兒子完全不肯閱讀, 應如何處理?

mj

我的兒子今年7歲升小二, 小一成績不好, 還發覺他完全不喜歡閱讀, 每次看到一堆的字第一個反應已是抗拒及反感, 有一次他竟然於圖書館書架取下2本書然後立即對我說"我不會看字的"才座下來打開本書, 其中一本根本是玩迷宮的沒字的, 做閱讀理解我要用手指續個字指着他才會跟着看, 我手指離開了他又不會看, 請問我應如何處理, 請各位家長給我一些意見, 謝謝............


  

mj

我有唸故事, 但他有興趣就聴, 無興趣就叫我第日先講喎....

HuiTung

有些書是給一些我們叫reluctant reader 的小朋友讀的, 大都是與他們興趣相關或較剌激的題材, 妳可找下.  我試舉一些, 看看有沒有用.  關於用手指指著讀, 妳可要多點訓練他自已用眼晴看字讀了.  先由一些短淺快讀完的故事開始, 等他多些satisfaction.

Lego readers series (可先從Level 1開始)

SK1

小朋友是否有閱讀困難?如果有,咁妳可能要去政府部門度做評估.
如果想改善,可以試閃咭法.先把課文他不會的字寫在咭紙上.每日給他看數次.不出十次,小朋友已經會認得.跟住妳再同仔仔一齊看課文.遇到認識的字他一定可以讀出來.每次看完課文後,一定要讚他.待他回復信心.再來讀下一遍.妳可以試下這個方法.
因為小女尚未上小一,常識英文課本有很多深字,我都是用此方法.現在她可以看到常識英文課本數頁.其它不太難的故事書己可以自行閱讀.

Easy媽咪

想問問妳如何放閱讀書本架?
選擇故事書是妳選還是他選擇的?
如果他選擇左, 妳會唔認同嗎?

我有2個仔仔, bb幾個月大就開始書本當玩具放在一起, 晚晚睡前陪讀, 平時帶他們行書店or 圖書館. 他會用自己零用錢買心愛書本, 我覺得在這種方式很成功.
現在我大仔8歲, 已經睇緊小說式故事書. 細仔4歲也很愛閱讀.     睇多點故事書, 在作文/閱讀理解好有用, 很多詞彙是從課外書找到的.

mj

故事書本通常放於桌上, 都是他自己於圖書館借回來, 但好多時都沒有真的看過就還書了, 我通常都會說本書好得意喎, 你找時間和我看呀, 他只回答好然後催他很多次也沒有下文囉......

Easy媽咪

係咪學校要求小朋友要從圖書館借回家?
唔緊要啦, 一定要定時陪佢陪讀, 慢慢佢會好有興趣, 唔理多字or小字, 睇睇下, 佢就會定左自己喜好架喇!   

Ms.ChanChan

mj

那你和你先生自己又是否喜歡看書呢？

每日訂下一個閱讀時間，開始時只需短短的15-20分鐘，關了電視機，收好玩具，可以全家一起閱讀一本書，亦可以各自揀選心愛的書本閱讀。 不要太介意本書有幾多個字，當小朋友培養出閱讀興趣後，他自然會揀選適合他的書本。

言教不及身教呀!

eeyore0511

'有一次他竟然於圖書館書架取下2本書然後立即對我說"我不會看字的"才座下來打開本書'

其實會唔會係你平時哦佢'你睇多D文字書啦'之類嘅說話，佢先會咁反應呢？我個仔以前都係咁，唔鐘意睇書，後來我唔理佢，我自己借咗本有少量文字嘅書，坐埋一邊睇，邊睇邊話'哦！嘜咁嘅？咁得意喎！'基於好奇心佢會問你做嘜，你就引導佢睇落去，慢慢佢就冇咁抗拒。但你真係要比D時間佢，等佢領略閱讀嘅樂趣。呢D係我嘅經驗，所以想同你分享一下。
:  :

GloriaChung

HuiTung

Where are such LEGO books avail? TY

I have a PM for you .

eviepa

可以讓他看看漫話，如多拉A夢等，關鍵是投其所好，很少小孩連這類書籍也不看。

千萬不要把漫話看扁，亦無須理會是否益智，鄙人的中文根基便是從老夫子、龍虎門那裡打造而成。總之，抓到老鼠的便是好貓。

Ben2003

抓到老鼠的便是好貓。

My son > approx.

K2 老夫子

P1 數碼暴龍漫話

正經書沒興趣看.....


NOW P5 書不離手(全部字的書)，週不時叫佢睇少一陣都唔得，搭 MTR 人迫都睇，搭 lift 一分鐘都唔放過睇書，食飯又睇......嘔血......

閱讀是很有樂趣的，７歲，慢慢黎。

aunt___kelly

你可以嘗試聯絡博思會，他們或者幫到你。
2006 暑期課程及活動   (中文授課)
(1) 中文課程 - 讀書樂 (初階) (對象：初小學生)

雖然現在報暑期課程已經太遲，但你可以問一問他們九月份有否新課程，他們有特別方法協助學習障礙或專注力不足的學生。

博思會

Umi

我唸你有時要同佢解釋點解要讀書囉, 我同個囡講讀多D書係要將來要幫有需要既人, 起碼D阿婆唔識睇信你都可以幫下手，但字都唔識點搞呢?　唔知咪細細個已經有咁講，所以佢認中文字都ok. 而且，我會同佢講所有字都好得意，加ｄ野或減ｄ野都唔同意思，我仲同佢講英文仲淺，全部都係２６個字既組合，根本唔難，咁佢就會有ｄ信心囉！

另外，可能你個小朋友對識字既好處不了解，你每出街見到字你就解釋如果你識字你會點點點．e.g. 男仔喜歡車，你可以同佢講下，駕車時如果你唔識字，咁你點知睇路牌、點去到你想去既地方呢！咁佢認識深左，我唸會好好多．

eviepa

Umi 寫道:
我唸你有時要同佢解釋點解要讀書囉, 我同個囡講讀多D書係要將來要幫有需要既人, 起碼D阿婆唔識睇信你都可以幫下手，但字都唔識點搞呢?　唔知咪細細個已經有咁講，所以佢認中文字都ok. 而且，我會同佢講所有字都好得意，加ｄ野或減ｄ野都唔同意思，我仲同佢講英文仲淺，全部都係２６個字既組合，根本唔難，咁佢就會有ｄ信心囉！

另外，可能你個小朋友對識字既好處不了解，你每出街見到字你就解釋如果你識字你會點點點．e.g. 男仔喜歡車，你可以同佢講下，駕車時如果你唔識字，咁你點知睇路牌、點去到你想去既地方呢！咁佢認識深左，我唸會好好多．

我有相反的看法。

要教好小孩，必先了解兒童的特性，不然的話，只會吃力而不討好。

每100 個小孩中，最多只有三幾個會有像樣的成就動機，會對這類的說教有感覺，會照辦。 其餘絕大部分小朋友，除了覺得是一些不快的噪音外，根本起不了絲毫的作用。他們只顧做喜歡做的事，對於重要但沉悶的事只會避之則吉，所以灌輸這些道理，無異於對牛彈琴。

教導小朋友，最重要是順應其喜好。若然希望他們閱讀，適宜由漫畫、Picture Book 開始；若然要學英語最好由 play group、VCD 做起點，慢慢過渡到更高層次的工具，每個階段都儘量尋找較有趣味的才能調動他們的積極性，達到事半功倍的功效。

若天天跟他們說教，晚晚曉以大義，不但於事無助，更徒然惹來子女的不滿，影響親子關係，不可不察。

eviepa

Ben2003 寫道:
抓到老鼠的便是好貓。

My son > approx.

K2 老夫子

P1 數碼暴龍漫話

正經書沒興趣看.....


NOW P5 書不離手(全部字的書)，週不時叫佢睇少一陣都唔得，搭 MTR 人迫都睇，搭 lift 一分鐘都唔放過睇書，食飯又睇......嘔血......

閱讀是很有樂趣的，７歲，慢慢黎。

先給他一些甜頭，等他上癮，讓他泥足深陷，不能自拔。慢慢地，老夫子、數碼暴龍漫話根本唔夠頂癮，怎會不自動地看多字的書呢？:evil:

攻心為上！    

yayaya

其實閱讀年紀最好由細開始。我記得我阿仔K2開始睇老夫子，遇到佢唔識睇

cameo

我女都係7歲,但絕對談唔上好鍾意睇書....
以往喺圖書館,發覺佢好快揀到一本書,跟住好快唔想再睇,寧願坐喺度,,,因為佢唔識揀一本啱佢o既書,佢只靠自己喜愛o既卡通人物去揀,所以多數一手揀本公主書,但入面可能非常多文字........
後期,我只會由我去幫佢揀,先問佢想睇邊一類書,當然佢當時都係答我"公主",咁我就從好多公主圖書之中揀一本文字唔多,但圖畫靚o既圖書俾佢睇,,,,,先由佢諗自己想睇邊類,再由我去幫佢搵.....慢慢已經唔單止叫我搵公主書,而係從日常生活上佢某d唔明白or想知更多時,就叫我幫佢搵有關書籍(例如火山,海洋動物等等~)
呢個暑假,我好想佢試吓感受一吓"一本書o既文字其實係比圖畫更精彩".....
所以喺屋企搵左一本以前人地送o既圖書出嚟(呢本書大約for 10歲或以上),係一本經典童話~每日揀一個最合適o既時候(沖完涼,瞓覺前,呢個時間平時係無得睇電視,沖完沖即入房瞓,所以佢個心一定無諗住個電視),起初我讀出整個故事,(其實由我去讀都要30分鐘先讀完一個啊),佢聽完會好滿足咁去瞓,慢慢我讀出一個故事o既大部份,同佢講結局我聽晚先會再讀落去,但佢未瞓可以自己睇多一陣書(任何書都可以.,我無指定佢睇邊一本),佢當然忍唔住自己睇埋個結局了.....
今晚佢瞓覺前自己睇左一個故事(我估佢都喺房睇左45分鐘了),重好開心咁叫我得閒一定要睇呢個故事,佢話故事入面個小朋友好得意.........
我自己都覺得一點好重要,無論係點,家長唔好諗住用咩方法令小朋友閱讀到幾多本,而係搵一個方法引佢自己去打開本書~
若果小朋友真係對一般故事書毫無興趣,你都可以考慮選擇兒童雜誌入手,因為我女間中都喺圖書館入面揀嚟睇,我見入面其實d文字都唔係口語化文字,都ok,最緊要係文字及意識良好就由得佢睇都無所謂啦~

beauty

有檢查過視力嗎?
他可能是近視或散光了, 於是看書就容易疲累, 久而久之就無興趣看書看文字了