BB 初初學大人講嘢，「依依牙牙」估唔到佢哋講咩個陣真係超級可愛，到聽到佢哋第一聲「爸爸、媽媽」後，甚至乎想感動到喊出嚟！不過，當BB愈嚟愈大，都仲係只識講單詞或仲係牙牙學語階段，作為父母真係不其然地開始擔心，近日亦有網民話囝囝已經24個月，一直同佢講嘢，佢都唔學我講嘢，淨係講bb話……

究竟寶寶係咪語言發展遲緩？係咪要帶佢去睇醫生做檢查？

更多文章：【教育方程式】子女長不大是父母之過？3個原因無法獨立

語言發展係一個好複雜嘅過程，會受到好多因素影響，從遺傳、環境、接觸嘅語言種類、口腔運動功能到個人氣質等，都同寶寶語言發展嘅狀況息息相關。根據衛生署兒童體能智力測驗服務所定義嘅語言發展遲緩，兒童在指定年齡仍未能達至以下表現，就可能被界定為語言發展遲緩 。

幼兒約在一歲至歲半便開始講以名詞為主嘅單字，例如：「爸爸、媽媽、車車」等。到兩歲就可以將詞彙組合，例如：「媽媽抱抱」、「坐車車」、「食餅餅」等。兩歲至兩歲半便開始說出更豐富嘅詞語和完整句子，例如：「我好飽」、「陪我玩」等。若幼兒到一歲半仍未開始說話或比同年齡的幼兒發展慢，便應及早尋找專業的協助。

更多文章：【教育方程式】爸爸陪讀比媽媽效果好3倍！拆解3大好處

不少言語治療師和文獻都指兒童語言發展遲緩其實有明顯嘅特徵，家長可以多啲同囝囡溝通，睇下佢哋會唔會有以下4大特徵：

1.經常聽唔到父母或其他人嘅說話，不論對說話或聲音都無乜反應。

2.拒絕模仿家長/成年人嘅說話，甚至連口形都唔會學。

3.好少會同父母或其他成年人有眼神接觸。

4.理解和表達上比其他同齡小朋友發展差，例如唔明白大人問嘅問題，唔能夠按指示行動等。

兩歲到六歲係兒童語言發展嘅黃金期，係呢段時間兒童學習語言嘅能力最快，愈早接受治療成效便愈大！