嚟咗澳洲咁耐，特別係頭幾年，都真係好掛住香港嘅嘢食，加上柏斯十年前真係好落後！但係呢幾年真係發展得好快，連香港好流行嘅Bubble Tea都有，仲要有好多選擇！
更多文章：【幾個移民媽】美國「天才班」老師大讚串錯字：最怕學生不敢犯錯
十幾年前嚟澳洲生活，最唔習慣一定係啲商店嘅營業時間，加上唐寅舖賣嘅嘢選擇又少。依家就唔同晒啦， 除咗有開到九點鐘嘅超級市場之外，買生果、蔬菜仲好多選擇，我媽咪喺香港過嚟仲話啲嘢又平又新鮮，就連香港平時食開嘅菜，依家呢度都有得食啦！
其實呢到澳洲唔習慣嘅仲有假期冇得去商場行街，但係多咗嘅就係朋友嚟屋企一齊嘅時間，大人有大人麻雀耍樂，小朋友嘅梗係玩到癲曬！
更多文章： 嚮往澳洲大自然 港媽為仔女儲錢移民
唔好以為外國地方冇生猛游水海鮮，以前好多朋友話要返香港先食海鮮喎。其實依家外國好多嘢都有得食㗎喇，睇吓澳洲啲魚舖幾多嘢買！媽咪話香港好貴嘅紅衫魚呢度平到笑喎，游水石斑都係50蚊條，新鮮游水龍蝦都只係20蚊隻，鍾意食海鮮嘅人依家唔一定要去西貢食㗎喇！
【編按：以上內容為作者之個人意見及立場】
