為左BB學跳芭蕾舞好o吾開心

sako

BB 3歲,婆婆一直強烈反對BB學跳ballet,因BB第一次試堂怕生cry,婆婆心疼,又說跳舞無用,要學就學琴,(學琴暫時付擔o吾起,我單親 )今日第二次試堂,出門口時婆婆直頭想同我搶B,o吾俾我帶走BB,去到BB一樣照cry,我心好難過,我帶BB去學跳舞只係想BB各方面發展得好d,聰明d,o吾洗日後好似自己o甘,並o吾係想BB有幾o力,幾巴閉,講真,以家個個小朋友都一大堆野學,o吾俾機會佢學我覺得我衣個媽媽o吾稱職o羅,但係BB次次初報到都cry,但一陣又無野照跳得好happy,我根本分o吾到BB究竟鍾o吾鍾意ballet?今日跳果陣仲因為無著跳舞鞋而太跣仆到塊面腫左,我同BB一齊cry到收o吾到聲,好傷心,好似所有野都係我迫BBo甘,婆婆鬧,阿姨又鬧,連工人都叫我o吾好帶BB去跳舞,但我男友就叫我o吾好放棄,佢話BB仔係o甘,跳多幾次就會好enjoy,叫我就算做衰人都要做,但我好o吾開心,好難受o羅......... :cry:

mfkhung

Don't be up set. In that case, it might be good to take a break instead of carrying on.

SUSANNA

3YRS 就真係細左d, 我女都係成4yrs 先學, 或且你依家比佢學其他野先, 大少少先學ballet.

cherriemama

Hi sako,

你唔好咁唔開心啦!我完全明白你對女兒o既愛!!!我諗而家最重要係要知道你囡囡因咩事要喊,究竟佢上堂開唔開心?鍾唔鍾意跳芭蕾舞?你可以直接問下佢o既感覺,如果佢話唔鍾意,我覺得就無謂繼續,勉強迫佢棧弄巧反拙!但如果佢喊係因為怕陌生環境,唔捨得同媽媽分開,你就要再嘗試鼓勵及支持佢,例如叫佢試下跳俾你睇佢上學o左d咩,讚下佢跳得好,叫佢繼續努力!又或者下次買定d佢鍾意o既糖果,同佢講明如果佢上堂唔喊就獎勵佢等等....

我囡囡3歲開始跳芭蕾舞,佢好鍾意呀!開始時冇喊,不過近排我剛放完半個月大假,痴身o左好多,所以呢2次都唔捨得我就有喊,不過我同佢講可以喊少少,但唔准喊好耐,所以每次佢都係喊一陣(~10秒就收聲)!

kayan_329

cherriemama！你女女邊間學...

cherriemama

沙田王仁曼

kayan_329 寫道:
cherriemama！你女女邊間學...

mfkhung

Agres with Cherriemama

sako

我都分o吾到BB鍾o吾鐘意,佢cry完就會跳得好開心架,
問親BB佢都話o吾鍾意,可能婆婆日日都教佢o甘講o拉...
其實好小事,只係得o吾到屋企人支持好灰心遮..
各位都知幫小朋友搵興趣班係好勞心勞力o拉,
仲要俾人鬧,我解釋佢地就話你鍾意o拉,個女係你架o麻....


:cry:

AntheaLin

SAKO
好同意cherriemama的看法, 小朋友自己ge喜好...好難捉摸, 我都好怕屋企人話我迫個女學o野, 尤其是佢一喊....99實鬧....跟住老公再鬧, 你話我幾慘 媽咪應該冇99咁難頂

我囡囡3歲, 兩個月前我逢sunday同佢去葵青劇院睇d姐姐學ballet, 冇叫佢學, 近兩個星期囡囡自己時不時模仿ballet的動作, 前日佢同我話好想學, 我冇應承, 怕佢一時貪玩, 我返問佢好多次, 佢反而好似好想學! o岩o岩見到佢又扮拉gun, 決定同佢報名.....睇下會唔會比人鬧

sako

AntheaLin:
係既,我自己阿媽至多o吾理佢,
你奶奶老公就難搞d,要耐心d同佢地講,
跳舞其實對bb發展係好既,
我兩樣都無,
但就有個老媽子/妹/家姐/表姐同工人日日單打我,
好似今日用左$500買d舞衣鞋等等,又俾佢地鬧o拉,
雖然我都覺得貴左d,但要學就要買架o拉,
佢地以家一單打我我就扮聽o吾到,o吾理o吾解釋,
cherriemama話頭,BB既然只係因怕生而cry,
我點都o吾會放棄架,今日買左裙,
BB係屋著住跳舞o吾捨得除tim,
婆婆見到都笑,無再鬧我了
既然因我而令bb無左個dad,我想要做個合格既媽o米,
令bb係開心快樂富足既環境下長大,多點課外活動我相信能令bb身心發展得更好

AntheaLin

我點都o吾會放棄架,今日買左裙,
BB係屋著住跳舞o吾捨得除tim,婆婆見到都笑,無再鬧我了 <<咁味好law
我想要做個合格既媽o米,令bb係開心快樂富足既環境下長大,多點課外活動我相信能令bb身心發展得更好 <<共勉之

琬晴B

sako:

見你咁為囡囡設想,你點只係"合格媽咪"呢?努力啊!     

sako

多謝o西您地~

janetc

HI sako,
我囡囡上k1時,我問她想學甚麼,她即時答想在學校學跳舞,我亦替她報了名. 還記得她穿著問高年班同學女媽咪送給她的跳舞裝束,她真的不願除下,樂了幾天,天天都要著一著給她的fans看呢. 現在,我叫她跳給我看,都是見她左彈彈右擺擺,還要我陪她一齊bow a boat(即大字馬壓腿),難倒我呢!
唔好輕易放棄,不久她定必樂在其中.

sako

janetc:
可惜我個o吾似你女女o甘識表達自己o尼,
可能我陀佢時哭得太勁,bb出世個樣十足苦瓜乾o牙,
又o吾識o咸,成個逆來順受look o甘 ,
以家性格係o吾出聲,o吾合群,連老師都投訴,
所以希望bb多d團體活動,接受下其他人o拉...

龍馬媽媽

hi sako,
你試下同佢玩親子playground及多d帶佢到公園同其他小朋友玩, 可改善合群, 但記住你要係身邊伴住佢, 等佢慢慢有信心!

ema

sako,

我想問下你女女係咪只係在學校o吾出聲, 但係屋企出聲? 還是在家都唔多出聲?小女在學校也是較沉默的一個, 但在家就講過不停!!!

kayan_329

sako~你多d同你bb講野同佢玩o下啦... 帶佢去d公園玩o下d千秋...滑梯啦.... 之前中學食lunch同d同學都有玩 玩到講野超大聲...係收唔到聲果隻tim ar...

sako

係o阿,係屋企對住熟人就會o且jel jel講過不停,
出到街/學校就完全相反,o吾出聲o吾理人,o吾聽大人話,
老師係投訴得好緊要果隻,
仲話從未見過小朋友可以硬頸成o甘,
就連婆婆湊過8個BB都話o吾明點解E個女軟硬都o吾受,
好難搞,叫我第時小心d睇住佢,
我都好擔心,都o吾知點做好,
bb連見到我都o吾多出聲(我o吾係成日見到佢)
前日我,bf同佢出街佢居然大大左都無出過一粒聲,
問過老師要o吾要帶去睇心理e生,老師又話睇定d先,
其實日日都有落公園玩架,但o吾會合群,
自己一個都可以玩到好開心,當小朋友玩左佢個sir-
滑梯時,就會o卑實佢,然後趁機會推開佢lor,
我都有解釋佢聽要一齊玩,但佢會擔天望地點都o吾肯望我架,
我知可能我本身都o吾多出聲,而且懷孕時經歷太多痛苦,
搞到bb怪怪地,我bf話一脈相承o咼,
我見到bb時都盡量笑and講野架,
我真係好努力架,我自己本身都係單親家庭下長大,
完全明單親好慘,
我絕對o吾會要BB個童年似我o甘

kayan_329

你慢慢同佢解釋到明啦... 何況佢仲細... 佢唔o岩就話比佢聽應該點做先o岩...佢做得o岩你就要鼓勵佢啦... 祝你同你BB都幸福生活!!