惡夢 ~ 請指教

E.Y.

近日有一親戚來电向我求救.  她女女小學(普通津校, 不是名校)時時保持係全級2x名內, 也很乖巧和聽話.   去年她順利地派到第一志願一所傳统教学的英中升F.1. (請不要問我是那間英中, sorry!!).

惡夢卻慢慢開始.  她女女升中后, 学習態度180'大變,   無心向学, 測驗学人出貓+偷食煙.    親戚夫婦兩人

Sindy

佢囡囡可能唔適應呀,又可能身邊d同學都好叻,佢有壓力,咁咪群埋唔係讀書果堆囉

E.Y. 寫道:

題外話 ~ 何解乖乖女可在短時間變成這樣???   成長反叛期真是這麽可怕???   相信未到我自家2小朋友升中, 我可能已嚇呆了

人一個~

睇到你講話24小時人盯人管住個女~比我見到佢既行為更   因為人盯人咁做好傷害大家之間既感情,佢重要係反叛期tim..心態開始有d唔同,覺得自己係大人,唔太想別人去管~而咁樣做,正正就係令她唔開心+變本加厲既原因~
冇一個人鍾意俾人地管住既...我覺得,都係搞清楚件事先,同佢好好溝通一下,再好好相處~咁樣..就算說起教黎,反應都冇咁大呀...大家係一個咁既情況,大家都唔會開心~
同埋都要知點解佢會係咁呀?係唔係有朋友教壞佢呀?
定或係佢唔適應間學校呢?單憑你上面一d既描述,好難講可以點樣去做~
人最後都要靠自己,佢自身既間題唔解決,去到邊都係一樣既~
但係,轉下環境都未嘗唔係一件好事~
sori>..講晒d題外話tim-w-""

當媽

首先，慢慢了解小女孩心事，急不來。最差咪留級或轉校，都好過無得傾。

william28

當媽 寫道:
首先，慢慢了解小女孩心事，急不來。最差咪留級或轉校，都好過無得傾。

我都贊成"有得傾"先, 考慮吓唔好再跟佢, 大家有空間, 先有得傾, 佢避得你地時, 你地又要想計仔再跟, 想想!

CHUCHU

實在聽尼d case 好多,身邊朋友一個一個都咁講,話自己細路上咗中學性情大變,就算成追得上,與父母關係都好差,甚至朋友須要食精神病藥放鬆(有d媽咪仲日日以淚洗面),個細路係小學又係好乖,成績中上,仲好孝順,去到中學(名英中)就轉曬,呀媽接受唔到,係尼個時候係呀媽要見社工,接受輔導,學識到如何與反叛期青少年相處,咁關係就漸漸好轉,咁反叛期好快咁就過咗啦! (我地做媽咪係小學時候,可以將細路控制係手裏,一旦佢地開始長大到脫變,又真係好難適應同接受.   

大家都要有心理準備接受小朋友在成長時期的轉變 (我都要常常緊記提自己 )

*JackMon*

我想其實她現時的行為只是一種表象, 她用這些行為掩蓋了她心中的憂懼. 可能因為升上中學後, 未能保持以住在小學時的憂勢及成績, 給其他叻的同學比下去, 學校可能也給她很大的壓力及不適應新環境等等.

不要只針對她的行為, 要明白她的煩惱, 要對她表示關心, 然後慢慢溝通, 要讓她覺得被接受, 被瞭解, 讓她覺得被關心, 與她溝通時, 切忌發怒, 過於激動, 以免影響溝通的過程及結果.

E.Y.

多謝各位意見.  由於我不懂中文打字.  請容許我"反應慢"+夾雜英文回覆   tks.

其實親戚女女在小六中下期已開始变.  開始在課堂上搗旦, 引人注意......學期尾尾操行亦跌至C.   當時, 親戚夫婦發現女女常跟一群壞細路一起, 球塲溜躂.  她爸爸唯有出"24 hrs" 人盯人+ 親自接送上學, 希望隔絕她與壞朋友來往.  Actually, I don't buy this idea at all.   I've tried to persuade them not taking this passive idea.   In stead of it, I've suggested them to:
- provide more private time to their daughter & her new classmate.....
- held some function at home, and ask daughter to invite her friends/classmate to come/join in.
- create more family-gathering fun time/out going activities with daughter during weekend.
- just keep listening to her daughter, and don't give too much their comment .

Up to now, 我相信親戚除了要找中學收留女女外, 最票緊要留意女女心理發展, 多加輔導.  In past 2 weeks 親戚女女 used to say to her mami "she will not go to school once she reaches 15yrs old.  She wants to find job......"  Oh, my God  !!!

我亦打算跟你們所說, 叫親戚儘快找社工幫忙糾正女女入回正途.   Pls advise the source how to find a suitable 社工???  我也會把各位意見print出給親戚夫婦参考.

話說回頭, 請問他們可否向官津校碰碰運????  How's the procedure & when should they start to take action???  Which school can they try??? Pls PM me if you can share the data with me.

Chu Chu - Long time no see , I miss your 2 girls!!!  Let's seek a chance to let our kid play together again.  May be after examination week (June 23), feel free to call me anytime !!  

ruby2004

寄宿學校可行嗎 ?

virgokaren

我有個實例，Case 和你親戚女女差不多，不過女孩子只是在 P.6 愛上"拍拖" 遊戲，成績不算大跌，由中等--->中下，小學讀的是英文私校，F.1 派去一間普通津中。

一直是乖乖女的她，P.6 的同學中有人拍拖，幾個女仔開始玩"拍拖"遊戲，平時去街都是去一兩個同學家(因為都是女仔，家長以為好放心，原來其中一位有錢女同學，早早就拍拖了)。乖乖女功課一直保持中等，平時也不出夜街，晚飯前一定回到家裡，只是喜歡煲電話粥，由於沒有外出，家人便不以為然。直到有一天，乖乖女和另一位同學失

lingling815

如有興趣可看一看另一topic "反叛期", 其他bk moms之分享, 多數在第6 頁

E.Y.

ruby2004 - 寄宿學校 or 去外國讀書, 我想以此女孩年紀和心智, 現暫不适用?!

lingling815 - 謝謝, 會叫親戚去看"反叛期"一版.

Virgokaren - 你所列舉列子, 也真不皇相讓呀  :wink:!!!  看多了你們的分享, 我心開始寒起來.  除多向你們前輩多吸"育兒"经驗外, 相信我和丈夫日后最好報讀 "兒女成長期"之類講座/課程 (  :wink:唉!!  都係先洗定自己腦, 費事到時比仔女轉变攪到癲!!)

親戚女女昨日放学后, 留校跟classmate做義工.   我猶疑 其實這女孩是否真的变壞, 無得救???

My relative rec'd school notice yesterday.  School will only allow student (who has passed for all 3 major subjects in final exam.) to be promoted to next grade in next school year.  Anyone who fails to keep this academic requirement, the student will only can either get  試升 or repeat.   我叫親戚除規勸她女女多加用功博三主科pass 外,  亦要探測她女女心聲.  若她女女真不願繼續在原校讀下去, 那就應考慮替她轉環境.......  

Cathyneo

我做左初中班主任成十年，見唔少呢啲case，坦白講，好難醫得番。十個都唔知有冇一個可以變好，尤其是變到好似你親戚囡囡咁，已經開到聲話唔讀，通常做咩都冇用，轉去邊間學校都係死，佢自然會係新環境搵番嗰類friend，係等自然流失，即係等佢自己出社會等社會教。
青少年女仔，如果要變壞，係可以好快同好壞，一個暑假返嚟，已經唔同哂。叫你親戚小心呢個暑假，帶得開就帶開，例如返鄉下一個月。中二既女仔仲難攪，在學校串老師，上堂玩野，(我估唔會，因為佢間學校係英中，唔想讀的同學少，冇人附和佢玩唔到，唯有揀唔返學。所以千萬唔好同佢轉校，唔係有新刺激，死得仲快)放學同啲friend去玩，唔返屋企...
不過以上只係治標唔治本的方法，佢唔肯讀，人在課室心不在，你都係迫唔到佢，最多拖到中三或中五。嗰時會定啲，不過係一個讀唔成書既普通青年人，出黎搵份sales工，再慢慢捱。如果你親戚冇所謂就ok啦！
仲有一個斧底抽薪的方法，送佢去外國或中國既寄宿學校，一定要揀嚴同有口碑，等佢斷哂同香港既壞朋友聯絡既機會，至有機會改好。因為留喺香港，你點24hrs監管，佢都會存在一個諗法，(即係有心癮)可以搵方法聯絡啲friend，唯有離開香港，至係真正解決。

哈里波特

Agreed with Cathyneo. 如用最後一召, 長假期千萬不要時常回港, 一樣死. 每次返港唔想走.
如有意向這方面想的家長, 可看看別的孩子的 Blog/Xanga, search "overseas student" "study aboard" or other similar words, 看看留學孩子的心聲及行為才決定. (其實人在他鄉, 都好可憐, 因為呢一群不是為讀書, 而係去坐牢), 當然日後佢地會多謝父母.

Ben2003

覆水難收......

用最後一招啦......

Agree with  Cathyneo and 哈里波特......

人一個~

回Cathyneo的話...我覺得你做老師做左10年的經驗無容置異。但你話做咩都冇用既,十個都冇一個救得番..會唔會..有小小扼殺左佢親戚既希望呢..?咁諗我認我係好天真,但係希望都唔會冇既~如果一個家長抱住咁既心態去"救"佢地既小朋友,會唔會令效果變差呢?
    我好希望佢地真係會同佢地個女傾下,了解下佢真正既想法..都唔好將個問題諗得太嚴重啦,時下好多年輕人都係"無心向学, 測驗学人出貓"既~其實佢地既本性都唔係壞,都冇心真係去做咩壞事既...真係起碼好好傾下,幫唔幫到佢係另一回事,作為家長,明白自己子女的需要同感受都係好緊要嫁~起碼令到個女明白到你關心佢呀~
但係要明白,大人過左青少年期~真係唔係會樣樣野都明佢地既諗法既..小心自己話~我都後生過,我明..黎做一個藉口..子女的話,句句都用心聽..用心去回應啦...BEST WISHES~

luc.7

最近都有聽到女兒小學同學的近況，小學時是精英班的，升到英中後，未能適應，父母不太懂英文，成績一落千丈，升上F.2後更拒絕去補習，上學期尾已開始拍拖....現在的女孩真的令人擔心！

faifaifat

Cathyneo說的不是沒有道理.
我接觸過不讀書的女孩子的心態都是:將來做化裝小姐.sales,做麥當奴,只要賺到點錢扮靚,唱K便可.睇死父母還會繼續給零用錢,更不會踢她出街.
究竟是那一方出了問題?值得父母深思.   

當媽

到外地，要小心分清楚--是把問題解決還是逃避，免得小朋友誤會父母把她放棄，傷了大家感情和信任。
　

寶貝儀

[quote]
當媽 寫道:
到外地，要小心分清楚--是把問題解決還是逃避，免得小朋友誤會父母把她放棄，傷了大家感情和信任。
　[/quote)

Agreed!