英倫系列5 - 足球文化

英倫系列5 - 足球文化

我今次先跳過其他話題，講英國足球文化。為什麼講這一個先？係因為这三個星期見到幾批大學同學及朋友，竟然冇一個在英國看過現場足球比賽。

英國的足球文化跟香港完全不同，兒子在英國生活及工作順利，跟透過足球融入社會非常相關。

他今年在Fantasy Football 在公司的 league 已經贏咗36/37，全面壓倒性勝利，未來週末打完最後一場，咁就可以攞冠軍，其他人請佢吃飯飲酒。全球過几千萬人玩FF，他是前2000名，

他安排我看了4場英超現場比賽，第一場在Whitehart Lane 睇熱刺對曼聯，第二場在Emirates Stadium 睇兵工厰對車路士，第三場 London Stadium 睇韋斯咸對曼聯，第四場睇兵工厰對白禮頓。他就門劵已經用不少錢，特別是第二埸，我坐VIP 席，有酒飲有嘢食，也有live band ，真孝順。

我最初擔心比賽日鐵路罷工，他表示如果倫敦當日有聯賽比賽，那一段時間及路線不會罷工的，因為得罪不起球迷，影響公眾支持度。經歷過三個星期觀察，他是正確的。

由於他看過超過50場現場比賽，大部分倫敦球場都去過，他知道什麼時候出發，走那條地鐵線，那一個站及步行路線，都瞭如指掌。部分球隊在開波前有特別打氣儀式，他會預先通知我攞定手機用Video mode 去影。

通常都係15分鐘前入座，我們都係坐主場球迷席，所以不能俾主場球迷見到你支持作客球隊，所以主場入波一定起身拍掌，就算射失都拍掌支持，作客入球要含蓄啲。

作客球迷就多數2、3千人，被保安重重包圍，特別在完場前後，避免鬧事。曼聯作客比賽，有旅遊巴士接送，指定出入口，戒備森嚴。他們的啦啦隊又真係好齊心，人少聲量大。

倫敦打吡完場，他帶我去酒吧，入場要睇主場球迷證，因為酒吧有分接待主場或者作客球迷，不會混在一起。我們冇飲酒，只是逛逛，多作瞭解當地球迷。

最後一場兵工厰主場輸大比數，主場球迷未完場已經離開球場。我們步行去地鐵站見到白禮頓球迷也是行去地鐵站，不是坐旅遊巴，我覺得奇怪，不怕鬧事？他解釋白禮頓球迷球球品好，也不會鬧事，而且今日對方完勝，輸得心服口服。

這場我們看到最後，當時球場少於一半主場球迷，完場時，主場球迷起身鼓掌。他問旁邊球迷心情如何，他回答今日白禮頓打得比我們好，係完勝。今年戰績是最近10年最好，希望明年再接再厲。

曼聯兩場作客成績差強人意，但完場的時候作客球迷都起立鼓掌。我現在才明白為什麼每隊作客隊球隊完場之後，到那邊看台感謝作客球迷支持。

我問兒子他能不能去睇兵工厰作客，他說如果買主場球票可以，但作客票非常難買，起碼有十多二十年季票紀錄死忠球迷才有機會。

他安排我看兩場兵工厰主場，但座位完全不同，見到球迷的社經地位完全不同，投入程度也有分別。票價越平，投入程度越高，可以全場不斷係度chant，支持主隊。

每次周中比賽，兒子都會準時放工，我們先吃一點东西然後入場，有一個小插曲，每次去買啤酒，工作人員都查他身份證，他都好無奈，我說下次等我去買。

不論開賽前，完場前，買酒的地方大排長龍，觀眾席場內不能喝，只可以在觀眾席外面飲。倫敦不少球會係Camden beer 或者Brewdog支持，他帶我們去Camden Town 參觀Camden 的 brewery 。

最後他問我滿意這個安排嗎？我說非常滿意。他再說安排三個星期四場比賽門票係非常困難的事，因為是季尾，門票非常搶手，爭冠及留級都會打崩頭。只是我的門票，我估計他用了幾佰鎊。

最後一場坐地鐵回 Canary Wharf，我出閘時Oyster card 有問題，他叫工作人員幫忙，對方開口就係「Sorry for your lost!」，因為阿仔有兵工厰頸巾。對方見到我就同他說「 I don’t mean your dad。」 他說「 I know，will be better next season.」  如果冇幽默感，又以為俾人歧視！