教育王國

標題: 教:ABC/123/顏色/形狀的次序是? [打印本頁]

作者: miumiu809 時間: 08-9-8 10:07 標題: 教:ABC/123/顏色/形狀的次序是?

各位媽咪,
唔知教ABC/ 123/ 顏色/形狀應該依咩次序呢?
你地BB幾時學識了?
用咩方法呀?
分享一吓啦~~

[ 本帖最後由 miumiu809 於 08-9-8 10:13 編輯 ]

作者: crystal媽咪 時間: 08-9-8 19:39

我以前教小朋友就A,B再教C,
至於認數字就1,2,3,
但數數就1,3,2 (因為數2要講1,2-兩個XX)
形狀就先教圓形,再教三角形,正方形.

有D小朋友在2歲半就學識, 不過有小朋友要3歲至識. 每人發展都唔同.

作者: miumiu809 時間: 08-9-9 04:19

我意思係教咗顏色先, 定ABC 先, 定數字 or 形狀先...
thanks!

作者: miumiu809 時間: 08-9-9 05:04

洗唔洗教完晒一樣先到另一樣?
定係可以顏色教2-3種+ 字母1-2個, 同一時間教??

作者: olima 時間: 08-9-9 12:54

我認為顏色同形狀應比abc/123深。

小兒睇住迪士xxx就最先學曉a至z(約20個月)，123就係之後拖著他上落樓梯時教曉，與此同時都會教下顏色同形狀，但顏色同形狀的整體概念要後一步才完全建立，但其實順其自然地教就可以。

原帖由 miumiu809 於 08-9-9 05:04 發表
洗唔洗教完晒一樣先到另一樣?
定係可以顏色教2-3種+ 字母1-2個, 同一時間教??

作者: chingchingb.ma 時間: 08-9-9 14:57

其實好睇小朋友對邊樣嘢有興趣,教邊樣先都唔緊要。我亞囡嘅程序係(1) Shapes, (2) ABC, abc, 123, (3) Colours。

我記得亞囡8-9 months時,我買咗個好簡單嘅shape sorter返嚟同佢玩,每攞一個shape就同佢講個名,然後一齊揸住入落個sorter度,冇幾耐亞囡(未識講但係)可以分辦到一d簡單嘅shapes -- circle, triangle, star, rectangle。喺11 months時會指住star shape講"sar",其他shapes約歲半前先識講。

大約12 months,見亞囡日日同屋企人去飲茶冇嘢啱食,百無聊賴,於是用Excel印咗A-Z及a-z出嚟,一頁一個alphabet,過咗膠然後bind咗2本小書比亞囡當書睇,佢每
flip一頁,讀一個。見佢咁有興趣睇,就print埋1-10,又bind一本小書比佢。大約14 months之前係3本小書都可以認到、講到。見佢玩得咁開心,就用abc嗰本教埋26個alphabet sounds。

最後學colours,個人認為colours對小朋友比較抽象,e.g.紅蘋果,亞囡識"apple",但同一時間係唔可以講"red",因我覺得小朋友會混亂,明明呢個係apple,又點解會係red呢?最後決定用唔同顏色嘅波波同佢沖涼時玩。當每次準備沖涼前就將d波逐個掉落bath tub,每掉一個前,講個波嘅colour,如是者玩咗個多星期之後,就開始引佢講咗個colour先,然後交比佢掉,4種colours每次都啱2、3種,唔啱唔緊要,你講番啱跟住比佢掉落bath tub,同樣開心!!再過多一、兩星期已可掌握到,當時約16 months。

其實每個小朋友嘅發展有快有慢,亦有唔同嘅方面,我見有d小朋友大小肌肉操作得好叻,我都羨慕嘅,因亞囡掛住做bookworm,bb時d大小肌肉操作麻麻地,為有慢慢train佢lor。其實學邊樣先都唔緊要(到入kindergarten都會學到晒),但切忌操之過急,要隨著佢哋嘅興趣,如當時亞囡冇興趣,我絕對唔會逼佢,每次都係佢攞起要睇先陪佢讀,咁當然d書仔一定要放當眼地方啦。

原帖由 miumiu809 於 08-9-9 04:19 發表
各位媽咪,
唔知教ABC/ 123/ 顏色/形狀應該依咩次序呢?
你地BB幾時學識了?
用咩方法呀?
分享一吓啦~~

[ 本帖最後由 chingchingb.ma 於 08-9-9 14:58 編輯 ]

作者: miumiu809 時間: 08-9-9 16:44

chingchingb.ma,

thank you very much for your sharing!!!
你女女都好厲害wor!!
原來大家都認為顏色和形狀是比較深. 等我再三計劃下點教亞b先~!!
我原本仲打算開始教顏色先添, 今日買咗貼在wall上的jumbo 貼紙, 係顏色筆形狀, 張張一樣樣, 只係唔同顏色.
等如蒙特梭利所講的單一教學目的, 亞b就唔會咁混淆囉.

我亞b只有14個月大, 佢都好中意睇書, 我每天同佢睇起碼10本書以上, 佢亦好中意!!
而我呢幾樣嘢咩都未開始教佢.
本來5個月大開始有睇閃card, 自從學識行就唔肯玩了.
於是而家打算有系統少少咁教佢呢d認知囉.

最近睇到bk d媽咪/bb都好叻叻, 平均10幾個月就教識bb呢d嘢, 我都可以開始嘞

作者: miumiu809 時間: 08-9-9 16:46

係呢, 你地會教晒所有字母--> 跟住先教數字--> 1-10都識了, 先再教顏色--> 形狀?

定係每天每類各2-3樣好D呀?

作者: chingchingb.ma 時間: 08-9-9 20:11

如果bb有興趣,可同步進行,亦冇定話教幾多。亞囡喜歡嘅話,我係由A-Z一次過讀晒成本書,佢有興趣就會再重頭叫我讀多次,冇興趣就玩第二樣。

Poster係一d平面嘅嘢,可作輔助,但始終唔及一d立體嘅物件,可以刺激埋bb嘅感觀,e.g.一個個唔同colour嘅波仔,shape sorter唔同嘅shaped blocks,咁學起嚟會事半功倍。

原帖由 miumiu809 於 08-9-9 16:46 發表
係呢, 你地會教晒所有字母--> 跟住先教數字--> 1-10都識了, 先再教顏色--> 形狀?

定係每天每類各2-3樣好D呀?

作者: miumiu809 時間: 08-9-9 21:12

chingchingB.ma,
多謝你的提點~

我已將10張顏色過膠, 會比佢拿上手, 亦會配合真實的顏色筆來教, 因佢呢排好中意油顏色!

另外, 想問吓你個月好中意睇果3本小書時, 有冇已經睇咗好多其他書嘅經驗呢? 我驚我女女唔中意睇d only字母/ 數字嘅書wor~
我諗我會再諗吓多d令佢有興趣的方法

作者: miumiu809 時間: 08-9-9 21:15

但大家有冇覺得如果先教字母會令bb專注在字母, 而唔會整個字去睇呢?

作者: chingchingb.ma 時間: 08-9-9 23:40

miumiu809,

之前亞囡都有本質感嘅書,e.g.綿羊仔個身有羊毛...。另外10 months嗰陣有本講shapes嘅書,一版一個shape,係因為亞囡當時已掌握到shape sorter嘅4個shapes,本書係進一步令亞囡由立體嘅shape,配合落平面圖度學。

而DIY嗰3本書仔係亞囡每日都放喺bb奶粉袋,悶時拎出嚟讀嘅書,所以特別鍾意!

如果亞囡鍾意睇書,就算係好plain嘅DIY書一樣會鍾意,唔使擔心之前係未睇過其他書。

原帖由 miumiu809 於 08-9-9 21:12 發表
chingchingB.ma,
多謝你的提點~
我已將10張顏色過膠, 會比佢拿上手, 亦會配合真實的顏色筆來教, 因佢呢排好中意油顏色!

另外, 想問吓你個月好中意睇果3本小書時, 有冇已經睇咗好多其他書嘅經驗呢? 我驚 ...

作者: chingchingb.ma 時間: 08-9-9 23:57

我會咁睇,所有English words都係由字母組成,由基本alphabet names --> alphabet sounds --> blending --> reading --> understanding,如果小朋友用呢個程序去學,phonics/reading嘅基礎會solid一d。

相反地,如果由整個字(word)學起,會有d死記成份,而個字一轉咗小小形式又唔識讀、又唔認得ga喇!意義不大。

我亞囡歲半時都有睇下picture cards,即一個物件下面有個英文名,佢記得好好,我估係因為件物件令佢記得個名,並唔係識睇下面個英文字lor。就算記得個字,並唔代表佢會識得將個字拆開d syllables嚟記。

原帖由 miumiu809 於 08-9-9 21:15 發表
但大家有冇覺得如果先教字母會令bb專注在字母, 而唔會整個字去睇呢?

作者: miumiu809 時間: 08-9-11 15:32

我已經開始教佢認吓ABC了.
買咗D磁石貼, 但唔想長期貼在雪柜比佢日玩晚玩, 而家每日玩2-3次, 等佢仲想繼續時就收起佢. 咁希望可以令佢更大興趣玩.
我都在台灣訂了幾本書,(還有ABC,123字card) 一頁一個大字那種. 因為屋企果d書都唔清楚, 一頁好多個圖, 好多字, 我最唔中意咁嘅書!

作者: isis_mama 時間: 08-9-14 05:40

人人都有教小朋友唔同既方法, 我就唔係好有系統同程序去教阿囡既, 但係我係佢未夠一歲就成日同佢睇書, 包括晒a-z, 顏色, 形狀, 佢當日有興趣邊一本或者邊幾本就同佢睇, 另外同佢去街, 見到d咩都話比佢知,

e.g. 見到香蕉會話比佢知係yellow color banana, 見消防車會話佢知係red color fire truck.

見到d大大隻字既英文字母, 會話佢知係a-z邊個, 形狀又係, 長時間後佢地就會不知不覺記左好多野入腦度!

我覺得咁比set時間同程序教生動同埋容易得多!

作者: isis_mama 時間: 08-9-14 05:41

另外有少少溫馨提示, 想提高小朋友既語言能力, 儘量唔好同佢地講bb話, 即係"食mum mum", "飲奶奶" 個類,因為佢地點都要學大人講野, 要佢地記左bb話再轉大人話, 其實浪費左少少convert既力, 咁當然啦, 做人阿媽既有時都會忍唔到架,hehehe, 我都會架!

仲有呢, 成日同佢地講野, 傾計, 我囡依家三歲, 由佢出世到歲半前我會好似傻婆咁同佢講好多野架, even佢可能on居居咁唔知我up咩都照講, 其實呢, 佢地都入腦架! 依家冇喇, 因為隻三歲小魔怪把咀太勁, 我答佢d問題同埋傾計都好忙喇!

暫時我阿囡既老師, 其他有小朋友既friend都話我個囡係學得快同咀仔叻既小朋友, 你可以試下我既方法, 如果唔岩聽既就當冇睇過啦!

[ 本帖最後由 isis_mama 於 08-9-14 05:45 編輯 ]

作者: miumiu809 時間: 08-9-15 09:00

很多謝你的分享~ 我很同意取材自日常生活的學習是最輕鬆和有興趣的, 不過也想把握小B擁有超強記憶力的學習時期, 而且十五個月大的認知力和反應都已經表現得很好了. 我覺得是時候需要有系統一點的早期教育
日常生活就叫自己變通d, 活動d!!

作者: 仔仔錫錫你 時間: 08-9-26 16:54

阿仔學講野較慢, 都係18個月先多d野講, 不過佢pick-up 得幾快!

ABC / 123 / 顏色 / SHAPE 我地係日日都有灌輸.
ABC 教左3日只係A-L, 第4日佢自己守突然爆出A-Z, 應該係平日煲DVD自學.
123 教左一次, 又攪掂, 應該都係平日煲DVD自學
顏色 : 最先紅橙黃綠藍, 跟住每日加1隻, 從畫畫中學習, 依家識10個色
SHAPE 好細個已經玩shape sorter, 不過當時都係用顏色叫佢match, 重未認真教

so far 每日都會repeat & repeat 問同一堆問題, 所以都係十日八日攪掂. 我諗對佢地來講玩才是最緊要, 我地只可以從玩樂中比佢學習.

作者: miumiu809 時間: 08-9-27 18:55

原帖由 仔仔錫錫你 於 08-9-26 16:54 發表
阿仔學講野較慢, 都係18個月先多d野講, 不過佢pick-up 得幾快!

ABC / 123 / 顏色 / SHAPE 我地係日日都有灌輸.
ABC 教左3日只係A-L, 第4日佢自己守突然爆出A-Z, 應該係平日煲DVD自學.
123 教左一次, 又攪掂, 應該都 ...

how old is he now?

作者: 仔仔錫錫你 時間: 08-9-29 13:01

重有2weeks 就23個月. 入學前, 我自己比較注重佢肌肉, 平行, 4肢協調發展. 你有無見過14個月bb 可以自己上50級樓梯以上? 20個月bb 可以自己揸筷子挾食物? 如果4肢協調平行好, 受傷機會都低d, 呢d野學校係唔會教.

其他ABC / 123 .... 我覺得返到學校先識都未遲.

作者: BH_2 時間: 08-11-12 20:31

我冇刻意分開前後教, 通堂佢睇的vcd 都有齊, 我地平時又問下佢, 英文的2歲前都識(因我們同佢說英文的多), 中文(廣東, 國語)的就兩歲幾番左n1識. 我覺得反正佢地學野冇壓力, 當遊戲學就得啦.

作者: MAMAMEEE 時間: 09-6-4 00:15

考幼稚園顏色同形狀必問. 反而串字要求不多.

作者: w_y 時間: 09-6-4 00:28

我大女反而係好早就認顏色同形狀. 我唔想教佢字母, 所以係由詞語教起. 然後跟 phonics 學. 但其實一直都無 set 次序, 見乜教乜. 效果良好.

細仔本來都想咁, 點知佢自己係都要認字母同數字先. 我反而有點擔心.

我諗, 順住 bb 興趣, 反而唔需要定一個固定次序去教. 所有事物, up 得多佢聽得多自然學會.

幼稚園 in 幾乎唔會叫你串字, 反而形狀, 日常用品, 顏色, 動物水果之類就成日有考.

作者: MAMAMEEE 時間: 09-6-4 22:53

原帖由 w_y 於 09-6-4 00:28 發表
我大女反而係好早就認顏色同形狀. 我唔想教佢字母, 所以係由詞語教起. 然後跟 phonics 學. 但其實一直都無 set 次序, 見乜教乜. 效果良好.

細仔本來都想咁, 點知佢自己係都要認字母同數字先. 我反而有點擔心.

我諗 ...

同埋老師喜歡考小朋友是否對身邊的事物有所認識. 如交通工具, 等.

作者: yannie_lai 時間: 09-8-23 22:45

原帖由 仔仔錫錫你 於 08-9-26 16:54 發表
阿仔學講野較慢, 都係18個月先多d野講, 不過佢pick-up 得幾快!

ABC / 123 / 顏色 / SHAPE 我地係日日都有灌輸.
ABC 教左3日只係A-L, 第4日佢自己守突然爆出A-Z, 應該係平日煲DVD自學.
123 教左一次, 又攪掂, 應該都 ...

wow!! will follow thru your step. my bb can know most of them in English. but not in cantonese. i plan 7-10 days to teach her shape and colors in cantonese. thanks for yr input

作者: MAMAMEEE 時間: 09-9-12 22:25

反而我諗緊幾時開始教小朋友父母的名字, 工作, 佢自己喜歡的野? 下年考K1要問啦?

作者: kerkermui 時間: 09-9-12 22:58

原帖由 MAMAMEEE 於 09-9-12 22:25 發表
反而我諗緊幾時開始教小朋友父母的名字, 工作, 佢自己喜歡的野? 下年考K1要問啦?

I teached my boy his name together with our names before two. Job is more difficult.. both of us are not the very common ones.

作者: MAMAMEEE 時間: 09-9-13 10:41

原帖由 kerkermui 於 09-9-12 22:58 發表

I teached my boy his name together with our names before two. Job is more difficult.. both of us are not the very common ones.

Long time no see lar..., Kerker, do you teach your boy on the parents' names,etc., in Eng or Chin or both.

作者: sp030016 時間: 09-10-1 11:07

形狀先應該好d，

因為認形狀可以具體d去教小朋友呢個係咩形狀，

可以比唔同既野去摸下，例如圓形同方形都ok，

因為兩者分別比較大，就會易d比較。

如果學後之後可以再用一d教具，

例如果d要同形狀既野先入得去既箱。

排第一係因為我覺得小朋友觸覺既發展會比較快。

之後就應該教小朋友認顏色，顏色係著重係個視覺發展方面，

教d常見既顏色就ok，

可以用紅、橙色(橙，蘋果)生果比佢地認，

又可以重溫返形狀。

字，可能係需要進一步的視覺發展先學到，

數字形狀簡單，而且數字都常見過英文，所以學數字先好d。

最後就係學英文。

最可能能利用遊戲/活動方式去教佢地，

佢地先係特別深刻，如果係特別開心，

佢地重會要求玩多次(重溫)，

令小朋友發展到自動求學的精神。

作者: 天賜小公主 時間: 09-10-5 13:29

提示: 作者被禁止或刪除內容自動屏蔽

歡迎光臨教育王國 (/)