態度好好, 1號車果個司機間唔中同D小朋友講下笑玩下好開心, 佢好受小朋友歡迎架, 我個囡成日叫住司機哥哥個名囉, 2號車姨姨都有同小朋友玩下送下糖仔比小朋友, 我個囡都好鐘意呢個姨姨, 至於其他路線我知就真係麻麻地

原帖由 fcatherinehk 於 09-8-3 16:24 發表
我都想知校車係唔係好好，又或者會唔會個別地區既校車司機同姨姨好? 我舊年/前年(唔記得)睇過srl forum有家長猛烈批評校車公司，話唔準時兼態度唔好,事實係點?

作者: monkey妹 時間: 09-8-4 10:36

我唔考慮比呀囡讀SRL小學, 因我仲有個細仔(而家9個月大), 我會搵番男女校嘅小學比佢地, 細仔就好大機會我都會比佢讀番SRL幼稚園

至於比野小朋友學, 我比較懶同唔得閒(因有2個小朋友), 唔係比好多野呀囡返, 不嬲都只係返學琴同英文班(play & learn 果D), 而家夏天就加多左游水, 遲D就加埋phonics, 希望呀囡入小學前已學好phonics, 就係得咁多喇:)

原帖由 fcatherinehk 於 09-8-3 16:28 發表
monkey妹,
你女女今年k3,你會否打算比佢讀srl 小學?
另外想問下，你女女呢屆既小朋友會否學好多野/父母較操練子女?

[ 本帖最後由 monkey妹於 09-8-4 10:38 編輯 ]

作者: noelyip 時間: 09-8-4 11:05 標題: 回覆 22# monkey妹的文章

點解妳唔揾間幼稚園連小學既男女校俾細仔讀既？

我覺得妳都好勤力喎！宜家囡囡都讀緊兩樣喎！

作者: monkey妹 時間: 09-8-4 12:55

要搵幼稚園連小學既男女校得幾間咋, 08年出生率都好高, 唔係咁易入到心儀學校架, 咁我都鐘意SRL幼稚園, 家姐讀完細仔入到讀機會都大好多

原帖由 noelyip 於 09-8-4 11:05 發表
點解妳唔揾間幼稚園連小學既男女校俾細仔讀既？

作者: noelyip 時間: 09-8-4 17:19 標題: 回覆 24# monkey妹的文章

咁妳唔鐘意SRL小學咩？定係因為妳唔想兩位小朋友讀唔同既學校咁麻煩？（恕我好八卦！

）

作者: monkey妹 時間: 09-8-5 09:44

你呢位家長都幾有求知慾

其實我都鐘意SRL小學架, 但家姐話要同細佬讀埋同一間學校, 我話你D同學仔可能會上SRL小學, 佢都係話揀要同細佬一齊喎

其實我都唔想佢地唔一齊讀, 對我黎講真係幾麻煩又易亂, 加上家姐用完D野(書本,校服等等)可以留比細佬, 咁又可慳多DD

原帖由 noelyip 於 09-8-4 17:19 發表
咁妳唔鐘意SRL小學咩？定係因為妳唔想兩位小朋友讀唔同既學校咁麻煩？（恕我好八卦！）

作者: noelyip 時間: 09-8-5 10:25 標題: 回覆 26# monkey妹的文章

咁又係！兩姊弟一齊讀同一間學校會方便好多，單係接送放學已經簡單方便啦！

作者: noelyip 時間: 09-8-6 09:59

想問下各位廿二號去家長日，係未會搭火車會方便D? 係未所有人都係下午?

作者: stephanielum 時間: 09-8-6 14:48

個日我會由觀塘坐巴士到, 如果你選擇搭火車就係第一城站B出口, 過對面馬路見到林大輝中學, 一路向前行, 就見到聖羅撒書院, 如果選擇搭巴士, 有以下路線都會途經學校附近, 82K, 89X, 86, 85A, 84M, 82M, 80K ,73A, 49X, 可能仲有其他路線既, 不過我只找到咁多咋, 希望你地有用啦~~

我估應該個日係K1上下午班既家長日啩, 但唔知係咪都同一時間下午2:00-3:00呢, 另外, 個日會唔會分埋班架!

原帖由 noelyip 於 09-8-6 09:59 發表
想問下各位廿二號去家長日，係未會搭火車會方便D? 係未所有人都係下午?

[ 本帖最後由 stephanielum 於 09-8-6 14:51 編輯 ]

作者: noelyip 時間: 09-8-7 10:56 標題: 回覆 29# stephanielum 的文章

唔該曬stephanielum!

我都係兩點至三點，我估應該係同一日同時間啦！

作者: fcatherinehk 時間: 09-8-8 03:55

noelyip,

我响goodhope個topic見到你都想考gh小學,我都係.
我地keep in touch,多你d交流下先得

作者: pandacat_bb 時間: 09-8-10 02:55

將軍澳綫既校車，頭站大約要7:50am上車，我地舊年係第2個站上車，就7:55am上車(但通常校車7:50就已經到咗)，放學大約12:20就返到

作者: noelyip 時間: 09-8-10 11:55 標題: 回覆 31# fcatherinehk 的文章

嘻嘻！我都係自己諗吓先啫！因為聽講HP好難入嫁！我又唔知囡囡讀書讀得好唔好，我見佢成日都坐唔定，我都好驚到時老師會嫌佢百厭，唔俾老師踢出班房都已經偷笑～！

作者: monkey妹 時間: 09-8-20 16:12

K1 & K2 家長,

22號家長日我地幾個家教會委員會黎同大家 say 個 hi, 介紹小小家教會嘅野, 另想招募新一屆委員, 希望大家一齊出下力, 到時見:)

Bony 周太
(bk login-in: monkey妹)

作者: stephanielum 時間: 09-8-21 14:08

hi, 我都有興趣幫手做家教會嘅野, 不過我要返工, 唔知可唔可以參與呢!

原帖由 monkey妹 於 09-8-20 16:12 發表
K1 & K2 家長,

22號家長日我地幾個家教會委員會黎同大家 say 個 hi, 介紹小小家教會嘅野, 另想招募新一屆委員, 希望大家一齊出下力, 到時見:)

Bony 周太
(bk login-in: monkey妹) ...

作者: monkey妹 時間: 09-8-21 17:34

當然可以參與喇

我都唔係full-time mami, 我同你一樣都係working mami

原帖由 stephanielum 於 09-8-21 14:08 發表
hi, 我都有興趣幫手做家教會嘅野, 不過我要返工, 唔知可唔可以參與呢!

作者: noelyip 時間: 09-8-28 15:41

終於放完個咁攸長既暑假，今日番學有些又愛又恨感覺添！

不如我地介紹吓自己小朋友讀邊班：

彤彤(Andrea)　　　幼兒仁班

作者: fcatherinehk 時間: 09-8-30 00:56

咁啱嘅,我個女都係仁班呀！
佢坐响最入嗰枱，彤彤坐邊?

[ 本帖最後由 fcatherinehk 於 09-8-30 01:05 編輯 ]

作者: stephanielum 時間: 09-8-31 14:30

好開心找到讀仁班既同學仔啦!

不如我地介紹吓自己小朋友讀邊班：

彤彤(Andrea)　　　幼兒仁班
迦琳 (Gavian) 幼兒仁班 (坐係門口第一張枱)

原帖由 noelyip 於 09-8-28 15:41 發表
終於放完個咁攸長既暑假，今日番學有些又愛又恨感覺添！

不如我地介紹吓自己小朋友讀邊班：

彤彤(Andrea)　　　幼兒仁班

作者: noelyip 時間: 09-9-1 10:12

哈哈！咁啱既！彤彤都係坐近門口第一張枱喎！廿八號果日妳有無入班房呀？我可能見過妳都唔定喎！

彤彤(Andrea)　　　幼兒仁班（近門口第一張星星枱）
迦琳 (Gavian) 幼兒仁班 (坐係門口第一張枱)

作者: noelyip 時間: 09-9-1 10:16

既然有三位同學同班咁就好啦！我成日好驚會唔知佢地係學校做咩或帶漏咩，咁大家要多D上黎交流吓，互相是點吓啦！第二日仲可以出黎玩吓添！

作者: 懿琳媽媽 時間: 09-9-1 22:59

我個囡又係幼仁班wor.....
彤彤叫晞彤嗎??

彤彤(Andrea)　　　幼兒仁班（近門口第一張星星枱）
迦琳 (Gavian) 幼兒仁班 (坐係門口第一張枱)
懿珩 (Ruby) 幼兒仁班（近門口第一張星星枱）

作者: noelyip 時間: 09-9-2 10:24 標題: 回覆 42# 懿琳媽媽的文章

懿琳媽媽：

係呀係呀！妳識得我個囡既咩？定係坐佢隔離？

作者: stephanielum 時間: 09-9-2 11:14

我個日都有入班房呀, 我地可能見過都唔定! 我個女坐係星星枱圓邊位置, 背住黑板, 你個女坐係邊個位置呀!

原帖由 noelyip 於 09-9-1 10:12 發表
哈哈！咁啱既！彤彤都係坐近門口第一張枱喎！廿八號果日妳有無入班房呀？我可能見過妳都唔定喎！

彤彤(Andrea)　　　幼兒仁班（近門口第一張星星枱）
迦琳 (Gavian) 幼兒仁班 (坐係門口第一張枱) ...

[ 本帖最後由 stephanielum 於 09-9-2 11:27 編輯 ]

作者: stephanielum 時間: 09-9-2 11:18

我地可以係度多d交流下, 遲下等佢地d小朋友熟絡左再約出來玩, 佢地一定好happy啫~

原帖由 noelyip 於 09-9-1 10:16 發表
既然有三位同學同班咁就好啦！我成日好驚會唔知佢地係學校做咩或帶漏咩，咁大家要多D上黎交流吓，互相是點吓啦！第二日仲可以出黎玩吓添！ ...

[ 本帖最後由 stephanielum 於 09-9-2 11:28 編輯 ]

作者: stephanielum 時間: 09-9-2 11:26

有會咁啱三個同班又坐埋同一張枱既~~等我今晚問下佢識唔識得晞彤同埋懿珩先??

你個女個名好熟, 印象中好似有個短頭髮, 類似男仔頭? 28/8個日係咪daddy同佢上課室架? 如果唔係, 咁佢座星星枱邊個位置, 我個女坐星星枱圓邊位, 背住黑板架.

原帖由 懿琳媽媽 於 09-9-1 22:59 發表
我個囡又係幼仁班wor.....
彤彤叫晞彤嗎??

彤彤(Andrea)　　　幼兒仁班（近門口第一張星星枱）
迦琳 (Gavian) 幼兒仁班 (坐係門口第一張枱)
懿珩 (Ruby) 幼兒仁班（近門口第一張星星枱） ...

[ 本帖最後由 stephanielum 於 09-9-2 11:36 編輯 ]

作者: noelyip 時間: 09-9-2 15:24 標題: 回覆 45# stephanielum 的文章

好呀好呀！佢地知道一定會好意外同好開心！（不過希望佢地無係課室度爭野玩啦！哈哈！）

一張枱好似可以坐十位小朋友，圓形地置坐兩位，咁長形就坐四位，而彤彤應該係坐係妳囡囡右手邊第三個位左右啦！等我試吓post彤彤張相上黎先！

作者: stephanielum 時間: 09-9-2 17:24

唔係呀, 我地將星星枱坐八個咋, 圓型坐兩個, 長型坐三個, 兩行長型共六個, 加埋八個, 全個課室有兩枱八個, 兩枱七個, 所以全班30人.

你話彤彤坐係我囡囡右手邊第三個位, 咁彤彤咪坐邊位囉? 佢係咪又背住老師架?? 等我今晚回家比你彤彤將相我個女睇, 睇吓佢認唔認得彤彤先, 呵呵~~~

原帖由 noelyip 於 09-9-2 15:24 發表
好呀好呀！佢地知道一定會好意外同好開心！（不過希望佢地無係課室度爭野玩啦！哈哈！）

一張枱好似可以坐十位小朋友，圓形地置坐兩位，咁長形就坐四位，而彤彤應該係坐係妳囡囡右手邊第三個位左右啦！等我試吓post彤彤張相上黎先！ ...

作者: 懿琳媽媽 時間: 09-9-3 07:23

noelyip,

我個囡係坐係彤彤隔離的(左手面),第一日上課室我有留意懿珩附近同學仔的名字呢!

係丫!懿珩的頭髮係短的,不過就唔係男仔頭,係小丸子髮型.

原帖由 noelyip 於 09-9-2 10:24 發表
懿琳媽媽：

係呀係呀！妳識得我個囡既咩？定係坐佢隔離？

作者: 懿琳媽媽 時間: 09-9-3 09:45

懿珩係坐長方形枱,中間位置,背住老師的.

[ 本帖最後由懿琳媽媽於 09-9-3 09:49 編輯 ]

作者: noelyip 時間: 09-9-3 10:31 標題: 回覆 48# stephanielum 的文章

係咩？乜原來有四張枱咩？！我仲以為只有三張添....

係呀！彤彤又係要背住老師嫁！

唔知點解我搞左好耐都換唔到張相上黎呀！

作者: noelyip 時間: 09-9-3 10:43 標題: 回覆 49# 懿琳媽媽的文章

懿琳媽媽：

妳好叻叻呀！咁細心有留意到隔離座位既小朋友名字既！

我地應該有見過面嫁，因為28號果日我好似係企係妳隔離呢！好高大果個呢！

彤彤同懿珩個樣同身形有D似嫁！（不過彤彤就無妳囡囡咁靚靚啫！）因為31號放學果日，我接放學既時候，係課室外面影左一張相，番到屋企至發覺原來坐隔離位既小朋友同佢咁似既，又係頭髮短短咁，動作又係一致，希望將來佢地會成為好朋友啦！

作者: 懿琳媽媽 時間: 09-9-3 10:44

noelyip,

昨晚阿囡認得妳個囡張大頭相wor...
佢話係佢同學仔.

咦!妳最終有冇搭校車丫?

原帖由 noelyip 於 09-9-3 10:31 發表
係咩？乜原來有四張枱咩？！我仲以為只有三張添....

係呀！彤彤又係要背住老師嫁！

唔知點解我搞左好耐都換唔到張相上黎呀！mouth:" />

作者: noelyip 時間: 09-9-3 10:53 標題: 回覆 53# 懿琳媽媽的文章

我宜家仲係由姐姐揍佢番學，但十二月可能要換姐姐，因為已經夠四年啦！宜家煩緊揾唔揾到好既姐姐幫手，如果換左新人就一定要坐校車，因為我宜家見幾個姐姐都好似唔夠宜家果個咁醒咁....

我唔放心將個女交俾d傻傻吓既工人接送學校，費事佢帶左我個女番左大陸都唔知

[ 本帖最後由 noelyip 於 09-9-3 10:55 編輯 ]

作者: 懿琳媽媽 時間: 09-9-3 11:10

昨日一肚火

,加勁擔心.

事緣:明明早上8:25am阿囡已經上咗校車返學,但學校竟然9:20am打電話俾我,問我個小朋友今天又冇返學.......

唔係嘛???冇返學???

我打俾校車姨姨,先知個囡架車9:00am已回到學校,但我個囡竟然冇落車????去咗邊????原來校車姨姨太大意,小朋友落車時冇數清楚人數,加上我個囡可能坐得比較後,佢地居然見唔到我個囡未落車,司機叔叔就開車走.後來叔叔發現車上仲有一個小朋友,於是就帶返我個囡返學校.

好彩冇發生意外,阿囡安全地係9:25am回到學校.

我已經同學校方面投訴,學校亦已經同校車公司傾過,話保証唔會有下次.仲有下次??????

大囡坐街車時都冇發生過任何問題,估唔到校車,真係.....

作者: noelyip 時間: 09-9-3 11:33 標題: 回覆 55# 懿琳媽媽的文章

唔係呀？！咁都可以錯得？！我地D小朋友咁細個，緊係唔知自己幾時至落車啦，好彩係番學啫！如果係放學佢跟左其他小朋友落錯車就大件事啦！佢點負責呀！真係離譜！

作者: stephanielum 時間: 09-9-3 12:03

有無攪錯, 咁既事都會發生既?? 好在無事咋, 但都比佢攪到你驚餐死

原帖由 懿琳媽媽 於 09-9-3 11:10 發表
昨日一肚火,加勁擔心.

事緣:明明早上8:25am阿囡已經上咗校車返學,但學校竟然9:20am打電話俾我,問我個小朋友今天又冇返學.......

唔係嘛???冇返學???

我打俾校車姨姨,先知個囡架車9:00am已回到學校,但我個 ...

作者: stephanielum 時間: 09-9-3 12:08

昨晚我個女睇到你個女張相都認得係佢個同學仔, 不過就唔知叫乜名

, 如果係咁, 迦琳右手邊有一個同學仔坐, 隔離係懿琳, 跟住就係彤彤, 佢地坐埋一排囉~

原帖由 noelyip 於 09-9-3 10:31 發表
係咩？乜原來有四張枱咩？！我仲以為只有三張添....

係呀！彤彤又係要背住老師嫁！

唔知點解我搞左好耐都換唔到張相上黎呀！mouth:" />mouth:" />

[ 本帖最後由 stephanielum 於 09-9-3 12:10 編輯 ]

作者: noelyip 時間: 09-9-3 14:38 標題: 回覆 55# 懿琳媽媽的文章

我頭先睇番張相，妳好似係潘太／馮太，係嗎？

作者: 懿琳媽媽 時間: 09-9-3 20:47

對丫!潘太是也

原帖由 noelyip 於 09-9-3 14:38 發表
我頭先睇番張相，妳好似係潘太／馮太，係嗎？

作者: noelyip 時間: 09-9-4 09:29

原帖由 懿琳媽媽 於 09-9-3 20:47 發表
對丫!潘太是也

早晨！潘太妳好！

作者: noelyip 時間: 09-9-4 09:34

原帖由 stephanielum 於 09-9-3 12:08 發表
昨晚我個女睇到你個女張相都認得係佢個同學仔, 不過就唔知叫乜名 , 如果係咁, 迦琳右手邊有一個同學仔坐, 隔離係懿琳, 跟住就係彤彤, 佢地坐埋一排囉~

...

早晨！迦琳媽媽妳好！
令千金既秀髮好濃密好靚靚咁喎！令我都好羡慕呢！

作者: stephanielum 時間: 09-9-4 16:43

hi, 彤彤媽咪你好! 我個女d頭髮似哂daddy又密又黑~~

昨日回家睇番開學影d相, 原來懿琳坐中間, 左手邊係我個女, 右手邊就係你個女彤彤嚟架, 佢地三個坐埋一齊喎!

係呢, 你地有無參加學校既家長義工呀, 我報咗名參加模擬花市, 唔知會唔會揀中我呢!

原帖由 noelyip 於 09-9-4 09:34 發表

早晨！迦琳媽媽妳好！
令千金既秀髮好濃密好靚靚咁喎！令我都好羡慕呢！

作者: BU813 時間: 09-9-5 01:18

其實真係唔知學校問題定校車姨姨問題...
事緣9月3日, 阿囡放學應該搭學車返屋企, 按之前通知11:25am係落車地點等, 點知11:30學校打電話問我地今日係搭校車定自接.....吓, 我地都無打過電話要自接, 梗係搭校車啦, 跟住就轉左校長聽, 鄭校長就話阿囡仲係學校.....???????....又話要打俾校車姨姨問吓先...老公知道就即刻飛的士去接阿囡.....

學校就不停話校車公司唔啱, 但係老師都有責任啦.....唔係應該點完名先帶小朋友落去排隊咩....張校車證掛係心口又有咩用呢????

到9月4日10:00 am, 老師又打電話問阿囡今日係咪搭校車...??????:-x :-x

作者: stephanielum 時間: 09-9-5 10:56

你係搭邊區校車同邊班邊級架, 點解會咁混亂架

你問下學校發生乜野事, 點解會咁囉, 或者近排開學, 有d家長一時搭校車一時又自接, 係咪咁樣老師攪亂咗同學仔, 所以出現咁既情況, 都要等學校關注吓.

我想9月3日個日真係十分混亂, 因為k2k3個日又開學, 事緣個日放學係11:00, 校車叔叔話11:55到達樓下, 點知工人姐姐等到12:30都未到, 佢打比司機叔叔, 司機叔叔話嚟緊, 叫佢等多一陣, 點知一等...........成1:20先到, 足足遲咗1個半鐘, 究竟咁耐車咗去邊?? 第二日上學時我老公問司機叔叔究竟發生乜事, 點解昨日遲咗咁耐, 佢又推卸學校話遲放學, 都唔知係咪講真? 我想如果今日再遲咁多我就打去學校問下, 點知超準時就到達, 所以都唔知係邊方面問題

原帖由 BU813 於 09-9-5 01:18 發表
其實真係唔知學校問題定校車姨姨問題...
事緣9月3日, 阿囡放學應該搭學車返屋企, 按之前通知11:25am係落車地點等, 點知11:30學校打電話問我地今日係搭校車定自接.....吓, 我地都無打過電話要自接, 梗係搭校車啦, 跟 ...

[ 本帖最後由 stephanielum 於 09-9-5 11:00 編輯 ]

作者: candyckathybb 時間: 09-9-6 15:16 標題: 新人

各位媽咪你們好,我囡囡芷筠(kathy)都係仁班的,(坐林老師右手邊長方形枱),可能第一日都有人會留意到佢,因為佢當日鼻鼻受咗傷,貼住膠布的,希望大家以後可以多d交流.:loveliness:

作者: stephanielum 時間: 09-9-7 11:09

hi, 芷筠媽咪, 我係迦琳媽咪, 我記得你女女呀, 因為個日佢貼住膠布好有印象, 芷筠坐林老師右邊第一個位, 我女女就坐左手邊第一個位, 佢地打對面坐架~~

好呀, 我地大家日後有乜野可以互相交流啦!

原帖由 candyckathybb 於 09-9-6 15:16 發表
各位媽咪你們好,我囡囡芷筠(kathy)都係仁班的,(坐林老師右手邊長方形枱),可能第一日都有人會留意到佢,因為佢當日鼻鼻受咗傷,貼住膠布的,希望大家以後可以多d交流.:loveliness: ...

作者: noelyip 時間: 09-9-7 12:36

原帖由 candyckathybb 於 09-9-6 15:16 發表
各位媽咪你們好,我囡囡芷筠(kathy)都係仁班的,(坐林老師右手邊長方形枱),可能第一日都有人會留意到佢,因為佢當日鼻鼻受咗傷,貼住膠布的,希望大家以後可以多d交流.:loveliness: ...

歡迎妳呀！我係彤彤媽咪，亦即係坐妳囡囡對面既懿珩既隔離位同學仔晞彤既媽咪呀！以後多些上黎傾計交流吓啦！

我對妳囡囡都有印象呀.....

[ 本帖最後由 noelyip 於 09-9-7 12:37 編輯 ]

作者: noelyip 時間: 09-9-7 12:41

原帖由 stephanielum 於 09-9-4 16:43 發表
hi, 彤彤媽咪你好! 我個女d頭髮似哂daddy又密又黑~~

昨日回家睇番開學影d相, 原來懿琳坐中間, 左手邊係我個女, 右手邊就係你個女彤彤嚟架, 佢地三個坐埋一齊喎!

係呢, 你地有無參加學校既家長義工呀, 我報咗名參 ...

我無參加家長義工呀！我最近只係頭痛緊請工人問題已經頭都大曬，其他野都係遲D至講啦......

作者: noelyip 時間: 09-9-7 12:47

聽印印姐姐講，宜家放學好多人，要十一點半至可以接到小朋友，我諗今日即係要十二點半至接到lu !

反而以前讀迦南係坐校車既係提早放學，即係十一點九左右就上左校車，自己接既就準時十二點接到小朋友，不過咁做未即係上堂時間縮短左囉！？

作者: stephanielum 時間: 09-9-7 16:03

梗係多人啦, k1 30人*3班 + k2 30人*5班, 總共240人, 學校要安排搭校車的同學仔走先, 一下子咁多架校車排隊駛入學校, 又要等齊人上車, 起碼四五個字先攪掂啦, 咁咪攪到接放學個d遲咗, 不過係辛苦d家長啫, 要係度等, d小朋友就唔會啩, 佢地可以係課室玩住等.

你之前讀個間迦南咁奇怪既, 咁搭校車個d咪縮短咗上堂時間囉

原帖由 noelyip 於 09-9-7 12:47 發表
聽印印姐姐講，宜家放學好多人，要十一點半至可以接到小朋友，我諗今日即係要十二點半至接到lu !

反而以前讀迦南係坐校車既係提早放學，即係十一點九左右就上左校車，自己接既就準時十二點接到小朋友，不過咁做未即係上堂時間 ...

作者: stephanielum 時間: 09-9-7 16:28

懿琳媽媽：我係聖羅撒小學個版面度見到你, 你囡囡今年升上小一喎, 就第時懿珩咪一樣可以升上去讀小一囉, 好羡慕你啊!

作者: noelyip 時間: 09-9-7 17:09

原帖由 stephanielum 於 09-9-7 16:03 發表
梗係多人啦, k1 30人*3班 + k2 30人*5班, 總共240人, 學校要安排搭校車的同學仔走先, 一下子咁多架校車排隊駛入學校, 又要等齊人上車, 起碼四五個字先攪掂啦, 咁咪攪到接放學個d遲咗, 不過係辛苦d家長啫, 要係度等, ...

我囡囡之前讀九龍塘金巴倫道果間迦南，其實好近聖羅撒，我估佢地其實係全班一齊縮短左上課時間，因為我見我個囡都係好心急咁坐係課室度等~~~~直至姐姐一個箭步飛入課室拯救佢～　

作者: noelyip 時間: 09-9-7 17:12

原帖由 stephanielum 於 09-9-7 16:28 發表
懿琳媽媽：我係聖羅撒小學個版面度見到你, 你囡囡今年升上小一喎, 就第時懿珩咪一樣可以升上去讀小一囉, 好羡慕你啊!

妳咁神通廣大既！妳又認得懿琳媽媽個樣？係邊度？著咩色衫嫁？等我又上去睇吓！

作者: 懿琳媽媽 時間: 09-9-7 18:53

stephanielum,

妳好醒wor!咁到搵到我....

係丫!我大囡今年升小一喇!如果教育署唔改制的話,懿珩係可以跟家姐直上小學的.

原帖由 stephanielum 於 09-9-7 16:28 發表
懿琳媽媽：我係聖羅撒小學個版面度見到你, 你囡囡今年升上小一喎, 就第時懿珩咪一樣可以升上去讀小一囉, 好羡慕你啊!

作者: 懿琳媽媽 時間: 09-9-7 18:57

noelyip,

我估佢係小一編班裡找到大囡個名,所以找到我.
冇相架.......

原帖由 noelyip 於 09-9-7 17:12 發表

妳咁神通廣大既！妳又認得懿琳媽媽個樣？係邊度？著咩色衫嫁？等我又上去睇吓！

作者: noelyip 時間: 09-9-8 10:37

原帖由 懿琳媽媽 於 09-9-7 18:57 發表
noelyip,

我估佢係小一編班裡找到大囡個名,所以找到我.
冇相架.......

o ic! :(

作者: stephanielum 時間: 09-9-8 12:30

係呀, 我想睇下小一學校d野, 係小學一覽聖羅撒學校個度見到你個名, 而幅相又一樣(三隻羊仔), 所以咪問下係咪你嚟囉~~

原帖由 noelyip 於 09-9-8 10:37 發表

o ic! :(

[ 本帖最後由 stephanielum 於 09-9-8 12:31 編輯 ]

作者: noelyip 時間: 09-9-9 14:29

番左成個禮拜學，唔知大家既小朋友有無番屋企講吓學校D野，或者對學校有咩感想呢？

作者: noelyip 時間: 09-9-9 14:43

經過咁悠長既暑假之後，彤彤起初番學有幾日都唔多願意咁，甚至前一晚經已問：”明天洗唔洗番學？”我感覺到佢對番學好似好有壓力咁....

好彩近幾日又有些少好轉，可能慢慢適應左新環境、新老師及新同學啦！希望各位小朋友都可以盡快適應啦！

點解番左學咁耐，老師都無電話俾家長，講吓小朋友係學校既情況既？我記得讀N1既時候有喎！唔通讀K1無？定係喱間學校無呢？

作者: stephanielum 時間: 09-9-9 14:55

我囡囡咪日日叫我同daddy扮同學仔, 佢就扮林老師囉, 扮放學唱goodbye歌, 跟住就等叫車號上校車, 我地動作慢d, 佢就好緊張咁叫快d上校車, 話好快就走啦, 佢個表情真係比佢笑死, 唔知學校d老師係咪都係咁緊張呢! 佢可以將學校既野模仿哂出嚟, 所以大約知道佢地係學校做緊乜野都好既!

彤彤呢, 佢係屋企有無同你講學校d野或者教你唱乜野歌呀!

作者: stephanielum 時間: 09-9-9 15:14

我估佢地小朋友返學就一定有壓力, 好似亞女同我講, 話老師同佢地講上堂唔可以走來走去, 玩同傾計, 要佢地坐低定定聽老師講野, 都唔係一時之間可以做得好, 耐性始終要慢慢培養, 希望佢地遲下會適應過來吧.
我個女都係, 晚晚都唔係好願入房瞓覺, 有時仲同我講話唔眼瞓, 唔想瞓, 比佢激死

, 現在我每晚叫佢10:00入房講故事, 唱歌同抱一陣先瞓覺, 攪得嚟都10:15, 第二日8:00起床, 8:30上校車, 放學回家中午就瞓一個鐘午睡, 其實個時間安排都好好, 你地話係咪

我個女都成日問聽日駛唔駛番學,可能仲係適應中啩! 佢以前讀個間n1都有打嚟話我知係學校點樣情況, 仲叫我放心, 唔駛擔心佢, 但似間又無喎, 真係唔知係暫時未有定係全部學校k1班已經無依樣野嘞

[ 本帖最後由 stephanielum 於 09-9-9 15:26 編輯 ]

作者: noelyip 時間: 09-9-10 10:58

原帖由 stephanielum 於 09-9-9 14:55 發表
我囡囡咪日日叫我同daddy扮同學仔, 佢就扮林老師囉, 扮放學唱goodbye歌, 跟住就等叫車號上校車, 我地動作慢d, 佢就好緊張咁叫快d上校車, 話好快就走啦, 佢個表情真係比佢笑死, 唔知學校d老師係咪都係咁緊張呢! 佢可 ...

嘩！琳琳講說話好叻喎！

彤彤講說話喱方面就一向麻麻，佢只係同我講每日食咩茶點咋！以前讀N1時佢就最鐘意扮老師幫同學點名，叫完名之後仲會話：叻仔／叻女！
但宜家就無咁做喎.....
佢淨係成日問我地佢乖唔乖咋？

不過講真，彤彤又真係好似乖左少少喎，因為佢一向係好動活躍型，妳話老師要求佢上堂要坐定定唔准走唔准玩，我諗對佢黎講又真係會幾辛苦幾大考驗嫁！　哈哈！

作者: noelyip 時間: 09-9-10 11:07

原帖由 stephanielum 於 09-9-9 15:14 發表
我估佢地小朋友返學就一定有壓力, 好似亞女同我講, 話老師同佢地講上堂唔可以走來走去, 玩同傾計, 要佢地坐低定定聽老師講野, 都唔係一時之間可以做得好, 耐性始終要慢慢培養, 希望佢地遲下會適應過來吧.
我個女都係 ...

我宜家都係十點左右就叫彤彤入房上牀，姐姐話大約十一點左右會瞓著，都算好過之前少少，早上就七點十五分左右起牀，食完早餐八點出門口，到下午我叫姐姐盡量俾佢早些瞓教，約一個鐘，咁安排似乎好少少，因為我之前無特別理佢瞓教既時間安排，結果搞到好夜至瞓得著，朝早又無精神好攰咁，咁會影響學校生活麻！

作者: stephanielum 時間: 09-9-10 14:18

琳琳唔止講野叻, 仲成日駁咀! 彤彤可能仲未熟學校環境, 你可以問多d佢係學校既野, 等佢多d表達出來, 我日日都問佢今日係學校做乜, 林老師教你地乜野歌仔, 茶點食咗乜之類....
琳琳成日同我講話好鍾意同羅雯晞(大約譯音)玩, 我問佢點解, 佢話佢好好人喎! 彤彤呢, 有無話同邊個玩呀!

原帖由 noelyip 於 09-9-10 10:58 發表

嘩！琳琳講說話好叻喎！

彤彤講說話喱方面就一向麻麻，佢只係同我講每日食咩茶點咋！以前讀N1時佢就最鐘意扮老師幫同學點名，叫完名之後仲會話：叻仔／叻女！
但宜家就無咁做喎.....
佢淨係成日問我地佢乖唔乖咋？

不過講真，彤彤又 ...

作者: stephanielum 時間: 09-9-10 14:38

彤彤咁早就要起身咪好辛苦囉, 佢有無扭計唔起身呀! 你個係頭站嚟架, 校車咁早接既? 我之前都擔心琳琳要早起身坐校車好辛苦唔習慣, 好在開學知道佢係最尾上車, 唔駛咁早起身, 宜家只係早之前返n1班早多三個字起身, 因為佢n1係樓下上咋!

原帖由 noelyip 於 09-9-10 11:07 發表

我宜家都係十點左右就叫彤彤入房上牀，姐姐話大約十一點左右會瞓著，都算好過之前少少，早上就七點十五分左右起牀，食完早餐八點出門口，到下午我叫姐姐盡量俾佢早些瞓教，約一個鐘，咁安排似乎好少少，因為我之前無特別理佢瞓教既 ...

作者: noelyip 時間: 09-9-10 17:19

我其實每日都有問彤彤係學校做過咩？甚至會引導佢有無做過咩？（我怕佢唔識講／形容）希望佢最少都答吓我有定無呀！但佢好多時都唔講嫁，反而有時就會話叫樓下clubhouse既小朋友叫佢地唔好搶佢D玩具：”咁做係唔乖既！（輕輕摸吓佢塊面）下次我叫媽咪買俾妳啦！”

作者: noelyip 時間: 09-9-10 17:23

原帖由 stephanielum 於 09-9-10 14:38 發表
彤彤咁早就要起身咪好辛苦囉, 佢有無扭計唔起身呀! 你個係頭站嚟架, 校車咁早接既? 我之前都擔心琳琳要早起身坐校車好辛苦唔習慣, 好在開學知道佢係最尾上車, 唔駛咁早起身, 宜家只係早之前返n1班早多三個字起身, ...

彤彤宜家都係由姐姐帶佢番學，所以要早少少，我見我住屋苑都好同校既小朋友都係八點三左右出門，不過我就唔知佢地係頭定尾站啦！

姐姐話佢接放學既時候，好似唔係坐之前一入門口果張枱既？！唔知係佢地換左位定係放學前另作安排呢？

作者: noelyip 時間: 09-9-10 17:30

彤彤七點幾起牀都唔算好早，佢自細都係咁上下，不過我嫌佢太遲瞓教就真！

彤彤有時如果前一晚瞓得唔好都會褸吓計不肯起身，但我地會開DVD或者同佢玩吓或俾益力多引佢，一般都會搞掂既！

羅雯希？等我今晚番去問下佢同邊個小朋友玩先？不過我估佢未必識得講....

姐姐先頭同我講，今日放學彤彤唔捨得放學，Tidy Up完都仲想玩，唔知佢地玩咩咁開心呢？！等我問吓佢先...

作者: candyckathybb 時間: 09-9-11 00:21

各位媽咪你地好,呢幾日比較忙,唔知係我黑定係kathy黑呢,開學前我地全家去旅行,佢就跌親,(聯)了4針,開學頭一個星期就氣管敏感,(咳),剛星期六開始腸胃炎,到星期三先好返,可以返學,係唔係好黑呢

作者: noelyip 時間: 09-9-11 10:32

原帖由 candyckathybb 於 09-9-11 00:21 發表
各位媽咪你地好,呢幾日比較忙,唔知係我黑定係kathy黑呢,開學前我地全家去旅行,佢就跌親,(聯)了4針,開學頭一個星期就氣管敏感,(咳),剛星期六開始腸胃炎,到星期三先好返,可以返學,係唔係好黑呢 ...

又會咁既！咁真係要好好保重啦！咁Kathy宜家無事可以番學啦係未？

希望佢以後一切順利，開開心心上學去！

作者: noelyip 時間: 09-9-11 10:35

原帖由 stephanielum 於 09-9-10 14:18 發表
琳琳唔止講野叻, 仲成日駁咀! 彤彤可能仲未熟學校環境, 你可以問多d佢係學校既野, 等佢多d表達出來, 我日日都問佢今日係學校做乜, 林老師教你地乜野歌仔, 茶點食咗乜之類....
琳琳成日同我講話好鍾意同羅雯晞(大約 ...

我尋日番去問過彤彤，有無同其他小朋友玩，問佢知唔知同學仔個名，佢講佢地叫：同學仔喎！

不過最後佢都話識得一個叫Terry喎！

作者: stephanielum 時間: 09-9-11 11:21

我昨晚問過琳琳, 佢話依然坐番開學時個位, 無轉位! 不過佢成日同我講話個羅雯希坐係佢隔離喎

亞女話係學校睇波兒, 仲成日係屋企唱波兒歌, 我話老師無教你地其他野咩, 佢話只係唱goodbye歌同茶點歌, 睇波兒同食茶點, 咁奇怪

原帖由 noelyip 於 09-9-10 17:30 發表
彤彤七點幾起牀都唔算好早，佢自細都係咁上下，不過我嫌佢太遲瞓教就真！

彤彤有時如果前一晚瞓得唔好都會褸吓計不肯起身，但我地會開DVD或者同佢玩吓或俾益力多引佢，一般都會搞掂既！

羅雯希？等我今晚番去問下佢同邊個小 ...

作者: stephanielum 時間: 09-9-11 11:30

kathy 聯咗幾針咪好痛囉, 細既就肉痛, 大既就心痛, 咁佢現在個傷口仲痛唔痛呀, 真係一波三折! 我見第二版聖羅撒家長講話佢地個班都有幾個同學仔病咗番唔到學, 又係發燒囉! 近排開學會好多同學仔病, 遲下就會好d, 希望個個小朋友都身體健康啦!

原帖由 candyckathybb 於 09-9-11 00:21 發表
各位媽咪你地好,呢幾日比較忙,唔知係我黑定係kathy黑呢,開學前我地全家去旅行,佢就跌親,(聯)了4針,開學頭一個星期就氣管敏感,(咳),剛星期六開始腸胃炎,到星期三先好返,可以返學,係唔係好黑呢 ...

作者: noelyip 時間: 09-9-11 14:56

原帖由 stephanielum 於 09-9-11 11:21 發表
我昨晚問過琳琳, 佢話依然坐番開學時個位, 無轉位! 不過佢成日同我講話個羅雯希坐係佢隔離喎

亞女話係學校睇波兒, 仲成日係屋企唱波兒歌, 我話老師無教你地其他野咩, 佢話只係唱goodbye歌同茶點歌, 睇波 ...

果位羅雯希可能坐係琳琳左手邊呢！？

作者: stephanielum 時間: 09-9-11 16:44

我都估係咁!

原帖由 noelyip 於 09-9-11 14:56 發表

果位羅雯希可能坐係琳琳左手邊呢！？

作者: noelyip 時間: 09-9-11 17:17

學校個網頁公佈有兩單H1N1確診喎！咁點算呀？又停課一星期呀？

作者: QOOGIRLZOE 時間: 09-9-11 17:27

原帖由 noelyip 於 09-9-11 17:17 發表
學校個網頁公佈有兩單H1N1確診喎！咁點算呀？又停課一星期呀？

係呀! 老師打比我話依家未知須唔須要停課

作者: candyckathybb 時間: 09-9-11 19:20

點解由開學到而家,從未有老師打過比我呢?我到而家先知道有2單H1N1,唔知明天學校有無人聽電話呢,星期一要唔要返學呢,今日聽另一個家長講先知,原來唔記得叫個小朋友落車的校車,就係kathy坐的2號車,好彩係聽聞話個司機同姨姨都換咗人.可能真係剛開學,問題比較多

作者: 妹豬 時間: 09-9-11 23:44

hello你地好,我剛剛先睇到學校個網頁話有2單H1N1, 我囡今日放學返來流晒鼻水加有d咳,已睇醫生,暫時未有發燒,都有d驚喎,今晚佢仲同家姐一間房訓

歡迎光臨教育王國 (/)